12
0
0
港鐵奧運站 C1 出口, 步行約5分鐘 繼續閱讀
電話號碼
37058691
營業時間
今日營業
19:00 - 02:00
星期一
全日休息
星期二至日
19:00 - 02:00
付款方式
AlipayHK 支付寶 現金 微信支付
其他資料
深夜營業
酒精飲品
電話訂座
電視播放
當面支付
食評 (13)
等級3 2020-01-25
91 瀏覽
雖然呢間串燒店位置唔容易搵,但係絕對值得一去💜佢店舖唔大,但坐得舒服,岩哂朋友仔傾下計一入到去,老闆娘已經好熱情咁俾向我地攤介是日菜單💜原來間店舖入面成日出限定菜式,所以餐牌上都未必有齊哂可以點嘅野😛然後老闆原來對酒好有研究,店入面有兩款自家制嘅酒,可惜個日男朋友揸左車,冇得試飲🥺燒菜心:燒得好香口,食落去好似紫菜嘅口感😛燒生蠔:我地去個日做緊3隻送1嘅優惠💜生蠔好生鮮,都好大隻,唔似出面個d店咁,塞隻假蠔係殼入面啤酒腸:小麥味好重,推介!喇沙:$50一大碗,仲有一個餸,湯底係老闆自己煮,冇落味精,喇沙唔係新加坡style,而係馬來西亞的,香料味重💜要試 繼續閱讀
(以上食評乃用戶個人意見 , 並不代表OpenRice之觀點。)
我住喺大角咀但一直都唔知有呢間餐廳,原因係佢夜晚七點先開。今日有緣入去試,餐廳約廿零三十個座位左右,老闆和老闆娘都熱情地招呼,推介是日精選嘅食材串燒。叫咗一碗 薑汁燒雞扒喇沙,老闆係接到order之後先用攪拌機打碎香料,所以湯底飲落比一般嘅清新 ,香而不濃。即叫即燒嘅日式薑汁雞扒雖然唔係好滑,但係非常多汁。另外叫是日精選黃金貝,黃金貝 其實唔算好大隻,一口可以食曬,食得出味道新鮮而且因為火候恰到好處,所以食落有肉汁。蒜蓉同孜然粉嘅調味略重,可能下次可以叫老闆調味輕手少少。總括嚟講,喺呢度食晚飯或者宵夜係一個唔錯嘅選擇,所有食物即叫即整,特別係人唔係太多嘅時候,可以同老闆傾下偈,放慢心境,放低番工或社會給予嘅壓力。 繼續閱讀
(以上食評乃用戶個人意見 , 並不代表OpenRice之觀點。)
我平時好少會去到大角咀到食飯但係原來大角咀係好多食店,真係唔行唔知有咁多選擇就緊係唔知揀邊間好啦✨我見既然係咁,我就揀一間睇落比較平民又近嚟試下啦📍佢呢到有一個晚餐餐牌係用白板筆去圈你想食嘅野📝咁我地兩個人食就揀兩款唔同湯底其中一個揀粉麵地方,有樣野叫「摻摻」真係聽都未聽過,問一問老闆先知道原來係將油麵同米粉加埋一齊,所以就叫左「摻摻」👀另外都加左啲小食同串燒,真係超級豐富呀😜🍄燒鮮冬菇 就咁睇外表真係好易畀佢呃到真係以為入面都係會好乾身點知唔係喎,真係好多肉汁漏到出嚟💧燒過嘅味道都唔會蓋到本身冬菇嘅鮮味,真係好好食。🐤日式薑汁薄燒雞扒呢個串燒雞扒係我食咁多間最特別嘅一間先講講雞扒燒出嚟唔乾易咬又嫩滑😛外皮燒到脆卜卜,而且味道有些少燻香味,性價比極高呀🐂海鹽燒牛脷 - 厚切有時食到啲牛脷大多數都會覺得好韌,要咬好耐先吞得落😏呢個仲要係厚切牛脷食入口反而係好淋又爽口彈牙同以往食開好大出入,都係可以值得一試呀🌰燒帶子帶子好大舊,老闆娘好好人咁將一大舊帶子一分為二,🔪等我地可以食得放心又可以一口咁享受到帶子嘅鮮果然無令我們失望,帶子加上蒜蓉,肉厚之餘又鮮,味道一流👍🥚燒爆醬煙肉鵪鶉蛋呢個串燒從未係其他地方見過,我諗都係老闆佢地自家創作,鵪鶉蛋係流心,用煙肉包住,煙肉脆加上蛋軟淋淋,真係新嘗試✨賣相亦都好吸引🍜兩碗麵湯底一個就比較清淡一個就係好濃嘅喇沙湯喇沙湯就帶些少辣🌶️兩碗湯麵配料份量都好多,唔想整係食串燒,叫碗麵食就會更飽肚喇叫左兩款小食作為頭盤開胃一個係泰式鳳爪,一個係涼拌雲耳海燕窩泰式鳳爪酸酸辣辣,無疑係開胃好選擇🤔涼拌雲耳海燕窩,藥材味都幾濃,而且都幾爽口,口感幾好。😯另外老闆娘好好人,會好用心講解食物同餐廳可以有咩野提供,超級好呀!👍👍👍 繼續閱讀
(以上食評乃用戶個人意見 , 並不代表OpenRice之觀點。)
等級2 2019-09-04
356 瀏覽
搬來大角咀一段時間,食宵夜呢間真係好推薦!已經黎過幾次,服務態度好好,夠誠懇,食物質素亦唔差。最愛燒蠔,燒扇貝,每次必叫!燒茄子牛油味香,多蒜蓉,好味!喇沙湯配粉絲好正,食到飽晒。喇沙可以選一款餸 雞扒唔錯的今次試糖心蛋,酒味濃好驚喜!牛脷好香 有點焦脆 愛食辣 重重地加辣椒粉一流安格斯肉眼粒 有牛香 易咬唔會韌份量多 二人食剛剛好鹽燒牛仔骨 比較有咬勁有三塊 吃了才記得影相 哈哈飲品種類唔算多,勝在有自家製,薏米檸檬解喝選擇,唔好甜的可以試試。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-05-23
401 瀏覽
今次特登渣車黎食串燒~因為想食地道串燒好耐地方小小但勝在夠熱鬧最值得讚既係店員熱情同好nice會介紹返個日有咩好食先來這個跟餐既喇沙雞扒粉絲~可轉麵 喇沙夠味又不太辣份量剛好雞扒嫩滑再來這串鰻魚串~咬落去好香魚味雖然依句廢話~但真係唔係間間店燒得有魚味之後依個茄子份量比想像中多食極都有咁重有秋刀魚同牛舌牛舌係厚串~好足料這店唯一一樣唔好只係配料唔夠燒得入味可能我只係叫左小辣關係最後埋單2個人都係3百幾叫做抵食 繼續閱讀
(以上食評乃用戶個人意見 , 並不代表OpenRice之觀點。)