勇記海南雞

營業中

休息中

店舖門面比較細，晏晝要長期排長龍。可以嘗試晚市去食，性價比高，味道是得出冇味精同埋冇雪味，算係中上環海南雞不錯嘅選擇。服務都可以接受，門面都唔係大陸人唔會大呼小叫

味道🤌🏻公道講，食咗多好多次 每次味道都keep到幾好味。服務💩不過服務嚟講，學劉德華先生話齋就緊係唔合格啦😕每次黎食都會要求多飯 咁今次都唔例外。不過今次個所謂"多飯" 仲少過隔籬枱普通飯嘅份量🤣咁我就緊係即刻問職員啦，而職員都即刻好一罐香港服務業Style咁即刻否認，話哩個已經係多飯嚟🥴🤙🏻其實飲食業而家市道已經唔好，香港食客亦都越嚟越注重服務質素。如果今時今日仲係咁嘅服務態度嘅話，咁真係要再努力啲先可以挽回失去嘅客源😅

呢間嘢之前好似喺社交媒體網站有人報道過，算係稍有名氣。路經上環分店，就決定試吓. 💡嘩，不過一試真係不得了，叫咗個招牌海南雞飯，啲雞就唔算太嚡，不過冇乜雞味。🍗😕 個重點係個油飯搞唔掂，完全冇油香，可能叫白飯仲好過🍚❌ 個沾醬都唔係太好食. 😔另外間餐廳嘅服務都10分麻麻。明明間舖入座率可能得兩成，但係都逼我同人搭枱紙巾亦都要$3一包。簡單嚟講呢間嘢名過其實，不值一試！🚫😕難怪成晚都冇人排隊，哈哈！

早幾年就想食勇記海南雞😂有次三點幾去到紅磡店竟然賣晒😳今次12點前到達上環店😆毒L一個人直入有位坐！Openrice 有人講服務態度好差😦但我覺得啲侍應姨姨都無乜野呀，算有禮貌嘅🤣第一次食直接打大佬，叫左個招牌去骨泰式海南雞飯 轉全脾😎落單20秒就黎左碗椰子雞湯！再過多1分鐘左右黎埋個飯😆同澳牛有得揮！油飯幾香口，唔會過分油膩，上面仲有啲脆口炸蒜😚雞髀去骨去得好乾淨，見唔到有雞毛🪶雞皮爽，雞肉嫩，唔多肥膏，但係雞味唔太濃！好彩佢個醬汁ok好味，微微地辣帶返啲雞味出黎！旁邊有少少生菜絲同兩塊算厚切嘅青瓜🥒講返個湯先，幾好飲，單味道黎計仲出色過個雞飯，所以最後我飲哂成碗😛又所以，食完出去過左3分鐘我開始好口渴🤪整體評分我比佢 75分啦，都食得過嘅😌

最初都係YouTube 見到有人介紹但以前要過海先食到依家上要有就可以試吓上環勇記👍🏼好想試個雞湯，但次次都試唔到，因為次次都係夜晚先黎食，希望夜晚都有供應，海南雞真係好推介👍🏼

今日食午飯，想試下地道的海南雞飯及跟餐的椰子雞湯。海南雞非常嫩滑，配上爽脆可口的青瓜。飯底是油飯，另外配上一個酸酸的醬汁。椰子雞湯頗清，而且真材實料，放入椰子片在內。

我和太太17:55入座,開始睇餐牌就有職員問食乜？我話睇睇先，跟住17:58落單兩碟飲及兩杯飲品，我食得比較快約18:15完，太太比我遲5分鐘食完，跟住就有一名職員在我身邊講58分之後自己計數順便收走兩碟食完嘅飯，我望一望張單原來有落單時間，我便知佢想知我夠時間走未，不過見佢無後續我便當無事，跟住過兩分鐘另有一位職員攞住我杯飲品問係咪唔要？我話未飲完佢就行開咗，跟住再過三分鐘又另一位職員攞住我杯飲品問係咪飲完，我直接話未佢就好無引咁行開，再過兩分鐘第三位職員又嚟攞住我杯飲品，我就話食餐飯半個鐘都未夠唔洗咁趕客呀，佢話唔係，係見……，佢都知衰唔再出聲，跟住就再無職員過來關心我杯飲品，最後我全程用咗29分食完一餐晚餐比錢離開。食物味道一般，叫做食得飽又唔太差，雞份量係夠，但無驚喜，但職員態度咁就唔會再幫襯，亦唔會推介比朋友，我知現時香港飲食業經營困難，有客當然想做多啲生意，但都要合理架。

讚1 湯真係好飲 係同類海南雞飯入面 真係無出其右 夠甜香 飯夠油香軟熟2 上菜快手 環境都整潔彈1 雞份量雖然多 但可能肉太厚 的確有啲嚡 皮唔爽 就咁食就真係普通2 服務的確係對熟客好過對生客

勇記海南雞我細細個就聽過呢個名，由佢未出名果陣已經食過1次，記得果陣我係打算去食佢個沙嗲牛麵，因為識佢所以私人比左幾件雞我食，一隔就隔左幾年先再有機會食到😂油飯香，唔會無味雞又真係有雞味，重點係食落去唔會覺得油，雞皮重幾爽❤️配埋個醬食一流(用黎撈油飯都得😂)唯一美中不足，湯賣晒要飲既話要早啲去😂😂簡單講，唔駛諗太多快啲狗衝去食❤️❤️❤️❤️重有總店係紅磡🫰老闆娘重諗緊搬定開多間，可能驚再開分店keep唔到個質素😂

中午時間二人食飯，叫佢比多個雞汁，佢話要收錢，一碟雞只配一個汁。重點係我叫嘅係二人套餐，雞有半隻，汁得一碟。味道可以，名過於實。實情係上環食肆太缺乏。呢間尚算可以，所以人人仆到去食

📍勇記海南雞上環蘇杭街102號江寧大廈地舖招牌去骨泰式海南雞飯(油飯) $66-椰子雞湯今日去搵女朋友食lunch，去咗呢間好多人排隊嘅勇記海南雞。去到門口就已經有大約10個人排緊隊🥶不過好彩啲位都多，所以都唔洗等好耐🤣女朋友話係佢食過最好食既海南雞飯，沒有之一，果然冇介紹錯😋滑溜溜嘅海南雞加埋香濃嘅油飯，仲有佢地特製嘅醬汁，唔怪之得啲人食得咁快🤣至於椰子雞湯，一個字，好鮮甜！😍店員話飲唔飲到要睇你同佢有冇緣份，因為數量有限架😱呢間勇記海南雞真係冇得傾，一定要Encore!❤️#bunnytummy_港島#bunnytummy_上環#yungkee_hainan_chicken#香港foodie #食好西 #香港美食 #hkfoodblogger#hkfoodie #hkig #香港好去處 #拍拖好去處#海南雞 #椰子雞湯 #海南雞關注組

听本地人说是很有名的海南鸡饭，错峰路过一定吃一下。三人行，点了三个不同的风味套餐；招牌去骨泰式海南鸡饭-油饭很香，鸡肉滑嫩，很好吃，搭配的泰式酸辣酱很有特色，有泰国特色，辣度也比较合适； 去骨葱油鸡饭-葱油鸡白饭很有自己的特色，葱油很香，鸡肉很嫩，很好吃； 海南鸡椰香喇沙 - 喇沙控怎能错过喇沙。选了少少辣，汤很美味，椰香味很浓；米线很顺滑，不过建议先吃鸡，不然喇沙的风味影响口腔，再吃鸡会觉得盖掉鸡的风味。 买饭还送饮品， 整体很好的用餐。

#勇記海南雞 they do the right chicken.we man love call chicken. this chicken is yummy.it doesnt like the jelly half cook chicken, it full cook. bone isnt bleed red blood. i love this hygiene food.it just right. everything is right.the meat is soft, tinder.the skin is elastic.the soup with coconut is sweet.rice is yummy, chicken oil tasty.63$ worth it. sheung wan is expensive.**lunch have many pretty ol. u dont mind to queue for 15-20mins.#food #hkfood #hongkongfood #hongkong #馬保國 #太極 #omicron #食物 #香

聽朋友介紹好耐一直無機會試～今次lunchtime去到竟然淨係排咗十五分鐘左右就入得！過程之中店員仲怕我哋等得耐，好有禮貌咁同我哋講差唔多到㗎啦，好快有枱～入到餐廳見我哋三個人兩本menu仲主動比多本我哋，上菜速度又快，真係啱曬趕時間嘅香港人。嚟到重點嘅招牌海南雞飯，雞肉嫩滑毋庸置疑，配埋酸酸哋嘅醬真係一流，重點係雞肉一啲都唔肥！唔肥又唔柴真係好難得！再要讚吓個油飯，粒粒分明但比較乾爽唔會食到成口油，配埋面頭香口嘅炸乾蔥大家食完都話意猶未盡。跟餐仲有配湯，椰子雞湯飲落清爽一D油膩感都無，咁嘅配搭無得輸！

位於香港上環地區，是一家非常受歡迎的餐廳，經常有人排隊等候入座。基本上午餐得4個選擇，但第一次黎當然係試海南雞飯。這個海南雞飯的雞肉肉質嫩滑又鮮嫩多汁，油飯的味道剛剛好，展現了海南雞飯的正宗風味。跟餐還有椰子雞湯，但送完即止，絕對是一道不容錯過的湯品。不過餐廳的座位並不是十分舒適，而排隊方面都要有技巧，食客如果多一點包容就更好。總而言之，無論是食物的味道還是餐廳的用餐環境，都能讓人留下深刻的印象。如果您是海南雞飯愛好者，這絕對可以試下。