十八座狗仔粉

堂食外賣都係用同一款外賣碗，外賣多個蓋收多$1，俾人感覺好差，難怪都幾多差評問阿姐點解外賣得咁少，阿姐話公司規定每碗裝7成，已經俾多咗你喇小姐，聽到真係火，阿姐如果你講得出7成，即係可以量化，請問成隻碗嘅7成即係幾多克？你有無拎個砰出嚟砰俾我睇7成 😤咁差嘅服務態度，咁差嘅食物質素(好油膩好勁味精食完好口渴)，係呢個時勢咁做生意🤔 唔好幫襯好差好差好差垃圾垃圾垃圾重要事情要講三次…查看更多

本身今晚約咗人去尖沙咀食沾麵🍜，點知原來執咗笠。夜麻麻一時三刻唔知食乜好，咁就不如食狗仔粉啦，開得夠晒夜可以慢慢食。通常我都係食火鴨翅嘅，今日比較肚餓，就叫多隻鴨髀。朋友未嚟過呢度，所以我就介紹佢食招牌嘅狗仔粉。另外叫咗個黑白炸丸同埋魚皮餃share😋😋🪿我鍾意食火鴨翅係因為覺得佢足料啲，而且濃味啲。佢入面有冬菇有火鴨絲同木耳，食落口感十足。而且佢仲有菜譜可以比我自由加到食物之中。火鴨髀嘅話我就叫咗上髀，其實不嬲都唔明上下比有乜分別，唔知道點解兩個價錢會唔同。我自己覺得食落口就真係好似差唔多啦。🐩之前都有食過狗仔粉，但係由於我本人比較唔鍾意食澱粉類，所以少食。狗仔粉個湯底用咗冬菇同其他材料，所以食落都非常清香。🥟魚皮餃重點在於佢嘅醬汁，呢款係18座秘製嘅醬，出面絕對食唔到。香濃嘅醬汁，加上具有油甘香嘅魚皮餃，絕對係Perfect match。另外黑白炸丸煲炸得非常香口。黑係指貢丸。白係指墨魚丸。雖然好油，但係粒粒都就到脹卜卜非常美味。雖然而家都已經貴過以前好多，兩個人叫咗咁多嘢食，仲有飲品先至係百幾蚊，作為宵夜真係一個好唔錯嘅選擇。❤️…查看更多

夜晚想搵間嘢食宵夜，咁啱經過，見冇乜人就入咗去點左招牌鴨翅，上菜好快但分量少… 個翅好鹹，基本上乜味都食唔到，而且杰tat tat ,個texture好奇怪.. 諗住豬油渣招牌食物，加埋錢買豬油渣，點知係有幾舊已經淋左…鴨翅加埋個豬油渣夾埋4x蚊… 食完覺得性價比唔高…查看更多

相信對好多香港人嚟講，狗仔粉都係一種懷舊嘅食物，但係佢歷久不衰，直到今時今日都仲係可以保持住嗰一股味道，仲要廿四小時開放，真係無時無刻都可以食到啊。招牌狗仔粉 🐶小熊貓食狗仔粉，就最鍾意加菜脯，呢度最好就係可以無限加菜脯，有辣有唔辣任君選擇。香濃湯底加上軟糯粉仔，簡直係小熊貓宵夜之首選。飛天上髀 🦆如果唔夠食，仲可以加多隻鵝髀，手掌咁大嘅燒鵝髀，啖啖肉簡直啱晒大胃王嘅我哋。鍾意啲肉腍啲嘅可以揀上髀，鍾意彈牙肉質就梗係要揀下髀啦。…查看更多

極失望十八座狗仔粉極失望十八座狗仔粉極失望十八座狗仔粉話說正餐食唔飽，諗住去拮魚蛋燒賣咁啱見到間十八座狗仔粉，香港人開又攞埋《米芝蓮》應該OK，估唔到佢係差到一個點...17蚊8粒魚蛋，價錢唔算平，少辣多蔥，原來多過3粒蔥叫多蔥，紙兜裝賣相平平，食落口嘩...陳皮魚蛋照樣煙韌但冇哂鮮味，得個 「辣」字，少辣原來係十級辣。17蚊7粒燒賣，睇落幾大粒，食落成pat野咁，好似用滾水蒸咗48小時，我開始唔知自己食緊乜。低處未見低，38蚊極失望狗仔粉出場，首先非常細碗，其次D粉真係好粉＆好腍，十足十煮咗成個鐘頭比老人家食嘅烏冬咁，食咗兩啖就冇再食，真係唔識欣賞。…查看更多

好耐冇食回味一下叫咗火鴨翅同狗仔粉火鴨翅：味道保持到仍然好味而且好多料，不過好傑明顯比以前多咗粉，同埋今次食個翅唔夠熱狗仔粉：狗仔粉ok好味，不過佢加多咗菜葡有啲鹹個辣菜譜就真係不得了，唔加覺得對唔住自己，辣到滿頭大汗都要加～不過尖沙咀舖真係好細，好逼，啲人傾計又大聲……查看更多

細雜燴：原味大腸、五香豬肚、清湯豬皮、鮮甜蘿蔔⭐️⭐️何解什麼都灑蔥花呢？大腸肥美彈牙、豬肚甘味不爽、豬皮白烚靠汁吊味、蘿蔔無味帶渣。辣魚蛋⭐️⭐️以為濃味咖哩可以掩飾到陣陣魚腥實在太天真！結實嚥韌不過不失。狗仔粉⭐️⭐️水汪汪稀稀的湯汁，不過入口香濃。粉仔半溶黏口黐牙散碎，不喜歡。火鴨翅⭐️⭐️超級厚杰漿住，肉味特濃，食不到其他味道。飛天火鴨髀⭐️完全無羶味，鴨皮焦香而半爽，鴨肉過份結實未到嫩滑緊緻，醃味清淡，味道來自於火鴨翅。飛天原來解作鴨上庄的鴨膇，可以稱髀嗎？以我由細到大的認知，雞上髀係雞下庄雞髀的上半部份，每次食家鄉雞都只食雞上髀！…查看更多

尖沙咀雖然係個不夜城，但係夜晚宵夜真係冇乜特別太多好嘢食，我同朋友嗰日去諾士佛台飲完酒，就揀咗呢一間我諗大家都食過嘅十八座狗仔粉！夜晚嚟講都幾多人，凌晨時分都要排隊！✔️狗仔粉，個人嚟講可能太耐冇食有少少鹹覺得，但係飲完酒梗係要食啲熱辣辣嘅嘢！加少少胡椒粉更加好食，另外叫咗一個燒賣，佢嘅燒賣加埋辣椒醬真係冇得輸，燒賣熱辣辣，口感都唔錯！朋友就叫咗鴨肉翅，佢就話覺得冇乜太大特別不太推介，整體上我覺得有時食吓都okay!…查看更多

琴晚去食個火鴨翅醋又冇 連一個紙匙羹都要收我一蚊真人真事，珍珠都冇咁真沒有作故仔天地良心火鴨翅味道尚可同埋嗌咗個小豬皮魚蛋都OK不過服務員態度幾好冇醋同埋匙羹收一蚊真係太過分…查看更多

終於明白點解香港飲食業無運行，這一間小店都出了一分力。食物質素每況愈下，最重要是侍應阿姐好似趕客咁，態度非常差，感覺我欠錢無還。位置又窄狗仔粉又無特色，奉勸大家不要幫襯…查看更多

環境不好，衛生一般，味道一般，火鴨翅還可以，魚蛋難吃，又咸又老，服務員態度不好，店裡設有低消，每人二十，沒有達到低消，服務員就讓你補，補就算了，態度不好還在那裡嘀嘀咕咕。…查看更多

呢間食店平時行街都見過幾次，不過就未有機會幫襯下，今日出街肚餓想食少少野醫肚，所以就第一次黎光顧～兩個人叫左火鴨翅、燒賣同魚蛋，三樣嘢中特別要推介火鴨翅，不但止材料足，而且火鴨味道好特別，同一般碗仔翅好唔同，落埋白胡椒粉真係食到停唔到口，好味…查看更多

已經有幾年冇食過呢間小店，今晚有啲肚餓，就諗住買個外賣返屋企食，今次買左個"招牌火鴨翅"$34， 但估唔到非常失望，除咗冇味道之外，獻汁猶太"杰"，而且餐廳服務又差。好難會再回頭幫襯…查看更多

有時收工夜，當宵夜都會喺尖沙咀附近搵間狗仔粉食下，開胃，又唔使食太飽坦白講，服務就唔多批評，只可以講正常。唔會差到發脾氣，不過幾間分店嘅服務其實都有參差好似我呢啲食完就走，就冇乜特別去留意或者批評狗仔粉同細個食嘅粉仔好似，平時如果餓的話或者有其他朋友share都會叫埋翅，同埋魚皮餃。每次嚟到必食嘅狗仔粉，一定要加豬油渣！雖然而家要比$5加，但係都係要加先救滋味同埋勁多辣菜譜。自家制的，好食超級match…查看更多

呢加香港啲舖真係好收左好多，所以政府先話要攪個夜繽紛振興返個經濟，事實上疫情過後，大家生活習慣都唔同左，變左有時想行街，就冇時間食飯；食得飯黎，又冇時間行街。為左可以同朋友周圍行耐啲，決定晏少少食飯，就會幫襯呢間24小時既18座狗仔粉。大家都唔陌生，因為呢間舖周圍都有。今日食左狗仔粉，同火鴨翅，可以自行添加辣/唔辣既菜脯，一碗食量已經非常足，而且味道非常濃香，食飽飽之餘都非常滿足，係我地宵夜之選。…查看更多