勤記茶餐廳 (已結業)

有個中年女服務員態度差，好惡似鬧人，想趕客咁，完全唔想做生意。這裡的食物其實都是一般，不過近圖書館夠方便就腳又不是太多人易有位。嗰次真係食到一肚氯背脊骨落，在這裡食飯要受氣，個服務員成日好惡想鬧人趕客，完全唔想做生意！

今天早上要去中央圖書館聽講座， 由於還未吃早餐，又想飲杯奶茶提下神， 所以便在圖書館周圍覓食！ 剛巧經過勤記茶餐廳，便進去試下！                                                                  餐廳人不多，不知是否還很早！環境一般，如果燈光多一點會好一些！早餐都有不同選擇，有特色早餐，營養早餐，粉面早餐三大類！ 我見到雲吞麵係超人氣, 所以便叫咗呢個餐 (多蔥), 配熱奶茶(多奶)，$28!                                            等左一陣 ，雲吞麵和熱奶茶就有得品嚐啦！ 餐廳阿姐都幾好人，我叫佢多蔥，佢都都有滿足我的慾望！ 雲吞有四粒， 都幾大粒下， 不錯不錯！ 麵質也很好吃，沒有鹼水味！  超人氣真的超人氣! 奶茶很有茶餐廳的味道！ 雖然不是什麼特別的早餐，但我也吃得很滿足！

去到附近買文具當然順便食野啦，今次見到有間茶餐廳有牛腩就同同事講不如食這間。入到去吾少人食牛腩我地都試，先……牛腩米粉 配 紅豆冰 約$41牛腩 一食落去味道濃郁但口感一些好淋身（好好食）和一些比較硬身，湯底味道都吾錯吾太咸剛好， #米粉 粉量女仔就剛好。紅豆 冰味道麻麻，太淡，紅豆比較硬身吾夠淋，所以飲落去沒有起沙感覺。同事同我一樣食牛腩但食撈面，面身偏乾冇咩汁，牛腩同我一樣講法。外賣都幾窩心會分開湯同粉，下次可食另外其他食物。這店的老火湯也不錯，夠味道而吾會太咸。

對我來講，9點前起身係有難度。仲要9點食早餐真係唔寫唔得25蚊既早餐，如凍飲加3蚊有火腿通粉，多士多雙蛋多士有少少牛油，少脆通粉都幾大碗，雞湯底（當然不是真雞），火腿不少蛋是微暖的，一隻全熟，一隻半熟，如果新鮮整好就更好。因為通粉大碗，最後食唔曬

經過勤記門口，見到有魚肉春卷食，好開心咁行入去原因係我本身想去南記食，但見到勤記有就唔洗行咁遠點知....睇個樣就知出左事，清湯加麵加春卷？脆就一定唔脆，因為放湯。但量少加上無難度加無層次，早知行多兩條街仲要入面收唔到上網信號，輸左...我講自己

大清早陪老人家睇醫生，見時間尚早，未醫人先醫肚。店內客人不絕，大多數是附近街坊或是學生，而早餐款式都是一般茶餐廳常見的。火腿通粉通粉煮得太耐，已經發漲，質感亦太稔，火腿份量又少，唉。煎雙蛋配多士雙蛋即煎但幾求其，未食已經散晒，反而多士即烘，微脆的口感幾好。凍檸檬茶茶色比較混濁，但茶香不錯，已經叫了少甜，但都覺得有點過多。如果不是就近醫院，未必會再來了。

今日去維園花卉展覽，早到了還未進場，所以決定食過早餐，才入去做龍友。這間餐廳我其實之前已經來過一次，那次叫雙餸面，那個腐皮卷真係一試難忘，沒有口感，薄到好似塊腐皮一樣，炸到無哂味，還只有兩、三塊，所以我覺佢的車仔麵唔會有咩進步。所以今次點早餐。以下係今日點的早餐： 其實有圖有真相，送到面前真係一點賣相都沒有，不過我都唔介意，因普通餐廳，當然係這樣，味道就因為材料係賣罐頭，所以不過不失，不過最反感係，我明明叫小甜，但杯檸茶係勁甜囉，根本沒有留心，今日的服務都可以，我見有很多都是熟客，那這間店應該比之前真是進步了。我見到有其他食客可以將餐點改變的，例如通粉轉米粉，那就比較靈活（因有些餐廳不能，有些還要加錢），有機會下次可以試一試佢地的中式早餐。

7月26日, 中央圖書館附近一向都多茶記小店, 方便學生可以去完圖書館就可以去食下下午茶~::: 牛腩米粉 + 凍檸茶 ::: $24 + $7牛腩米牛腩牛筋都有d, 味道唔太入味... 米粉加咗腩汁但仍然比較淡口. 牛腩韌韌地, 無乜牛味, 牛筋我就不嬲都麻麻... 所以整體只一般.凍檸茶普普通通, 勝在檸檬都唔少~::: 墨魚丸 + 香炸魚皮河粉 ::: $24其實成碗河粉都係冇乜味, 湯底好似清水咁, 只係有d油, 加幾粒蔥... 墨魚丸好似花枝丸咁, 有d粒粒肉喺裡面, ok咁啦... 炸魚皮唔掂, 唔夠脆口亦唔夠味...整體嚟講呢度無論環境抑或食物質素都係普通質素... 但街坊得黎又唔係好有人情味, B豬左覺我地推住BB車入去, 但店員都唔係幾友善咁. 仲要明明無乜人佢地都狂掉d碗碟落洗碗桶度掉到勁大聲. 個人感覺真係唔太好...

地方污糟碟頭細服務差劣-喺香港竟然俾個鄉音女侍應歧視攞杯水俾老人家食藥都唔俾叫足四次搵2個人先有水雲吞冇個完整-一個個細孔唔知俾也嘢咬過雲吞蝦碎過碎肉湯有異味唯一正常係啲麵粥少料少艇仔粥竟然冇花生保你大唔食好過收費唔算平冇heart 冇品不幸之選

中午有點事要辦，出了銅鑼灣，經過中央圖書館時，發覺差不多該吃午飯了，於是便走進這間經常路過卻一次也未幫襯過的地區餐廳，店內裝橫無疑比較內地化，但食物卻港式得過份！只消看看餐牌便很清楚，點心、魚蛋粉麵、粥、碟頭飯，根本就是港式食品的大燴雜。更重要的一點，全部食物也很便宜！！特別是中央圖書館一帶，近的有一條信德街，大量新食店進襲，遠一點有整個大坑，全是中高檔食店。坐下來吃個點心餐或一碗粥二十塊有找的食肆，實在不易找到。百曉生叫了一碗牛腩粗（$26）與一個點心餐（$18）。牛腩味夠濃，牛腩也夠稔，起碼並不會散也不會咬不開，比合格要高分一點。點心餐包括一隻珍珠雞一個粉棵外一杯豆漿。三款食物也並不太特別，不會覺得很難放入口，算是可以接受的程度。他日如果再到中央圖書館想不到吃甚麼的話可以再戰。百曉生點評：既近中央圖書館，店名亦叫勤記，想不以一眾書生高手來點評也說不過去吧。朱子柳武藝評級太高，袁冠南、余魚同、心硯等又太年輕，李西華、張翠山等又過份俊爽、江南七怪的朱聰年紀中了卻又太靈巧。且借蘇星河的徒弟函谷八友中的老三苟讀充斥一下場面，苟讀武藝雖不強，然所讀無所不窺，正如餐廳中的港式食物種類繁多。然而

簡簡單單勤記早餐火腿通粉, 蛋, 多士, 熱奶茶好耐無食咁簡單既早餐, 因為而家D茶記早餐都好多肉火腿通粉唔會有咩驚喜, 只是平平的 蛋好正, 好少食仲未熟曬又有反蛋的煎蛋了, LIKE多士都是沒有特別, 熱奶茶夠香, 茶夠濃, 是一個唔錯既早餐

今早喺中央圖書館附近覓食，見選擇不多，最近就係《勤記茶餐廳》，就入去啦。多士烘唔夠脆，煎蛋好熟，完全唔滑而且冇乜蛋味。火腿通不過不失，湯底唔濃味。反而件腿治烘底，又烘得好靚喎。價錢喺同區算幾平。

今日去中央圖書館睇書，到Lunch時間就周圍穩也食，附近既小食店無地方坐，天氣又熱到爆，唔係最佳之選。行行下見到勤記又有分店，平時幫襯開渣甸坊的勤記咖啡☕！於是乎好自然走左入去，坐低睇餐牌，震驚！！價錢好平！！！我試左招牌雲吞麵和我最愛既奶茶，雲吞真係好食，又大粒，芝麻油味好香，店員話無論從打餡到包雲吞都是自家做！奶茶都無令我失望，依然保持渣甸坊既水準。店鋪裝修雖然不算上乘，但都乾淨企理，樓底好高，空調涼爽！吃完滿意既一餐，又返圖書館享受我既週末啦！！

勤記茶餐廳位於維多利亞公園對面，位置靜中帶旺星期六下午茶時間黎到，唔想食飯，叫左兩碗粉麵再加一份腸粉。蝦米腸粉（$12）先黎，預製貨色，皮比較厚，但尚算滑口，蝦米不多，粉漿則沒甚味道，也比較單寡。牛腩河（$24），牛腩夠淋，但無咩味，另外叫樓面比腩汁，加埋一齊食就好好多。雲吞鯪魚球（$24），雲吞出色，原隻鮮蝦，雲吞尾散開，夠鬆夠滑。鯪魚球用料新鮮，份量適中。閒時來食碗麵也好，而且這邊多了很多食店，也算是一條新食街，大家有空也可以來走走。

午飯時間去吃，店內仍然有位子~豆漿廷有豆味的~GOOD~魚肉春卷米粉魚肉春卷有些蔥很香而且也沒有魚腥味~米粉亦很彈牙~雞扒豬扒飯很普通沒有特別但是飯的份量也不少~