2
0
1
電話號碼
29665293
營業時間
*(非賽馬日)
星期四至六
18:30 - 22:30
其他資料
泊車 詳細介紹
電話訂座 詳細介紹
食評 (3)
等級1 2021-12-09
72 瀏覽
之前聽過好多朋友都話馬會餐廳食物水準高, 但結果意外地失望之前試過的會員廂房(長勝廳), 相比之下勝於藍的質數差太多因為朋友生日, 所以當日訂了12人的房間慶祝因為想試不同食物, 所以打算每樣叫2-3份試試原本想叫2份雞,2份爐魚,2份小羊肩, 最後服務員回覆只有一份雞,一份魚,一份羊肩值得表揚的是服務員態度很好, 佢之前都盡量安排提供相等份量或取代方案可能因為數量太多關係, 最後有點煩躁, 不過都了解最後提供了一份雞, 一份鱸魚,一份(好似係)鯛魚, 一份小羊肩,  一份羊肩, 其他叫了一些牛及豬食物味道上可算極度失望雞太"鞋", 小羊肩算可以, 但另一個羊肩太熟 好"鞋",porterhouse steak 原本叫了5成熟, 但最後牛扒好難切同略韌有一些味道較好, 魚 及甜品 都頗好, 豬的味道及質地特別好   繼續閱讀
(以上食評乃用戶個人意見 , 並不代表OpenRice之觀點。)
等級7 2021-10-26
586 瀏覽
大食會小組聚餐定於馬會內半屬C類食肆嘅「勝於藍」進行,適逢蕃薯uncle壽辰竟突變成長輩請客,因為會員於生日月份可享八五折優惠,口福不淺時荷包同感幸福!會所餐廳位於跑馬地馬場中央嘅「聯合看台」七樓,必需經黃泥涌道之C入口前往。由於冇車可停泊於該區門外,乘車嘅貴客最方便就係於A入口(即賽馬博物館/滿貫廳位置)落車,步行約五分鐘即達C入口。店子正門右方為酒吧區,簡潔企理得黎幾有時代感,最誘人就係三樽大、中、細嘅名牌香檳!圍住方形吧枱嘅厚墊高櫈完全唔迫,只係睇落好似冇乜位放隨身物而已。用餐大堂開揚寬廣,一如馬會其他餐室,圍繞住馬場一邊嘅全為落地玻璃,明顯係為馬迷觀賞賽事而設計。窗旁排出嘅二至四人散座分隔得好開,中間嘅六人圓枱半邊有屏風間開,以提升私隱度。場內除咗可見不少馬馬擺設之外,四周更擺放有多部空氣清新機,感覺份外衛生!嘻嘻,人家聽歌學國語,小肥就食西餐學英文。細看牆上貼出英文店名「The Chalk」嘅典故,方才知悉來由其實同初期賽馬未電子化前嘅競馬賠率以粉筆字不停刪改有關;話說當年被看好之馬匹會喺賠率黑版上用最多「粉」(chalk)修改賠率,久而久之最熱滿嗰匹馬就被暱稱為「the chalk」。以電話訂座時,得知每位會員只可預訂六個散座,屬D類嘅私人廂房除外,室內衣著規定為不得穿著背心、短褲或拖鞋。當晚只訂到嘅六人廂房設有全單$3,500之最低消費額,留座要求會員簽名擔保出席,非常嚴謹。廂房私人空間足,厚墊椅櫈十分舒適,不過有腰骨問題嘅幾位長輩都要搵咕𠱸頂住先舒服,幸好客套嘅服務生們亦樂於幫忙。每位席上有齊備嘅西式餐具。桌上嘅古銅色馬馬尤其駿逸。綠色封面嘅飲品餐牌共有六頁之多。因深覺$200/樽普通裝紅、白、汽酒嘅開瓶費相當合理,大肥爸爸早就備好佳釀祝賀好友牛一!晚市餐牌只有英文版一大頁。廂房由友善體貼嘅Victor哥哥負責,處理好飲品後隨即推出車仔為精選牛扒作出簡介,詳盡又專業。點好菜,先有暖手嘅麵包籃,因兩款包品均含果仁,細佬就冇試到。其實兩星期前訂座時早已告知會所派對中一位客人對果仁敏感,大家都感到有點奇怪為何廚房當晚未有備製不含果仁嘅麵包。Caesar Salad($108):凱撒沙律清新爽脆,屬安全穩陣之選。U.S. Prime Beef Tartar, Waffle Potato Chips($198):粉紅潤澤嘅牛肉他他軟嫩鮮濃,以清爽嘅菜菜加以點綴直令口感多咗一份清脆。將牛肉他他塗喺香脆鬆化嘅薯片上,組合惹味得黎唔會過咸,堅掂!Foie Gras($168):以木梨啫喱及糖漿墊底嘅鵝肝外表都幾精緻,個人只係略嫌鵝肝嘅味道唔夠濃郁芳香,其質感亦偏微微硬,唔得軟滑。反而配角嘅雲石紋朱古力味麵包微甜鬆軟,十分可口。Lobster Bisque with Aged Cognac($118):龍蝦湯嘅忌廉份量剛剛好,湯品鮮香醇濃得黎完全唔溜,湯內嘅龍蝦肉都好爽脆,不妨一試。Lamb Chop(3pcs x 80g;$428):唔食牛嘅契姨媽點咗客羊架,賣相似乎幾得。個個都想試多幾味,其餘五人結果點咗三款牛扒黎分,全部都要哂medium rare,好等公平地比較,並選配紅酒汁、羊肚菌汁及燒烤肉汁。三款汁液中,小弟只鍾情中間嘅羊肚菌汁。Dry Aged – Angus Prime Ribeye Steak(340g;$788):為牛扒環節打響頭炮嘅乾式熟成肉眼扒為美國代表,意外地最令人失望。美國牛肉竟然肉味不甚濃烈,最失敗就係上枱時起碼六成熟,切到中間位都未見有半點血色,咬落質感嚡中帶乾,不吃也吧!Saga A4 Striploin Steak(280g, $1,038):好在其餘兩款和牛都冇過熟嘅情況出現,厚厚嘅佐賀A4和牛因肉質較為柔軟及肉汁更為豐盛故以大比數勝出!Wagyu M7 Striploin Steak(280g, $558):或許因有比較下,反而最薄嘅M7和牛咬落啲肉最實,但又未至於韌又或者硬嘅,而且肉汁未為最豐沛,當真「最怕貨比貨」。每客主菜都跟同是日蔬菜羽衣甘藍及洋蔥炒薯仔。Victor哥哥細心地告知XO仔嗰份羽衣甘藍係特別交代廚房走咗果仁嘅,故可放心進食。深綠色嘅羽衣甘藍清脆幼嫩,溫馨之情直令菜菜尤其甜美,唔清碟都對人唔住啦!Steak Fries($48):自己一向偏愛幼身嘅薯條,眼見面前嘅薯條咁粗,影完相後即決意留肚食甜品。Mixed Forest Mushrooms($38):炒雜菌香潤得黎唔會太油,最襯個羊肚菌汁。甜品方面,栗子迷分咗客「Mont Blanc」($128)。Chocolate Soufflé, Whisky Sauce($128):朱古力味梳乎厘鬆軟輕巧,可惜另上嘅威士忌汁卻一啲威士忌味都冇,壽星公話覺得俾餐牌呃咗喎。Crepe ‘Suzette’, Vanilla Ice-Cream($198 for two):法式火焰薄餅由Victor哥哥於桌邊煎煮,小肥部新手機捕捉到嘅視覺效果係咪唔錯呢?!薄薄嘅烤餅軟腍芬芳,入口即散發出醇濃嘅橙酒香,捲入雲尼拿雪糕即倍添滑溜與清涼,甜而不膩,呀!只招待馬會會員嘅會所西餐廳「勝於藍」環境高雅闊落,貼身周到嘅招待令人印象深刻,即使牛扒菜式質素略為參差,長輩慶生晚聚都未受影響,反更歡樂無窮,連食評原本OK都升呢成笑評,全因勝於服務! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-23
324 瀏覽
今年四月,跑馬地馬場食肆增加了成員,“The Chalk” 「勝於藍」是家扒房,以年輕會員為目標客戶,佈置簡約時尚;八月推廣來自美國芝加哥 Linz 肉商的 Angus,肉質果然上乘,加上烤扒功夫真唔錯,令我至今依然回味,不過價錢配合,走中高檔路線。 落地玻璃,倚窗而坐,盡覽馬場景緻,憑景觀已值一試。 單頁菜譜,搜羅世界各地的海洋鮮及肉類,看國旗可辨出處。 送上温暖的麵包,以紙袋及布包裏著成功保温,除了牛油外,亦備以海鹽。 麵包水準非常好,尤其喜歡洋蔥包,油潤香軟。 點菜前,牛扒車先出動,侍應略為介紹,客人可以有樣睇,了解份量,有睇頭亦有實際作用。龍蝦湯 Lobster Bisque $118香濃幼滑,味道醇厚,秘密武器正就是足夠的干邑白蘭地,倍增香郁。稍嫌份量不足,而且放在高身瓷碗內,也許賣相好,但不及以西餐湯碟盛載方便進食。 Crab 阿拉斯加蟹肉 $188這個前菜有驚喜,貌似甜點,因為面頭的芒果泡沫如雪糕,入口方知味非甜,而且下層有豐富的阿拉斯加蟹肉蟹子牛油果沙律,啖啖蟹肉,鹹香討好,值得一試。  Angus - Hanger Steak Reserve $328Angus - Prime Strip Steak Center Cut $558我們二人分享兩款扒,託廚房代分切。Hanger teak 是橫膈膜位,肉質非常軟嫩,不一定下於肉眼,性價比怎高。 煎至外焦內粉嫩,相比 Prime 更有焦香,我們的 medium rare,成功保住肉汁,嫩軟中保持牛肉嚼勁,水準之上。 比下去見高低,Prime Strip 肉質更加細緻,鬆軟味香,期待中優質牛排的口感。 醬汁有六款選擇,我們揀了我最喜歡的蘑菇 Morel 及餐廳自製的 Aji Verde。青色的 Aji Verde 是祕魯式青辣椒醬,成為包括辣椒、芝士及蛋黃醬,所以 creamy 及辣辣的,頗有新鮮感,不過始終 morel 比較濃郁及合拍。 正如其他高級扒房,刀有得自選,不過選擇不多。 兩款隨上的拌菜水凖亦好,份量充足。Crepe ‘Suzette’ $198同伴一眼看中這個甜品,主因懷舊,當年盛行時,餐廳主管堂前煎煮服務,絕對是高級的款待,不過今時今日堂前明火烹調已非新鮮事。 可惜年輕服務員技術未到位,見不到高高的火焰,觀賞角度來說失色;而且酒的份量不多,只吃到甜味,沒有酒之甘,不夠火候,但亦慶幸地更合我意,第一次覺得好食!因為我從來不喜歡帶苦味的甜點。只開晚上星期四至日,可能因為近月有推廣,未來一個月訂位已滿,本想再訪亦要等等。  服務質素遠不及跑馬地會所,雖然態度良好,但經驗不足有待訓練;運作亦未暢順,不合格之處在我們的前菜並非一齊出,湯喝完,蟹肉才到,不說等了良久才出菜。最有趣是 Crepe ‘Suzette’ 是兩人份量,侍應重複兩次問我們點一份或兩份! 整體平均分:4.3-4.5  繼續閱讀
(以上食評乃用戶個人意見 , 並不代表OpenRice之觀點。)