勝利潮州食品

營業中

休息中

今晚我和家人在勝利大排檔叫了六碟小菜，當中包括：滷水拼盤、黑椒牛柳粒、菠蘿咕嚕肉、蒜香炒通菜、枝竹火腩龍躉頭腩、香脆鮑魚等⋯吃得我和家人都津津樂道，唔洗半個鐘清左一大半⋯呢度食物夠*獲氣👍🏻味道有水準👍🏻從小吃到大，想不到愈黎愈好味👍🏻賣相仲有進步🥳🥳🥳忍唔住影低佢。會同屋企人、朋友再來呢間食店🥰服務態度好，食物又好味，好滿足的一晚🤤今晚好開心，吃到的除左係美味既食物，還滿載人情味🥰希望多d人發掘到啟業村的呢間勝利大排檔，推薦！

黎到啟業村搵食 見到呢間坐到出曬街full曬 所以就去試下啦其實環境係不太好 因為真係好嘈 嘈到係講野要好大聲 同埋d枱枱櫈櫈都幾污糟 不過黎得大排擋食飯我已經預左 所以都無乜所謂海鮮真係好扺食 所以叫既多數係海鮮 全部都好好食 係個聖子好韌 應該係唔親鮮or煮太耐 整體係ok最好食係條烏頭 我一個人清曬😆

本人最愛平靚正美食，就算踎大牌檔都冇所謂，去開九龍灣，就同老婆老友三五知幾試下啟業勝利飯店。凍冰冰，就叫個中羊腩試下，份量十足，但記住羊腩要時間炆，因為我太心急，一黎就食，結果唔夠林。到食左個幾鐘，羊腩入味兼夠林，先係食既最佳時候。甘頭一個鐘應該食乜呢？我地就叫肥牛，鯇魚腩，唐篙，鮮冬茹，鮮海蝦，當一般火鍋甘食。原來樣樣配料新鮮，尤其係肥牛，以為38蚊一碟應該係渣嘢，但食落絕對超值，雖比不上手切牛頸脊，但呢個價錢，絕對喜出望外。飲埋啤酒，每人百零蚊，地踎之首選。

屋村大排檔依家真係已經少之又少~難得呢度近我同傻baby,我倆決定係勝利搵食見到豉椒炒蜆 $18做特價,本打算order,點知賣曬...sad!最後二人點了三送+兩碗靚仔秘製蜜味骨蜜味骨上鋪滿脆卜卜的腰果,骨本身醃得不夠味~茨汁味道略淡,只有淡淡的甜味~秘製?!看來只屬普通!豉汁蒸白鱔掂!豉汁惹味,白鱔新鮮,鱔肉爽口彈牙!冬菜魚腐浸菜苗份量多~菜苗是白菜仔,冇沙洗得乾淨~魚肉好夠味,湯夠味,但兩者一齊食既話就略咸!飯後送上紅豆沙不太甜而且紅豆煲到起沙~一碗不起眼的紅豆沙反而是全晚最有驚喜的!埋單$154

由於呢間勝利大排檔 o係我屋企附近~所以有時心郁郁想食 D 風味菜我都會去呢度!!! 我都黎過四, 五次...個老闆好好人架~ 態度亦好友善!!! 每次都會送一碗蘿白豬紅俾我地做小食~ 我通常會嗌魚香茄子~ 真係熱辣辣得黎又好香咸魚味!!!蠔餅大大塊又足料~ 而酥炸九肚魚... 炸得好乾身!!! D 肉仲好滑...我仲食過豉椒炒蜆~ 真係好惹味架!!! 份量都 ok 的~至於湯就飲過粟米魚肚羹~ 味道都唔錯!!! 不過再落多 D 魚肚就最好喇!!! 每次叫三"送"一湯加白飯... 三個人都係大約 $160 啦~ 價錢都好合理!!!等我下次再去試下其他"送"... 再上黎匯報啦!!!

近排無帶飯, 由同事帶領, 四出搵野食, 我的飲食習慣很寬, 不會局限於餐廳食肆, 大排檔風味好, 我也樂於嘗試! 今天來到了勝利, 下午時分, 學生, 工友頗多, 環境尚算能接受!三人叫了三個餸, $32, 西檸軟雞 - 雞不軟, 炸醬幾厚, 略硬! 啫啫通菜煲 - 好熱, 份量大, 蝦醬味濃, 但呢個我覺得太鹹, 最後來了咸蛋蒸肉餅, 肉餅幾腍, 幾 juicy, 呢度仲有車仔麵, 車仔飯, 選擇都唔少, 份量多, 不過, 唔係樣樣都煮得精, 大家要識揀!

在我未養狗之前, 好少去食大排檔, 不過現在只要可以比狗入的地方都去食昨天一行4人去勝利食晚飯, 老闆好好人, 請我們食蘿白豬紅, 中比晒D有椅背我椅我們坐, 中比了張椅愛犬坐(好細心了) 而且沒四處垃圾, 個個員工都笑容滿面我們叫了4個餱, 1個湯, 分別是栗米魚肚匙, 菜膽雞(半隻), 咸魚煎肉餅, 中式排骨, 2支啤酒,2碗白飯, 送了一碗蘿白豬紅栗米魚肚匙, 有好多魚肚, 菜膽雞好滑, 又有雞味,咸魚煎肉餅好香口,咸魚蓉好夠了,用來送酒一樓, 中式排骨夠鑊氣好淋, 個甜味汁好正, 真是大碟到4個人都食不晒了上菜時間好快, 而且說明餱菜只選當造, 原為九菜豬紅內九菜不是最靚, 所以改用蘿白天氣是熱不過一班朋友飲住冰凍啤酒, 食下人情味, 風味是現代化社會不會有架!