包點料理

有時想食點心都會嚟呢間買，同埋都食開佢啲蒸飯，貪佢夠平$28，份量唔多，但女仔夠當做一餐。佢近排做緊優惠，逢星期二、四$22個蒸飯。平時都食開嘅我開心到笑出嚟🤣有人話難食，我覺得正常OK，普通日常一餐唔覺有咩問題。希望佢個優惠可以keep 耐啲。本身想食章魚肉餅，但係12點去買已經賣晒，今次轉食鹹魚肉餅飯（$22優惠期間）舊鹹魚正正方方好可愛😂肉餅偏肥。口味清淡人士唔落洗豉油其實都夠味。又平又快解決一餐，我覺得冇嘢好彈。…查看更多

叫外賣執錯3樣嘢，仲要唔好食😅特別唔好食嘅係腸粉(執錯)痴埋晒一舊好似食緊麵粉漿，糯米雞(執錯)乾爭爭，蘿蔔糕陣味好似就變。店員態度更加好差，打電話去就叫人唔鐘意就投訴，點都話唔關佢哋事。…查看更多

最鐘意食點心湊住2個小朋友返外家就係樓下買啲點心返上去食。個燒賣好好食！大大粒，有冬菇香味，仔仔1人1粒食晒。鳳爪排骨飯好香，個大仔食咗半盒先留返俾我啲排骨幾滑鳳爪都好有味，啲味入晒啲飯仲好食！春卷好大條，啲涵都好實，食到應該有芋頭？脆卜卜牛肉球都好食！喼汁唔太酸，好味！仲有生煎包，拎返屋企時覺得唔係好夠熱就拎去叮，叮十秒就已經好香！好好食😋如果自己再煎燶少少仲好味！…查看更多

呢間啲員工態度勁差！！似住個個買包/點心都要同佢買，成日都擺埋啲「唔賣咪咪唔賣」嘅嘴臉試過一次跟佢優惠價去揀買包，點知個大嬸收我正價，我同佢講返，佢仲話返我轉頭：「係咪唔要！！唔要我收返！」我都未答返佢，佢就9秒9攞走左個包........超級冇禮貌！根本係佢自己取消左個優惠又冇update 個牌！破壞我一日美好嘅早晨有次朝早有個伯伯想買包，但伯伯對答慢左，就大大聲兇個伯伯，勁唔耐煩！或者明明係我落order先，又執左人哋個包先，真係令人好不爽！…查看更多

去到唸住買個章魚肉餅飯 幾個客等緊 冇姐姐埋位 咁我都理解嘅 畢竟一人一個企位 到我點果陣 問個姐姐有冇呢個章魚飯 佢話冇 我問佢下面果盤會唔會有啦(態度係誠懇咁問)佢就話唔夠力(上面果盤得三個飯)咁我都算 要左上面排骨飯 跟住我就話你平時d同事都會抽下面d飯賣比人 佢話咁佢地夠力呀嘛 你投訴我囉 我只係講左句咁你都幾好服務態度 佢仲好高EQ話梗係啦 以後都唔幫襯 做老細果個真係落去巡下鋪啦 d員工仲惡過d客 第一次聽叫人投訴佢 我就唔會做呢d咁嘅事 但呢間公司真係要好好檢討下…查看更多