勝面 (已結業)

星期日到朗豪坊走走，發現有不少新的食店，來自台灣的勝面就是其中一間。門面乾淨，灰白為主調，感覺清爽。既然兔子還未吃午飯，不如就來試試看吧！我們一行二人看着餐牌，就是那些典型台灣食店會吃到的東西。他們有香港限定的無骨鹽水雞，還有牛肉麵等等。但我們不吃牛肉，所以就點了其他風味小吃。先來的是香港限定的涼拌手撕無骨鹽水雞，份量大小適中，雞肉嫩滑，充滿鹹香。無骨吃起來十分方便！另外必點蒜香台式香腸，香腸夾着蒜頭來吃實在是太美味的組合了。除了最典型的紅香腸，還有比較少見的墨魚汁魷魚香腸，能吃到一粒粒的魷魚，比較有口感。主食我們點了台式甜不辣拼花枝丸滷肉飯，一次過可以吃到三種不同的食材，非常豐富！甜不辣和花枝丸炸得香脆，滷肉飯入味亦不會過鹹，配飯來吃很好！點了一杯烈日桃桃，即白桃烏龍，味道不過不失。最後給兔子發現了他們還有我最愛的芋圓！招牌仙草凍，有芋圓、芋頭、小丸子和仙草，不想過甜建議不落花奶。分量慷慨，為這一餐寫下完美的句號。

呢間過江龍台式餐廳非常受歡迎，係朗豪坊黎講價錢算平喔！台式甜不辣拼花枝丸滷肉飯係呢到其中一款招牌菜當然要試吓喇！甜不辣爽彈，非常好味！最有驚係花枝丸，炸得金黃吸引。咬落外面香脆內裡彈牙，入面有墨魚粒相當足料有誠意呢！加埋半肥瘦滷肉，撈勻飯一齊食，唔會太油，甜甜地幾惹味！涼拌綜合手撕無骨鹽水雞麵係香港店限定的！麵底選新竹米粉/刀削麵/關廟麵雞肉鹹香惹味，份量都幾多！流心麻糬芋泥雞蛋手工手抓餅都幾大件。芋泥份量超多，甜度適中。芋泥入口食琴芋頭粒粒，幾有口感！內裡夾住口感煙韌麻糬，味道同口感層次都非常豐富南方小島係菠蘿果茶，少甜嘅甜到剛剛好！但以少甜來講都算甜喔！珍珠奶茶入口口感順滑，珍珠非常軟糯煙韌！茶底味道唔夠濃，茶味可再濃郁一點喔！

其實行過呢間餐廳都已經有兩次！每次都好多人排隊，所以難得今次經過排隊人數唔係太多，就決定同朋友試呢間，入到去裝修都好精㮹，而且員工都好友善，好快就入咗之後，因為好肚餓嘅關係快速點左一個牛米粉，仲要咗個炸地瓜，然後要多一個最地道嘅雞扒滷肉飯，食得台灣野點小得招牌嘅珍珠鮮奶茶！首先講咗最快嚟到個杯珍珠奶茶先！超香黑糖同鮮奶味，而且珍珠夠彈牙唔會硬骨骨，唔係好飲甜野嘅我都唔小心飲多左幾啖，回歸正題講一講個招牌雞扒滷肉飯先，雞扒相當香脆，而且滷肉飯醬汁入味，最緊要係啲白飯都係粒粒分明！當然唔少得要試吓朋友嗰碗牛肉米粉！雖然眼望比較清淡，但係湯底夠香牛肉夠入味，爭啲就想食埋佢嗰碗，總結來講相信好快會再返番呢間餐廳食!!

台式飲品在香港已經隨處可見，反而台灣的美食還不算飽和。剛好在旺角朗豪坊經過發現有家新開的台式美食，除了茶木，在朗豪坊也不多台式餐廳。看過餐牌價錢親民，款式算多，由飲品、甜品、小吃、主食都有，非常齊全，所以和友人去了試一試。因為晚市比較多人，決定和友人約好在午市時間去吃。中午十二時多，商場剛好所以人流不算多，不用等位和朋友點了推介的小食，當然必須點我最愛的炸物。《台式酥炸三寶》$48有鹽酥雞、地瓜條、甜不辣甜不辣真的不是到處都有，能吃到真的感覺去了台灣，高裡的雞炸很酥，不會只吃到炸粉，非常正宗最愛這家的地瓜條，有小小的鹽配上原條地瓜炸起有甜有鹹味很惹味。另外點了這家的招牌《麻辣牛三寶》$58這裡的牛是原汁原味，沒有太多的調味，只用新鮮的牛再配上這家的秘製辣醬所以能吃的牛的鮮味。另外一間台灣的食店一定必須要有滷肉飯，為了能吃更多小食所以點了一個細的滷肉飯$35滷肉飯雖然叫了小的但份量也不算太小，有半隻滷蛋，這裡的滷肉特別之處是碎碎的肉粒拌飯，但就偏乾身一點，本人比較愛吃多汁的，但就比外面的健康很多，因為味道不會太重味最後點了一個套餐《涼拌手撕無骨鹽水雞》$62這家我看店名我猜麵是主打吧這家

因為朋友係朗豪坊做完運動 我地就係度覓食 見到11樓呢度開左間台灣野價錢又好公道 就決定試一試呢間過江龍店員都係台灣人黎架 都好熱情同我地傾計好有人情味架 我哋叫咗一個招牌麻辣牛頸脊肉刀削麵個面底有三種可以揀 刀削麵好似好吸引啲牛肉仲係生架 好新鮮 啲刀削麵軟硬度啱啱好 下次可以試吓中辣另外要咗個台式鹽酥雞滷肉飯一半係滷肉一半係鹽酥雞 大滿足仲叫咗兩個小食 炸花枝丸同埋麻辣滷鴨血個花枝丸入邊仲食到花枝肉 啖啖都好足料極度推介呢個鴨血 真係好好食呀加埋少少辣 個鴨血都好腍 超級開胃嘢飲叫咗一個鴉片黑糖波波鮮奶叫鴉片係咪因為會上癮呢 唔會好甜啲珍珠都幾有咬口 好飲最後我哋就食咗個甜品 招牌仙草凍有仙草珍珠芋泥芋圓 都係$35 好抵下次嚟就會試下台灣香腸或者豆腐 好似都好吸引

涼拌手撕無骨鹽水雞湯手工手削麵湯清如水，帶雞粉鹹香及蔥鮮香手撕雞凍上，肉質嫰滑，以麻油香為主，青瓜爽脆清香麵條滑溜但軟硬度參差，有太腍亦有太硬台式鹽酥雞外皮不酥脆，香料以肉桂味為主，帶鹹香雞肉嫰滑涼拌豚白肉皮呈啫喱狀，肉味清香辣醬香中帶甜，辣味極微整體感覺清爽惹味蒜香台式香腸一上桌就是一股香氣撲鼻有兩款，分別是橙紅色的原味，及黑卒卒的墨魚汁味墨魚汁味帶甜，夾雜白色墨魚肉，但沒什麼墨魚味原味皮脆帶焦香，味如臘腸般油潤香甜烈日桃桃即白桃烏龍茶用的是罐頭桃，一喝充滿罐頭桃糖水味，全沒烏龍茶味

五點幾收工就早少少食個飯再返屋企，呢幾日天氣實在太熱🥵，經過朗豪坊就俾強勁嘅冷氣吸引入去，見到呢間裝修好舒服，有少少文青風，新開嘅台灣麵店就入去試下。🤩一入去就聽到店員用國語同你打招呼！🤗之後就會見到牆上呢隻好顯眼嘅牛🐮我見到中間大枱枱面有多個無線電話叉電器🔋，我緊係唔執輸一路食一路叉電，好方便！我叫左個‘人氣精燉。牛三寶。關廟麵’，因為本身豆腐同鴨血係跟麻辣湯底，所以就同碗麵分開另上，首先講碗麵，精燉湯底唔錯，有牛嘅香味亦有清甜味，牛三寶有三個唔同嘅部位，口感同味道都唔同。牛脥肉比較特別，之前係未食過嘅，口感比較爽口彈牙。麵底唔錯，唔會好快變淋。豆腐及鴨血都入味，但麻辣就未必所有人食到。仲叫左個炸花枝丸，但唔記得影相，呢個花枝丸好食喎，炸到香口，咬落仲食到一粒粒嘅花枝。飲品方面，叫左杯有文青風嘅‘芋見鮮奶茶’，原本想叫好似好好食嘅流心麻糬芋泥手抓餅，但得一個人食唔到咁多，唯有下次再試，所有就叫左杯有芋泥嘅鮮奶茶。原本想叫少甜，但店員話呢杯甜度定左，另外店員同我講佢地嘅飲品甜度比出面嘅偏向無咁甜，咁我就信佢啦。呢茶鮮奶茶嘅茶味係比較香濃。又真係唔係好甜，加埋本身有甜度嘅芋泥就啱啱好呢間

上個月店舖未開業嘅時候，小編經過已經超級想試😳不過之後小編一直都未有時間🤫所以就一直拖到而家先去試😎勝面係一間喺2006年開業，賣牛肉麵、滷肉飯同台式小食為主嘅店舖😋而佢哋嘅牛肉麵更加曾經榮獲2018犇Fun嘉年華台北國際牛肉麵大奬😯絕對係大有來頭😏-🍴涼拌手撕無骨鹽水雞每一份嘅鹽水雞🐓都有¼隻全人手拆絲雞肉，再加入經過多次特調製成嘅秘製台式鹽水雞醬汁😳鹽水雞入口嘅肉質鮮嫩，而且入口食落會帶有淡淡嘅鹹香味😉當中嘅麻油同蒜香味都比較重，唔會淡茂茂🥰而且仍然可以食得出雞肉本身嘅香味。整體來講，雖然鹽水雞嘅份量比較少🤔但就勝在入口食落唔會太鹹，而且食完之後亦都唔會超級口渴，味道亦偏向比較清爽😝-🍴招牌麻辣·牛三寶［小辣］師傅會將手工刀削麵放底，再喺表面放上牛三寶🐂、鴨血同滷水豆腐，而牛三寶其實即係牛頸脊肉、牛頰肉同牛腱心，再放入以美國牛肉、牛骨文火慢燉72小時嘅湯底同以加入花椒、八角、辣椒🌶️等製作嘅秘製台灣麻辣醬料製成麻辣湯底🥵呢一碗招牌牛肉麵一上枱嘅時候都有少少嚇親小編，雖然係叫咗小辣，但表面嘅辣油都好似幾多下😂不過原來入口食落又唔係好辣喎，即使小編呢啲平時唔好辣嘅人都食到😊而且佢係辣得來

用膳時間得60分鐘，8點半食飽出黎，出面仲有等緊。【芝士肉鬆雞蛋手抓餅】$38食完碗麵吾夠飽就叫多份小食，呢個手抓餅系鎮店之寶，真系好正，好多餡料，餅皮又勁鬆脆又香口。【人氣清燉·牛腱心麵】$62湯底清清地又夠味，飲完又吾口渴，有三款麵條選擇，揀左手工刀削麵，幾有咬口，不過有啲痴埋左一團，同埋食完吾夠喉。【台式甜不辣拼花枝丸滷肉飯】$62都幾豐富下，滷肉味道剛剛好而且肥肉吾多，花枝丸最正，外皮香脆內裡彈牙。【涼拌豚白肉】$45食完好想買佢啲辣椒醬返去，麻痺感好正。

📍旺角📍正宗台灣國民食店🇹🇼招牌麻辣牛三寶🐂本身諗住食個快飯，見呢間唔洗排隊就試下🤣限時60mins，所以食完就要走㗎啦，唔好諗住慢慢傾計🙈------------------------------叫咗個招牌麻辣牛三寶$82🐂要小辣都夠🌶三寶係牛頸脊、牛腱心同牛頰肉🐮真係煮得好腍🥰好入味❤️而且有啲麻辣燙嘅感覺😍------------------------------仲有涼拌手撕無骨鹽水雞伴麵$62💕跟餐仲有個蛋花湯🥚雖然望落好清，但係都幾好飲😆鴉片黑糖波波奶茶$30🍼開頭以為黑糖會太甜😫結果飲落啱啱好😭珍珠都煮得幾腍😎呢間可以再嚟嘅😚

朗豪坊開多咗間台灣麵店，係台灣過江龍哦！店內播著台灣流行曲，連店員都係講台灣腔國語的！-第一次來，就點招牌試試看，麻辣牛三寶（$82）有牛頸脊肉、牛頰肉、牛腱心 ，可以選湯麵、拌麵、湯飯，而麵則可選關廟面、新竹米粉或手工刀削麵，都算多選擇。麻辣唔係好辣，是一般人都能接受的程度，三種牛肉各有口感特色。而我覺得沒有麻辣味的人氣精燉牛腱心湯麵（$58）更能食到其骨湯精粹！據餐牌介紹，這個湯是用美國牛肉、牛骨、用上72小時文火慢燉而成的，比豬骨/雞骨所熬成的湯底清爽，沒多餘雜味。我覺得這湯底呈淺啡色、清徹、牛味濃，的確有特色而且出色。牛腱心軟淋，而我覺得呢度嘅牛肉都係牛搔味比較重。-點了台式酥炸三寶（$48）和朋友分享，有鹽酥雞、地瓜條、甜不辣，擺盤精美，地瓜條甜甜地幾好食。-也點了招牌的流心麻糬芋泥雞蛋手工手抓餅（$28）試試看，都幾大件，份量來說性價比不錯喔。當然這個是甜口味的，芋泥份量好多，整體都幾飽肚，下次都係試點清新點的！

今日同妹妹行完朗豪坊， 好攰想坐低食啲嘢 。點知發現呢度開咗間新嘅台灣嘢， 台灣嘢係她嘅摯愛，所以她都急不及待就衝咗入去，哈哈。餐廳唔算好大，但都足夠容納到30人左右。 裝修設計時尚新穎， 感覺乾淨舒適。閒日下午茶時段唔算太多人，所以唔使同人迫。隻牛裏面有個勝字幾可愛涼拌手撕無骨鹽水雞雞肉撕到一小片， 分量都算多， 雞肉比較滑身之餘又唔會太鹹， 相當惹味。台式酥炸三寶分別有甜不辣，鹽酥雞和地瓜條。 甜不辣感覺好似炸魚片，好彈牙。 鹽酥雞非常香脆，size大細適中，炸到金黃色， 再配少許椒鹽粉 非常惹味。 而地瓜條就好少地方有得食，地瓜夠晒香甜，炸得香脆，非常滋味。芝士肉鬆雞蛋手工手抓餅餅底香脆，芝士唔會太多太流， 有適量嘅蛋 和比較多嘅肉鬆， 即叫即整， 新鮮熱辣，啱曬我口味。 我食咗半個都飽飽哋，值得推介。最後梗係飲我最鍾意嘅珍珠奶茶啦， 奶茶茶香奶多， 珍珠罕有地有白珍珠， 喺台灣就食得多，而係香港都係第一次食到，感覺特別滋味。

旺角食飯不嬲出左名多選擇， 而且平有平食 貴有貴食， 但有d地方好食得黎又唔貴。 為左方便唔同區住既朋友，一般我麵會約佢出去中間點， 希望唔會太遠 大家去既距離差唔多。朗豪方我平時多數都係 係food court食就算， 但食物質數就見人見致， 而且都係自己攪掂 無服務可言。 所以我通常都會選擇小店食， 而勝面就係我既目標。門面簡單， 並唔會有相當大既招牌。 變相而家低調d。裝修比較簡約， 位置比想像中寬敞， 樓底高 冷氣超夠， 可能女士要帶件衫黎 會好d。好快坐低左， 同隔離客人都有一定距離唔會好close。 因太肚餓原因， 已經忍唔住叫左野食。烈日桃桃， 我以為會好普通一杯桃茶， 點知原來咁好飲， 茶本身已經好濃香， 加上淡淡既桃味， 完完全全兩者配合得岩岩好。 茶香 同桃香 混為一體。 好飲過出邊d 賣茶既店鋪多多聲， 必飲。花枝丸滷肉飯， 個花枝丸相當有誠意， 炸左既花枝丸 彈牙而且夠味， 唔係淡淡一舊粉咁。加上里個滷肉飯唔算肥利，飯同肉既配搭岩岩好， 份量夠仲有埋蛋花湯， 好飲 睇得出放左好多心機煮。 個花打得好靚珍奶， 茶一樣係咁香， 一飲就停唔到，唔簡單。台灣野 又點小

間鋪裝修環境不錯，價錢也不算貴。王牌推介熱選也不差。價錢大概$60—$80一碗。侍應生招呼有禮貌。超人氣麻辣牛肉麵「勝面」！而且每款都可以揀湯麵/拌麵/湯飯/新竹米粉！另外仲有多款台灣小食、飲品。招牌麻辣牛三寶湯麵 ($82)*限量供應、而可揀小辣、中辣、大辣！自家製凍豆腐加上麻辣湯，超入味～還有值得推介，台式酥炸三寶 ($48)有甜不辣、鹹酥雞、地瓜條，我跟朋友好食到返點兩次，味值加分。只可惜個人覺得份份量小點。招牌仙草凍 ($35)包括仙草、珍珠、芋泥、芋圓，另外配上奶茶奶～，得只點了香芋奶茶，效果不錯有香芋粒。流心肉鬆芝士雞蛋手抓餅 流心芝士配雞蛋手工手抓餅以手工特調，將新鮮肉鬆芝士添加混合，口感滑溜，中意肉鬆芝士嘅朋友必試呀！口感度不差。

喺facebook見到好多片介紹呢間勝面，鍾意食台灣野嘅我係佢開張冇幾耐已經走咗過去睇。不過條龍長到好恐怖，於是諗住隔多一排先至嚟食。咁啱呢日就係經過入邊又冇乜人，頭也不回就沖左入去。我叫咗一碗手撕雞撈面，佢跟一個蛋花湯。侍應問我碗面要唔要辣，我話要少少。蛋花湯，感覺好奇怪！ 咸咸的。依個撈麵，真係辣到抽筋，我最後係食唔晒嘅。我冇諗過小小辣都可以咁辣，可能係我唔食得辣掛⋯其實辣唔辣都唔係一個重點，個重點就係碗麵得個死辣😅😅至於個手撕雞，普通野，咸。叫咗杯嘢飲，叫做紅葡萄柚。入邊其實係提子茶嚟嘅，反而呢杯野就幾好飲啦！不過真係太細杯啦⋯⋯唔知下次仲有冇機會嚟食，不過今次真係有啲失望。