影片
港鐵深水埗站 D2 出口, 步行約4分鐘
繼續閱讀
電話號碼
91238803
營業時間
今日營業
08:00 - 23:00
星期一至六
08:00 - 23:00
星期日
全日休息
*最後落單時間: 22:00
以上資料只供參考, 請與餐廳確認詳情
收工之後，朋友帶我去深水埗一間新開嘅私房菜，入面有日間食點心，晚上又可以飲茶，聽落幾吸引。店外完全不起眼，但入到去後，裝修簡約整潔，我哋十個人圍住張大枱。我哋誤以為係點心店/大排當，我哋叫咗好多道菜，但因為廚房無留料，全部餸都叫唔到！之後問左老闆，有邊D可以叫。而隔籬枱全部都係食緊海鮮….首先上咗豉椒炒肥腸，$118，肥腸炒得剛好，味道唔重，咸香得幾啱飯。然後係炒時菜（西蘭花），$88。.接住嚟嘅椒鹽鮮魷，$158，魷魚炸得香脆，唔油膩，椒鹽味道正，惹味！客家煎釀豆腐，$138，豆腐煎得金黃，裡面嘅豬肉餡加咗鹹魚咁，咸香味十足。.魚香茄子煲，$118，茄子煮得軟滑入味，配醬汁，食落去一啖接一啖，完全唔會覺得膩。好送飯。仲有梅菜扣肉，$168，肉質軟滑，梅菜香味濃郁，搭臘味飯白飯食真係一流。.臘味飯再左加原條潤腸，$188 + $28，臘味香，食完仲想再叫多碗飯。.豉汁蒸鳳爪，$26，鳳爪入味，唔油膩。蝦餃皇，$36，正常。炸腐皮蝦，$28，外脆內滑，三絲春卷同樣出色，$28。.最後係金絲香芋酥，$24，酥皮香脆，裡面嘅香芋餡甜而不膩，真係完美收尾。茶位$54，除開$5-6位? 算好抵食。食完發現好多無影到相。.今次私房菜經歷非常滿意，味道唔重，可以送飯，菜式多樣，唔會覺得悶。希望下次可以叫到菜單入面其他好味嘅菜式，真係再聚！
繼續閱讀
上湯竹笙福袋、手工流沙包同金絲香芋酥特別好食。香芋水晶餃子同隱世韭菜餅都唔錯。另外，魚肉虎皮尖椒實在頗辣，唔食得辣唔建議叫。香芹鴨絲腸粉就中規中矩，下次會想試吓其他點心。
繼續閱讀
生日前夕，朋友請我去深水埗一間日間食點心，夜晚有茶飲，兼且有私房小菜食的一間小店。門口完全不起眼，內裏裝修簡約整潔，我們五個人，店家都俾一張大圓枱，所以坐得好舒服。壁櫃放了一些客人留下的酒，放便客食飯時𣈱飲。朋友好客氣，叫了九樣餸再加幾個點心，個個食到捧住個肚走😋香辣雞煲我哋叫咗小辣一上枱香氣逼人，豉汁蒸蟠龍鱔半條，鱔非常爽脆，豉汁的味道調校到剛剛好，極之惹味，一片接一片、連續食了三片也不學得漏滯。梅菜扣肉~扣肉肥瘦均勻入口即溶，梅菜喺惠州買，師傅用鹹甜梅菜溝埋一齊去蒸，所以不會死鹹或者太甜，呢個值得推介。客家煎釀豆腐，豬肉餡入邊加了鹹魚蓉撈勻後再煎，咸香軟糯，同煎到金黃色嘅豆腐一齊食，簡直係絕配。爆炒福花，走油後，爆炒到乾身，極之惹味非常好食。酥炸生蠔，剛炸起點喼汁食，幾香脆，但就冇乜特別。香煎魚腩粥～粥底煲得幾棉，然後鋪滿煎到香脆的魚腩，幾特別。姬松茸燉雞湯，飲落肯定沒有味精，每燉盅三幾件雞件再加一至兩朵姬松茸，湯頭清甜。莆田炒米粉～米粉加上大量配菜炒得乾身，完全不油膩，好好食👍香煎韭菜餅～餃子皮包着大量的韭菜，香口濃味，我鍾意，最重要係點心全部自家製，有別於出邊茶樓攞貨果D，下次可以直接去試吓佢其他點心。
繼續閱讀
10個人食，係咁叫，點點點，找數每人＄5X元係咁抵先！點心不論喊或甜點比去酒樓更多款好食。包點更有驚喜除了奶黃流心包-特別有我喜愛的椰絲包，包包樣誠意製作打咭都抵。千層糕做法唔同出面。試過就知。下次要再試其他款式。
繼續閱讀