勇記海南雞

營業中

休息中

今日又食勇記！上次要髀飯點知肉係粉紅色！以為一時失手！今次髀飯又係咁！唔知食唔食好！唯有求其咬兩啖算數！可能自己問題，食唔到比較生嘅雞！唔知可唔可以落單時叫熟啲呢！啲油飯就繼續好好味

📍勇記海南雞飯Have heard a lot of good things about Yung Kee Hainan Chicken so I especially went to give it a try. Went during weekday lunch time. Although there was a queue, it went quite quickly. The takeaway order line was also very efficient. Instead of ordering a lunch set, I opted for the two persons set so that we got half a chicken, two coconut chicken soup, two snacks and two bowls of chicken oil rice, all that for HK$200. Really fair for value. The chicken was indeed silky smooth but it lacke

每次午飯時間經過見會見到出面大排長龍，包括排隊堂食嘅隊伍以及外賣嘅人龍，所以今次我都專燈預早咗時間喺12點嘅時候就出發去買。———————————————🌟招牌海南雞飯 $66套餐本身包一款飲品或者湯，建議大家必試椰子雞湯，椰子雞湯非常鮮甜充滿椰香味，入面仲會有幾舊椰子肉可以咬，$66蚊嚟講可以試到咁高質嘅湯性價比都非常高。而海南雞本身色澤都做得非常好，成個菜式外貌吸引。雞肉本身亦已經去骨，咬落非常嫩滑，再配以特調酸酸甜甜嘅醬汁令味道更上一層。.🔶整體評價🔶整體而言海南雞飯其實未值得推介到叫大家山長水遠走去食，但如果大家偶爾會經過而有時間，確實可以坐低品嘗一份出色嘅海南雞。.🔸味道：8/10🔸環境：5/10🔸服務：7/10🔸打卡指數：5/10———————————————🍽️勇記海南雞📍上環蘇杭街102號江寧大廈地舖———————————————👉🏻#hkchiller美食地圖_上環👉🏻#hkchiller午餐推介👉🏻#hkchiller_東南亞菜

一早聽過係紅磡嘅勇記海南雞，由前君悅酒店廚師主理，好受歡迎要排好耐隊先食到🥲，岩岩好和同事到上環食Lunch，同我講上環開左分店，心諗一定要試😍好彩lunch time等左十分鐘左右，上菜速度好快，質素好高，仲有超正嘅椰子雞湯，超推薦！😍😍✨招牌去骨泰式海南雞飯🐔(油飯) $66套餐包一款飲品或椰子雞湯（送完即止），可以見到有幾受歡迎，一定要揀椰子🥥雞湯🥣！超級鮮甜，好香椰子味，入面仲有湯渣，包括椰肉、紅蘿蔔等等，好入味，想encore🥺講返主角海南雞🐔，外皮光滑有色澤，賣相好靚，雞皮爽口有彈性，雞肉肉質鮮嫩又滑，無骨食得好方便，有雞味，配上泰式醬汁酸酸辣辣好match又開胃，一d都唔會油膩，太高質了呢個價絕對值得🥰🥰個油飯粒粒分明，充滿油香和椰香，   表面仲有少少炸蒜，令到成個飯更香口，好好味呀☺️☺️✨泰式蝦餅 🦐$39我地仲叫左個蝦餅share,一共有3件，炸得酥脆，表現雖然無海南雞驚艷，但都好食🤤勇記海南雞📍上環蘇杭街102號江寧大廈地舖📍紅磡馬頭圍道23-35H號隆基大樓地下29L號舖

我哋平日12:15PM嚟到， 門口已經排緊隊如果午市雞飯會送一碗椰子雞湯， 先到先得， 聽講如果遲過12:30 都會俾人拎晒， 想試嘅話記得早啲到！我哋三個人叫咗三種唔同嘅雞🐓🐣🐔去骨沙薑雞飯（白飯）＄63 🐓個人覺得三隻裏面最好食就係呢個沙薑味， 沙薑上有一層香油，咸香沙薑粉沉澱係底， 食之前將佢哋撈埋一齊， 沙薑嘅咸配埋油嘅香味同超滑嘅雞十分之夾， 個個都爭住食呢隻醬秘製去骨麻辣雞飯🌶（白飯）$66 🐔呢個麻辣雞比想像中好食， 原本以為做海南雞嘅舖頭做麻辣嘢應該唔會好出色， 佢呢隻麻辣醬偏向麻同鹹味重唔算好辣， 麻得層次感豐富， 有幾香嘅花椒味，就算唔食得辣嘅人都可以試。去骨蔥油雞飯🧅（白飯）$63 🐣蔥油同出邊嘅分別係味少姜少辛， 偏鹹味蔥油香但總括而言都偏普通， 可叫海南雞原味取代之［ 以上套餐免費跟熱飲或椰子雞湯， 凍飲要加$3］午市去好多人了，姐姐會收野好快🤔🤔

依間海南雞由佢一開業我就已經好想試！海南雞關注大大推薦！👍🏻但係佢每日2pm先開始營業(同我lunchtime唔夾😣)每次lunchtime經過都見到大排長龍等買雞放工去買就已經賣哂(員工同我講下晝4點就賣哂)終於過咗半年後，我終於可以放工食到！💛招牌去骨海南雞飯黎到依度一定要嗌海南雞飯！一上菜已經覺得色澤好靚去骨啱晒我依種懶人，咬落去每一啖都係肉👍🏻而且雞肉嫩滑！💕雞油飯亦非常入味！！💛椰香喇沙米線依個喇沙有驚喜！！湯底香濃而且有椰香味😊米線質感幾好，麵底都唔會過淋！可惜今次試唔到椰子雞湯，限量發售已經賣晒，唯有下次再試下啦😊如果你都係好鍾意食海南雞一定要試吓依間！

每次經過上環，午膳時間必見勇記海南鷄好多人排隊。上網得知原來海南鷄由前君悅酒店廚師處理。今次，同同事放工去試下招牌海南鷄。海南雞飯套餐性價比高，食物質素不錯。招牌海南雞飯$66海南雞十分嫩滑而且也大隻，油飯充滿雞油味， 飯粒分明

話說之前分享過銅鑼灣一間海南雞飯，有朋友就推介我一定要試下勇記，未食過勇記真係唔好同人講乜嘢係真正嘅海南雞飯。果然冇令我失望性價比相當之高招牌海南雞飯*招牌去骨泰式海南雞飯（油飯） $66凍飲另外+3 即係$70有找雖然望落去啲雞皮都幾厚，感覺有啲肥，但係識落真係非常之滑，唔知係咪就係因為隻雞有啲肥，油分充足雞肉先至咁滑溜同埋唔乾，份量都唔算少，另外再搭隻雞髀仔🥹♥️醬汁相當有驚喜，取代咗薑蓉，甜豉油，辣椒醬，好似將以上三樣嘢三合為一咁樣，獨一無二條配嘅醬汁，令到成件事好夾。順帶一提佢啲乾蔥同炸蒜一啲都唔鹹，冇油益味，食落去口感令到成件事多咗層次，非常好。之前路過好多次，因為新開張都好多人排隊根本都冇機會食到，今次試完終於明白點解咁多人等。順帶一提，佢每日其實都有限量嘅椰子雞湯，不過3:00先去嘅我同佢就有緣無份。

每次食飯時間都見到呢間餐廳排滿長龍 🤣搵先知原來呢間海南雞店好出名🤨 今日一個人終於好快有位置🥰 海南雞算係比一般好食 但係定價相對較貴 份量少🌚 CP值唔高 食Lunch黎講未必會再訪 如果Epxectation少D可能會更好⭐️ 招牌海南雞飯 🍗油飯真係幾有雞油香 粒粒分明🍚 配上炸蒜好香口🧄 雞肉本身雞味比一般濃 唔會太肥 但係份量太少 正常男人會食唔飽⭐️ 玫瑰茉莉茶 🌹不過不失 味道有點香精感🤨 本來想要雞湯不過無曬

平日很少會吃海南雞的我，今次第一次幫襯，感覺不錯。雖然不是午飯的高峰時間，但仍然座無虛席，需要搭枱。全個餐單都只有海南雞，可配飯或食期間限定的涼拌米線，不喜歡吃海南雞的朋友就不要來，因為你不會有其他選擇。落單後，食物都算快就送到枱上。分量方面，我覺得很足，男生吃都覺得飽。雞肉入口亂畫，完全不肥膩，幾乎沒有脂肪。至於飯方面，朋友說油飯有薑汁味，不喜歡薑汁的，就不要叫油飯，可叫白飯。至於我點的是期間限定的微辣涼拌米線，辣度剛剛好，是我可以接受的範圍，我本人不能吃太辣的食物，但都能接受。米線煙韌，不會太林，可口。飲品方面，加$8 ，有鹹檸七，正常水平。整體來說無論侍應的工作態度、環境、食物，都滿意，大家行經都不妨試一試。

日日排長龍海南雞🐓🐥🐤🐣但我覺得普普通通🫣今日終於買到平時排晒長龍嘅海南雞，60幾蚊一個餐，雞肉都算多嘅，油飯亦都夠乾身。不過老實講，雖然雞肉算滑既，但唔算彈牙，而且又渣。而家雞比較肥，都幾油下。雞肉入邊嘅脂肪亦都比較多。我平時買開$70 左右有半隻海南雞，而且肉質比較好。總括而言，佢唔算係好頂尖嘅海南雞，但唔係差嘅，不過CP值真係唔高😅推薦度（10👍🏻滿）：7.2👍🏻滴汗度（10😅滿）：不適用衞生（10⭐️滿）：7.5⭐️環境（10⭐️滿）：7.5⭐️賣相（10⭐️滿）：7⭐️味道（10⭐️滿）：7⭐️價錢（10⭐️滿）：7⭐️服務（10⭐️滿）：7.5⭐️地點（10⭐️滿）：7⭐️勇記海南雞 (上環)📍上環蘇杭街102號江寧大廈地舖#lunch #lunchideas #lunchtime #午餐 #午餐時間 #午餐吃什麼 #食飯 #推介 #美食 #美食推薦 #美食日記 ##外賣 #堂食 #takeaway #hkfoodpic #delicious #foodpics #foodies #topcitybiteshk #eeeeeats #foodiegram #instagood #winsomelai

✨招牌去骨泰式海南雞飯賣相唔錯 加錢轉左全脾 海南雞 雞皮唔算肥 帶微爽肉質算嫩滑 有好淡雞味味道方面 皮偏鹹 肉偏淡 對比幾大油飯 飯粒分明 偏硬 味道略鹹有好淡嘅雞油香味 但略嫌比乾蒜香料搶左味 油飯真係較普通✨玫瑰茉莉茶玫瑰味唔突出 茉莉味清香 味道幾濃食物唔錯 整體都可以 但都有啲位仲有進步空間 海南雞係真係有啲似某酒店出品連缺點都有啲似 呢點就係海南雞皮同肉嘅味道對比環境普通 服務唔錯 價錢合理 呢個價錢收貨但要特登排隊去食就唔值

呢排轉左去上環studio做運動，行行下竟然比我發現勇記原來咁近我間studio🤭，不過次次路過都鬼死咁多人排隊，咩mood都無晒🙁前兩日做完運動竟然見到唔駛排隊😆即刻走去買返半隻海南雞返屋企加料😍話晒勇記係前君悅酒店師傅嘅出品，老實講$120半隻都真係唔平😅因為佢嘅份量真心唔係多，不過都係抱住試下無妨嘅心態，反正又唔駛排隊😂買到返屋企都隔左成3-4個鐘先食，d雞都仲係好滑好香🥰仲好香雞味😋，唔駛配汁食都好好味🥳汁料方面都有選擇架：原配就係泰式汁，或可選：沙薑汁/蔥油汁/秘製麻辣汁😋下次有機會會想試埋佢嘅招牌海南雞油飯，睇下佢d油飯夠唔夠香，夠唔夠油先😇

今次去咗依間食海南雞。聽講話好正。午餐時間排晒隊。外賣有另一條隊。撞正天陰陰仲落起雨上嚟。大家都好堅毅咁等。不怕風吹雨打。終於滿心期待等到入去食。無錯。係唔差嘅。雞係比出面嗰啲滑。同埋唔會好多肥膏食到成口油。又唔會血淋淋。不錯。但雞唔算太有雞味要靠個醬先好味啲。油飯正正常常。見佢係set有配嘢飲或湯。見個湯係椰子雞湯好似唔係度度有所以就叫咗。然後聽到下一枱叫已經話無晒。嘩。心諗個湯咁堅？！lunch啱啱開始jar喎。已經無晒。雖然無影相。不過真心有驚喜。好似真係用椰子水煲出嚟咁。完全無味精味。唔油。仲幾鮮甜tim總結。環境嚟講。啲位好密吓。雞飯。正常之上。椰子雞湯。加咗唔少分。價錢唔算好貴。如果唔使排隊。啲湯仲未賣晒。係可以再嚟嘅。

一個人，今日1点半去其他地方食咗碗豬雜麵先！到咗2点至過嚟食海南雞飯，果然2点後唔使排隊！即時有位(搭檯)！但係都係爆多人㗎！ 叫咗佢嘅人氣海南雞油飯轉髀！一分鐘上檯，雞肉嫩滑，啲雞去曬骨！非常之容易食！飯又入味，暫時係食過最好味嘅海南雞飯！加上價錢平值得推薦！ 環境：十張左右普通超細檯，要搭檯，不過有透明膠牌隔開！冷氣夠！非常舒適！ 衛生：食具非常清潔！ 服務：非常好！細店來說，佢係好好服務！說話客客氣氣，主動問你要唔要轉脾！