北海道牧場餐廳 (已結業)

來此為了吃炒滑蛋，但變了煎蛋。我跟朋友點了兩個餐，紅酒燴牛飯和3.6北海道牛乳炒蛋牛肉通。紅酒燴牛肉 - 我眼見咁少，覺得好過份，汁還可以、牛肉好硬、既老又鞋，所以心諗，你比咁多我，我排牙都無力食，都唔知係咪好彩。唔熱既，只係微暖。叫得招牌「3.6北海道牛乳炒蛋牛肉通」應該死唔到人，牛肉好味但少。湯係無味既，我自己勁落野，仲要唔熱。仲有隻蛋先扯火，我嬲到想換晒所有野，但朋友話「呢間野咁hea, 一陣加料點算」。我先諗住直接吞。跟餐凍咖啡同熱咖啡，明明見到係咖啡機，點解都可以無味？?我真係好唔明。我真心嬲走去問點解咖啡無味，佢話幫我加糖水。去到呢個位，我已經知道同明白，呢個世界無人可以同佢地溝通到，換咩都無用。無食晒就走。

餐廳位於Megabox商場內，環境幽靜，人煙稀少，基本上都係得幾檯客人。北海道牧場特餐拼叉燒通粉嘅通粉都幾煙韌彈牙，叉燒嘅肉質都幾鬆軟，但份量較少；厚多士亦烘得幾金黃香脆！另一方面，湯底偏鹹，令到味覺受到影響，變相影響左叉燒本身嘅香。重點黎喇，佢地個招牌嘅炒滑蛋，每碟嘅炒滑蛋炒到過咗火，令到賣相粗糙，食落亦唔夠嫩口一開始以為佢做專做好炒蛋嘅一間鋪，點知都係未合心水。如果再食的話，可能會揀咖哩飯試試。

凍檸檬茶淡到似凍檸檬水,成杯都係冰.叫佢加返多D濃茶入杯茶到,完全當聽唔到.雞翼應該翻炸!再翻炸,乾到似紙皮.可能是昨晚買唔晒,,拎返出嚟再賣.其它食物一般般,意粉無味,唔夠汁,份量少.,淡而無味可能係佢特色,原全無驚喜.

很久，很久以前，有班人，會來吃蕃茄湯滑蛋加什麼肉的麵。我也曾吃這裡的黑咖哩飯，覺得不錯。 這次久別重訪，看到餐廳收銀counter竟然貼了一張”新菜式- 海南雞飯”，有點擔心，畢竟這未免太風馬牛不相及，牧場會有人斬東南亞的海南雞？ 🤔想到可能招牌菜做不好才搞這東西，可是還是跟大隊坐下醫肚...黃金豬扒3.6牛乳炒蛋蕃茄湯粉 蕃茄湯好水，全冇蕃茄味，只有微酸，淡得很，只好自己再炮製加白胡椒tabasco。豬扒燒得ok。咖啡也算香也不太苦。同枱友人說烏冬很酸。另人同枱友人的公仔湯麵可能因為是漏單，麵發脹得很可怕，湯快到底😅下次來megabox千選萬選選別的吧😅

係附近返工，常常黎megabox食午餐。今日就決定黎呢間北海道牧場餐廳試下。我叫左個鮮牛肉3.6牛乳炒蛋番茄湯通粉。番茄湯通粉配牛肉和滑蛋雖然普通，但呢個配搭幾夾，味道不錯，而且價錢合理，整體黎講都算不錯。呢個餐份量不算多，得好少牛肉，但不失為胃口不好時的好選擇。想食得清淡啲的朋友都可以考慮黎呢間食不過，普遍男仔大概都會覺得唔夠飽。另外，由於呢間餐廳的坐位不算多，仲要坐係走廊，環境方面就感覺唔太好。

平時唔會寫開食評...佢都算好嘢逼到我忍唔住寫！ 唸住好耐冇食過食下啦...點知中伏！ 已經叫乜冇乜...以為平日夜晚所以冇咩人幫襯...原來唔關事....難食到咁唔怪得冇咩人來！ 唔上來都唔知已經咁多劣評燶爆吉豬滑蛋飯、hea爆叉燒通伴一篤黃色物體响個碗邊（會唔會核突咗啲呢）、冇烘過嘅多士（明明餐牌係話多士來...多士爐壞咗呀）、稀爆紅豆冰水.....價錢又唔係平！ 究竟這間嘢請咗個咩廚呀...以前都唔係咁。 食完唔知食咗啲咩...真係不知所謂，見到都大陰影System一定要比星...我想話跟本一粒星都唔應該比...完

好耐都冇去過食北海道牧場餐廳了，以前去就多數係因為買左團購券。近呢幾個月成日都見呢間餐廳係報紙刊登一個月內唔同時段o既優惠券，於是我就留起左備用。我去呢間位於九龍灣Mega Box 10樓，進食區除左餐廳內o既四張枱外，仲有係商場內劃分左一個區域，若10多張枱左右。我到達餐廳o既時候大概係下午3點半左右，好難先揾到個位坐，唔係因為食客多，而係八成o既枱面都係食客用餐後未收的杯碟及餐具。走過去餐廳內o既餐桌，情況一樣，冇店員執枱、抹枱，咁污穢o既環境都唔想食了，加上宜家係夏天，更容易滋生細菌，幸好冇蒼蠅飛過，點都好野食有幾美味都冇用。我同朋友終於好幸苦揾到二個位，剛好有店員陸續收起杯碟及餐具。我揀左優惠券o既火腿蛋三文治茶餐，收銀員話是日 (即星期日) 冇茶餐，但優惠券冇講明只做平日。後來收銀員又話可以買，話熱飲要加$3，但優惠券講明係茶餐，即套餐，冇理由只有火腿蛋三文治，否則就唔叫茶餐，更加唔需要下午2時至6時使用。總之未食野，已經受環境及不知所謂o既收銀員影響食慾。講番我o既火腿蛋三文治茶餐，麵包鬆軟，雞蛋都算滑，成份火腿蛋三文治係好食，好滿足。但奶茶唔掂，好苦澀，一啲都唔香滑。鍾意

食物種類多元化 北海道牧場餐廳家庭之選今日帶仔仔黎megabox E3club玩波波池放電！玩完之後更係要醫肚啦！哥哥話要食雪糕又要食通粉….咁刁鑽…好彩..我地一落電梯就見到北海道牧場餐廳個餐牌！竟然有齊仔仔想食既野！有雪糕西多士仲有埋通粉添！唔洗諗！一定食呢到啦！最重要係近嘛….放完電..我都唔想再行再搵喇….佢地食物種類真係好多焗飯、意粉、日式咖喱、蕃茄濃湯通粉、牛角包、西多士、雪糕、窩夫都有！真係花多眼亂！今次俾仔仔發板！佢揀左北海道牧場特餐！火腿炒蛋白拼多士！配叉燒通粉！加埋個層層碟西多士配兩球雪糕！我地揀左綠葉同牛奶味！餐飲叫左熱檸檬水！哥哥食到好開心！叉燒通粉湯底好濃味！多士烘得岩岩好唔會好lon！西多士大大舊好好味！哥哥大滿足！總括：地方夠大！仲有BB椅！食物上台快！味道良好！下次再同仔仔黎放電！會再黎食過！

其實Mega Box真係有超多食店, 仲可以食到吾同地方嘅菜式, 認真方便！！這次俾個餐廳嘅名更引左而入去試試, 北海道牧埸餐廳個名好似好得咁！！唸住D食物一定好有質素同有北海道奶嘅奶香味, 點之得失望兩個字！！我叫左北海道牧場特餐, 有火腿炒蛋配牛油多士, 火腿連煎都無煎就上碟, 炒蛋一D都吾滑, 牛油多士牛油吾夠多士又淋左！！我男朋友叫左日式黑咖哩吉列豬扒飯, 豬扒尚算香脆, 但炸得太耐太乾啦, 雖然塊扒超大塊, 但一D都吾好食, 而且咖喱汁太少啦, 終於剩下不少！！再加杯抹茶特飲, 都只係ok咋！！應該無下次啦！！

難得的半日假期今天約了知己一聚去看電影由於看早場依香港人的習慣大多起不來食早餐所以在等友人到場前先搜索一下商場裡有哪幾家早早開門的店同層十樓只有三家已開在“無選擇”之下很快就決定了這家先座下看看餐牌嗯看完後發現我們在看午餐餐牌二人無尼頭才跑去找人幫忙最後在下選了漢堡扒配炒蛋的蕃茄濃湯通粉朋友就點了火腿配炒蛋蕃茄濃湯米大家都是飲熱朱古力湯明顯不是鮮茄但埋所當然幾十元不能要求太多整體是不差的朱古力休是特濃的可是餐好像不太夠飽？（朋友說）而在下早在家食過早餐對在下而言份量足夠另外還有一張新年優惠券送雞中翼一客有效期一個月食完座了一下我們便離開了期間店內客人也算多座滿了半場可能因為還早的關係沒幾家店開了不過說真的作為一個早餐來說不失為一個好選擇

中午時間人多，要等我明白，所以買咗個最basic 既餐，等得耐就固然，個叉燒通一嚟，真係嚇親，同食剩個D有咩分別？份量得半份，之後同職員講先換番個正常比我，老實講真係唔會再食，差到爆！

剛去完MEGABOX店,叫了菠蘿雞扒焗飯,65元, 但不是雞扒, 只是雞肉,只有3小塊!!而且飯只得那隻綠色碗的三分之一滿!簡直有被騙的感覺! 向服務員比意見, 態度愛理不理, 跟住就話"我地D雞扒返嚟時已經好細塊, 煎完之後就會縮水, 咁你係咪想加多塊雞扒呀?" 見到佢咁嘅態度, 都唔想再等佢再施捨塊雞扒啦! 這店...列入黑名單啦!

今日公眾假期想過嚟呢邊行街, 最後決定喺呢邊食埋早餐, 因為早餐時段11點已過, 所以先嚟到呢間到食嘢, 呢到早餐可以食到11點半, 我地叫咗啲好普通既西式茶餐廳早餐, 另外再叫個特餐, 所有早餐都要配炒蛋, 如果對蛋敏感既人就冇得選擇火腿炒蛋多士配叉燒通粉 - 賣相都還可以,炒蛋有蛋漿流出, 多士牛油偏少 , 叉燒通粉都還可以魚柳炒蛋配多士 - 魚柳肉都好嫩口, 外層炸得過火變濃,炒蛋有蛋漿流出, 多士牛油偏少鮮魚湯雞扒湯米線 - 賣相一般, 米線係碎米線, 影響晒食慾凍檸茶 - 沖茶果位人兄太唔專業啦, 好似俾人飲咗啖咁, 檸檬都唔算太新鮮, 茶底偏濃, 整體上都唔太好飲總結 : 食物真係一般, 如果要求唔高既人可以去試下, 我又唔覺得太差, 只可以用OK嚟形容

之前係沙田分店食過一次覺得佢哋嘅早餐好食 尤其是滑蛋所以今次係Megabox就決定喺度食晚餐.呢間分店係以半自助形式進行揀好嘢食之後 要先去俾錢然後侍應先會送上嘢食 連餐具都係要自己拎和風牛肉大碗飯$46.說好的大碗飯 原來仲細過正常份量相信比吉野家嘅份量細一倍 大家可以用匙羹對比一下🤦🏿‍♀️呢個價錢 我寧願去食吉野家🤦🏿‍♀️吉野家嘅牛肉飯仲有洋蔥 仲好食過佢其實如果唔係佢自稱大碗飯 期望落差冇咁大 會比較好🤦🏿‍♀️番茄牛肉炒蛋米粉$44.鍾意番茄湯嘅我 去到邊都會試吓佢哋嘅蕃茄湯底但係今次都真係幾失望蕃茄味唔濃郁 而且好稀好淡 牛肉份量超級少 只得4,5塊 而且好鞋 🤦🏿‍♀️又一失望唯一可取嘅係 佢哋嘅滑蛋依然保持水準.餐廳半自助形式唔係問題但連基本嘅餐具都唔足夠要自己去問侍應攞 先知原來咁大間餐廳 連堂食嘅叉都用晒唯有用膠叉頂住當..係幾失望嘅一餐唔知係分店問題定點 令質素下降連分店嘅收銀都態度亦麻麻 🤦🏿‍♀️

Lunch time 來 Megabox, 好難揾位。間間都 full 哂，見到呢間有位，就試下，揀左個北海道招牌常餐，其實好普通，好似茶記食個啲咁，叉燒通粉味道一般無特別，炒蛋係幾滑但都無牛奶味的。