十三姨 (雲龍商業大廈)

營業中

休息中

收工時間7:30左右入左尖沙咀十三姨，之前食過佐敦嗰間，尖沙咀就第一次。食到8點幾差唔多食完，但女友突然驚嚇，見到湯底有隻疑似曱甴嘅物體，有手指尾指甲大小。我見到都有啲驚吓，就叫左職員過來，當時女職員第一眼見到就”依”左一聲，然後好快手就拎左兜嘢入廚房。之後我地係位等左幾分鐘，就有另一位職員過來話唔好意思，會free返有疑似曱甴個碗和問我地有無其他需要。因為個刻仲未驚嚇完，就無特別講咩。埋單時職員都有講多句唔好意思，有叫女友留低聯絡資料，然後我哋就比錢離開。事後唸翻，成件事好冷處理，比我感覺係碗食物有昆蟲係好普通，我唔係話要額外啲咩補償或者free成餐，但連個老闆當場或事後慰問翻個食客都無，完全無重視食客既體驗，起碼做多少少挽回食客信心。雖然女友已留低聯絡方法，但過左一日對方都不了了之，非常失望。

今次喺尖沙咀新開分店🥳一坐低就有一杯七彩蝦片和熱茶🫖仲要係一杯一個茶包！店內充滿港式懷舊裝潢用的餐具和器皿都好有港式味道✨【老闆娘鵝肝煎蛋撈飯】$148世一鵝肝飯！必食！大碗份量～加了錢改一半椰菜花飯～食起來會比正常飯更濕潤～鵝肝煎到金黃色！滿滿的蔥花和炸蒜🧄一啖就有濃郁嘅鵝肝香味爆出來，好正👍🏻【蟹肉沾麵】 $158滿滿的蟹肉！好足料😍一上菜🍱經理好好咁教我們如何食～因為我們加錢轉了較健康的翠肉瓜麵，經理說雞湯是每日新鮮熬製✨而翠肉瓜麵比普通麵較為濕潤，建議我們可以加少啲雞湯🐔蟹肉醬可以選擇淋上去食或沾上去食～個人覺得都是必食❗食完飲返淡薑茶，好爽🤣【西多雞翼】$38即叫即做～上枱熱辣辣脆卜卜🔥單骨雞翼配上蜜糖🍯好惹味！【400次岩鹽咖啡】$22面層厚厚的咖啡泡打到好滑～不會很甜☕另外會附上一支岩鹽，可以根據自己口味加✨

Lunchtime嚟食十三姨，1230前嚟比較少人，大機會唔駛排隊。另外一點前離座仲有9折🈹大家記得留意。入座後每枱都會中有一碗仔嘅蝦片，又幾好食😋🍲十三飛 $80凍鴨屎香檸檬茶 少甜少冰🐮十三飛呢個名幾特別，配料係牛嚟嘅，包括安格斯牛肩胛同牛肋條，冇根又唔痴牙，正🤤不過唔食牛嘅你要注意。湯底嘅牛味啱啱好，粉絲同米粉雙拼嘅口感好好，唔會太淰，幾好👍🏻溏心蛋都好流心，幾正😋每碗都有兩條腸粉，幾特別，唔知係咪有啲咩意思😂🥤鴨屎香檸檬茶幾清新，不過冇乜特別，同出面街嗰啲差唔多🍲 炙燒雞叉燒米粉 $64凍蜂蜜蘋果烏龍茶 少甜少冰🐥佢係用個鐵鍋上，對比起十三飛會清啲。炙燒雞叉燒好似雞卷，又好嫩口又有少少燒過嘅味道，好正😋銀針粉勁多，基本上佢所有配料都好多，包括椰菜絲、芽菜、粉都好多，唔會太膩，啱晒飲食均衡嘅你😍🧃蜂蜜蘋果烏龍茶有淡淡嘅蘋果味，反而蜂蜜味就冇乜，飲到底會有少少蘋果碎粒，幾推介👍🏻

講真，食物唔錯，坐得都舒服，但服務態度真係不能接受。門口明明有熱茶寫住free，我expect我地坐低，有杯熱茶，唔過份掛？但佢死都唔肯斟，我話唔緊要，你俾個杯我地，我地自己斟，但佢話叫左餐，跟餐有野飲，都有茶。咁茶記一坐低都會俾杯茶你，餐廳坐低都會俾杯水你。一坐低想飲杯水/茶，食飯果陣想飲返杯凍奶茶，好正常掛🫠咁門口熱茶都寫住free，點解唔斟得？最後係連杯水都無主動俾我地。QR code張單都有寫鐵觀音茶係免費的，後尾問返係晚市客人先有，但上面又無寫。總知成個過程好confusing成個體驗好差。真係無下次🙂‍↕️

Bookmark左勁耐，一直未有時間去食，雖然唔係去旺角總店，但我今日終於食到老闆娘鵝肝煎蛋撈飯啦😍😍尖沙咀分店冇旺角咁多人排隊，係門口排隊時用QR code揀定野食，入去等食物黎就可以。每枱附送鮮炸脆蝦片，好耐冇見過咁顏色繽紛嘅炸蝦片重頭戲：老闆娘鵝肝煎蛋撈飯（$148）我心心念念嘅老闆娘鵝肝煎蛋撈飯終於黎啦，望到已經開始流口水🤤香煎三大塊厚鵝肝，外脆內軟入口即溶，配上流心太陽蛋，再與乾蔥炸蒜拌勻飯，真係啖啖油香🤤🤤🤤再加少少自家製豉油落去撈飯，令成碗飯昇華。

作為鵝肝控嘅我，一直都想嚟試一下依個鵝肝撈飯，今次終於有時間過嚟試一試！鵝肝撈飯，總共有三大片鵝肝，都唔算太薄身，味道方面佢係偏向淡少少唔算太油膩嗰種，撈埋特調嘅醬汁同埋啲蔥油，會成個口都好香，幾好食，但係絕對唔係嗰種勁經驗好香好香嗰隻鵝肝，諗住過嚟食個飯止下癮嘅話，係一個非常之唔錯嘅選擇👍🏻👍🏻👍🏻灸燒手撕雞半雞油飯-相比之下比較清淡啲普通啲啲，雖然佢都係用咗雞油撈飯😂一啲都唔清淡😂另外嗌咗個小食，西多雞翼，其實就係炸雞翼淋勁多蜜糖😂都係正常發揮

呢間📍十三姨 真係不得了啊 晚晚都排長龍！朋友仔話佢哋將港式風味玩到出神入化，今日就來試下水啦~👀【鵝肝煎蛋撈飯🦢】厚切鵝肝煎到外脆內軟，入口即溶嘅油脂爆發💥香脆金蒜、酸爽酸菜、靈魂香蔥配埋流心太陽蛋🍳再加上自製 XO醬 嘅微辣鮮香🌶️口感層次瘋狂疊加👏撈埋飯一齊食，每一啖嘅罪惡感+幸福感都直線飆升！邪惡得嚟又忍唔住清碟 😈【西多雞翼🍗】呢個名改得貼切！雞翼皮煎到金黃脆身，入面肉汁多到滴出嚟～💦🍯面頭嗰層秘製蜂蜜醬唔係死甜 帶少少鹹香吊味，反差感令人上癮食多兩件都唔膩！🤤 朋友仲搞笑 話：甜過初戀，脆過薯片！😂

尖沙咀餐廳 十三姨之前已經係佐敦食過 原來尖沙咀都開左分店令人回味同推介嘅 一定係 老闆娘鵝肝煎蛋撈飯🍳🦆鵝肝又大又肥美，份量算足，都叫對得住個價錢$148，煎得恰到好處，外脆內嫩，咬落好juicy，搭配太陽蛋煎蛋，可以撈埋啲蛋黃撈飯，再加埋飯底的醬汁香濃，同埋鵝肝肥美，好自然就會爬多幾啖飯🍚餐廳黎講坐得舒服過佐敦，呢到嘅服務態度親切，同佐敦一樣咁好 。呢到好處仲唔駛排隊，真係幾好 。十三姨嘅這道鵝肝煎蛋撈飯絕對值得推薦🌟

短時間內又翻食，主要係十五當日食素，唔知去邊度食好，記得上次食嘅時候係有素餐（蛋素）一入座店長將素餐牌放上最頂，有備而來招呼。🌶️麻辣素手撕雞湯麵素肉全由大豆製造，粉絲拼米粉，仲有椰菜絲同芋絲，好飽肚😂 手撕雞都唔錯，個湯粉男士都夠食。🍜炙燒雞叉燒湯米粉同事話都幾好味😋

午餐時間無限人多的網紅人氣店，除了有出名的鵝肝飯外，還有素食和生銅食品，第一次來必須先試鵝肝飯。💛老闆娘鵝肝煎蛋撈飯4小片鵝肝，拌櫻花蝦+XO醬，煎蛋少流心，每一日都要飯餸一起吃，再加一點點秘製醬油，入口鵝肝油脂爆發，大滿足！💛十三飛（安格斯牛肩胛、牛肋條、糖芯蛋，粉絲拼米粉）牛肉份量多多的粉絲米粉，兩溝粉口感更好，又吸湯；牛肋條厚身大條，肉嫩濃味。💛大三元（炙燒手撕雞伴雞油飯，炙燒雞叉燒，糖心蛋）雞油飯比較特色，平時主要星馬泰餐廳才有，味道正常。

成為開飯熱點既其中一分子，應該係名不虛傳！價錢黎講唔算平，但勝在外面無相類近的餐廳麵底都可自選，牛雞都有好多唔同選擇，花多眼亂，所以直接叫佢地招牌黎食！每枱都有蝦片提供，另外調味架都有秘製醬油可自行調加味道👅不過呢啲醬汁應該食飯先夾到十三么湯底較清淡，但胡椒味特出；有糖心蛋、有幾片炙燒的雞叉燒和手撕雞，雞的配料正常發揮！個人認為出色在於湯頭！十三飛肉眼睇得出湯底好濃厚，飲落都好有牛味，牛湯配牛肋條及牛肩胛，係將牛既味道昇華！

十三姨直頭有專為素食者而設的菜牌！嘩！好難得呀！仲列埋卡路里係每樣食物上，真係好細心。今次點了炙燒素手撕雞拼脆玉瓜面粉絲米粉，因為好想試瓜湯麵，但又怕唔夠飽，就拼粉絲同米粉，有啲保障。素湯麵以金屬煲仔上檯，非常之滾熱辣！店員上檯時都細心提醒，個煲好熱，小心燙手，服務態度抵讚！湯麵的湯底都幾惹味，唔太油，而素雞絲都有幾分似真雞絲，又有半隻糖心蛋，而麵底份量都足夠，所以都飽肚。想試瓜麵又怕唔夠飽可以咁樣叫。瓜麵的質地係爽口，粉絲又唔會太淋，所以食落口感都正常。我仲叫咗個小食凍桂花蕃茄仔，粒粒都好Juicy，而且冇蕃茄皮，同埋好入味，一凍一熱都幾過癮。冬天食碗熱辣辣湯麵，個人即刻暖哂！而且佢杯茶係幾好飲，店員又會幫你加熱水！好窩心。下次等我試吓佢杯岩鹽咖啡，見到隔籬枱個女仔叫咗，個樣好似幾靚。下次仲可以試下佢素叉燒飯，店員話好好食㗎，叫我下次試吓。再三同店員確認素食餐牌，喺十三姨所有分店都有嘅，唔使擔心冇得食😛我仲見到叉燒飯，可以轉椰菜花飯底，真係幾唔錯。

今日去咗尖沙咀食午飯，近近哋就到十三姨食新潮粉麵飯。下午1:30pm見店內已經坐滿了顧客，似乎都有好多國內遊客幫襯，好彩仲有一張四人枱，order咗一粉一飯一串燒散餐。牛肋條銀針粉湯底微微帶濃唔鹹幾好味，比我當係餐湯全部飲晒，放上炸乾蔥及蒜片，而銀針粉軟韌有口感，再加入幾條腸粉及粉皮，仲有芽菜仔同埋椰菜絲撈埋，令到整碗銀針粉口感複雜趣怪。而牛肋條炆得啱啱好兼牛肉味香濃無臊味，都有五舊細細嘅牛肉，溫泉蛋又嫩又滑非常易入口。大三元乾蔥手撕雞肉食時再撈醬油，手撕雞較乾身口感不俗，雞火腿用雞髀肉做，軟滑Juicy而雞肉味道非常清淡，雞肉醬油撈飯食味及配搭都算幾好idea。蔬菜串燒燒矮瓜椒鹽調味料清淡，食到矮瓜蔬果鮮味。翠玉瓜燒得夠熟，而且非常脆口，味道帶少少黑胡椒，e支班！雞髀菇煙煙韌韌有咬口。燒豆角算係高難度動作，燒得好有水準。甜粟米較為乾身咗啲，蔬菜串燒整體水準一流，好過好多日本串燒餐廳。餐廳裝修一般，枱面細小，屬於比較狹窄逼夾。筷子匙羹餐具及樓面都算清潔乾淨，店員服務態度可以。可惜餐廳大門損壞打開無法關閉，有啲似坐喺街邊食粉麵，粉麵撈埋啲西北風一齊享用，真係有啲食滯咗！餐店似乎喜歡支付寶

昨天跟兩位閨蜜好友，去了尖沙咀的十三姨，這是一間新派港式餐廳，去到餐廳門口已經有充滿港式的打卡位，進去後，侍應已經很貼心地奉上熱茶及一杯蝦片，蝦片杯很高很有特式，而且有小時侯去酒樓吃到的五顏六色蝦片，壞舊得來又配上新派杯子，又可以打卡了!我們點了多道菜，首先是爆醬芝士年糕，外脆內軟，濃郁的芝士與年糕的彈口感覺相得match，o令我一口接一口，想再encoure。接著是西多雞翼，雞翼外焦內嫩，醬汁香濃。炸金菇則是另一道亮點，金黃酥脆的外皮，搭配特製醬料，非常可口。而主食方面，我們點了手撕雞湯米粉及牛肉粉絲，湯底清淡卻鮮美，手撕雞肉滑嫩，米粉及粉絲更是吸附了湯汁的精華。最後，我們還點了買四送一的串燒，串燒的香氣彌漫整桌，這一餐人均只需一百，物超所值!

一行四人在12:40正式攞飛等位，大約12:46嘅時候，十三姨的男經理行出嚟問我哋會唔會分枱坐，否則會等好耐，不過我哋選擇等多陣。轉頭就有四個人唔攞飛，就咁入去問有冇位，店內職員就安排佢哋分枱坐，2分鐘內，該一行四人其中兩個人就轉咗坐第二張兩人枱。其後轉枱之後佢哋另外嗰兩個朋友就再坐埋一齊，整個過程5分鐘，一行四人唔使攞飛就可以坐埋一齊！我哋見到出邊嘅四人當然就好嬲，於是乎就入去問經理點解會咁樣安排，經理即時推卸責任咁講：「唔係我安排嘅！係我同事安排嘅！」呢位經理冇再跟進同交代任何嘢就走開咗！我哋最後唔再食呢間野啦，等位安排超混亂，出面又唔多客等都搞到咁差，最重要係不肯處理客人問題嘅經理，見到有人入去就叫客行返出去，咁即係點啫？有飛又唔叫人㩒，淨係叫人出去，唔知佢想點，搞到亂上加亂。