包點先生 (已結業)

自己係”包精”…一早見電視介紹就想去買o黎試試…上次經過時太晚…結果只有望門輕嘆…大前日放工去開附近…可能係熱潮已過又或者係臨近晚飯時間?!...人山人海o既場面不見了…6點多,得我一個客步入…又心諗會吾會係質素已大不如前????...但見D包包個個白白滑滑播…來到了…就自己買個食最清楚…買了普通一個菜肉包($4)同一個東菇雞絲包($4)…回家蒸熱食…係便宜又味道得播!!!...餡料新鮮又份量適中…合乎我預期中!!!

今日晚餐清清地一家食饅頭做餸 !! 菜肉包,清清地又多料,抵食: 叉燒包,d叉燒料好足,唔會乾爭爭冇醬,一met開既感覺係..正 !!!: 花卷,咸咸地+甜甜地既軟屬饅頭 ,一個已經夠晒飽,醫肚絕對抵食 !!!見到下面既食評..下次必要試紫心蕃薯包..

前後買了兩次...一次是蕃薯包, $4.5, 另一次買了迷你芝麻饅頭, 香芋饅頭及麥皮饅頭, $2@, 紫心蕃薯餡....不是原個蕃薯, 而是磨茸加埋其他糖, 粉.....不過甜, 但唔覺得好好食, 饅頭就買番屋企自蒸七分鐘, 外皮唔軟, 帶韌, 今次食到芝麻味, 但唔濃, 麥皮最淡, 見到粒粒麥片, 但唔太食得出, 香芋就一層紫一層白, 手工多, 但唔太覺芋頭香, 總結係....唔會專登再買啦!

川龍有間賣中式包點的店子，經常人山人海，尤其多師奶聚集在買東西。我也唔執輸，買番幾件包點第日做早餐。叮一叮，熱騰騰的早餐出籠了。大大個的菜肉包，包皮做得鬆化，餡料雖不致於好有味道，起碼不會做到死實實咁，還有是用椰菜絲來做餡料，吃落更為爽口。另外一款是壽包，分大小兩種。大的有蛋黃而小的則無，我選的是小的。小壽包賣相算是幾精緻，蓮蓉餡甜度適中，趁熱吃一個實是不錯。我覺得兩款包點都幾好，下次試埋佢其他款式。

又o黎包點先生, 第3次la wor, 又話唔鍾意ge, 係ar, 冇計la, 鬼叫佢開到成行成市咩, 今次係mami一番好意ar ma, 重要係至愛的蕃薯餡, 好難抗拒啫.紫蕃薯包, 個表面係好靚的粉紫包, 但點解我個個包面咁粗糙ge, mami的好意是也, 幫我"meat"哂皮出門口食.今個依個有驚喜wor, 平時的日式蕃薯包都係黃肉的, 第一次係紫肉, 紫蕃薯蓉很幼滑, 餡料也比前兩次多, 只可惜蕃薯味未夠濃, 包身也是一貫的中式包點粗鞋.大凍天時食個暖粒粒的包, 不單手心很暖, 心也暖了!

最鍾意食係江瑤柱飽,真係成粒瑤柱係入面GA,好鮮味另外就係豆沙飽,d豆沙好好味,d飽又軟又彈,正不過可惜就係貴d啦,江瑤柱飽要10個,如果5-6蚊個就very good啦

行過哩間幾人氣嘅中式包鋪，買咗D包包做聽日早餐，費事日日都食西式包，跟佢方法翻蒸，理應幾好架，肯定好過叮，叮親包個包一定變韌。但依次隔水蒸，雖未至於包身韌，但唔多鬆軟，個包已經蒸到熱辣辣，D餡食落都熨口，但個菜肉包嘅肉餡依然好死實實，而且無乜味，好普通；另外個黑芝麻流沙包就本應期望好大，因為黑芝麻香口，流沙就令個包食落好有質感，點知一打開，噓晒，非常失望，D黑芝麻一D都唔流沙，唔掂，仲要係招牌包點！

媽媽知道我想食馬拉糕,,見到包點先生有馬拉糕賣,就買俾我lu~馬拉糕：熱食就幾好味，幾鬆軟～不過，，就甜得滯．．好似食左好多糖落肚咁～～而且,,當個馬拉糕凍左,,一ｄ都唔鬆軟．．．好林．．唔想再食．．．＞＞＞我一直經都唔係好鍾意包點先生，，因為覺得佢無咩特別，同普通包鋪無分別，，唔值得有咁多人讚（個人認為）～

自從為這店開了首個印象不好的食評, 縱使時常經過也不曾再有動力去買! 今天沒有吃午餐, 兩點幾...好像好點血糖低, 隔離津津無出爐麵包, 唯有俾多次機會, 因為我想食熱包!一向怕選擇, 特別要在十幾種中選一款, 站了一會....原本想買麥皮饅頭, 但已售罄, 唯有揀芝麻饅頭, $3.5, 上次食馬拉糕....唔太鍾意個質感, 今次既質感同平時既饅頭差不多, 但眼見一點點黑色既芝麻, 卻吃不到半點味道, 又再次要俾喊臉了!

夜晩返學地方近包點先生, 所以間中都會去買個新鮮熱辣既包包食.第一次就買左白饅頭, 熱辣辣, 很軟熟.第二次就買左個流沙麻蓉包, 都係熱辣辣, 麻蓉餡唔算太甜, 但完全無流沙既效果, 如果當係一個普通麻蓉包, 係合格既, 但如果以流沙做賣點既, 就完全唔得.

試了此店很多款不同的包,覺得大部份產品如菜肉包,奶皇包,榨菜豬肉包,饅頭...等等的品質與鄰店相若,但價錢較貴.唯一最突出的是叉燒包!試了這個叉燒包$5.5,才明白她的價錢為何比別店貴37%,至83%,甚至220%.因為包皮鬆軟.饀料相對比別店是多了,味道亦濃,加上洒了些黑芝麻在包面做點綴,如此包裝法,就是要貴賣貴買.樓下有位食友說「凍包難食」,當然,中式包暖食已勉強,最正當然是熱食啦!

呢道D包真係好好味呀~門面都幾靚同乾淨~入到去好多中式包簡呀~勁開心~一買買左好多~~不過係買裡面果D~~唔係熱櫃果D~裡面果D一定唔可以即刻食~一定要令返家蒸返熱辣辣先好味~買左D素菜包, 菜肉, 炸菜肉, 白饅頭~蒸返熱後軟棉棉好好食~

第一次經過第二家分店，最深刻的莫過於門外不停聽著亞記的電視節目，同埋一有新包就有廣播。仔細一看賣的全是中式包點，饅頭蒸糕菜肉包等等。今天也見到日式南瓜包和日式蕃薯包，不知味道如何。門外也有蒸爐熱辣辣的，要了芋頭饅頭，另加黑芝麻豆漿。豆漿是新佛香的出品，讀雜誌見到這家製作認真，第一口可能沒啥芝麻味，但豆味是香濃的也頗滑，慢慢飲落芝麻味才出來，也不會過甜，只賣$6。芋頭饅頭層次分明，咬落鬆軟不錯，味道嘛，沒有太多油也沒甚麼芋頭味，較清淡，可能其他味道會較好。荃灣這區老式街坊麵包店甚多，這家應該能站得住腳吧。

我起初完全不知情有這間包點先生,因為我屋企人最近看報紙先知有這間存在,我一入到去好舒服,又有好多種不同款式的包,看得我眼花瞭亂,因為咁多款揀,其中最令我最淨刻印象,有一個包好似製作成紫心蕃薯包裡面有好多馅在裹面,咬落去不會太淡,不會太甜感覺,只需$4其中有個包成個箭豬包的樣子,第一咬落去又少少似芝麻味,第二咬落去有少少似炭味感覺都過得去,只需$8,我忘記個包叫甚麼名字,馅料有西芹,豬肉,蔥,只不過咬落去西芹同蔥有啲格格不入的感覺,不加蔥反而效果好啲呀只需$4.5,長身型香芋包就最好食,裡面咬落有好多馅料出來,好似真係食緊香芋,不會失了香芋風味,只需$4,還有七彩迷你鰻頭,有士多啤梨,甘荀,原味,芝麻,咖啡味等等,只需$10/6個,這間包點先生荃灣分店開了足足有一個月,都食得過,之後佢哋陸續出好多新款式的包,希望大家多多捧場留意同支持包點先生,你哋可以親自試試無仿呀!

剛巧放工，有d肚餓，經過門口電視機播著亞視的訪問，見到好多師傅在裡面做包，亦有很多人在裡面揀包買嘢。有成廿幾三十款的中包排在架上，好新式、好吸引人。甫進店內，我便問那位店長哥哥，架上的可否即食，他話可以，要熱d就可以去買熱櫃嗰d，我見天氣咁熱，便唸住在那些架上灘凍了的都應該無問題，我們一般買的西包都是這樣室温都是軟熟可口，加上如店長哥哥所說都ok架，如要我返屋企蒸咁麻煩我就唔会買架啦。最後，一共買了4隻。比完錢，轉個街口急不及待便吃個士多啤利曼頭，一咬落口又硬又乾，一d士多啤利味都沒有....完全唔對勁.........再試另一款原味曼頭....一樣又硬又乾.....令人失望....很難明白還有咁多人買，相信很快熱潮過後，d人試過難食，便走下波