152
14
3
港鐵銅鑼灣站 B 出口
繼續閱讀
營業時間
星期一至日
12:00 - 15:00
18:00 - 23:00
以上資料只供參考, 請與餐廳確認詳情
食家推介
391 瀏覽
種種原因這一篇食評拖了幾個月才上臷，連餐廳都結業了！只不過，當晚幫襯已經知道在同一棟大廈的樓上有另一間同名餐廳，所供應的食物款式分別不大，都是走日式居酒屋路線，而這另一間同名餐廳仍在運作中。室內氣氛異常熱鬧，燈光昏黄，裝修風格有點不拘束的隨意及混亂。牆壁上貼滿了日本燒酎招紙、甚至一些真真正正日本當地居酒屋的餐牌，雖然有點古怪，但又充滿日本風情。再加上是晚全間餐廳滿座、座無虛席、人聲沸騰 ⋯⋯ 整體感覺與日本當地的小型庶民居酒屋沒有分別。餐牌有點奇怪，除了標準居酒屋出品，又加添了一些老闆自創的港式元素，變奏出鐵板串燒、串燒、鐵板燒三大主打類別。根據筆者對日本料理的粗淺認識，串燒是傳統日式料理之一，食材切成細細件、用竹籤串起，並利用炭火明火燒烤。至於鐵板燒，其實屬於西洋風料理，只不過這一種變奏版西洋料理發源於日本，已經被當成日式料理。至於鐵板串燒，可能筆者孤陋寡聞，應該是老闆自創的港式日本料理。居酒屋盡頭是一個細細的開放式廚房，刺身、揚物、串燒及鐵板全部都在這個廚房處理。如果有幸坐在這個小吧枱前，就可以看見廚師一方面在旁邊的串燒電烤爐炮製串燒，同一時間又在這一塊小小的鐵板上面炮製鐵板燒及鐵板串燒。串燒牛舌（$48）表面落了太多黑胡椒及鹽花，部份鹽花甚至尚未完全溶化，味道偏鹹、太過重口味。牛舌雖然爽口彈牙、但有點韌，要咀嚼較長時間；而且欠缺了串燒所應該有的一點點焦燶，唔算係一支好食的串燒。串燒免治雞肉棒（$28）用了乾燒，再配上生雞蛋黃及日式醬油，本來是標準處理方法，不過雞肉棒本身賣相唔合格。雞肉棒太過似一支長方體，表面又太過平滑，感覺似是機器大量製造，並非人手搓成。雖然雞肉棒表面有三條焦燶痕跡，睇得出的確採用串燒烤爐，但除了這三條焦燶痕，整條雞肉棒欠缺均勻金黃色，燒烤時間似乎唔係好足夠。咬落去亦只有免治雞肉的鬆軟、欠缺了雞軟骨碎的脆口，如果唔係有生雞蛋黄、價錢又抵，實在不合格。雖然叫串燒粟米（$28），但送上來時竟然已經拔走竹籤？粟米表面燒得未算金黃，也欠缺輕微焦香，幸好總算熟透，只不過粟米未夠清甜。所謂鐵板串燒，其實就是指放在鐵板上煎香串燒；所以某程度上缺少了串燒的明火焦燶，更加接近鐵板燒的均勻香口。鐵板串燒黑豚腩（$48）及鐵板燒黑豚蘆筍卷（$58）與串燒牛舌皆有相同的問題，廚師太重手，灑下了過多的黑椒碎及鹽花，口味太重。值得稱讚的地方就是黑豚腩肥瘦相間，肥脂肪爽口不油膩、瘦腩肉肉味濃、肉質柔軟中帶點爽口，選材幾好。黑豚蘆筍卷外層的半肥瘦薄切黑豚，加上中間的爽脆蘆筍，一向都是串燒的其中一款最佳組合。只不過，廚師偏偏加了沙律醬調味，有必要嗎？不知什麼原因，鐵板燒冬菇釀黑豚（$38）又加了沙律醬。撇除了這一抹沙律醬，冬菇軟腍、爽口，免治黑豚有肉味、少少起膠彈牙；味道方面總算較為恰當，沒有之前那些串燒或鐵板串燒的偏鹹。日式炸雞（$98）賣相麻麻地，表層粉漿好似太厚；食落口粉漿的確是厚了一點，但十分香口鬆脆，彌補賣相不足之處。雞肉熱辣辣，味道又調校得剛剛好，沒有其他大部份出品偏鹹的毛病。美國牛肉網燒（$198）賣相同様麻麻地，牛肉大小不一、又岩岩巉巉，但偏偏又見到清晰的網燒坑紋。雖然明知這間小店沒有炭爐明火燒烤，但利用電烤爐燒出來的效果也相當不錯，最低限度比較之前那一支串燒免治雞肉棒優勝得多。火候控制得極佳，大約六成熟左右。充滿牛肉味、而且鮮甜，不愧是美國牛肉。雖然並不是肉眼扒或西冷等最佳部份，但肉質仍然相當柔軟，而且有一點咬口之餘、又不會難嚼或者有渣。之前真的估不到餐廳名為「鐵板串料理」，到最後竟然是日式炸雞及美國牛肉網燒最好食。
繼續閱讀
近來當有空檔，便查看一下手機，看看有什麼吸引的訂坐優惠，除了優惠的因素外，還需考慮時間和地點。 今次趁著星期六這天的假期， 便到港島走走， 試試。這店位於離地鐵站不遠的位置，裝潢就如一般的居酒屋，不是走高檔路線，但也尚算舒適。當侍應送上餐牌，往餐牌一看， 便被午市套餐的內容吸引了，一份set lunch，可點兩個迷你丼，一次過可嚐到兩個口味，相當吸引， 而且能享有八五折， 就算用不到訂坐優惠也決定點一份來試試。日式套餐， 總少不了的前菜與沙律套餐除了享有八五折外， 還可以加$48 加添加拿大海膽刺身，(還以為海膽會很大件， 原來會錯意 😂😂😂)， 但勝在鮮甜， 味道不錯。 當然，配以現磨wasabi （沒那麼辛辣、攻鼻，還多添一點點甜）更令這刺身加了點分數。而那兩款迷你丼，我選了帆立貝海膽丼及蟹肉蟹膏丼，迷你丼內的米飯份量就像一件大壽司般， 但放在上面的材料卻是相對豐足，而且味道與新鮮度也不俗。的確，一次過可嚐兩個口味， 是一種吸引的招徠，可是，原本正常一碗的份量， 分成兩小碗。看似化算， 但想深一層， 其實有點取巧 😅 不過， 對女性而言份量可能剛好， 但對男性呢， 可能會略嫌不足。而這店以串燒掛帥， 若不點串燒來試試的話， 總覺得會錯過了什麼似的， 於是再加點黑豚肉露筍卷和白鱔串燒，（可享訂坐折扣）白鱔嚐起來肉質鮮、彈，味道不俗。 至於黑豚肉露筍卷， 肉切得太薄了， 所以略嫌乾身了些， 並不能太吃得出豚肉的味道。令本來蠻好的印象打了個折扣。最後，甜品奉上抹茶雪糕，味道一般。 總括而言， 以這裡的地段及午市套餐的價格來評，有這樣質素，亦算是一個驚喜。只是串燒方面，價錢和質素就相對的比下去了。 整體來說， 也不失為一頓豐盛午餐 😆 若加上折扣優惠， 值得一試。
繼續閱讀
其實我好少會寫負評但呢間野既價錢同質素真係太唔成正比1. 吞拿魚腩卷 HKD100竟然係平時最平價青瓜小卷size 6件其實再好既刺身用小卷卷住 咁小一塊真係食唔出味2. 刺身一般$25-30一片🤦🏻♀️係一片片計叫左$340刺身拼盤 ...得12 件其實食落同殿大喜屋差唔多但一盤價錢已經可以食到高質放題3. 串燒係okay geeee $100 2 串牛舌蔥雞串係好食既 但都係overpriced 4. 鵝肝炒飯除左飯面一塊鵝肝之外飯一啲鵝肝味都冇5. 牛肉炒麵Okay. 好既地方係店員nice 會幫你加水但唔係茶（or 淡到似水）最後有85折（冇既話呢間既比價性係0）如果唔介意食貴啲其實都ok gee🤓
繼續閱讀
同朋友食lunch, 今次去到有驚喜，set lunch menu多左好多選擇，但今次特別想食薄燒牛肉，所以就叫左B餐🙈刺身有三文魚同甜蝦，分量少少，但都好新鮮👍🏻鵝肝多士都幾好味，鵝肝肥美，煎得又香❤️淋上面既汁係甜既，好特別！配埋香脆既多士，口感好豐富👍🏻依個餐可以選擇炒飯或烏冬，我就揀左牛肉烏冬！個烏冬就不過不失啦，湯比較清，不過牛肉都幾嫩既！輪到我最愛既薄燒牛肉啦❤️入面包住香蔥，牛肉岩岩熟，點埋佢地特製既醬汁，非常好味😊而帶子方面，餐廳好貼心咁切晒粒，啲汁就頗重牛油味，反而我就覺得蓋過左帶子本身既鮮味☹️最後仲送左cookies and cream雪糕😍好圓滿啊😍
繼續閱讀
記得以前睇過openrice，經過呢一間日式餐廳，係零負評... 當時我真係好驚訝，覺得冇可能。然後就去食一次睇下係唔係真係咁好食，冇野挑剔。當時食過，覺得食物水準真係唔錯，以香港既日式餐廳來講算係高水準。然後，最近再來食返，都係keep到個水準青魚： 6個字，冇骨多肉唔腥。海鮮鳥冬：加左d雜菜一齊煮 健康之餘，d菜本身既甜味帶到落去鳥冬到，令鳥冬索曬d味更加香甜。加埋鮮甜既蜆，令個鳥冬冇咁dry～炸天婦羅，d南瓜好甜
繼續閱讀