北京人家 (已結業)

(4/4/08)外面睇,裝潢幾討好,入到去逼逼夾夾,最可笑是門口仲擺張二人小枱,無人會喜歡坐之餘,又路窄。開張左都未試過。新疆土拉紅拉麵,蕃茄味好醒胃,但拉麵頗韌,好難消化。小籠包,肉腍,皮頂厚,硬了。牛肉燒餅,肉汁染濕了皮,失了燒餅風味。春卷,齋菜餡少,皮炸時不懂火候,韌了。家鄉兩麵黃,又係那種拉麵,硬/韌得吃不下。川椒魚頭,辣椒醬汁做得唔錯,懷疑汁與魚分開煮,魚肉根本無味。第一次食咁唔合格既,美心食府o羅!

經過上次既「教訓」，今次嚟醒目地預早book咗檯先。又係美心集團，分店遍佈港九新界。裝修服務當然有保證，但食物水準令我哋有d失望。講返食物，我哋點咗四樣嘢，有：雞絲粉皮：麻醬味道麻麻哋翡翠玉帶子：太鹹，帶子好細隻土拉紅拉麵：以為「紅拉麵」即「辣拉麵」，原來唔係，係蕃茄醬拉麵，再加上肉碎，類似中式肉醬意粉，但以拉麵代替，無乜特別小籠包：肉太腍，沒有鮮味，好差應該無下次。

晚飯，點了多款食物，只有頭盤素鵝比較好味，其他食品味道及賣相一般。二人枱細，環境尚可。

位於新開商場citywalk內，商場環境幾靚，好似日本outlet，可惜暫時未能在商場內搵會再幫襯既食肆......最近去過呢間，兩個人叫左牛肉餅、雲吞雞同湯拉麵牛肉餅；超小巧，餅油，牛肉似酒樓山竹牛肉質地、料少，全無肉味雲吞雞；好似$88鍋，加埋一成百蚊，但只得1/4隻乾鞋殘廢雞，雲吞唔好食，味精雞湯，鹿鳴春五十幾蚊既沙鍋雜錦ｄ雞仲多仲滑唔知叫咩名既辣碎肉湯拉麵；味道ok，但過油，麵唔夠「煙銀」員工有誠意，不過可能太新既關係，有ｄ亂。仲有係，點解而家中式食肆既裝修間間都差不多，咁似稻香？

是夜我們一行八人叫了八人用的晚膳套餐。菜餚美味可口。印象中,這個套餐包括冷盤、炸子雞、魚片、伴有咸蛋的蝦球和帶子等,還有素菜餃和南瓜椰奶小丸子。每一個菜都很夠味。那裏好像還有北京填鴨,但我們沒有嚐試。若人們想吃京菜,這裏也是一個不錯的選擇。

荃新天地陸陸續續有新食店...昨天試了第一間!午市仍有二人位, 入到去感覺幾舒服, 有地氊(老公話較高級), 與之間都幾迫!侍應非常緊張, 我話兩位, 佢以為有位, 帶帶下我停係度...到坐底之後, 叫茶既時候男侍應又係驚驚青青! 侍應俾紙老公填既時候好似老師教小學生...太仔細了! 落單寫紙...唔多選擇...老公畫了三個, 魚餡腸粉, $28, 豬腰潤粥, $22, 羊肉搶湯麵, $32, 交給一位較高級既侍應, 佢又走黎講多次點填, 後尾原來佢睇唔到...雖然係咁, 但佢地都好有禮貌既!腸粉既魚餡唔係新鮮魚肉, 係打既魚肉...麻麻! 豬腰有少少味, 潤就夠嫩, 最好食係羊肉搶湯麵, 好夠味, 不過, 學識少...唔知點解叫搶湯麵!晚市我仍想試, 侍應生有待磨練!