北海道爐端 (已結業)

在荔枝角揾食係越來越難，茶餐廳普遍價格已升到$50－個普通午餐。有些坐得很逼，有些選擇很少，尤其星期日，很多cafe 都關門，我就無乜好揀。所以特登去D2 place 2睇睇有什麼食肆，尼間價格不便宜但有full set, 選擇也挺多！定食套餐前菜有3款、－個湯、－個主食－個副食和飲品，$78起再加一。我食牛肉湯烏冬，居然仲有飯，真係飽到上心口，但牛肉不夠多，味道則可。朋友叫了牛肉撈烏冬(送二壽司)，炸雞(送飯)｡兩個賣相皆可，朋友也說味道不錯。以這個價錢，當然也有其他選擇，這裡勝在有自己房，傾計新聚點。

與同事帶住期待嘅心情去食 lunch, 但去到才知只有set lunch,沒有散叫. 由於同事食素,係無得揀之下只叫咗一碗滑蛋湯烏冬,又由於該烏冬係兒童餐,細碗,又唔包飲品及前菜,最後只好叫埋枝豆,茄子.可惜茄子只有兩粒 (比我隻手指尾還細),最後只好叫埋炸蕃薯片...我自己就食咗個牛肉窩烏冬,沒有太大特別..自己在家煮比佢更好味😓

附近所有的日本餐廳我們都已經試過這次來到D 2 Two新的日本餐廳 會有驚喜嗎?1. 原條燒明太子♥️♥️♥️♥️♥️♥️♥️♥️之前在大阪的居酒屋吃過一次， 就愛上了！回來香港發現有燒明太子的地方不多通常都會燒得不夠香 這裏的做得挺香 值得encore2. 明太子沙律♥️♥️♥️♥️♥️♥️♥️鱈白子是日本北海道的珍鮮，也不是每間日本料理都有提供. 3. 醬油鱈白子♥️♥️♥️♥️♥️♥️4. 豬骨湯海鮮烏冬♥️♥️♥️♥️♥️♥️5. 海膽刺身♥️♥️♥️♥️♥️♥️新鮮6. 炸雞 ♥️♥️♥️♥️♥️♥️♥️女服務生介紹是從大阪的外脆內軟

近來荔枝角開了新一期的商場，自然開了好多新餐廳，有好幾間係食中高級的外國菜，所以一般返工食Lunch都無資格入去TvT 今日趁Happy Friday就豪一次試下呢間日式料理店。定食除主菜外，還有3小碟醃菜，1小碟沙律，1碗味增湯，1杯飲品，感覺都幾豐富嗯、感覺而已XD 因為主菜8件壽司加1小碗烏冬其實對男生還是不夠。魚生的鮮味還不錯，但食材級數只是一般而已。烏冬有2塊甜腐皮和日式魚蛋算係加返少少分。今時今日食一餐飯的價錢已經包埋食環境同餐廳配套，好似打工仔的人工係包埋受氣同OT。

d2 place two新開左一間日本嘅嘢食,裏面嘅裝修都好有居酒屋feel,好特別~我哋三個女仔叫左一個二人份量嘅煙肉芝士闊條麵,溫泉蛋牛肉烏冬,同埋炸魷魚鬚仲有燒茄子。個意粉係即時用熱力將個大大嘅芝士溶咗，撈好再上碟。個味道好好，不過絕對唔係二人份量，一個女仔都可以食得晒⋯⋯另外個烏冬都好好味，個汁做得好好👌不過都係每人食幾條面就已經清倉⋯⋯最令人O嘴嘅係個燒茄子，原來係迷你size，睇圖就知，我個手掌大佢n陪，仲要用豉油碟上枱可想而知迷你度嘅程度有幾咁離譜其實每樣野個味道都好好，希望下次可以多番啲份量！

🆕🆕荔枝角D2 place 2期新開日本餐廳🆕🆕今日同朋友仔去D2商埸去最近熱捧～影相好靚既飄雪樂園，影完靚相📸📸☃️☃️跟住諗住食好西🍹🍹我地簡左一間新開既日本餐廳 " 北海道爐端 "🍛🍣🍙🍤環境唔錯，叫左d 刺身，有三文魚，帶子，牡丹蝦💯分，夠哂新鮮，之後叫個小食"雞泡魚干",燒得岩岩好👍🏻👍🏻，再叫左蟹肉沙律，好鐘意食個d 蟹肉再叫左一個日本海鮮火鍋，配上烏冬唔錯，今次果然無入簡錯野食～值得可以再黎呀，今次兩個人下次試下個清酒煮蜆先，頭先見到隔離枱食，但我地今次真係太飽喇，留返我地下次再試啦！今日好滿足！

食物既味道整體而言係唔錯，上菜速度唔太慢，只係侍應人數較少，落單埋單都要等一段時間先叫到人，坐位比較窄，menu唔算多選擇首先試左豬骨拉麵煮雞蛋，湯底唔太咸，麵質有口感，值得一試 第二係明石燒風雞蛋卷，燒得岩岩好，無燒焦，中間夾住少量明太子，再點個汁就更加正，都係值得一試唯獨係佢個煙肉芝士奶油意大利面，味道唔錯，芝士唔會太"漏"，但menu寫左係2人份量，實質少於一人份量，係呢樣比較令人失望，以佢既價錢，我覺得個份量可以再多啲

長沙灣D2 Place的食肆越開越多，路經此處，發現了這新開的爐端燒，便入內試試！這店沒有豪華的裝潢，簡約的設計，給人一種開陽的感覺，用餐的環境相當舒適。雜錦海鮮膾小小的器皿，盛載著幾款魚刺身和一隻半凝固的溫泉蛋，兩者伴勻來吃，味道討好！冷燒茄子圓胖的小茄子，賣相可愛，蘸上少許醬油去燒，茄子入口軟嫰多汁，吃起來沒有乾柴感覺。北海道牛肉豆腐湯底是傳統日式的鍋物味道，上面放了一隻半熟溫泉蛋，豆腐軟滑的滑進嘴裏去，薄薄的生牛肉，經湯底微涮後，肉質雖不稱上優質，但嫩口程度尚算滿意！鹽燒金目鯛用筷子夾開，金目鯛油份雖重，但魚肉經爐燒後變得乾柴而緊實，魚肉雖香但不鮮嫩，扣減了分數！日本番薯番薯用芝士微烤，加上本身帶有甜味，不錯。牛油醬油燒鱈白子微燒過的白子鋪在紫菜上，其樣子有點像豬腦，賣相並不討好，入口質感綿密嫩滑，經燒過後多了一份焦香！本人對這道菜式興趣不大，只是淺嚐少許，但這卻是P先生的至愛！日式雞蛋粥用日本米飯、菇菌和鷄蛋煮出來的粥，用料雖然簡單，但味道出奇的好，溫暖了脾胃！柚子味噌芝士燒牡蠣蠔身不算飽滿，每隻體積較細，芝士鋪在蠔身去燒，芝士的咸香味道恰到好處，沒有蓋過蠔本身的鮮味。不經意的