影片
食家推介
觀塘海難得有牛舌嘅舖頭，食咗發現同仙台嘅味道都真係差唔多，牛舌軟腍唔會過韌，套餐仲包埋沙律同泡芙，所以套餐都幾抵食，一個女仔絕對夠飽。雖然舖頭又落場時間，而且座位都唔算多，不過避開高峰時間去食都係一個唔錯嘅選擇
繼續閱讀
午餐定食，炸牛舌＆牛舌餅。唔覺有乜特別，可能you tube 效應。牛舌餅無牛味，薯蓉一塊餅！炸牛舌，有些少牛舌香味外也是普通不過。可能係我唔識食….. 失望而回，但仍撐小店
繼續閱讀
鍾意牛舌的你，千祈唔好錯過呢間隱藏於觀塘熟食中心的高質牛舌專門店——勝田牛舌專門店！今次過嚟試食，食完之後真係好surprise😍😍店舖位於駿業熟食市場1樓，位置可能有啲隱蔽，但冇諗過熟食中心入面會有咁高質嘅食肆🙂↕️🍱 店內主打各款牛舌定食，最平只需$58就可以食到一份豐富定食，包括：白飯、糖心蛋、時蔬，夠晒飽肚。如果想食得更豐富啲，加多$20就有小食同飲品，CP值爆燈🙌🏻🙌🏻🥩 仙台風燒牛舌定食今次最驚艷嘅一定係佢哋招牌嘅「仙台風燒牛舌定食」！牛舌厚切，但咬落完全唔韌，反而好有爽口，外皮燒得微焦，帶點炭香，配埋佢特製嘅燒汁，真係一試難忘。食落去啖啖肉香、超爽口，送飯一流。🐮法式紅醬煮牛肉定食鍾意再多啲口感比較淋嘅，可以試下「法式紅醬煮牛舌定食」，份量一樣咁多，汁香入味，啖啖都好滿足🤤🍟 小食除咗主食，佢哋嘅小食都唔可以錯過。尤其係「牛舌薯餅」同「炸魷魚鬚」，兩款我都試咗牛舌薯餅：外脆內軟，咬落仲有啲肉香，好特別。炸魷魚鬚：炸得金黃酥脆，但保留住魷魚嘅煙韌口感，一啲都唔油膩🧋 自家製飲品｜泰奶＋檸檬茶飲品方面都唔馬虎，佢哋嘅「自家製泰式奶茶」夠晒香滑，唔會太甜，奶味突出；「檸檬茶」亦都好清新，解膩一流。兩款都係+$20套餐入面可以揀，非常抵飲總結一下，呢度真係好啱觀塘打工仔嚟食🤣定食味道出色，份量足，小食飲品都有驚喜，$100樓下已經食得超滿足❤️
繼續閱讀
呢家改良後，招牌仙台風牛舌芯定食分120g、180g份量，主食照舊提供麥飯/麥麵選擇，不過完全無諗過飯量誇張到好似有兩碗😂 少食澱粉嘅記得叫少飯另一個招牌之一嘅吉列牛舌定食，一份裡面有3件牛舌、2件牛舌薯餅用米糠炸法特別鬆脆，牛舌一梳梳肉，厚度對食肉獸嚟講幾滿足，只係外皮乾身少少；薯餅整體好軟滑反而幾驚喜，裡面肉粒唔會切到好細粒，而且加$20有多份小食同飲品真係好抵，單價一份小食都已經$25前菜配搭嘅蔬菜好新鮮，成個定食只用簡單調味，係毫無負擔嘅一餐
繼續閱讀
觀塘駿業街街市有好嘢食，勝田牛舌專門店適合觀塘嘅返工食lunch，CP值高，成個set 有飯、有糖心蛋沙律，最平先$58，仲可以加$8有樽仔飲品，唔想食咁多都有健康餐一定要試牛舌，夠曬厚煎得香，加埋檸檬汁，味道更有層次，適合送飯。另一個定食吉列牛舌配牛舌薯餅，牛舌同薯仔味道好夾，好脆口，同埋都好大嚿，食得多都唔會覺得熱氣仲有其他炸物，例如炸魷魚、炸餃子，味道都好好，加$20 就有一個小食和飲品，值得一試
繼續閱讀
您可能會有興趣的...