勝面 (已結業)

早兩星期已知朗豪坊新開了一家台灣牛肉麵店，不過7點多開始就人多需輪候等位，一直未有機會吃。今天，難得外出工作，於是相約友人吃一頓早飯。白色為主調的裝潢，店員都是說國語的。台灣菜當然要吃牛肉麵同台式腸，於是點了：招牌麻辣牛三寶$82芝士肉鬆雞蛋手抓餅$38蒜香台式香腸$45芋見鮮奶茶$30愛荔絲之夢$30招牌麻辣牛三寶：可選關廟麵、新竹米粉或手工刀削麵，亦可有辣度選擇，這點要讚。湯底有別於台灣吃到的，牛肉不會太硬。芝士肉鬆雞蛋手抓餅：這裡的手抓餅較接近台灣吃到的，很喜歡😌餐牌見甜點亦有流心麻糬芋泥雞蛋手抓餅，下次要試下呢。蒜香台式香腸：香腸烤得脆身，又不會太鹹，會不停吃。😈餐廳食物較飲品出色，服務員友善，行開街的確可以一試呢。

台灣食物是我其中一款喜愛的，今天就到朗豪坊新開的勝面。麻辣鹵鴨血$28，麻辣香味十足，鴨血吸收了麻辣味，嫩滑中帶點煙靭。烈日桃桃$25，是白桃和鐡觀音的混合體，桃味和鐡觀音的茶味互相交流，喜歡桃桃的可以一試。熱帶南島(百香果)$33，百香果的肉和汁，味道濃郁，可能太足料，所以有點酸，不過可以向侍應要求糖水，加了糖水之後，酸酸甜甜，令人胃口大開。麻辣牛頸脊肉$65，配關廟麵。麻辣味香而不會辣，下次可以試試中或大辣。牛頸脊肉切得很薄，所以上枱時，牛肉還是半熟，肉味十足，配合麻辣湯頭和帶點腍的關廟麵，就算是一碗出色的麵食。值得一提，湯頭和傳統的牛肉麵有點不同，湯頭用牛肉和牛骨用文火熬72小時而成，所以牛肉味道濃郁，是這裡的特色之一。鮮熬豬骨豚白肉$62，配新竹米粉。豬骨湯濃郁鮮甜，如果減少些油會更好。豚白肉即是五花腩，爽口又嫩滑，加上有些蒜泥帶起了五花腩的味道，招牌仙草凍$35 ，有仙草、珍珠、芋泥、芋圓，加上糖水撈勻，味道不會太甜，味道層次豐富，不愧是台灣出名的糖水。

好耐冇去朗豪坊啦！今日一去，就見到多左好多唔同餐廳！見到唔同晒！就是但入左間台灣野到食飯！又有意想不到既收獲啵！佢店舖唔係好大，但係啲座位都舒服，唔會好迫！都唔會有限時食野！我兩人同行！叫左兩個野食一杯野飲！台式甜不辣拼花枝丸滷肉飯花枝丸炸得好香，唔錯！甜不辣同滷肉都食到有台灣嘅味道！即刻好似去左台灣咁！最開心嘅係，佢可以叫埋台式飲品！我叫咗個鴉片黑糖波波鮮奶！夠凍，唔太甜！係略嫌多咗小小冰！另外叫左個清燉牛腱心麵！牛味好重！湯底清清地岩我！佢仲有兩條菜幾好！同埋佢個麵既質感啱啱好！環境同食物都唔錯！

自己一個係旺角唔知食咩好，又好肚餓，記得之前見過有人介紹呢間，於是就係云云食肆中揀左佢解決我嘅一人小毒毒晚餐，果然無令我失望！芝士肉鬆雞蛋手工手抓餅 $38與雞蛋融為一體的手抓餅非常酥脆，連同口感像麻糬一般有嚼勁的芝士，加上惹味的肉鬆，令簡單一份手抓餅變得不平凡！🥰脆脆布丁歐蕾奶茶 $33這杯一次過滿足你三個願望！表面有一層輕輕燒過的芝士奶蓋，非常特別！奶蓋不會過鹹，不會搶了奶茶的風頭。奶茶裡的布丁也十分香滑🤤

喺朗豪坊行街，突然想食台灣野。上到黎11樓呢間新開既勝面，就咁聽個名仲以為係拉麵店芝士肉鬆雞蛋手工手抓餅啲芝士肉鬆多到漏出黎，好好食呀！個手抓餅即叫即整，熱辣辣好鬆脆，食哂一份都應該飽喇招牌麻辣牛頸脊肉 關廟麵見到隔離枱食得好香，我又叫一碗試下先，叫左個小辣🍜有驚喜喎，有少少麻又唔算好辣，啲麵仲好掛湯，差啲想飲哂成碗湯牛頸脊都嫩滑，不過碗麵份量就細左少少喇招牌仙草凍食台灣野又點少得芋圓呢不過今次仙草先係主角，仲配左個奶茶醬淋落去一齊食，唔會太甜

涼拌綜合手撕無骨鹽水雞意外中咁好味,唔會太咸, 雞肉肉質嫩滑,重有甜不辣﹑豆腐台式鹽穌雞滷肉飯份量算多,大大碗飯,老公一個人都食唔晒,覺得可以2個人一齊SHARE。鹽穌雞味道10/10,唯一係外皮唔夠脆,肉夠嫩滑,而滷肉比較乾身,如果肥小小/唔好咁乾/多汁返小小就拎滿分。招牌麻辣牛三寶(小辣)刀削麵((辣度自選, 湯麵/拌麵/飯自選, 湯麵三款自選))雖然叫左麻辣(小辣),湯面紅色,但每啖湯底都係濃濃白色而充滿牛肉味既湯汁,原來係由牛肉和牛骨慢燉而成。值得推介!!!因為真係每一啖都好濃郁好香既牛味,而牛肉無太多無謂既調味,而烹調技巧亦令肉質清爽,極令人享受既牛鮮味。啊~牛三寶即是牛頸脊、牛頰肉和牛腱心,湯麵內除左牛三寶重有豆腐﹑鴨血﹑非常豐富。極LIKE佢呢到既台式飲料,茶味夠香濃,今晚就試左佢既脆脆布丁歐蕾奶茶10/10。問左店員,佢地既飲品類係可以外賣嫁!堂食飲唔晒,店員好好人幫我地蓋返蓋帶走。勝面地址:旺角亞皆老街8號朗豪坊11樓25-29號舖電話號碼:31059826營業時間: 星期一至日 12:00 - 23:00

慘慘又抽到返夜地獄更😵適逢日頭要幫朋友去旺角拎啲野🙉還掂拎完撞正Lunch Hour🍴🐷趁未落地獄前去返尋一下台灣味吃個最後的午餐先🙈🇹🇼位於旺角朗豪坊既勝面🇹🇼🤤喺旺角站C出口行過黎亦十分方便😆呢度簡約既裝修環境🙈牆頂隱約既壁畫😆簡約環境 台灣風味🇹🇼🤤亦煮出質素不俗既台灣地道原味午餐小食😋🇹🇼台式鹽酥雞滷肉飯肉燥飯係小肥由細到大既最愛🍚😚🙇🏻‍♂️🐷經慢火細熬富鹹香既魯肉汁☺️魯肉汁中既肉燥肥肪比例均勻🤪🐷淋上飯中每一口都回味在心☺️🍚鹽酥雞塊沾上份量剛好既炸粉炸香🐔🔥食落唔會太厚粉之餘😋炸得剛剛好唔會太過燶乾哂身☺️食落肉質都算滑嫩Juicy的😋🐔而滷蛋食落都夠滑嫩之餘😋🥚配合五香滷水慢煮亦夠入味的☺️🔥如果有埋流心效果會更佳更好口感🙈😆涼拌手撕無骨鹽水雞呢個每日限量供應既無骨鹽水雞🐔🤤以鹽水醃製肉質嫩滑既手撕雞配合秘製醬汁涼拌🤤🐔配合芫茜更增添口感之餘🤤加入青瓜食落亦可去膩及帶出更多爽脆口感☺️🥒滑嘟嘟奶茶濃味夠哂醇香既茶底☺️🍵均勻既鮮奶配合亦唔會蓋過茶香味☺️另加口感滑嫩爽口既仙草更增添口感😆鍾意飲台茶既朋友不妨試試☺️

近年台式餐廳開得愈來愈多想食真係唔洗飛台灣就食到見呢間係朗豪坊新開既台灣過江龍餐廳係網上好多人推介評價好似唔錯 一於去試下間餐廳環境係幾靚 坐得幾舒服而且店員全部都係講普通話唔知係咪切合返台式餐廳叫左個招牌麻辣牛頸脊肉拌麵冇得揀辣度如果你食得辣既話呢個麵絕對岩你！個麵辣得黎麻庳左你成個口愈食愈過癮刀削麵既質感比較硬份量唔算多失望既係牛頸脊肉食落肉質較鞋而且冇咩調味 麻麻地鹽酥雞原本係我比較期望既野點知希望愈大 失望愈大⋯皮唔脆 個炸粉仲濕濕地而且比較油膩 肉質同樣都係鞋

上到黎十一樓，發現隔離間食天婦羅既大排長龍，所以食呢間人龍短啲既😂通常食開都係紅燒牛肉麵，呢度就特別啲，用左麻辣湯底，叫左碗牛三寶，牛三寶有牛腱心、牛頰肉、牛頸脊，牛腱肉有三大塊，用筷子輕易地就可以扯開， 煮到非常腍，連啲筋都好腍！唔洗用力咬👍🏻😂無牙婆都食到牛頰肉比牛腱肉厚身，但細舊啲，同樣帶啲筋又係好腍！牛頸脊就薄身，雖然佢睇落鞋，但食落絕對唔係！牛既份量真係幾多下，唔會食到一半得返啲麵。麵揀左刀削麵，似平日係759買個種咁，幾滑～除左牛，重有鴨血同豆腐做配料，個豆腐既質感好輕盈，好似海綿咁，索到好多湯汁，好好食！第一次食鴨血，似豬紅咁～雖然個湯叫左小辣，但真係幾辣！唔敢飲太多湯～本身啲麵同其他配料麵好掛汁，好夠味👍🏻平時食開既台式香腸都係粉紅色，呢度蒜香台式香腸有兩隻味，原味拼墨魚🦑夾埋蒜頭同🌱一齊食香啲👍🏻👍🏻墨魚味唔係只係得墨魚汁，真係有墨魚粒。我就鍾意原味多啲，因為鍾意佢甜甜地。去親台北實要去永康街食蔥抓餅，呢度就無蔥抓餅，但有無蔥版既手抓餅，點左一鹹一甜。芝士肉鬆雞蛋手工手抓餅呢個組合從來都係無得輸！因為一定好難會唔好食😂手抓餅超酥脆，即叫即整熱辣辣，餡料好多，特別係肉鬆

今日朗豪坊行街，見到有兩間餐廳排晒隊，其中一間就係勝面，望一望餐牌，原來係台灣菜，價錢亦唔貴。從餐牌可以感受到餐廳對於多樣性嘅重視，例如麵條可以選擇關廟麵、新竹米粉、甚至刀削麵，選擇豐富，呢點係其他台式餐廳好少見。另外餐廳因應香港口味推出左無骨鹽水雞。我叫咗鮮熬豚骨豚白肉配新竹米粉，豬骨湯呈奶白色，每啖盡是醇濃豚骨香氣。新竹米粉雪白透明，而且浸係湯好耐都唔爛，豚白肉肉質厚實，肉味重。整體相當出色。女友叫咗涼拌手撕無骨鹽水雞配刀削麵，刀削麵煮得比出面較稔，湯底幾清淡健康。鹽水雞最令人印象深刻，肉質好嫩，帶有微微蒜香，份量亦多。滷肉飯用左珍珠米 ，另外肉燥同時混入瘦肉，所以唔會太膩，但肥肉比例較小，無左入口即化既口感。芝士肉鬆雞蛋手工手抓餅餅皮夠脆，肉鬆同蛋既味道較芝士突出。珍珠奶茶甜度啱啱好，珍珠口感彈牙，不過冇乜味道。呢杯白桃烏龍名叫烈日桃桃，茶包浸得愈耐愈好飲。如果大家嚟到旺角又唔想食咁貴，可以試吓呢間勝面，絕對令你喜出望外。

近排太忙少左出去食飯，今日見朗豪坊開左間新野緊係要去試下睇吓餐牌有咩食先，有小食，飯，面，手抓餅，飲品，全部都係好地道既台灣食品鹽水雞可以話係我最鍾意既台灣食品，每人限量供應，仲要冇骨添，食落去啖啖肉，有少少辣，係台灣食到既味道呀麻辣鴨血又係我鍾意食既台灣野之一，好入味，貪心既我緊係叫個珍珠奶茶加布丁，真係好正，奶味好香加埋滑嘟嘟既布丁精燉牛腱心刀削面，個湯好鮮味，好香肉味，個牛腱比平時食開既腍，第一次食咁好味既牛腱媽媽就飲水果茶，有粒粒水果肉，唔會太甜，色彩繽紛我都好鍾意食麻糬，麻糬芋泥雞蛋手抓餅岩哂我，因為我仲好鍾意食芋泥，熱辣辣，食落去啖啖芋泥加埋煙韌既麻糬，呢個組合冇得輸係朗豪坊黎講，價錢絕對親民，同時有質素👍🏻

和朋友在朗豪坊看完戯之後，便在商場内填肚。原來最近朗豪坊新開了一家台灣過江龍食店，名叫勝面，便内進試試看。餐廳采黑白設計，有種簡約風的感覺，讓人感覺舒服。我點了一碗台式甜不辣拼花枝丸滷肉飯。這個滷肉飯挺好吃的。滷肉很香口，而且肉粒不會太肥但入口依然很軟。另外甜不辣和花枝丸也很彈牙。飯中央還放了半隻滷蛋，很入味。朋友點的是招牌麻辣牛三寶麵。這個三寶麵是這裏的招牌，辣度可以自選，朋友怕太辣，點了小辣。牛三寶即是牛頸脊、牛頰肉和牛腱心，而湯底則采用了美國牛肉和牛骨慢燉72小時而成，所以味道雖然清，但依然牛肉的味道。加上台灣麻辣醬後，更加惹味了。另外麵條也很彈牙、有口感，不錯！除了主食之外，我們還點了兩份小食。第一份是涼拌豚白肉。這是冷盤，白切豚肉上塗了麻辣醬，是挺開胃的前菜。而豚肉也很有彈性。限量供應的流心麻薯芋泥鷄蛋手工手抓餅。看到餐牌有這款手抓餅已經覺得很吸引，馬上就點來一試。首先這個配搭是很新穎的，脆脆的手抓餅配搭軟綿綿的芋泥和QQ的麻薯，口感很豐富。不過芋泥就比較甜，而且也比想象中散，如果能更綿密會更好。另外麻薯可能希望呈現流心效果，所以比較稀，吃的時候有點狼狽呢。

星期二先由台灣番香港，已經掛住台灣野食，所以今晚係朗豪坊11樓食呢間勝面~兩個人叫左4樣野，有豚白肉湯刀削麵、手撕雞湯飯、台式酥炸三寶同埋芝士肉鬆雞蛋手抓餅，見到如果食撈麵的話會送蛋花湯，不過湯飯感覺我特別所以試下湯飯先，但又幾想飲蛋花湯，所以加左8蚊加埋蛋花湯~最快到既係個蛋花湯，啲蛋花整得好靚，用湯匙舀啲蛋個陣會sir走，好厲害。之後係豚白肉湯刀削麵，個湯底有啲豬骨濃湯既感覺，但唔似拉麵舖飲到個啲有啲味精feel，呢個湯底易入口好多，刀削麵軟硬度適中，豚白肉都幾大塊。手撕雞湯飯係湯飯同料分開上，非常好，叫個陣仲諗緊手撕雞啲汁會唔會比湯沖淡，個湯飯既湯比較淡但做湯飯岩岩好，手撕雞份量都幾多，而且味道好香好正宗。酥炸三寶有蕃薯條、鹽酥雞同埋甜不辣，三樣都好好味，最特出係個蕃薯條，外面少少脆，入面肉厚甘甜，有條蕃薯條應該有15cm長。最後黎既係手抓餅，店員有講話要等20分鐘左右，個手抓餅整得非常有技巧，啲肉鬆份量岩岩好，而且利用左芝士半熔特性令佢個餅可以保持合埋唔會跌到啲餡周圍都係，手抓餅牛油香重，我諗淨叫原味手抓餅都好好味。食完超級飽，朗豪坊黎講好抵食，推薦大家黎食！P.S. 有部分店

中午揾野食，無概念就入咗去，發現原來好好味！台式麵店，老闆應該係台灣人，店員都是台灣人。我叫左個大辣牛三寶麵，揀咗關廟麵，d麵好入味！我喜歡辣，呢個麵辣得好正！雖然，我可以食再辣d，但呢隻辣辣得黎好入味、唔鹹、有d麻，都好合心水，如果喜歡辣的，真是要毫不猶豫選大辣試下。牛有牛𦟌、牛肉、牛筋，牛筋好稔好正，不過有d細粒。最好味的是裏面個豆腐，好滑，夾埋d湯蔥、芫茜，真是好好好好味！另外，我選了個菠蘿🍍飲品，內有薄荷葉，邊送辣野好醒神。一齊去食的友人，叫了鹽水手撕雞，好味，因為佢唔會好似其他手撕雞鋪令手撕雞變壞而落好多鹽。不過，佢撈唔均所以有一啖突然好鹹。** 本人無享受任何試食優惠，純粹路過入去試下。埋單兩人食咗224元。

今日突然想食台灣嘢又咁啱行街經過見到好吸引招牌麻辣牛三寶 刀削麵 小辣 牛三寶有牛頸脊肉 牛頰肉同牛腱心肉牛頸脊肉係薄身嘅 好入味牛頰肉好爽口牛腱心肉即係牛展煮得好軟腍刀削麵硬度啱啱好 好有咬口本身見到碗麵咁紅好驚會好辣不過食落真係小辣 完全唔會太辣仲有鴨血添呀人氣精燉牛腱心湯底好清牛味濃郁好突出牛腱心入口即溶好入味加埋刀削麵好夾台式酥炸三寶地瓜條甜甜地入面係實心鹽酥雞好香脆 炸粉唔會太厚成碟都好有台式風味流心麻糬芋泥雞蛋手工手抓餅呢個手抓餅要等20分鐘但係係絕對值得等Ga外面啲餅好酥脆入面啲餡料仲正見佢爆晒出嚟就知有幾足料啦芋泥甜甜地麻糬好彈鴉片黑糖波波鮮奶好香黑糖味甜味啱啱好珍珠好有咬口唔會好硬