北苑中式料理 (已結業)

最近留意到 #lingduck 個list係觀塘區有呢間點心店唔特別留意真係完全唔知呢個餐廳嘅存在！位置比較隱蔽，其實係「新匯聚」餐廳裡面分租左一個位置！我搵左好一陣子先發現到！呢度既點心全部都係餐廳師傅手工製造的👍🏻本身諗住呢個term只係marketing點知食完之後真心覺得值得套餐價仲非常之抵添「鮮蝦菜苗餃」外層嘅水晶皮好軟滑啊中間嘅餡料比例岩岩好蝦肉夠爽彈！「腐皮卷」呢個咁普通嘅點心都做得好好食腐皮夠鬆脆，中間嘅蝦肉&菜粒切到大小均一，食落有口感之餘又唔會過多餡「蟲草花綿花雞」「蝦干珍珠雞」掛住食，唔記得相機食先平時我唔鍾意食珍珠雞的，食親都食到好頂胃！但呢度既珍珠雞真心出色，做到軟糯質感雖然點心款式唔算好多，但都有能力令我想再黎食多次

年尾清假，剛好家人說想去觀塘shopping，就問下身邊嘅朋友有無好嘅酒樓介紹。。。結果係一致劣平。。。最後唯有靠自己係Openrice搜尋。。。選了一間新店-北苑，本着沒有食評總比劣評好嘅道理，就決定一試。由APM行過去5-10分鐘(睇你識唔識路)，要先穿過大廈寫字樓大堂，經過保安counter，再直行推開門就見到條banner。入去係一個飯堂格局，經過門口收銀，直行到尾，望向右邊👉就見到佢地個counter同餐牌(我係望到啲蒸籠先。。。)全日餐好抵，早餐十一點前仲平，點計都係抵叫完野坐低有茶飲，預左要等，即叫即蒸，趕時間嘅唔該早啲叫定外賣。等左十五分鐘到有野食。。。叫左三樣點心，蝦餃，西洋菜餃(佢地自家製作)棉花雞。。。睇樣認真唔錯，有驚喜。味道用料高質，呢個價錢真係無得輸。即時叫多兩樣點心，都係好食。食店環境企理，我十一點去無咩人。如果要食環境的就另選連鎖集團個D，呢到係食食物質素。