北京樓 (MOKO新世紀廣場)

營業中

休息中

同外地回港嘅親友聚會，對方提議食京菜，知道北京樓嘅食材及烹調一向都有水準，又見佢做緊個4人套餐幾抵食，所以就揀咗去呢度吃晚飯。另外，呢度待應服務也很好，訂枱時我查詢有關套餐，佢就主動用手機發送套餐餐單俾我，環保又方便。首先嚟嘅係叫世紀三小碟嘅冷盤:京城糖醋小排骨，酸甜度適中，糖醋汁滲透入排骨七里香莊酒糟醉雞，酒香撲鼻，雞肉嫩滑又夠入味杭州芳香煎腐方，香口好味時菜鮮魚羹，味道清新，無味精北京宮爆蝦球，蝦肉新鮮而彈口，甜甜辣辣十分惹味，果然係招牌菜家常蒸魚方，魚肉厚身又夠鮮味，配撘鋪面嘅木耳絲同肉絲口感更豐富瑤柱上湯小黃菜烤北京填鴨，鴨肉唔肥但都好香，表皮烤得脆卜卜食到停唔到口包填鴨肉的皮份量超多，難得食填鴨係唔需要追加皮，可惜皮做得較削身，有點失色無錫灌湯小籠包，肉汁都算多，不過不失

同朋友坐低無幾耐，洗左啲餐具後，好好聲氣同個茶水阿姐講，“唔該，可唔可以給個兜裝水”，個阿姐直行直過。。。以為佢聽唔到，佢第二次經過時候，我再大聲啲講同埋企埋起身講，佢都係唔停低扮聽唔到另一個阿姐見到都同佢講，“你理下啲客人啦”，唔係另外呢阿姐肯拎黎，真是好想投訴佢。最氣憤的是，呢個性格阿姐唔係聾的，見住佢同另一張枱，啲客比較中年老成同著西裝的一枱，笑笑口幫佢地落單，除左甘之外，成晚佢行行企企，同對其他人毫無表情。有無搞錯，原來茶水阿姐可以選擇性提供服務甘巴閉!？

Openrice寫收11點半但去到門口寫收11點鐘去到門口9點40分當想行入去時就話已經收1個鐘前廚房收爐我都理解 但需要用到個半鐘以上嗎？如果係咁 咁不如列明清楚比人聽

呢晚同家人嚟食片皮鴨，依家滙豐信用卡做緊優惠，$878（加一）就有個四人餐。唔知係咪餐廳比較細，所以好似趕著要我地交枱噉，一坐底就問我地要唔要落單，因為未齊人所以叫佢等等，點知冇幾耐又有另一個嚟問我地。到食嘢嗰陣，啲店員做嘢真係快手喇，夾緊最後一啖佢已經行埋嚟準備收碟，食咗一個鐘就走埋嚟話 last order。其實店員態度又未至於無禮嘅，但成餐飯真係食得好趕...有兩款小碟嘅前菜，海皇羹同蝦球，海皇羹又真係俾我食到舊燕窩喎～我地另外叫咗個韮菜撈蛋煎餅，韮菜多但就冇咩蛋香味，都幾大舊再加上皮厚，所以食落覺得好飽。見到旁邊嘅職員成晚都喺度切鴨，大大隻烤鴨馬不停蹄噉上。主角出場了！呢個喺入座時就要叫定，因為需要45分鐘預備。五個人每人都夾到3-4塊，仲有啲鴨剩底可以直接食。味道就一般般啦，又唔算好多肥嘅。之後仲有幾樣小菜同蔥油拌麵，個人就略嫌麵條有啲乾。最後仲送兩個芒果冰皮，可以選擇帶走或即場食。總結成餐飯感覺食得好趕，雖然訂位時有講明 1.5小時內還枱，但自一坐底就已經俾人催嘅感覺，食物都唔錯嘅，但亦算不上特別出色。

一去到門口望落好多人等位，等左幾個字就有位，入坐後，第一個侍應問我地飲咩茶，講完之後就無理我地，跟住第二個走埋嚟又問多一次飲咩茶！到我地落左單之後，一直等一直等！終於嚟左碟菜，差不多食完，就嚟個小籠包，雖然張單有寫明片皮鴨需時45分！一直都無追單，我見張單，有一行寫住泡菜x1！就問個侍應呢個泡菜係咩嚟！佢（ADA)只係講左一句泡菜，跟住就目無表情咁行走左！我心諗...你答左我架啦？之後就無再理過我地！到我地食埋個無味既片皮鴨！個泡菜都無嚟過！到埋單，問另一個阿姐係咪碌卡有折，又係目無表情，又唔答我野，咁就走左去！呢個鋪啲侍應又唔係好忙，行行企企，吹下水咁！但一啲服務都無！火都嚟埋！點解可以咁無禮貌！簡直係垃圾！兩個人食左五百蚊，收服務費！一啲服務都感受唔到！真係想投訴😡同埋啲餐牌全部得四人餐至六人餐以上！無二人餐🤦🏻‍♀️係咪兩個人嚟食野就無招呼？

酒樓環境好嘈，位置都算大，但係啲枱好迫，差唔多係櫈鐵櫈咁樣坐好迫。如果冇訂位，我諗就咁walk-in應該冇位呀!侍應冇乜招呼，好似好繁忙咁，點菜嘅時候，要等好耐先有人理。 隻雞個顏色好淺色， 冇咩味，素鵝好乾呢個羹大約有六碗喇!好多料，但要加胡椒粉先覺有d味。 呢個蝦唔夠爽口， 個甜味有啲怪。 魚塊加埋啲菜脯好咸。 菜苗味道一般 小籠包好似公仔點心嗰啲小籠包。 片皮鴨最後先上，但係都食到飽曬啦! 佢麵包皮有一層油，覺得好奇怪。鴨肉好似過咗氣咁，唔夠新鮮。

喺旺角MOKO附近做完野，lunch想食中菜，見到北京樓都幾滿座，質素應該有返咁上下，所以決定試下，我哋等咗大概15分鐘入得。·叫咗個套餐，另外再叫咗碟「烤北京填鴨🦆」，套餐包咗前菜、小籠包、大蝦🦐、魚🐟、上湯燴菜🥗等等，套餐菜式味道唔錯，不過最出色就非「烤北京填鴨」莫屬！·👑 烤北京填鴨 🦆（$298）鴨同薄餅皮嘅份量都幾多，鴨皮好香脆，連住少少鴨肉，就算唔洗連配菜或者點醬食都非常惹味，宜家回味返都想流口水！🤤

酒樓環境不俗茶具及碗筷都有特色叫左鐵觀音及壽眉茶色及茶味幾好，清香而不苦澀生煎叉燒飽面飽很鬆軟，飽底微微煎過，很脆，义燒料不太咸蒸排骨好大碟，啖啖肉，幾好味，唔會得啲骨👍👍👍芝麻餅賣相很吸引，沒有油淋淋嘅感覺，很鬆軟，亦好易飽粉果皮好薄，好多菜，味道清新唔漏牛肉球普通質素，比起其他點心稍為失色。不過有個部長態度麻麻，甚至係大庭廣眾鬧D侍應😳😳😳大家都尷尬又唔開心整體食左7碟点心$298，算係正常價錢。點心質素唔錯👍

All the branches have guarantee quality of food for a very reasonable price. The most famous dish here is the beijing roasted duck which offers you 3 dishes . 1) The crispy duck skin wrapped in slices of flat bread 2) duck soup3) minced duck meat wrapped in lettuce Another dish that we ordered is the 水煮魚, the restaurant offers a boneless (fish fillet)version of it and is my favourite dish.Recommend this restaurant for gatherings.

我一定唔會再去！本來見到北京樓可以一去，點知出事，得個名！劣質食物，下等貨。就係做信用卡有折扣所以吸引人入去，當晚叫咗兩隻片皮鴨，完全冇鴨味，仲帶有點苦味，因為我就咁食冇落配料先食得出真味，個包皮唔熱，叫佢可否來熱點，點知佢話只係來現成貨，要唔要去微波爐加熱比你？水煮魚完全不是水煮魚，冇大豆芽菜冇辣味，魚只係用龍利枊魚，仲要係有蛋面嗰隻，小籠包皮厚本身痴底，一起就漏水，酸辣湯不是酸辣湯，上海炒年糕洗衣粉味！十幾人食仲有更多，但冇一樣合格，一早想放下要求，但中段只好放低筷子⋯放棄，如果大家想挑戰自己味蕾咁就去吧～～

甘啱上網見到有得用匯豐信用卡優惠，哈哈鍾意搵着數嘅我哋梗係唔會放過啦！ ！ ！見到佢嗰個四人餐好抵，本身原價千6而家好似八百幾蚊就有得食，最重要嘅係有一隻完整嘅北京填鴨！所以就約埋屋企人一齊嚟試吓！其他餸嘅份量正正常常，我亦都冇食得太多，因為我知道北京填鴨先至係呢度嘅主菜！所以一開始嘅食物都冇食得太多亦感覺不是特別有什麼特色😂😂最後佢先上咗嗰個北京填鴨。先講嘅就係佢嘅賣相好吸引，無論顏色定係脂肪同埋肉嘅比例都非常之好，我個人就比較鍾意食比較瘦嘅肉！但係就略嫌佢嘅配料唔係好夠🙈總括依然都算好食嘅，因為佢嘅皮做得好薄好薄，同埋分量非常之多。我哋四個人食都食唔晒！所以可以好盡興咁食北京田鴨真係好開心☺️☺️☺️

最近匯豐信用卡做緊優惠，7月底前4人套餐有六折，而且套餐菜式一d都唔求其，其中包括我好想食嘅片皮鴨😍冷盤有杭州芳香素腐方同青蔥麻香雞，連平時唔食腐皮的我都覺得甜甜地幾好食。麻香雞肉質好滑配上少少麻辣的味道好惹味。干燒明蝦球的汁酸酸甜甜好開胃，而家蝦球好彈牙。無錫灌湯小籠包入面好多湯汁，皮都整得幾薄，唔錯👍🏻重點當然係北京填鴨！份量其實好多，每個人都分到5-6塊，用嚟包填鴨的皮整得好薄真係值得一讚！而且加$2就可以將剩返嘅烤鴨打包回家，真係好抵呀！成個套餐份量都好多，食完真係捧住個肚走😆 4個人八百幾蚊就已經食到咁多好菜式真係好正！

今日同媽咪,姨媽諗住試北京樓既片皮鴨,我地早早5點半已經入去坐(晚市),一入到去經理已經叫我地落單叫片皮鴨,我地5點32分已經落好單。好啦,如是者過左半個鐘,我地叫多個莧菜,過左十五分鐘,莧菜就無,黎左個勝瓜,叫人換,無人跟進,搵人問就叫我地等。好啦過多10分鐘,莧菜黎左,鴨都仍然未黎,最終等到成差唔多6點50分先黎片皮鴨,仲要追先黎,黎到啲野凍都就算,就連2食炒鴨崧都係要追先黎,如是者最後係食到7點15分先食到7788。佢地叫人7點交枱,但個片皮鴨差唔多7點先黎,呢個係咩玩法?

星期六晚同屋企人到旺角北京樓用膳........總體黎講E間野不知所謂1. 小籠包入面有"3mm 長硬物".......馬上向部長投訴.........部長不停話唔好意思.............隔左5 分鐘左右.........部長埋黎同我講話個塊係豬軟骨...........我O哂咀然後回佢一句"咁係唔係正常架?".............佢只係不停話唔好意思同話會取消個小籠包2. 腸仔炒飯.........北京樓WOR3. 個北京烤鴨個塊白色包"濕淋淋"4. 叫親寫菜加茶就話轉頭先..........(SERVICE CHARGE可唔可以下次先?)

This is so bad I had to create an OpenRice account to comment. It is 6:30pm, the restaurant is 90% full, I am sitting with my family of 8 in the Moko Peking Garden and it is the worse dining experience I have had in Hong Kong, and I thought this was a reputation operator and brand. The host at entrance, who gives the first impression, is just plain rude when we gave our booking details. It was booked 3 days before but we got the entrance table with all the traffic around us. No questions allowe