包任你點

營業中

休息中

8點半去買飯, 阿姐服務態度差好似吾想做生意. 叫咗個鳳爪排骨飯加雞扎$37. 返到屋企打開盒飯得雞扎同白飯冇咗鳳爪同排骨. 吾知係咪轉左手, 可以吾洗再去買😑😑😑

假日係外賣app叫左外賣送上黎野食勁凍😖😖完全唔似本身係熱全部凍冰冰 連糯米雞同飯都勁凍糯米雞個汁唔好食 有少少怪味而燒賣其他味道正常但無一樣野係熱😖🙈好失望

今次嗌咗蝦餃，燒賣，雞札，香滑奶皇包，豆沙煎堆仔，健康野菌餃同鳳爪排骨飯。所有嘢份量都大嘅，但味道真係好令人失望。佢個蝦餃同健康野菌餃啲皮厚到媽媽都唔認得之餘，仲要係唔彈牙的，我咁鐘意食餃皮的人都頂唔順。另外，佢個香滑奶皇包個包雖說好大，但個包啲皮又係勁厚，啲奶皇又無咩味，我好努力食完啲奶皇，個包真係搞唔掂，食唔曬。至於個豆沙煎堆仔，佢中間啲糯米又係厚死實實，係食咗2啖就已經唔想再食。個燒賣都唔算好食，但比起頭先講果啲，佢都唔算太差嘅。最好食就係個鳳爪排骨飯，因為佢係一個正常嘅鳳爪排骨飯。食完今次真係唔會再有下一次，就算佢份量有幾多都係咁話😡

每次行過會去買個包來食糯米卷，菜肉包，叉燒包…其實點心都買過，但近期d質素越黎越差特別係個叉燒包個色素落得好勁整個餡超紅色全部都係紅色d醬見到都好怕，唔好話食叉燒勁少，全部係醬真係好失望

公司姐姐放假返無人煮午餐，咁我就出去揾食，一向鐘意食蒸飯嘅我，就試吓呢間。一個蒸飯都大大份，佢哋仲有啲椰菜附上，讚 👍蒸飯唔會太硬，排骨份量都夠，一個飯盒好夠飽。姨甥仔係鳳爪排骨飯忠實 fans，有次買盒比佢食，佢話好好食，另外買多份燒賣，佢都話好味，話緊唔肚餓都食咗 2 粒 🤣🤣

此店供應20元一盅的傳統蒸飯，比其他同類型店便宜了2至5元。鳳爪排骨飯不佳，鳳爪太瘦，排骨件數多，但均細小。通病是飯很多，足有一個飯盒份量，餸份量不足以「送飯」。更弊是豉汁不足，應供應豉汁包供客人回家添加。煎蛋牛肉飯則較佳，食材足以「送飯」。蛋份量比其他食店多，牛肉很滑溜，贏了很多分。須改善是飯太硬了。