26
8
3
電話號碼
29830340
開飯介紹
香港少數仍使用傳統點心車的懷舊茶室，推介其他地方少見的豬肚燒賣和豬潤腸粉。
繼續閱讀
營業時間
今日營業
05:00 - 14:00
星期一至日
05:00 - 14:00
以上資料只供參考, 請與餐廳確認詳情
食家推介
相關文章
食評 (40)
一去到坪洲，肚子咕咕叫，走咗入一家茶室暖和下。店鋪氣氛得意，手推車仔行來走去，勁有那種懷舊feel😊。首打先試了蜜汁叉燒腸粉，叉燒肥瘦適中，甜甜地，好滿足。腸粉皮滑溜溜，跟住啲豉油幾夾，真係正！跟手黎個鵪鶉蛋燒賣，咬落去蛋香混合咗豬肉味，又滑又juicy，但我覺得味道可以再香啲就更加好啦🤤。蟹黃蒸燒賣就真係一絕，香濃豐富，餡料爆滿，一口一個剛剛好。肉溫潤，同燒賣皮合拍到不得了，食落有種幸福感覺👍。整體嚟講，這茶室令人憶起舊香港，食物質素好正，服務嘅笑臉加分，跌筷子都即刻換，一流！過嚟坪洲，下次都會再嚟呢度掃街。
繼續閱讀
今日見天氣好，專程入坪洲行下朝早9:30就已經入到坪洲，即刻搵早餐食先因為太早所以無咩餐廳開門，行左幾步見呢間茶室有點心食就入去試下呢到d職員做野好隨意，就算寫左點心紙比佢落單，都唔會跟單出點心，反而會拎住一堆點心出來問你有冇邊樣岩食😅好彩佢地埋單係數枱面碗碟計數，所以其實可以無視左張點心紙🤣整體食物水準都唔錯，食完唔會好口渴，應該無咩味精，炸野都無油益味👍🏻👍🏻好過市區大酒樓好多🤣啦
繼續閱讀
估唔到香港仲有推車仔送點心嘅舊式茶樓😯，雖然知道小店D點心未必好味，但都想嚟懷舊一下。星期六中午12點嚟到，已經滿座，等左大概3個字入得。雖然有點心紙，但其實無用。完全取決於廚房蒸左乜，車仔就推出嚟比大家🙉 我地好慘坐門口位，車仔未推到嚟已經比入面D客拎哂….😂比較有特色嘅點心---即叫即煎桂花魚肉卷 $30係一款無桂花味嘅鹹點，口感係彈牙嘅魚肉，不過魚味薄弱。糯米包 $27 一層好薄嘅麵皮包住粒粒分明嘅糯米，口感幾好，鹹鹹地，但食唔出係咩味🤔。蝦餃 $29 正正常常，算係今餐最好嘅點心。以下完全唔推介金錢肚 $29 – 個醬汁唔好味，而且好水牛肉球 $27 – 肉質太軟，連馬蹄都好軟唔爽蝦球 – 似係魚肉多過蝦肉，完全無蝦味，亦食唔出蝦感🤔滑雞扎 $29 好少見有蟹柳嘅雞扎，而且仲要係廉價假蟹柳…我都係中意食唐記果D雞扎多D😅另外叫左個鳳爪排骨飯，$25大大盅，好多飯。雖然呢度貼住價錢表，但其實有D點心無Show出嚟，估計$25-29。好欣賞呢度嘅職員，上點心完全唔駛剔紙仔，但最後埋數果陣又可以計到幾錢先犀利!!😯 而且即使幾忙都好，都唔會黑面，又會扶住老人家出入，幾有愛心。埋單7個點心1個飯4個茶錢，TOTAL $256
繼續閱讀
坪洲係一個還可以讓舊事物保留的地方。其中成興茶樓就是一個體驗老香港的好地方。成間餐廳其實面積不大，但枱同枱中間尚算空間充足。坐喺嚟都算舒服。而且茶樓仲保留左買少見少嘅手推點心車傳統。你鍾意用點心紙又得，出去搶點心又得點心其實是幾好味的，我們叫了很基本的蝦餃燒賣櫈都非常不錯。尤其推介腸粉因為米香很濃。另外有個桂花卷也很特別，應該是用了魚肉加入桂花輕輕油炸，是否屬於懷舊點心就不得而知了。喜歡懷舊的朋友不要錯過。
繼續閱讀
這天來到坪洲旅行，原本想去午餐的一家餐廳沒有開，見到這家勝興茶室有很多客人，很多都是坪洲人，很溫馨，便走進去。很開心見到久違了的點心車，内有蝦餃燒賣牛肉牛肚鷄紥等等。蝦餃鷄紥鯪魚球都是水準麻麻，當然來到坪洲，不能期望有市區大酒樓較高質素的點心。不過，最失望的是衛生很差，夥計態度愛理不理的。一位姐姐從厨房拿了一碟灼生菜出來，見到很多水，就用她一隻玉手按著菜’痹‘水落鋅盤内，不知她那雙手之前是否拿過抹臺布抹臺，實在恐怖。問另一位姐姐想吃隔離枱的釀豆腐，她就支吾以對，不知說是有定無。又叫了一碟葱花腸粉（要提這個腸粉很好吃，腸粉吃上口質感很好），腸粉沒有下豉油，便問姐姐拿豉油，她就指了指我枱上的豉油樽，我說要腸粉用的豉油呢，她轉頭就走開了。其實這裏是有腸粉豉油的，都好，過了幾分鐘，阿姐還是拿了過來。而這個豉油是放在一個燉盅，用一個瓦碟當蓋子來蓋著，隻瓦碟周度放，又蓋回，很不衛生。結果，之後無幾耐，我和朋友都感覺肚子不舒服，在坪洲行了少許，便趕緊坐船回香港島。朋友發了少少燒，過一天肚子好轉，我現在是第二天，肚子還是不舒服中。
繼續閱讀