十八夢

Meta stages
153
3
1
港鐵銅鑼灣站 B 出口, 步行約3分鐘 繼續閱讀
電話號碼
55667778
開飯介紹
摩登的新派法日餐廳,結合NFT主題產品及現場表演,VIP房更設有5D裝置,為大家帶來嶄新的用餐體驗。 繼續閱讀
附加資料
餐廳分有Regular table , Dining Table area
營業時間
今日營業
12:00 - 17:30
18:00 - 00:00
星期一至日
12:00 - 17:30
18:00 - 00:00
*星期日至四最後截單時間 22:00 星期五、六及公眾假期前夕最後截單時間 22:30
付款方式
Visa Master AlipayHK 支付寶 現金 AE 銀聯 Apple Pay 微信支付
其他資料
網上訂座
Wi-Fi
酒精飲品
切餅費
VIP房
電話訂座
加一服務費
Live Music
前往餐廳網站
http://www.meta-stages.com/
以上資料只供參考, 請與餐廳確認詳情
有關餐廳
Fusion菜餐廳糅合NFT×藝術表演
全港首間結合NFT主題及藝術表演的新派法日餐廳,店內設有9米巨型LED螢幕配合現場表演,而高級私人包廂會以5D形式為食客帶來嶄新的用餐體驗。餐廳更和不同的NFT持有人合作,把NFT產品實體化,推出清酒、啤酒等;加上選用優質食材、以傳統法國菜為基礎的新式料理,是潮流達人必到之處。

有關獎賞計劃
食評 (162)
等級4 2022-09-22
361 瀏覽
餐廳樓底好高環境好舒服💓仲有個10米長x3米高嘅LED大螢幕,播放著粉紅花花靚景🌸🌺 旁邊有部白色三角琴🎶打卡影相一流!裡面仲有個獨立房間全景投影!仲可以切換至唔同場景!欣賞著唔同景色食飯,喺人生一大樂事!夜晚個Stage仲有真人live表演!下次要嚟夜晚場先得~我哋分別叫咗一個西式同一個日式Lunch~西式Lunch:沙律 餐湯 主菜 飲品🥗沙律喺牛舌心沙律,淋咗開胃嘅黑醋,加上軟腍牛舌心,幾特別嘅沙律~🍅餐湯喺番茄湯,裡面仲有粒粒番茄蓉,配有小多士🍖輕煎伊比利亞豬鞍架﹒蘋果蓉 $268豬鞍架超大隻啊!伊比利亞豬鞍以慢煮形式,中間肉色呈粉嫩狀,肉質咬落去軟腍又彈牙~以薯角、椰菜花、三色椒作伴碟~日式Lunch:前菜 沙律 茶碗蒸 味噌湯 主菜 飲品🥗沙律喺胡麻帶子八爪魚沙律,八爪魚腿超彈牙!🍳茶碗蒸喺蟹肉絲,海鮮味十足嘅茶碗蒸,蛋好嫩滑~🥣味噌湯配蟹丼,味道唔太咸,裡面有昆布、豆腐同卷卷庄内麩~🦀松葉蟹肉海鮮丼 $328松葉蟹肉鋪滿哂成個丼🍚仲有2大隻蟹鉗、蟹籽、三文魚籽、蛋絲、油甘魚刺身及紫菜,底部用上日本珍珠米,仲有紫菜絲喺底,層次感幾豐富嘅蟹丼~☕ 飲品喺Coffee or Tea 繼續閱讀
(以上食評乃用戶個人意見 , 並不代表OpenRice之觀點。)
等級4 2022-09-10
882 瀏覽
繼續用食去療愈吓壞心情,今日lunch選擇了獨食,刻意選一間環境清靜、食物靚嘅餐廳,openrice真係幫到手,睇相之下,呢間餐廳吸引了我的👀。上到餐廳,感覺超舒服💓,樓下人來人往,但上到嚟一片寧靜,餐廳環境非常闊落,大螢幕播放著療愈大自然美景🌾🍂,仲有部白色三角琴🎹🎵。坐在大玻璃窗旁,看著街景、聽著音樂🎶,心緒得以靜下來。order左個set,除左主菜帆立貝墨魚汁米形意粉之外,仲有輕煎薄切嘅牛舌心沙律 ,同埋特濃磨菇湯。🥗牛舌心沙律用了黑醋,配上新鮮沙律菜,入口酸味味,非常開胃。更難得嘅係沙律裡邊竟然伴有紅菜頭,顏色靚、入口又非常鮮味。同時滿足了視覺味覺。🥣🍄磨菇湯配有小多士,唔只件多士係熱辣辣,連盛載多士嘅碟都係熱嘅,呢點細心,真係好抵讚。超級鍾意呢個湯,從來未飲過咁濃稠嘅蘑菇湯,每啖像咀嚼著搗碎了的磨菇一樣,入口非常有口感,蘑菇味亦很香。而主菜帆立貝米形意粉, 感覺似 risotto ,但入口更有口感。鮮味、金黃帶白嘅帆立貝搭配墨魚汁,顏色對比強烈。墨魚汁真係帶有墨魚片,令到整體感覺更有嚼勁。食飽之後再飲埋杯Cappuccino,為下午工作充好電再次給力。可以喺咁舒服環境之下享受一個午餐,舒緩了~💕gimmick、貼心位係沙律會用機械人傳菜,由廚房到客人旁,感覺更衞生;第一道菜看到機械人感覺就很有趣。 繼續閱讀
(以上食評乃用戶個人意見 , 並不代表OpenRice之觀點。)
好記得幾年前到訪倫敦曾經到訪Her Majesty’s Theatre 睇Phantom of the Opera,好有印象舞台內嘅裝潢同氣派,亦都有幻想過可以一邊享用美食,一邊享受成套opera🎭 今次到訪呢間新派法日餐廳,成間餐廳嘅格局勾起我當時去舞台嘅回憶~今次係午市時段到訪,佢哋嘅餐廳除咗有日式餐牌,亦有法式選項,啱晒有唔同意見嘅朋友🧚🏻‍♀️ 所有日式午餐都包括沙律🥗前菜同茶碗蒸,沙律菜新鮮爽脆,前菜嘅青瓜海蜇帶麻油香🤩茶碗蒸可以更滑,但味道夠濃郁加咗唔少分🤌🏻主菜係季節刺身三品盛配柚子醬角切魚生飯($328) 當日嘅刺身係牡丹蝦、北海道帆立貝同時令吉備奈子,吉備奈子其實係一啲魚毛仔,食落去個口感幾得意😛牡丹蝦同埋帆立貝都夠晒大隻,而且好鮮甜,絕對係有水準嘅刺身👍🏻角切魚生丼選用嘅魚都唔求其,而係通常出現係廚師發板嘅魚類😱包括赤身、深海池魚、金目鯛、甜蝦,食落去樣樣新鮮,柚子醬微酸更加開胃,亦進一步帶出魚嘅鮮味👍🏻除咗侍應嘅服務態度殷勤,餐廳仲引入咗送餐機械人,成件事在升級咗佢一個更加高科技嘅層次🫡原來餐廳仲有好多NFT collaboration,加上樓底好高,坐得好舒服,食物嘅質素都唔錯,平時食到悶嘅話,呢間餐廳可以為你帶嚟一啲新意✨ 繼續閱讀
(以上食評乃用戶個人意見 , 並不代表OpenRice之觀點。)
今日放工後黎到位於銅鑼灣既哩間新派法日菜餐廳。餐廳環境華麗雅致,黑白雲石風外牆配搭灰色梳化,坐得相當舒適,仲有巨型LED螢幕配合現場表演,亦會播放住有情調既英文歌,氣氛同情調都一流💕餐廳有四間各有特色既VIP房,有啲入面有卡拉OK設施,有啲好岩打卡,最特別既係其中一間有5D設備,可以揀選房間既主題,真係勁靚勁有情調,好啱約會、慶祝生日或者求婚🤩一坐底,店員會提供硬卡紙信封口罩套。而餐牌上既食物選擇多樣~🔸爐端燒:鵪鶉腿配青椒仔 $88上面有兩隻鵪鶉腿,外皮咸香惹味,腿肉嫩滑充滿肉汁,而且灑上胡椒,帶有胡椒香,兩隻青椒仔亦好食唔辣,好食推介👍🏻🔸松葉蟹鉗天婦羅 $168有兩隻松葉蟹鉗,松葉蟹鉗脹卜卜,肉質新鮮,啖啖肉,另外仲會配四款蔬菜,由廚師發板,今次我係蘑菇、南瓜、番薯同青椒,全部炸皮都好薄,而且一啲都唔會乾,配有岩鹽及青檸提味。🔸吞拿魚腩水菜昆布卷 $328昆布卷係最高檔次既日本卷物,哩個昆布卷面層放上少許肉鬆,昆布卷包裹住火箭菜及免治拿魚蓉,入口口感清爽,味道清新,帶少少辣,旁邊係紅葉辣椒醬,味道微辛刺激,但係唔會太辣,配有淋上柚子醋既沙律,正好能夠中和辣度。🔸香煎帕馬火腿鱈魚卷伴明太子忌廉汁 $348非常特別既一道菜式,外層既帕馬火腿夠曬咸香,內層既鱈魚肉質嫩滑,充滿油香,蘸上明太子忌廉汁,真係相當好食,仲配有香甜又香口既粟米天婦羅同清甜無渣既蘿蔔,好食推介👍🏻🍸熱情果、菠蘿mocktail $88熱情果同菠蘿既味道都好突出,味道香甜,旁邊既菠蘿經過煙燻。整體黎講,餐廳環境舒適有情調,菜式特別有新意,食物質素相當高,絕對係聚會同慶祝之選💕 繼續閱讀
(以上食評乃用戶個人意見 , 並不代表OpenRice之觀點。)
銅鑼灣 V POINT新開左間西日fusion餐廳,單單門面設計讓人置身於百老滙舞台一樣,門牌「Live」好似客人一打開帳幕就準備看表演一樣,十分有趣🤣進入餐廳,映入眼簾就是一部白色鋼琴同大舞台,當中投影機、射燈效果都十分專業,很尊重台上表演者🤩餐廳設有四間房,有不同低消,其中有兩間仲可以唱K,私隱度高,娛樂性十足店員介紹餐廳有三大重點元素,分別是聽看嘗, 聽方面佢地會有Live Show表演,歡迎不同藝術家同追夢人士上台發揮才能😎看就是10米長及3米高的LED螢幕牆,為觀眾帶來前所未有視覺享受,仲有一間獨立房間係投放5D全息影像,可以轉換不同場景模式,慶生十分合適🎂嘗方面主打西式同日式食物,會提供刺身、爐端燒、天婦羅、揚物等,日式料理齊全居酒屋一樣🍺午市套餐可以揀西式或日式,價錢大約$208-$398,設有前菜同飲品,加$18仲有甜品西班牙黑毛豬鞍配蘋果蓉及紅酒汁|$268🥘餐湯番茄湯非常濃郁,香氣十足,保留番茄蓉係湯內,飲落好順口,真材實料🥗沙律巴馬火腿伴蜜瓜,最佳開胃小食,多汁可口蜜瓜配鹹香十足火腿,其鮮甜味更提升,不過沙律醬汁略微有點多🥩西班牙黑毛豬鞍配蘋果蓉及紅酒汁店員介紹黑毛豬鞍經慢煮後,中間肉色會有點呈粉紅,這是正常現象,如果怕可以要全熟,擺盤好靚配菜亦不馬虎,薯角好脆,但中間軟綿綿,好好食,不過有少少偏咸,豬鞍油脂分佈均勻,肉味好濃!配搭蘋果蓉一齊食更為開胃🍨甜品抹茶雪糕配和菓子,靚到有點唔捨得食,外表精巧,內裏包住紅豆泥,心滿意足的一餐 繼續閱讀
(以上食評乃用戶個人意見 , 並不代表OpenRice之觀點。)