168
41
5
港鐵太子站 A 出口, 步行約3分鐘 繼續閱讀
附加資料
不設訂位
營業時間
星期一至日
10:00 - 20:00
付款方式
現金
其他資料
Wi-Fi
食評 (233)
等級3 2021-08-30
0 瀏覽
📍太子 -#包販子——-芝士+煙肉+荷包蛋包-惹味炸雞軟骨-陀地西多——呢間餐廳 我收藏咗一段時間 一直都想試一知道佢就嚟結業🥺 我就約咗朋友仔去試啦叫咗一個芝士+煙肉+荷包蛋包🧀🥓🍳🍔唔好睇佢配搭咁普通 其實佢整得好好食煙肉好厚身 咬落有肉汁 好中意佢塊煙肉唔會乾乾柴柴😋漢堡包係自家製👍🏻 咬落去超鬆軟 雖然配搭普通 但食落去有驚喜 推介👍🏻👍🏻其實本身想叫咭嚕雞包同牛油果紫菜軟殼蟹包 但去到已經買晒啦🥺 不過芝士+煙肉+荷包蛋包都真係好好食☺️另外叫咗一份惹味炸雞軟骨 份量幾多 抵食👍🏻最後我哋叫咗一份陀地西多🤤個西多真係超級超級好食超鬆軟嘅口感 配搭冰凍花生醬雪糕 加埋花生碎,焦糖醬 整個配搭花生味突出同以往食嘅西多好唔同 口感味道層次都💯我自己十分中意呢個甜品🥰 推介👍🏻👍🏻👍🏻希望日後有緣見到包販子重開😊呢間餐廳推介👍🏻👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2021-08-17
21 瀏覽
又係bookmark咗好耐嘅一間知道佢就結業就即刻去試(;´༎ຶД༎ຶ`)weekend中午去到排咗一個半鐘….一路排我一路講:如果唔好食我會反枱(講笑姐我點會咁粗魯)好彩等咗咁耐,係值得㗎!啲包咁出色,結業真可惜(。 ́︿ ̀。)✨牛油果紫菜軟殼蟹包 $88本人唔鍾意食牛油果,好鍾意食軟殼蟹但係呢兩樣嘢成日都part住上咁配搭好多間burger都會做有呢個matching 所以我朋友負責食晒牛油果我食嘅變咗係:紫菜軟殼蟹包喂,個紫菜醬會唔會太太太好味…..連埋脆卜卜嘅軟殼蟹一齊咬,真係夾到不得之了有時好怕食到好腥嘅軟殼蟹但呢個完全冇!包體仲係我鍾意個種烘到脆脆的!食完真係即刻就想encore~~✨北京填鴨包 $66冇幫佢影到靚靚大頭相ᶘ ᵒᴥᵒᶅ但呢款其實同樣好出色!可以諗到將北京填鴨呢道菜式整成burger嘅配搭我覺得間直係天才!!!鴨肉好嫩滑,仲估唔到佢好大舊連埋滿滿嘅醬汁、青瓜、京蔥一齊真係太好食了,會食到成手都係汁(˶‾᷄ ⁻̫ ‾᷅˵)不過私心想皮嘅部分再多啲同埋煮法跟足北京填鴨一樣咁香脆就好!🔹陀地西多 $66見好多人推薦呢個甜品所以就叫嚟試下~上面係花生醬雪糕、脆脆、焦糖醬下面就係偏淋身嘅西多士聽到係咪都覺得好甜呢?食落都真係好甜,呢個配搭其實一定好食嘅不過食食下會甜到有啲膩,螞蟻人應該幾鍾意!🔹阿媽雞翼 $48醬汁不錯!正常發揮嘅炸雞翼!*✨為私心推介! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-07
24 瀏覽
一個人放晏晝 要喺太子附近搵食 嚟咗呢間略有人氣嘅cafe食lunch 晏晝時間都要等吓位😮 不過都好快就到我喇 呢間cafe都幾近地鐵站 又唔會好難搵 難怪都幾有知名度😂 呢度就出名食包嘅 有好多特別嘅餡可以選擇 好似北京填鴨咁🦆 不過一個人試唔到咁多喇 留返下次先 今次要食飽啲 叫咗意粉溫泉蛋白汁忌廉菇菇扁意粉 份量雖然唔算太大份 但絕對夠飽 如果再多啲就會更滿足啦👅 個人幾鍾意佢嘅配搭 扁意粉好好食😋 個醬汁唔算好鹹 而且都食到菇味 絕對冇偷工減料 溫泉蛋半生熟咁 撈埋扁意粉度食都幾夾Flat white☕️ 其實佢都有幾多飲品嘅選擇 不過我鍾意奶味重啲嘅飲品多啲 呢杯啡整得幾好飲 不過cafe黎講 呢杯嘅拉花略嫌唔多誠意😂 得一個細細嘅心 繼續閱讀
(以上食評乃用戶個人意見 , 並不代表OpenRice之觀點。)
等級2 2021-07-30
35 瀏覽
《製》包販子(太子通菜街254號地舖)《號》牛油果軟殼蟹包《貝》$88《案》🔷「泰山崩於前而色不變,麋鹿興於左而目不瞬。」——蘇洵《權書·心術》🔷縱近關張,其軟殼蟹橫行無忌之姿,盛氣凌人,絕不似氣數將盡。《品》🟤漢堡包為店家自製,麵團發酵得好,氣孔均勻而蓬鬆,絕不乾硬難嚥;🟤以牛油煎過,外酥香而內鬆軟!🟠軟殼蟹身為頂樑柱,不負眾望,蟹腳蟹鉗如大樹樹枝旁逸斜出,氣勢逼人,栩栩如生;🟠炸至乾身,肢節酥脆得過癮,咀嚼而脆裂之聲不絕於耳,更熱為佳;🟠中心有蟹膏,雖未算濃味,唯配合紫菜沙律醬一流!⚫沙律醬紫菜味香而不膩,微微酸不搶味,為本身不濃味的軟殼蟹,增味添香!🟢牛油果份量充足,熟透軟稔,輕咬化開,配炸物如天造地設,口感層次頓昇華!🟢生菜清新爽口,化牛油、軟殼蟹、醬汁等微膩。《號》陀地吐司《貝》$66《案》🔷「鑿開靈巖玲瓏曉,一竅圓光似月明。」——釋仁欽《靈巖十二景.其五.明孔山》🔷夜幕下有玲瓏小山,其上有一片皎潔明月光,可惜以後相見無期。《品》🟤西多士呈圓柱狀,炸至外酥內軟,內裡氣孔綿密而不硬實,口感實在而不若嚼空氣,優秀!🟤西多士比漢堡更熱,上面搭配冰凍花生醬雪糕,兩者入口如冰火交融,口感層次奇佳!🟠老饕懼甜,本有視死如歸之心,成品的確甜但出奇地不算膩,撥開奶粉粒其實還好;🟠焦糖醬香甜濃郁,更具焦糖微苦,而雪糕帶淡雅花生香,中和前者甜味。🟡一旁大粒花生碎極慷慨,烘烤至極脆,兩顎開合而花生應聲脆裂,伴軟滑雪糕及綿軟西多,一流!私認為味美更勝漢堡。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-24
34 瀏覽
好後悔近期先去試呢間我𝗯𝗼𝗼𝗸𝗺𝗮𝗿𝗸咗超級耐嘅包子店 (;´༎ຶٹ༎ຶ`) 打尖出咗呢個𝗽𝗼𝘀𝘁先,大家快啲趁佢哋結業之前去支持下💪🏻星期日嘅下晝3:00都要等位!!真係好受歡迎啊~餐廳裝修有特色,有少少似小學班房嘅感覺🤣而座位環境都舒適👍🏻ღ 牛油果紫菜軟殼蟹包 $88去之前已經鎖定一定要試呢個🤩果然冇令我失望!原隻軟殼蟹炸得香脆,牛油果口感𝗰𝗿𝗲𝗮𝗺𝘆,呢個組合真係絕配!主角麵包非常之鬆軟,用牛油烘過,外脆內軟✨╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟱/𝟭𝟬ღ 薑蔥雞扒包 $76當日嘅𝘀𝗽𝗲𝗰𝗶𝗮𝗹𝘀~好好彩俾我哋買到最後一份!雞扒微脆,肉質嫩滑,仲有香蔥沙律醬生菜解膩。包體同樣外脆內軟~整體唔錯,但軟殼蟹嗰款比較驚喜🤩╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟲/𝟭𝟬ღ 陀地西多 $66好彩好彩有試到呢個甜品!!有驚喜!!下層係炸到金黃色外脆內軟熟嘅西多士,而上層就有超濃郁嘅花生醬雪糕,一冷一熱,好正!仲有花生脆粒同埋焦糖醬汁,整體味道同口感層次都非常之豐富🤪╰┈➤ 𝘁𝗮𝘀𝘁𝗲: 𝟴.𝟮/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟴/𝟭𝟬 繼續閱讀
(以上食評乃用戶個人意見 , 並不代表OpenRice之觀點。)