包點料理

營業中

休息中

見到佢有好多一件件糕點但係唔係好識落order ，以為佢$18有四件係唔同款，但係原來要四件一樣，同店員講咗四款，但係原來佢淨係比得頭兩款，佢明明聽到同埋重複後面嗰兩款，但係都冇比到我，無視咗我講係咪$18…最後叫我比32 ，有種俾人呃嘅感覺，咁算啦，當自己睇錯…但係嗌嗰啲炸嘅嘢食勁難食…啲炸雲吞勁細隻，個雜錦沙律卷，都唔識形容食緊啲咩味，雖然都知道係用緊啲罐頭嘢，但係真係未食過咁難食嘅，咁樣個價錢真係好唔抵，可以唔使再幫襯

我叫咗個鳳爪排骨飯加咗碟排骨同燒賣，個排骨飯都已經麻麻地，但係個排骨同燒賣竟然係唔熱嘅。我第一次幫襯，亦都係最後一次。我本來好肚餓，但係真係食唔落，所以我食咗個飯就算。

包點料理在多區開有分店，粉嶺聯和墟是其中一間，地點位於和豐街47號地舖顧名思義，此店是售賣中式點心類、包點類和蒸飯等等的食物，每區價錢會略有不同點心會有炸雲吞、咸水角等炸物，也有蒸類:雞扎、蝦餃、牛肉，燒賣，飽肚開飯之選有蒸飯，糯米雞等等我最愛到此買燒賣，有時會買蒸飯+燒賣套餐，有時會買兩個燒賣，因為會較化算外賣盒用上發泡膠盒，也會附上筷子。已加價至$17/籠，$30兩籠，不過，價錢都唔算貴燒賣新鮮蒸起，熱騰騰特別好吃，賣相大大粒，看見有豬肉、冬菇，一口咬下去，蝦肉在內爽口 ，豬肉鮮味，比很多將貨就價酒樓出品好吃。我認為燒賣是最值得一試的點心。可用八達通支付，方便省時快捷又防疫。