匡智小館

營業中

休息中

去大館揾食。原來近賽馬會中心有間社企cafe，當然要支持下喇！🔸卡邦尼野菌意大利麵🍝: 未上枱已經聞到creamy 既香味！材料有：雜菌、煙肉、芝士粉，雖然係大路野，但白汁濃郁，唔會太咸，不過芝士粉就可以多啲🤏。而意大利粉則煮得剛好，保持彈性。但擺盤上可以改用香草🌿、rosemay 等香料，因為放蔥好似格格不入。🔸黑松露芝士火腿意大利包：火腿是Parma ham,跟芝士黑松露味道好夾，又唔會好咸。沙律汁也是另一亮點，意大利包配酸甜沙律汁唔錯！

大館當然有六，七間可飲咖啡，食嘢的地方。今次試了這間，比較平的也不是多人，因這餐廳是要行上大館的頂位置，所以如果好，便要支持吓。我試完今次，應該會再去。我們點了個下午茶餐：火腿芝士toast, 連一杯咖啡。咖啡大杯，濃和好飲，上咖啡時還配有熱奶。 個toast也有兩大份，可以分享，夠食。一個set,也只是$78,很平。通常的我，便一定試double Espresso,也只是$28. 咖啡底好，唔錯，好過好多咖啡館。值得再去。坐出面，秋冬好舒服。

努力鼓勵社企，今次去了大館內的hc:bistro，點了牛扒薯蓉，廚房成功做到Medium與及medium rare，牛肉新鮮沒有渣，蒜油蕃茄甜而不膩籽不多，該是上價的材料，配薄荷醬，做得非常好！咖啡也很可以啊！店員也很努力學習工作，加油呢

因選擇困難症而不經不覺從中環行到上荷李活道大館。 喺炎熱天氣底下見到呢間HC Bistro 有位便即時入座。打開menu 見到一款叫D 倉咖喱雞，賣相非常配合附近的環境，於是叫咗一客。先送上餐附送的湯和麵包，其實兩樣都小弟都唔係特別喜好，不過因為好肚餓所以好快就已經KO左。咖喱雞上枱與餐牌中的一模一樣，真係同這個以前係監倉的環境非常配合。咖喱係比較接近印度/南亞式，香料比較多，好適合大熱天時食。印度薄餅外脆內軟。伴碟嘅生果究竟算唔算係飯後果呢？不過撈埋咖喱食可以中和咖喱嘅辛辣。當天氣冇咁熱嘅時候一定會再來。

餐廳戶外位置舒適，望着陽光燦爛休閒的廣場，在疫情下，感覺特別舒服。雖然是星期日，但是人流不多，基本上不用訂位。Menu並不複雜，午餐有四種選擇，我們在食評見到咖喱雞，相片吸引，所以馬上點了。上餐也是非常好看，用鐵盆裝上咖喱雞和薄餅，還有其他配菜。咖喱雞醬很濃，但是雞比較「鞋」應該是冰鮮雞。午餐也包湯或沙律，和飲品。咖啡味道夠濃和香，不錯。價錢也合理，服務也貼心。朋友說這是社企餐廳，經我觀察，應該是蛋糕部份，是主厨帶領有缺陷的團隊製造的，可惜那天沒有試蛋糕。

餐廳環境唔錯，始終位於古蹟內，而又保留昔日建築的特色。最特別嘅係餐廳旁邊嘅展覽廳介紹嘅正正係昔日監倉嘅膳食，展觀完可以過嚟埋過「D倉咖喱雞」。不過，因為侍應姐姐話佢食完要飲檸茶冷卻下條脷，所以我放棄咗。😄講返餐廳嘅服務，個個都非常有禮，且耐心講解。餐廳本身有請特殊需要嘅人士，佢哋亦認真投入。唯一要提醒自己及大家嘅係，勿對他們有過高要求，盡量以最簡單嘅方法與佢哋溝通，同埋掛住笑容。食物水準唔錯，但大食嘅朋友可能會嫌不足。但個儿童餐份量卻恰到好處，小學雞可以完全食晒且叫好食。南瓜湯配咸餐包：南瓜味充分炸魚薯條配薄荷青豆蓉肉眼牛扒兒童餐：卡邦尼意粉

岩岩調左過中環做野，同事話帶我食餐好，就帶左黎依間”匡智小館”，初頭仲諗住中環食西餐會好貴，點知一睇餐牌原來一百蚊都攪得掂後來先知原來依間係社企開，不過冇諗過社企開既餐廳都有咁既質素，我食個個意大利飯d飯乾度適中，食落好有口感，仲有個餐湯真係唔錯，雖然唔知係咩仲有少少薑味，但絕對唔難飲依間餐廳絕對可以再黎食，$100左右就有餐湯、餐包、主茶、飲品，一個午餐應該有都齊哂，真係超抵！係中環真正平靚正！

今日叫左慢煮黑豚肉，再加杯水果紅茶。首先，先上餐包同湯。餐包好食熱辣辣又夠鬆軟，湯就好重薑味？雖然我晤知係咩湯，不過都幾岩我口味。之後就上主食-黑豚肉，一望到個樣就知道岀事啦，睇落去有少少，點知食落口真係好乾。好似食梗呀媽煲湯d 肉。。。不過佢配的青蘋果醬又真係好岀色，就連旁邊的配菜其實都okay，但竟然個肉會咁。至於杯水果茶就，無咩味包括茶味同水果味😂。不過值得一讚，依度環景真係好舒服，服務態度又好。大家都可以一試，不過就晤suggest 大家叫慢煮黑豚肉同水果茶😂

好多人對大館第一印象係參觀嘅地方，或者係前監獄。但係有無諗過其實內藏高質素食堂？一直都好欣賞社企食堂，亦相信唔同人士亦都可以自力更新，為社會繼續貢獻💪🏼睇見午餐餐牌中有一個好特別嘅菜式，叫做：D倉咖哩雞。點解叫D倉？原來「匡智小館」係處於大館當年嘅一個監倉，而呢個菜就模仿咗呢道「皇家飯」，改良成為D倉咖哩雞。菜式配咗印度烤餅，而成個擺設的確同「皇家飯」係好相似，但味道當然非常有質素，咖哩唔算辣，香料味好濃，非常有印度風味。亦不失為一道打咭美食😋希望大家嚟大館參觀之餘，亦都能夠支持本地社企👍🏻味道 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️性價比 ⭐️⭐️⭐️

值得去！30人聚餐，有湯、主菜有慢煮羊架、西式燒乳豬、三文魚三選一；仲有甜品及餐茶. 大家都食得好開心.蘑菇湯好味；羊架好食都唔記得影相.藍莓芝士蛋糕超好味：口感似紐約芝士蛋糕，喺香港好難搵得到.位置在大館14座. 需要行多兩步路但都值得.

平日既大館無周未咁多人係一個好適合同朋友去行下搵個地方傾下計既好地方而今次我地就揀左呢間 hc:cafe除左有堂食之外 仲有take away天氣好既話 買完係外面既椅子坐低食都係唔錯既選擇！.我同事就一齊入左去食lunchLunch set 有大概5款選擇配上是日餐湯 餐包同一杯飲品整體而言 食物既味道會較淡 感覺上較少味精.點了一個黑松露寛條麵 份量很大但食了不到一半就已經感覺有點膩餐包和湯的味道不錯而餐飲則只能選茶或咖啡看到有果汁想選 但侍應話唔可以叫 (態度有點差)

社企我鍾意，食嘢啫，食物質素又好，又幫到人，不錯喔！朋友帶我來大館，第一次來，原來有很多遊客的，𥚃面有幾間餐廳，亦有戶外地方可以買外賣曬住太陽吃，健康又快樂，中環區恬然一角！

一直以來幫襯社企餐廳都只為意義但呢間除了意義外，食物及服務質素亦一流。當晚為朋友慶祝生日，餐廳職員有好好安排及細心，會自動送上旦糕。食物及環境質素一流。人流亦不多，坐得舒服。三文魚及芝士通粉味道都好好推薦。最後當晚連切餅費約$600幾蚊。

中環「大館」開檔初期，要網上預約先參觀得，梗喺唔同人逼啦。事隔半年多，依家就唔使預約都可以參觀喇，所以，趁個悠閒周末，兩公婆拍拖遊「大館」，但估唔到場面仍然好墟撼。難得嚟到，當然順便食埋晏啦，事前已上網搜索過有咩好食，最值得幫襯都喺「匡智小館」（hc : Bisrro），而其他唔喺話質素唔得而唔值得幫襯，只喺商業味重，但「匡智小館」屬於社企，睇啲食評又唔錯，更加值得去撐吓。由於我哋嚟到都成兩點幾，所以，食晏嘅客人漸少，隨意都搵到位，只喺近外圍熱門啲嘅「茶座」位就座無虛席。大家都知「大館」喺活化嘅古蹟，而「匡智小館」所處嘅建築本身喺作監倉之用，故內裡嘅一石一磚都滲出歷史嘅「味道」。小弟因工作關係，對「匡智會」有少許認識，但對大部分人嚟講，只知呢度喺間社企餐廳，簡單就以佢哋嘅口號嚟描述，就喺「匡扶智障」。而為咗讓公眾對「匡知會」及「匡智小館」有更多認識，枱上就正正對此作出簡單介紹，等待食物送嚟時，就不妨花點時間認識佢哋。雖然快到2:30pm可以揀佢哋啲下午茶餐，但價錢跟午餐又唔喺差好多，選擇亦較少，故此就趁仲喺午餐時段食番午餐。一共有5款選擇，輕怡可揀沙律，重口味有咖喱雞，食肉嘅可以揀豬扒

Located in the new tourist destination Tai Kwun...surprisingly not full for weekend lunch. Maybe since HC Bistro is not near the Mid-levels escalator entrance where there were more obvious restaurants.... HC Bistro is more discreet & located farther at the upper level of Tai Kwun.Limited set lunch choice but nice service by dedicated staff. $148 for a set with soup, main & coffee, not only a very good value for money but really tasted good.The slow cooked Salmon with salad had a crispy skin a