16
0
0
港鐵旺角站 E2 出口, 步行約6分鐘 繼續閱讀
電話號碼
28191100
付款方式
Visa Master AlipayHK 支付寶 現金 八達通 微信支付
其他資料
Wi-Fi
酒精飲品
自帶酒水
外賣服務
加一服務費
食評 (16)
無意中經過這間餅店,被香噴噴的蛋糕香味吸引了過去,眼見鋪頭是售賣蛋糕和批類為主,仔細一看,原來鋪頭的蛋糕都是由日本直送原材料在現場製造的,剛巧遇正開店優惠有八折,即時買來些試吓!椰汁斑蘭古早味蛋糕($100),清新的斑蘭綠色,睇落好吸引,帶回家還是暖粒粒的,口感鬆軟,帶着淡淡椰汁、斑蘭香味。錦爽流心芝士雞批($20),配搭十分吸引,芝士雞批裏邊有雞肉、蘑菇、火腿,口感有點似卡邦尼。富士蘋果金寶撻($25),見到呢個甜品二話不說即買,香甜的富士蘋果配上金寶脆脆,入口鬆化而香脆。酸乳酪芝士批($20),食得出落料好足,酸乳酪同芝士的比例剛剛好,不會黏口。芝士鮮奶撻($15),芝士味濃郁,但又不掩蓋鮮奶的味道,口感細滑,配上曲奇皮,一個字,正!藍莓吉士焗雪山($25),Creamy的吉士醬與藍莓醬,擦出了奇妙的火花。還有草莓吉士焗雪山($25),換上了草莓醬,酸酸甜甜,頂頭仲有粒士多啤梨添。鮮忌廉吉士泡芙($25),看似簡單,但泡芙做得好鬆脆,夾著忌廉和吉士醬,口感極有層次。當日買到返屋企,旋即被屋企人秒殺,大家都讚賣相靚,好食同埋價錢合理,仲話如果用來做散水餅一流添😆😋 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-09
8 瀏覽
今日正日生日, 同仔仔行去旺角買野時, 比仔仔見到呢到開左間新野“北海道牛乳蛋糕”見到都幾多人排隊咁八卦的我地緊係走去睇下啦!一睇不得了, 口水直流,因為見到有3.6牛乳芝士鮮奶撻 , 牛乳酸乳芝士撻,白汁錦爽雞批和照燒牛肉批岩哂買返去當 tea 食。原來呢到材料係北海道直送過來,再入焗爐焗的,仔仔見到個北海道牛乳濃朱古力蛋糕已經即話要買來同我慶祝生日。 好啦諗住買完tea和個蛋糕就走,點知行過小小又睇到呢到原來仲好有好甜品,有婆婆最愛的京都抹茶忌廉紅豆批和北海道藍莓焗雪山咁緊係要買來孝順她啦!因為我生日即係佢痛苦生我的一天。回家品嚐時,發覺每件出品都好出色, 佢地的牛油皮焗得好香脆, 批入面材料又夠豐富, 最突出係個牛乳酸乳芝士撻, 兩者配合得剛剛好,冇搶到大家的味。婆婆同公公食左兩件甜品都表示唔過甜岩佢地食,抹茶同紅豆真係好夾。而我們最最最欣賞係個北海道牛乳濃朱古力古早蛋糕, 刀切件時已經有小小好濃的朱古力醬, 咬落去有軟綿綿又香濃,搞到我和仔仔一人都食左兩大件 。希望下次佢地會做d 小生日牌, 咁下次仔仔生日時我都可以再來買同佢慶祝。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-09
0 瀏覽
出開旺角見到上個月尾開既北海道牛乳蛋糕店有唔少人排隊,於是同屋企人過去湊下熱鬧睇下有咩食🙈原來店鋪以日本直送原材料同100%現場製造做賣點,望入去店鋪,真係見到d師傅喺到密密做密密做。既然咁新鮮,於是同屋企人一人揀咗兩樣野,返屋企大快朵頤😋我地分別揀咗錦爽流心芝士雞批($20)、酸乳酪芝士批($20)、北海道牛乳芝士鮮奶撻($15)、照燒牛肉芝士批($20)、鮮芒果吉士焗雪山($25)同埋藍莓吉士焗雪山($25)。雞批同牛肉芝士批好足料,食完好滿足~酸乳酪芝士批同鮮奶撻有驚喜,味道有少少咸,好特別。最靚而我又最鍾意既係兩個焗雪山,即時攞到返屋企都唔會蹋落嚟,最外層係蛋白加糖,裏面除咗吉士,仲分別有芒果醬同藍莓醬,讚!本身仲想買黃金流心芝士蛋糕,因為佢話係限量出,但怕食唔哂,所以都係留返下次~ 繼續閱讀
(以上食評乃用戶個人意見 , 並不代表OpenRice之觀點。)
等級3 2020-08-07
18 瀏覽
主打以北海道牛乳3.6製作嘅古早味蛋糕、批撻同泡芙等甜品。由日本直送原材料到店內嘅工場🇯🇵即場焗制密密出爐,宜家新店開張仲有8️⃣折優惠💗北海道3.6牛乳芝士鮮奶撻 ($15)外層嘅曲奇撻皮烤至金黃香脆,食落鬆化富牛油香🥧中間嘅北海道牛乳內餡滑溜溜,不過布甸部份做得比較淺。食落奶香係特別濃郁,但芝士味唔太突出🥛💗錦爽流心芝士雞批($20)金黃酥脆嘅撻皮有好香牛油味,落料亦好足, 濃厚嘅白汁包裹住雞肉🐥、洋蔥🧅、火腿🥓等,餡料依然好濕潤,但唔會糊口,重點係中間流心芝士,味道更鹹香。💗酸乳酪芝士批($20)同樣以香酥嘅牛油曲奇皮🧈而內餡嘅底層係濃厚嘅忌廉芝士🧀最特別係頂層幼滑嘅酸乳酪,酸甜比例剛剛好,奶香亦特別重。整體唔會過份黏口、只你偏膩。💗富士蘋果金寶撻($25)香脆嘅曲奇皮唧人細滑嘅吉士醬,再舖滿香甜嘅富士蘋果粒🍎煮得唔會過腍,仲有少少咬口,吸收哂香濃嘅肉桂味,仲有大粒提子乾🍇而頂層嘅金寶脆脆牛油味特別香濃 繼續閱讀
(以上食評乃用戶個人意見 , 並不代表OpenRice之觀點。)
📍 北海道牛乳蛋糕 (旺角)最近經過旺角發現一間北海道牛乳蛋糕店,因為感覺似古早味蛋糕,加埋3.6牛乳,好吸引。每次經過都好多人排隊架!勁吸引除左蛋糕,仲有好多款撻既選擇,包括鮮奶撻、乳酪蛋撻、雞批、泡芙、芝士雞批牛肉批 ,外形都幾靚,包裝仲好精美添,一盒盒送禮、萬歲下午茶都好唔錯。個人比較鍾意食乳酪芝士撻,好特別🤤。今次就無試到個牛乳蛋糕,有冇人食過分享吓😂想試下。而家買仲有八折!下次經過買返個先! 繼續閱讀
(以上食評乃用戶個人意見 , 並不代表OpenRice之觀點。)