北京樓 (德福廣場1期)

自從8月31日食完個外賣之後嘔左幾次，連續幾日都冇胃口想食野，個胃又唔舒服，仲有嘔心嘅感覺！越諗越唔忿氣！嗰日食完北京樓個外賣幾個鐘後嘔晒出黎，仲要嘔足幾次先嘔清啲細菌病毒！一同進食的家人都嘔左幾次！搞到人食物中毒餐廳都唔肯退款，打電話同個周店長溝通就不斷推卸責任，真係姓賴啱佢多啲，賴送遞員外送過程問題，賴客人前一日食錯野，前一日食嘅野點會仲喺個胃到，我當天只食過北京樓外賣，嘔出黎嘅都係啲外賣食物，仲聲稱餐廳從來都冇發生過食物安全問題，總之點都唔關佢事，應該一路以來就算有問題都唔會承認先保持到一直都冇問題睇番網上評價咁多分店做得最差就係德福呢間，態度又差，影衰晒北京樓個招牌。呢件事肯定係個外賣污染左細菌病毒，導致我地食物中毒！雖然餐廳店長不斷將責任指向送遞員，但餐廳唔用膠袋綁實個外賣，就咁用個紙袋裝住，又冇貼上膠紙封實開口，又唔用釘書釘封住上邊，完全冇採取任何措施保障個外賣，令送遞員可以輕易接觸到食物又不留下任何痕跡，餐廳方面都責無旁貸啦！北京樓行高檔路線，但做事就咁馬虎求其。其實之前嗌過一模一樣嘅外賣食完都冇事，但今次啲京蔥青瓜睇落已經好唔新鮮乾爭爭咁，唔知切完擺左幾耐⋯⋯所以懷疑今次生嘅蔬菜會唔會沾染左細菌病毒⋯⋯今次的確係因為食完你地餐廳嘅食物而嘔，嘔出黎嘅都係你地餐廳嘅食物，同店長反映完全冇正視問題，只識推卸責任想敷衍了事。呢位周店長明顯冇用心做好管理，唔會諗改善方案，當出現問題只會準備一套說辭作回應來解決，不思進取，毫無反省。食物安全問題明明好嚴重，但係周店長完全唔當係咩一回事，完全冇道歉冇賠償，區區百幾二百都唔肯退，漠視客人健康，仲浪費我時間溝通無果，要我地顧客承受晒一切身體上，時間上，精神上，金錢上損失，簡直離晒譜，令人氣憤！！！！…查看更多

今次喺九龍灣北京樓用餐，雖然嗰日出菜等咗比較耐，不過食物質素確實超出期待，令人覺得等待都係值得。北京填鴨皮脆肉嫩，切件上枱擺盤精緻，鴨皮肥而不膩，配埋甜麵醬、青瓜同京蔥簡直係絕配，每一口都極具層次感。豆苗鮮菇羹賣相清新，湯底濃郁帶鮮甜，豆苗保持嫩綠爽口，配埋香滑嘅鮮菇增添豐富口感，而且非常健康。松鼠魚色澤吸引，醬汁酸甜開胃，魚肉炸得外脆內嫩，掛汁剛剛好，每啖都食到新鮮同惹味。雖然上菜時間有啲長，但服務員態度友善，主菜全都保持高水準，有誠意推介畀鐘意北方菜同大家聚餐嘅朋友。…查看更多

今日叫咗呢度比較出名嘅幾個特色菜：1.片皮鴨（$398)包片皮鴨嘅皮會員有火喺下面heat 住，keep住熱同有彈性，夾埋d 蔥、青瓜，同埋醬，好味！😋2. 小籠包（$88）有湯汁，皮唔厚，有彈性，但又唔會好易穿，有水準。3.回鍋肉（$168）分量充足，比較重口味，會適合送飯食，味道配搭都幾好👍4.松子魚（$398）甜酸汁配落去炸魚嗰度，啱啱好，脆口而且唔會太油，相信都係即叫即整。魚尾嘅部份特別脆，成條都食得飯🤩5.炒羊肉（$168)香口，味道搭配好，唔會太有蘇味，唔太鍾意羊味嘅都Ok.6. 鍋貼正常水準，都不錯😄但個人會比較喜歡小籠包。題外話，佢晚市仲有拉麵表演，幾有氣氛…查看更多

同屋企人去咗德福廣場嘅北京樓食晚飯，點咗幾款唔同嘅菜式，幾好食！翡翠龍鳳羮係亮點，店員喺枱前將白綠羹倒成太極圖案，賣相靚到唔捨得飲！湯底清甜，味道雖然偏淡但好順口，飲落好舒服。和菓子草莓蝦外層炸得金黃酥脆，蝦肉嫩滑，份量多到有 7-8 粒，食得滿足，雖然外型似荔枝多過和菓子，但味道真心唔錯！雲腿糟蒸黃魚就略為失望，雲腿塗蜜汁好甜好香，但黃魚蒸得過熟，肉質乾柴又有啲油膩，略為扣分。服務員好親切，上菜快，仲會主動幫忙添茶。餐廳環境乾淨企理，雖然係傳統酒樓風格，但坐得舒服。整體嚟講，除咗黃魚稍為失色，其他菜式質素高！…查看更多

是日平日晚餐食中菜，一行4人左揀右揀最後決定了‘古都冷菜三小碟’，菜式如下：🥢紹興酒糟醉雞三小碟之一，雞肉嫩的，有酒味，但味道比較單一。🥢蔥油涼拌海蜇頭無味。🥢糖醋小排骨肉質好硬。🥢油泡翡翠雙鮮相對來講味道淡。🥢婉兒雞茸燕窩羹一般般。🥢松子黃花魚味道開胃，黃花魚炸完後，魚肉質還可以。🥢烤北京填鴨（全隻）不過不失。🥢宫廷四合蔬好普通。🥢北京炒拉麵唯一有記憶點就是呢個炒麵。🥢上官花素蒸餃餃皮正常發揮，但餡料就一般。🥢豆沙鍋餅都唔錯。🥢鮮奶合桃露本身有啲期待，可惜唔夠滑，稠度比較稀。…查看更多

這道菜單呈現了多樣化的中式佳餚，各具特色，令人垂涎。首先，酒糟醉雞肉質鮮嫩，醇厚的酒香渗透其中，搭配香煎素腐方，口感滑順，讓人愛不釋口。糖醋小排骨的酸甜味道恰到好處，骨肉分離，令人回味無窮。宮爆蝦球鮮美多汁，帶有微微的辣味，讓人食慾大開。海參花膠海皇羹更是奢華，濃郁的海鮮精華，讓人感受到海洋的滋味。烤北京填鴨外皮酥脆，肉質豐滿，搭配細緻的醬料，完美融合。家鄉蒸黃魚鮮美，不油膩，保留了魚的原汁原味。葱燒海參則令人驚喜，鮮香四溢，口感獨特。灌湯小籠包湯汁豐盈，咬下瞬間，滿口鮮美。最後，清宮豌豆黃的甜品清新可口，是結束這頓美食盛宴的完美選擇。整體而言，這道菜單無疑是一場味蕾的饗宴。…查看更多

昨天(3月10日)與家人一同四人(倆位長老，其中一人須坐輪椅)前往德福廣場北京樓飲茶；我家人與一位長者先前往取位(約11點到)，我與另一位須坐輪椅長者隨後到(約11:15左右) 。當我倆到達時，門外櫃台位置沒有服務員，燈光黯然似未營業的樣子 ，再進入轉彎位約10-15米左右才見到有仕應/服務員。當找到家人的枱後，便安排坐輪椅家人過椅坐，便把輪椅接起欲想向仕應/服務員查詢可罷放在那裏不阻塞通道時，四周沒有服務員/仕應，最後唯有自行處理 。我們四人便罷放六張非一般酒樓椅子，而是寬闊的椅子，移走額外兩張會較寬敞一些 。此外，傳菜員將食物送/罷放在枱面上時，我聽到放下碟嗰下啪啲聲音(都唔算細聲，當時我正在低頭看手機中)；其後，另一位傳菜員再傳另一碟食物時，枱上沒有位可罷放，她沒有找其他服務員/仕應幫忙處理，只攞住好像示意我們幫忙的樣子，最後我其中一位家人幫忙移開位置，便接下她手持的餸菜 。(註：不是個個傳菜員都是這樣子)這家食肆都算是高級酒樓之一；我曾去過其他分店(包括星光行、新城市廣場、Moko新世紀、太古城中心)服務態度都不是這樣的 。…查看更多

臨近新年，幾個同事打算食個中餐做下節，貪北京樓既環境坐得舒適，而且除左小菜外仲有南北方點心選擇，款式夠多。今次就冇試佢係北京填鴨，反而叫左幾款點心同麵食，點心幾有驚喜，好足料。大鹵麵：粗拉麵麵質煙靭，唔會煮得太爛，但鹵料嘅味道就唔算好啱口味，雖然唔會好鹹，但只係食到一陣豉油味。沙嗲金錢肚：呢個點心基本上係同事每次嚟必點嘅，金錢肚夠爽脆入味，用埋面根墊底，索哂d沙嗲汁👍蜜汁叉燒蒸腸粉：腸粉皮夠薄同滑，餡料可以食到粒粒叉燒，配埋芫荽好香口。沙律明蝦角：外皮炸得好鬆脆，餡料勁足，放左好多粒蝦，而且粒粒都好新鮮彈牙。百花釀魚肚：魚肚份量唔算多，但質地軟綿鮮嫩，蝦膠爽口彈牙，算係比較清淡口味既甜心之選。小籠包：不過不失，一定要趁熱食，放耐少少個皮就好易變硬。…查看更多

在德福 shopping後，找個地方嚟醫肚。爸爸喜歡吃中菜，所以選擇了北京樓。三人點了半隻北京填鴨， 乾扁四季豆， 女兒很喜歡麵食，點了擔擔麵和蔥油拌麵。我喜歡吃肉，點了咕嚕肉。吃過很多處的北京填鴨，包括國內的。個人認為只要個皮不太厚也不太薄；鴨皮燒得夠香；刀工要求稍為薄一點；加上醬汁味道不要死鹹，就已經好味。綜合以上的審鴨條件，結論北京樓是合格的，麵食亦不過不失。但最敗不的就是咕嚕肉。肉質好像被蒸過了， 又干又實，加上炸浆不夠鬆脆。其實北京樓環境舒適，服務勉強合格，價位貼地。只要下次再來不要點廣東菜便好了。…查看更多

沒有上菜前小點；前菜沒上就上熱菜；湯羹最後才上；廚房出菜非常慢，不同的侍應問我們同一個問題，問哪些菜沒有上，自己不去廚房查一下。非常差的服務態度，這個價錢不應該是這麼差的服務。不會有下次。…查看更多

每次去北京樓都係晚飯時間過嚟食北京填鴨，未試過下午時間嚟飲茶，今日有時間就過嚟試吓。環境寬敞舒適，服務友善，總體，每碟點心都做得好精緻好靚，但茶具碗碟幾隻都有崩裂，點心籠有甩爛同有黑斑，扣緊啲分。🫖香煎墨魚餅 $50墨魚餅薄片，外層煎到金黃色，質地彈牙，充滿墨魚香甜味，配埋甜酸醬，好惹味～鐘意食🥰🫖點心拼盤 $148點心有燒賣，蝦餃，鮮蝦菜苗餃及黑松露素餃，共10件。黑松露素餸，顏色鮮艷，外形脹卜卜，餡料瓜類蘿蔔及淮山，清新爽脆，面藤鋪上黑松露，幾特別！蝦餃新鮮爽口，幾好燒賣普通，略咸菜苗餃嘅皮太厚，但餡料飽滿，都好食🫖三鮮蒸餃 $90有六隻，餃子皮太厚啦，餡料雖然唔算多，但咬開都好有肉汁，似食緊厚皮嘅小籠包🫖百花釀魚肚 $49蟹籽蝦肉都好爽口，魚肚都好滑好大隻，吸晒好多肉汁，相對其他茶樓嚟講，唔算好油同唔鹹🫖黑豚叉燒蒸腸粉 $44腸粉透薄粗身，充滿米香，黑豚叉燒碎上，有芫荽，餡料滿滿，每一啖都有蜜汁味。📍九龍灣德福廣場1期1樓F20號舖…查看更多

服務非常差，職員見到你搖手都當睇唔到，好辛苦叫到個職員來倒茶，完全無回事，同個着灰色經理衫的經理反映我地無人理，連個經理都好似覺得無嘢咁，好貴的價錢，好差的態度。食物偏油，北京填鴨普通，其他就是普通茶樓質素，但高檔茶樓價錢。我其他北京樓都有去，就只有九龍灣北京樓這間最差。叫個花胶等了1個鍾都未到，還要無人理。唯一好的地方是位置夠寛敞，及可無限期佔位，因點的菜無限期唔到，其他真喺有待改善，服務為劣。…查看更多

職員工作態度極Hea，服務奇差。知客愛理不理的態度令人反感。餸菜質素普通，部份更加放到凍（唔係暖，係凍）才送上，不可接受。招牌片皮鴨，放喺路邊超過10分鐘先有人送上，啲staff行過當睇唔到，放到啲鴨肉都凍曬。不會再幫襯，差，badddddddddddddddddddddddddddddd…查看更多

平時嚟親北京樓都係食北京填鴨，食得多都厭啦。所以今次就試下佢其他菜式，賣相味道同樣都係咁高質👍🏻🍽️ 翡翠龍鳳羮職員會親自行到枱前將白同綠既羹倒到一個太極圖案，只係佢唔係白黑配啫😂 味道偏淡但都算係清甜既🍽️和菓子草莓蝦其實我覺得佢似荔枝多過和菓子😂😂 多面炸得好脆，入面既蝦肉食落都幾嫩滑，一碟有7-8粒都唔算少🍽️雲腿糟蒸黃魚呢道菜印象最深刻既反而係雲腿，因為係塗咗蜜汁既，食落好甜。條黃魚相對黎講比較遜色，蒸得略嫌太耐，魚肉好老又乾，而又浸住好多油，不太推介…查看更多

星期五晚餐約咗朋友gathering😻想揀圓枱方便吹水，所以揀咗食中菜🥰得德福商場方便就腳，就揀北京樓啦😺🦆🫔北京樓必食片皮鴨，皮脆，但係切片嘅刀工可以好少少，有啲片到勁大塊，感覺係有啲求其嘅😛薄餅皮還可以，厚薄都算適中，但係海鮮醬太鹹，唔夠香！如果真係主打片皮鴨嘅話，覺得比起其他店就只算一般、還可以！🐟松子黃花魚，呢個炸得幾好👍🏻👍🏻，魚肉仍然嫩滑，冇乾晒，汁嘅味道都唔錯，不過配料可以再多啲😅🐔🍲砂鍋雲吞雞，湯都幾鮮😁🫛🐷乾煸四季豆，味濃，惹味，肉碎都多😄🦆煙燻素鵝，係我必食嘅小食，煙燻味好香👍🏻👍🏻🥣上海炒年糕，年糕幾煙靭，惹味👍🏻但份量太細碟🍌甜品叫咗高力豆沙香蕉，問咗職員只有香蕉嘅款，比起其他店舖比較細隻同埋實，亦都好少豆沙餡，呢個真係麻麻哋😕中途會有個師傅喺大廳度表演拉麵，我哋坐得太遠啦，就冇特別影相，當師傅拉完之後都有觀眾食客比掌聲，氣氛幾好😀…查看更多