匯景茶餐廳 (已結業)

今日路過見到一間好有香港味道的餐廳，原來都做左二十幾年，必吃牛腩，好好味三絲非常足料，米粉都好干身，彈牙，牛腩更是一絕，好入味，好香醬香，另外公司三文治用料實在，不愧係一間老字號，多一點點人情味

今日去藍田拎護照 順便去附近食早餐。匯景商場好似冇乜餐廳好食，行行下搵到呢間茶餐廳，早餐都算平（$32）轉公仔面+$2叫左個叉燒公仔麵，腸仔煎雙蛋，甜餐包，熱咖啡。 味道正常不過不失，街坊價錢算係咁，但咖啡味道偏酸，個人唔太鐘意。

食物味道勝裝修。雖然匯景茶餐廳係舊式餐廳，但是小菜和炒粉麵的味道不錯。比起同區大型快餐店和茶餐廳都很合我口味不會太淡不會太鹹。魚腩煲約魚不會只得脆漿，例湯也是入味。堂食外賣都方便。

晚上9時與友人經過藍田，知道此處有一間十多年歷史的舊式茶餐廳，反正正尋覓裹既地方，便進了去試試。1. 生炒咕嚕肉蝦球炸茄子不太明白此菜式是如何創作，感覺兩者有點格格不入，傳統的甜酸醬與蝦球、梅肉翻炒，鑊氣絕對足夠，味道亦濃郁，蝦球有少許軟身，可能是雪藏關係，配白飯整體可接受，但額外配上的炸茄子，雖然口感酥脆，但油溢味超重，吃了一塊已經不太舒服。2. 西蘭花龍躉球店員推薦的時日限量菜式，龍躉球尺寸夠大，廚師亦預先以胡椒粉調味，故雪味較少，以大火炒制的龍躉球表層微脆，部分龍躉塊亦連骨，喜歡啜骨的我來說確實不錯。但定價$118，以茶餐廳價錢來說真的太貴了，不會推薦。另外，每份套餐都會配白飯及自家制中式或西式湯，味道一般沒有驚喜，想要飽肚的朋友不妨試試！

忽然間好想食炒麵，原本諗住係搵肉絲炒麵， 諗住近近哋落去附近茶餐廳坐低搵個位 ，點知打開佢個menu係冇肉絲炒麵， 橫掂都已經坐低咗 ，再睇下有其他乜嘢嘅選擇 什錦炒麵？都好喎好耐冇食過 我心目中嘅雜錦炒麵應該係有叉燒啦，魷魚啦，豬肝啦， 肉片喇，小小菜同一個好脆金黃色炒麵 啲炒麵終於出場 實在有啲莫名其妙 佢除咗真係有金黃色嘅炒麵 同埋幾條菜心 其他嘅配料 實在令我大開眼界 佢居然有鯪魚肉燒肉 咁應該有嘅豬肝同叉燒去咗邊 味道其實仲未至於係中伏嘅 但係成個感覺真係難以形容，成件事實在太怪，我只可以話真係估佢唔到， 我寧願你畀火腿呀腸仔呀之類嘅嘢我 杯奶茶其實我真係純粹當係餐飲， 冇茶味，糖係自己加嘅， 未至於十分之差，但係唔可以講得上係好飲 同呢間茶餐廳一樣未至於好難食 ，但係絕對唔講得係好食 絕對有好大嘅進步空間

(好快食完無影相)今朝要出去開會，決定早d出門食個早餐先，個人鍾意食茶餐廳多個連鎖店，因爲好味d又多d選擇，不過今次真係揀錯左。茶餐連凍飲 $31叉燒通粉，叉燒又瘦又乾又幼又少，好似係燒味鋪，叫佢俾兩塊最瘦既叉燒，再切條上碟 (唔係專登寫衰佢，唔信可以試試)。通粉，煎蛋，煎腸，甜餐包，簡單d講，似以前去度假營早餐既質素，基本上熟左就算。可能已經十點，通粉已經焗到梅梅地，煎蛋同腸無技術可言，好彩個蛋黄仲有做到少少半生熟，甜餐包無配牛油，正常味道。凍啡有咖啡酸味，唉，愈諗愈嬲，早知入隔離間大快活算

睇醫生前先在附近來個午餐。單單看這間茶餐廳的 裝修，相信在這個商場開幕時，這間茶餐廳已經存在了！裝修風格相當舊式，雖然未至於是五、六十年代的冰廳裝修風格，但門口左右兩邊各有一塊紅色膠牌，上面還用了白色油漆寫上毛筆字，介紹是日午餐及中式套餐！這種膠牌形式的門口餐牌，已經很久沒有見過了。室內裝修貫徹相同的舊式風格，雖然很多茶餐廳都有類似的裝修，但不知道什麼原因，總之這裡給我的感覺，就是從開幕到現在為止，應該未試過翻新。更加出人意料的，當我問侍應午餐時段有沒有中式套餐時，侍應竟然遞上一張影印的A5尺寸白紙，上面寫上了各種中式套餐的餸菜！真的估不到，竟然連一個正式的餐牌也沒有，就算是一張簡單的白紙，也應該過膠吧！蜜糖蒜香骨（$58）套餐包括白飯一碗及例湯一碗。是日例湯為老黃瓜煲豬骨，這碗例湯的湯料只有幾小片老黃瓜，一小塊豬骨也找不到。湯底只係得一個鹹字及少少老黄瓜味道，基本上沒有豬骨味，即使以茶餐廳的標準，這個例湯也只能算是較差的水平。主菜蜜糖蒜香骨外表油淋淋，很明顯是油炸的溫度控制得不適當，而且沒有隔走多餘的食油。味道方面，蒜香味道不足、只能品嚐到甜膩的蜜糖味道 ；估計油炸後再回鑊時，蜜糖份

入到黎呢間餐廳已經覺得奇怪黃金午飯時間居然有咁多空位食落就知道不無原因坐低叫左個芙蓉蛋飯一分鐘都唔使,阿姐就拎左碟飯出黎你冇睇錯,真係一分鐘都唔使雖然話明係快餐, 但係食物當然係即叫即整先新鮮同熱拎碟預先煮好然後已經攤凍左既飯同蛋出黎真係好失望雖然芙蓉蛋飯有幾難整,你都係預先準備食材再煎一煎先講下個飯一舊一舊咁,痴埋哂一齊,落得太多水飯要一粒一粒咁先食得又唔夠熱,你果個咩電飯煲黎個蛋一樣係失敗除左唔夠熱我唔知佢係用咩蛋,完全冇蛋煎出黎果種質感,軟軟地咁最失敗就係蛋入面係冇材料得2,3條叉燒, 2,3隻小蝦同2,3條火腿, 仲有好多條芽菜真係好心佢如果唔想做快D摺左間舖頭佢做到咁不如唔好做煮野食係要心機唔係求其炒埋一碟就算完全係失敗好耐冇許openrice寫食評,但係因為真係食呢間餐廳實在太差,要上黎呻下不知所謂

周圍食，是我的興趣，而在早上不需要準時趕返公司的時間，去順路的區域尋找早餐，也是我近來甚喜歡的活動。這一天的早上，我登上了去藍田的巴士，準備開拓我新的飲食地圖，初來步到，尋食的範圍當地只會留在地鐵站旁的《匯景廣場》，看了 opernice，看了商場水牌，唯一的非連鎖店早上茶餐選擇，就只有一個，那就是位於商場5樓的《匯景茶餐廳》。早餐，最簡單最快最合我胃口的，永遠都是公仔麵一客，永遠都是肉感豐富的肉扒麵。而是日的，就是一份雞扒配公仔麵。雞扒，大份，但薄切了，原因就是易熟，味道雖不是十分出眾，但夠油香，能夠帶起麵的味道，可令到大光麵升華的，就已經可以說好。奶茶方面，少少香，多多的滑，奶味十足，是早上給予我力量的一杯神水。環境其實是普通，但食品感覺不錯，覺得自己沒有來錯，而藍田亦給予我一個良好的印象。

20-9-2009「下場」地點愈來愈吊腳, 今次嚟到藍田 搵地方醫肚, 奈何地鐵站上蓋的呢個商場 10 間有 10 間食肆都毫不吸引, 但諗住茶餐廳應該「穩陣」一點吧, 入嚟求其食 d 嘢吧. (仲要咁都寫一篇食評, 屈機到唔恨 xD )叫了腿蛋治烘底 + 熱華田... 腿蛋治留了邊, 不過麵包烘咗等於無烘, 食落又硬又實; 蛋薄薄的一層, 炒得「內乾外油」, 食完只記得好油膩, 真係 華田就唔評了.朋友食餐肉腸仔麵 + 奶油多 + 凍奶茶... 試了一啖凍奶茶, 係零茶味, 甜得過分, 我哋幾時叫了「茶走多甜」? 公仔麵湯底賣相「滾水」得很又帶點污濁, 朋友食食吓仲冷笑一聲話「希望食完今晚唔會肚痛吧」, 恐怕...每人放低 $30, 速閃.

今日唔駛帶仔仔返學，所以好想食嗰豐富嘅早餐。就入咗嚟ne度食，睇吓menu先，choice都幾多，我揀咗最基本嗰欵，就喺雞絲通粉、火煺奄列、多士和奶茶。多士很脆但很薄呢！雞絲幾好味喎，奄列都唔錯又唔油，最後杯奶茶都幾香濃，茶餐廳嘅奶茶始終比快餐店好。好滿足啊！

茶餐廳黎講　算是不錯～～都好多人ｏ下～服務普普通通啦．．．次次點的食物都好好味～又大碟～一定食剩～我最中意咕嚕肉～都幾抵食伽～

呢度每逢週末、週日朝早都幾多人，尤其多一家大細o黎食早餐。$18一客早餐(A)，其實唔算平，不過呢度D通粉幾好食，軟硬適中，食落口幾煙韌；奶茶就只係一般，而且開業咁耐，唔知點解隻煎蛋煎極都散黃，D廚o既技術實在欠奉~~其他炒粉麵飯水準一般。雖然唔會祈望茶記有好好o既衛生環境，不過成日嚮度見到D清潔工人拖住個大大o既垃圾桶嚮D食客身邊行，真係會影響食慾嘛；希望會有所改善啦！