勇料理 (已結業)

舊舖已幫襯 厨師發板，性價比超高！新店：室雅何須大，老闆每一份菜式都心機十足 佢既刺身經特別處理，好味到飛起，非筆墨形容。全部手工菜❤️推薦：刺身 沙律 天掃羅 串燒 厨師發板…查看更多

居酒屋來講最後選擇其實偏少，種類唔多 ， 同埋好多都賣哂。8:15pm 落單， 好多一係無， 一係賣哂。 尤其係d鮑魚 安格斯牛 鵝肝等等。 牛嘅選擇等慢煮牛同牛舌， 慢煮牛供應超少， 和牛又無。可能第二日公眾假期， 驚留貸。魚生壽司選擇多, 勇壽司set 最好食。推介吞拿魚、日本海膽同紅蝦。佢部份食物價錢食物有d 偏貴， 鮑魚雞翼要$98 一隻，免治雞肉棒要$88及海膽杯要去到$498 。 （未折價錢）Overall 落到order 嘅食物係幾好食但要㨂（如果想性價比高）環境真係無裝修。最後連payment method 連Visa 都無， 食成千蚊飯， 依家邊個比cash。…查看更多

以中环區黎講這間餐廳的食物質素和價錢也十分滿意室內也坐得很舒服食材新鮮，好好味老闆和員工們的態度好好！已經幫襯數次了每次質素也一樣，十分好會再介紹朋友們幫襯！！…查看更多

稔住以前S2時好哋哋 新店食評又ok 就再幫襯下同路人 喺Openrice book左食lunch 但可能係試業期間 唔夠人手卻又貪心坐滿客 完全係零服務:(一入鋪頭呆左兩三分鐘無人理都算⋯ 個侍應直頭好似免費親戚嚟幫手咁 唔太識帶位 唔查booking 講野極細聲 完全做唔切 然後眼見全場最少1/3枱都有漏單情況 真誇張！ 坐我隔離枱個男人等左半粒鐘嘜都無得食 望住佢朋友晨早嚟咗嘅餐 慘到同佢朋友講「不如你照食我打包算」我好彩啲 同朋友點埋同一個set 所以無漏單😅我哋點嘅係全lunch menu最貴的大拖羅餐 188 加一再試業八折 即係170 得三細舊拖羅仔 然後就大半碗沙律菜蕃茄🥗+吞拿魚蓉魚目混珠⋯ 人地尖咀/銅鑼灣DORAYA lunch set 差唔多價錢起碼多佢一陪拖羅⋯最後就講下裝修 由當初嘅S2居酒屋🏮感覺變成零裝修 一幅幅白牆 民主牆得返一小幅 連豬等裝飾無晒 零氣氛老實講 咁樣唔會好似S2咁有回頭客 臨走見佢同啲客say sorry話唔好意思今日得一個廚房⋯ 啊勇師傅 唔通你聽日會有兩個廚房咩😂😂 咁樣試業 大家食客心照…查看更多

今日一嘗中環擺花街嘅一間新開日式小店。環境乾淨簡潔 員工態度亦都熱情有禮無咩idea叫咩食 最後員工建議不如請師傅發板滿懷期待的心情去等每一道菜，非常有心思。好足料。黑松露帶子刺身沙律都好refreshing ，有驚喜。個人來講最喜歡個和牛，肥美之餘配上嘅汁醬都好夾。下次一定會再叫。因為怕冇飯食唔飽，仲另外叫師傅上多咗碗壽司飯比我食冇收我錢整體來講都食得幾滿意成餐飯差唔多$500一個人。價錢適中。下次會再來期待有新嘅由師傅發板嘅Menu！…查看更多

前身為屹立於中環威靈頓街多年的知名日本食店S2 kitchen，相信中環人應該都有試過，2021年7月租約期滿後，搬到現時擺花街1號地下，並改名為勇料理，地方大左，光猛左，裝修唔同左，老闆還是一樣健談，那份親切感還在，員工比較生手，但忙碌中還很有禮貌。食物質數方面保持不變，魚生海膽等食材一樣咁新鮮，壽司飯改用赤醋，味道更有特色。離港在即，很高興能在離開前再到此店食一餐午飯，在此對老闆說聲加油，有緣再到貴店幫襯。…查看更多

舊舖已幫襯，黎到新舖當然要黎潮聖！雖然冇五星級嘅裝修，但有無限嘅人性味。我睇食評睇得多，寫真係第一次！食物新鮮當然唔使講，每次嚟都會介紹當日推介，無一次係失望嘅！而sake一定唔少得，美酒佳餚人生一樂也！最緊要同聲同氣，食落更開心！靚仔老闆事事親力親為，成日大方請飲威士紀我都覺得唔好意思！推介黑松露蕉糖露荀蕃茄沙律，清酒煮蜆，sashimi，其實樣樣都好食。大家鍾意食日本料理就唔好錯過啦！而家能夠同朋友歡聚暢飲真係人生樂事！…查看更多

S2 Kitchen中環友一定識‼️🍣🍤一個月前石板街舊舖租約期滿 今日擺花街捲土重來🌊日本枝豆🍥(送嘅)、牛蒡漬🥢螢光魷魚配蛋黃醬🦑、黑松露燒三文魚皮🐟(勁好食)炸魚鱗🐟、黑松露吞拿魚腩蓉卷🍣天婦羅海膽卷🍤、牛油果鰻魚卷🍣生蠔🦪、紅酒牛舌🍷、海膽吞拿魚蓉杯🥢(送嘅)試業期間全單八折‼️埋單先$450(兩人食)🥲平心而論 絕對對得住個價錢 食物仲高質過舊時S2 Kitchen😋…查看更多