45
41
51
港鐵南昌站 D1 出口, 港鐵深水埗站 C1 出口 繼續閱讀
電話號碼
23619069
開飯介紹
北京拉麵店是一家以京式拉麵為主,並輔以特色的京川小菜和淮揚麭點的一間優質食肆。招牌小點是小籠湯飽皮薄餡靚;另推介肉搶湯拉麵。數間分店由西龍飲食集團策劃經營,深水步總店每晚都有拉麵表演。 繼續閱讀
營業時間
今日營業
11:00 - 22:00
星期一至日
11:00 - 22:00
付款方式
現金
其他資料
切餅費 詳細介紹
外賣服務
加一服務費
招牌菜
小籠包 南京牛肉紫米湯拉麵 麻辣豬手 紫米銀絲卷 蜜汁豬排高纖紅米飯 雞絲拉皮
食評 (156)
等級4 2020-08-08
114 瀏覽
西九龍中心呢間北京拉麵店平時都冇乜同事會幫襯,搞到個感覺好似伏味甚濃咁,但最近發現foodpanda外賣自取有四折,折咗之後真係平過食頹飯,所以今日決定一戰!生煎鍋貼折實價$15.6,價錢非常合理,皮不算薄,但個餡係好食嘅,可以推介!我哋仲好豪咁叫咗個小食拼盤,總共有五款小食,包括五香牛肉、四季豆、口水雞、拍青瓜和川北粉皮,份量多到分咗兩個盒嚟裝,全部味道都好食,五香牛肉係牛𦟌,口水雞辣到適中,拍青瓜就帶點麻辣味道,我尤其推介佢嘅川北粉皮,因為真係好薄好滑。蜜汁豬扒擔擔麵折實價只係$21.2,試問呢個價錢喺邊度可以食到一碗麵,見有食評批評話塊豬扒係甜嘅,咁講明係蜜汁豬扒,其實帶甜都好正常啫,擔擔麵湯底濃度適中,有香濃嘅花生醬味,不過外賣啲湯係冇分開上,所以到食嘅時候啲麵就比較淋身咗啲,但味道嚟講絕對係OK嘅!麻醬雞絲冷麵折實價$22.8,唔好以為呢個價錢份量得好少,佢無論冷麵、雞絲同麻醬嘅份量都超多,食晒一盒超飽,不過可惜佢又好似有點餘溫,未至於係冷麵嘅感覺。不過都係果句,呢個價錢味道正常,我都係會俾一個好評! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-09-08
21 瀏覽
呢間餐廳早幾年試過, 印象麻麻,主要因為食物水平同服務質數都差。前幾日見到外賣平台, 外賣自取5折,又想食下辣野, 所以再次試伏。今次叫左3 樣1)酸菜魚份量不少,平心而論,酸菜魚的湯味道不錯,有鹹鹹酸酸辣辣,也有點酸香氣,而且不是加了醋的假酸味用的應該係魚柳但魚的外層包得太厚粉2) 豆沙燒餅煎得夠脆,豆沙餡甜度適中,但餡太少3)滷水拼盤粉皮變左海蜇牛展,太多筋,而且無味口水雞好嚡好老,無雞味,口水雞醬只有苦味,沒有辣味個人認為5折左個價先同個食物水平成正比,但5折左的價錢,又可以有其他更好的選擇。 繼續閱讀
(以上食評乃用戶個人意見 , 並不代表OpenRice之觀點。)
話說位於西九龍中心嘅「北京拉麵店」可算係一個都市傳說😂,佢分分鐘喺個場到屹立超過廿年(since 1995!!!),就連舖位都無搬過。之但係佢出名在於佢嘅負評,無論網上分享定親身經歷我都聽唔少,依方面絕不比昔日嘅明將壽司遜色。其實我細個成日嚟西九龍中心行街、或者而家喺呢區返工,但都無堂食幫襯過。主要係因為性價比唔算高、無研究過有乜食,同埋聽得太多評論🙈。由於疫情嘅關係,我用多咗外賣App買嘢食,就畀我發現熊貓嘅獨家優惠:外賣自取下單即享4折折扣‼️,仲要無最低消費門檻。就係咁,呢日終於有機會一嚐!同事本身唔肯陪我試伏,但最終都屈服喺我嘅威嚴之下😆。落完單後約15分鐘,我哋去到餐廳,外賣已經準備好,但就就咁Hea咗喺門口張枱度。我哋問店員駛咪對單,佢都只係話係你個號碼就可以自己拎,唔駛話佢知😅,咁都得!好彩普遍香港人都自律嘅,但始終有機會唔小心拎錯...。折完後,真係平得好誇張。依到咁多嘢食,都只係百一蚊!我哋兩個人叫少份麵都未必食得哂👍。首先不得不講嘅一定係京心滬大拼盤(外賣App原價:$130),佢絕對無因為折咗比你而縮水。拼盤有五樣嘢食,要分兩盒先裝得哂!仲要鋪得靚靚😛。第一盒係五香牛肉同口水雞,肉肉嘅代表,牛𦟌有好幾片,而口水雞都有幾多肉食,因為有雞胸同雞翼。口水雞愈食愈辣🌶,但未到食唔到,不過麻味可以再多啲。另一盒就係素菜,包括四季豆、拍青瓜同川北粉皮,同樣地擺盤亦係好整齊☺️。除咗四季豆完全無味之外,其餘兩樣都幾好食。青瓜切粒上,方便食用,🥒佢嘅醃味就唔辣的,反而夠麻。至於粉皮,調味同青瓜類同,但佢好食在於個口感超滑身,又索味,食落好過癮🤤。我哋仲叫咗四隻生煎鍋貼(外賣App原價:$39),🥟鍋貼個造型唔多吸引,因為覺得好似無乜點煎過咁。不過食落唔太差,肉餡幾多之餘亦算多汁;但塊皮好鬼厚,令到成個感覺變得好似生煎包。蜜汁豬扒擔擔麵(外賣App原價:$53),留意番餐廳係無將麵同湯分開裝的,所以一定要盡快食用。我哋而家都淋咗少少,但未去到糊嘅狀態。呢碗麵真係勁抵食,折完只係索價$21.2,蝕住做咁濟。🐷蜜汁豬扒一般,因為鬆肉粉落得太重手,肉質過淋,但無臭豬味嘅。不過擔擔麵個湯底就幾正宗,辣度明顯,但唔會搶喉,而且亦夠杰身同埋有花生粒🥜。麻醬雞絲冷麵(外賣App原價:$57),食晏時太飽、我夜晚至食,估唔到份量咁多,大大盒!搞笑位係佢名叫涼麵,但實則係暖的,如果想🔥消暑食就會有啲失望。不過味道其實幾好,雖然麻醬似生花醬多啲,但落埋包醋撈嚟食;中和一下就無咁膩,麵條亦變得分明。最後,拌麵嘅🐔雞絲同青瓜絲幾足料。題外話,雖然我係買外賣,但深感餐廳環境其實幾有中國特色嘅🇨🇳,帶點土味嗰種,哈哈。總括嚟講,我覺得餐廳嘅食物質素一啲都唔差,仲幾好食添😋,份量又夠多。即使堂食原價幫襯都唔算貴,而家就簡直抵到爛,快啲襯仲有優惠時食多次先。$30樓下食到餐晏直頭係時光倒流吧!至於衞生方面,我買外賣就覺得無乜問題,最緊要眼不見為乾淨🤣。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-07-07
119 瀏覽
見佢門面有啲裝修,點知中晒伏😰😰回鍋肉午市套餐係深水埗食個午餐60蚊但仲衰過屋邨茶餐廳一上黎啲餸凍既;飯唔夠熱,例湯都係室溫(茶餐廳洗鍋水)😡😡😡唯一叫唔錯只係附送既黑醋白蘿蔔🙄一世食一次都嫌多🤮🤮🤮 繼續閱讀
(以上食評乃用戶個人意見 , 並不代表OpenRice之觀點。)
今日嚟咗一間知道開左好耐但又從未光顧過嘅食肆,位於西九龍中心。見佢唔洗排隊,就入去諗住快食個午餐。點知入到去,我地都算好彩,有人幫我地沖水,之後等左約10分鐘先有嚟寫單,我地都明白,因爲眼見佢地樓面得3個人做嘢。d杯碗又放晒喺bar枱,都無人得閒執。不過都諗住係食嘢姐,無理咁多。我地叫左3樣野,總括如下:1)南京牛肉拉麵 - 相信係個麵整完無人送枱,所以個麵係好“林”嘅,d牛肉呢?係等於粉面檔嘅牛腩🤣但係唔多好食嗰種。2)葱油餅 - 難食😞面粉又厚,好失望3)小籠包- 係3樣食物中叫最可以入口的了😔依間嘢唔算平,仲要有加一服務費,食d咁嘅嘢,真係唔會再有第二次😖 繼續閱讀
(以上食評乃用戶個人意見 , 並不代表OpenRice之觀點。)