加賀真味料理

營業中

休息中

去到大角咀 想搵間日本餐廳食壽司見佢有成板海膽咁嗌，好想食，即刻入左去🤭一入去就叫左：半板日本海膽（連埋紫菜&白飯）軟殼蟹沙律壽司（蟹柳、甜蝦、珍寶帶子）個半板海膽好鮮甜，日本既味道軟殼蟹即叫即炸 好食珍寶帶子夠大隻同鮮味😋😋😋甜蝦都好夠鮮甜如果唔想食刺身/ 壽司，都仲有晚餐定食/ 串燒揀，見到當日晚餐餐牌有牛肉炒烏冬，同埋丼飯。雖然舖仔細細，款式未必係好多，但勝在麻雀雖小，但壽司刺身好齊全！！下次再食壽司會再考慮！

🏩～加賀真味料理～～～～～～～～～～～～～～～～～～～～～～～～～～～值得一試既大角咀日式小店😄由於地方唔大 老闆娘話晚市會比較多人所以同朋友選擇午市過黎 靜靜地傾下計食下好西😋🥗～和風冷番茄～ 冷番茄係著老闆娘送既酸酸甜甜既口感真劍好適合做開胃既前菜😋🐟～雜錦刺身拼盤～ 第2樣已經係重頭戲 雜錦刺身拼盤😋入面一共有7款既食物三文魚4片 吞拿魚2片 劍魚腩4片活赤背1隻 珍寶帶子4隻片甜蝦4隻 加拿大海膽淨睇個樣已經好吸引而且刺身肥美 完全食唔到腥味 刺身非常新鮮值得一提係當中既劍魚腩係好食到痴左線😂口感煙韌既程度可以話係剛剛好 唔會痴牙 極有彈性完全係可以一叫再叫既感覺💰：HK$328🐟～鹽燒鯖魚～第3樣野食就係燒鯖魚魚味夠之餘亦唔會燒得過左火😋💰：HK$65🐟～芝士鰻魚卷 ～小食之一就叫左芝士鰻魚卷芝士份量剛剛好 同鰻魚既味道都好配合😋💰：HK$58🍢～串燒雞軟骨3串 & 鹽燒牛舌～串燒則選擇左雞軟骨同牛舌老闆娘好好咁幫我地分開左d雞軟骨口感方面雞軟骨唔會好硬 咬落好爽脆😋牛舌則肉味鮮甜 口感十足😋💰：HK$60 & HK$45Menu：環境：餐廳環境：📸📸📸📸服務質素：😊😊😊😊😊

少許的鹹口很下飯　不知不覺就吃完店裡的位置不多　小店家庭式經營建議打電話預留位置比較好食材很新鮮　有人情味的餐廳刺身兩品　三文魚拼帶子帶子用檸檬夾隔住酸酸的味道　會刺激到味蕾讓帶子的新鮮度增加　帶點清爽感三文魚很肥美　不沾上醬油或芥末魚油會慢慢散發出來　鮮甜飽滿的牛油果軟殼蟹卷很清新　潤滑的壽司卷牛油果鋪在壽司卷的表面熟透牛油果　會入口即融中間夾位放炸好的軟殼蟹店家在卷裡加上沙拉醬也是酸酸甜甜的　很開胃豚肉生姜燒飯先用醬汁炒香生姜和洋蔥炒到軟軟狀態　炒出蔬菜的甜度豚肉油脂部分炒到微焦炒好的料子蓋在飯上面

價錢唔貴，仲要係好食，仲要唔收加一，仲要可以自帶酒去飲，不收開瓶費值得推薦的餐廳🍴老闆娘極力推介嘅左口魚壽司，冇介紹錯，真係一定要試，入口即溶，好味到不得了🤤廚師同老闆娘都好好人，好nice

終於等到可以堂食晚餐, 我的生日飯局又可以繼續進行! 朋友推介的日式小店, 因為有限制所以坐得好寬闊, 我估最多坐到10人的小店, 竟然有日本豐洲直送魚生, 正’s! 當日日本豐洲直送的 “黑睦” ~ 刺身, 頭身骨炸! 油份超重, 肉好厚, 肉質有點點散, 結實點會更好! 頭身炸後很鬆脆, 送酒一流!赤貝, 油甘魚, 牡丹蝦刺身 ~ 全部都超新鮮, 又爽又甜, 肉又厚! 蝦頭同魚一樣最後都係拎去炸!食咗咁多魚生, 想要啲熱食, 老闆怕我哋食唔晒, 比咗兩碗麵豉湯我哋飲, 好飽足! 朋友飲清酒, 我唔喜愛, 老闆娘推介梅酒, 唔好飲酒的我飲晒一杯….香醇唔太甜唔嗆喉, 讚! 9pm 要走實在有點趕, 酒都只係飲咗一半, 不過有得晚餐堂食見下面都已經好開心, 希望疫情快啲過去啦! 

疫情之下，生意難做，仍然用心去做，午市已經可以食到直送嘅魚生，加拿大海膽，一解有排都未能外遊嘅鬱悶。相信小店喺疫情之下，一定係百上加斤，有陣時冇飛機就冇新鮮嘅魚生，索性就要唔開鋪。但係今日好好彩，全部都係好新鮮。平時lunch time生意好忙，今日同場加映，可以同老闆娘老闆傾下偈。期望市道快啲好返，大家可以出多啲去食新鮮嘅嘢。 今日刺身勁新鮮芝士鰻魚卷，口感好好。燒煙肉荔枝，juicy!多春魚，D 春卜卜脆。燒一口牛，比較普通，略為遜色。燒焦糖菠蘿，幾有特色，酸酸甜甜消滯。

今日同老公三點三去參加Party所以午餐我地黎呢度附近揾食突然想吃日本野Search 呢間見冇人排隊嗱嗱聲入嚟呢度有午餐供應每日不同咁啱星期六我哋就揀咗雜錦刺身定食同埋角切魚生飯後尾發現我個雜錦刺身定食淨係多過老公角切魚生飯嘅魷魚，其他種類都一樣不過就唔知點解硬係直覺覺得角切魚生飯好似大份啲然後我哋又嗌咗豆腐沙律總括嚟講魚生新鮮，唔錯而且老公話前菜個中華沙律同出面係有啲分別，好欣賞不過對於大食嘅老公份量就細咗少少

第一次尼食E間日本野，係朋友介紹，餐廳好細，得一張6人檯，一張4人檯，兩張2人檯，所以入面最多都只係得10幾20人，而樓面都係得一個姐姐今次食三色壽司卷物配烏冬，份量好大呀!!!!3件壽司加4件卷物，再加烏冬，真係好飽三色壽司就有三文魚，蟹棒，墨魚；壽司同平時食果D一樣，冇咩特別卷物就係上面芒果，蟹籽，入面就有沙律，青瓜芒果唔酸烏冬係細size，豬骨湯底，有D似出前一丁豬骨湯底味，有點鹹前菜係中華沙律同麵豉湯

朋友介紹呢間食刺身既店鋪話超新鮮，所以就黎試下😋前菜-沙律醋蕃茄（酸酸地好開胃😋😋😋）叫左幾樣刺身真係嘩左一聲😍好新鮮👍🏻好鮮甜👍🏻😋😋😋❤️呢個秋刀魚刺身係要前一兩日打電話去留既，因為唔係成日有貨架😋黎呢間鋪就必食既未食過秋刀魚刺身既我，點埋佢既秘製醬汁真係超好食個口感就唔係話好滑，但就係有一種好實既口感👍🏻同其他既刺身魚係唔通架魚骨就會炸到好脆，姐係成條魚可以食哂香芒炸蝦壽司🍣好好食軟蟹殼壽司🍣呢個特別啦都係必點既荔枝煙肉串燒-好特別估唔到咁夾又咁好味

食厭咗大商場，打算落小區大角咀搵嘢食。上OpenRice揀左好耐終於揀咗間日本野，去到發覺全場爆滿，唔知要等幾耐，太肚餓所以決定立即轉場。行左一條街就鎖定都係食日本野嘅加賀。坐低未揀嘢食已經上咗每人一個前菜:凍豆腐！豆腐企身，亦都夠滑夠豆味，唔錯。我哋揀咗三文魚珍寶帶子刺身，蟹子軍艦，芒果炸蝦飯卷，海膽炒飯。三文魚同珍寶帶子刺身買相唔錯，有成cm厚，因為我唔食三文魚所以負責消滅帶子。帶子食落鮮味夠咬口，好食，但得3塊，好唔夠喉，太少喇朋友話三文魚刺身都好新鮮，好味道蟹子軍艦正常，不過不失之後就係芒果炸蝦反卷，芒果食落好甜好滑， 炸蝦好香口好脆，成個配搭好夾，有驚喜！最後上嘅係海膽炒飯，份量都唔少，兩個女仔食可能會食唔哂。炒飯味道唔錯，每一啖都食到有海膽，只係略鹹，如果口味重嘅就會接受到。總括來講今晚餐飯比我預期中覺得好食，有機會都會再黎

今日午餐又去大角咀尋找美食,見到呢間日本壽司小店,雖然外地有點殘舊,但不乏食客,一於入去碰碰運氣啦。睇睇餐牌先,今日星期三,一就於試下三色壽司大卷配烏冬。上菜首先送上中華沙律小食一碟,跟住係豆付面豉湯一碗。登。登。登。登。主菜到啦。嘩,先黎一碗湯烏冬,雖然冇其他配料,不過湯味香濃,OK ge再黎係顏色鮮艷既壽司拼盤。講真估唔到有成7件壽司咁多,起初仲以為只有3件,哈哈因為他寫三色嗎。芒果沙律蟹柳卷好食,飯有淡淡壽司醋,好好味仲有3件壽司,三文魚個件最好食。埋單$60唔需要加一。小妹覺得係物有所值,值得推介。

加賀真味料理搬到大角咀才兩周，每天都在試不同餐廳，希望揾到好吃的，今晚試居酒屋。博文街居酒屋小店，座位8至10個左右，多幾個人來應可包場。星期一來到人不多，老闆娘服務殷勤。推介水母刺身，脆口彈牙，應該是海蜇的種類吧，但厚切，好味串燒拼盤，雞翼香脆，五花腩串好香口，脂香豐腴壽司現做，醋下得比較多，但整體美味，很滿意。唯一係酒水貴，Sake一瓶$140，無酒不歡的我倆問了老闆原來可帶酒免開瓶下次自己帶好了！人情味小店，會再來的！

经常下班过来吃一顿晚饭，已然不下二十几次了。晚饭的套餐就已经很抵，我最喜欢加一份芒果蟹籽沙律，量足芒果又多。食材新鲜，可以随问随吃。老板娘和老板特别热情，店面虽小，但老板娘的hospitality足弥补这个缺陷。挤一挤又何妨。老板娘也会乐于解释不同食材的不同吃法。看官要不耻下问喔！会朋友时可以干脆当居酒屋用，来上一杯清酒，叫上一点串烧。其乐融融。

今晚家姐請食飯，就帶左我去試下呢間加賀，店舖小小坐位不多大約十幾個位，不過坐得尚算舒服，老闆娘招呼好好，見我地3個人不停叫乜都想試，就提醒我地夠食架啦，咁我地就乖乖停手等食啦。首先前菜來個凍蕃茄，好有驚喜，因為我一向唔食生蕃茄，怕嗰陣腥味，但呢個一啲都唔腥，配埋個甜甜酸酸嘅汁，真係好好味好開胃。再黎個芒果蟹子沙律，蟹子超多，個沙律醬都較得好好味。跟住到水母刺身，口感比普通海哲爽脆啲，但多左份海鮮嘅甜味。再上就係日本馬糞海膽同活赤貝，呢個海膽比我地平時食嘅馬糞海膽細隻，老闆娘話其實加拿大嘅馬糞海膽最好味，不過而家唔當做，所以叫我地試下呢個日本嘅，細細粒但都好濃味好甜，配埋飯同紫菜上，正！活赤貝就唔多講喇，新鮮！到老闆娘介紹嘅粒貝刺身，食落真係好爽脆，淡淡嘅海鮮甜味，以前喺其他餐廳食過一隻都唔平，呢度簡直係超值，無介紹錯👍串燒拼盤，牛油果軟殼蟹卷都係ok嘅，最後嘅甜品燒菠蘿先係最驚喜，燒到微焦嘅菠蘿面有層脆焦糖，係我食過最正嘅燒菠蘿，必食！仲有個鳗鱼飯，不過我唔食嘅，朋友成碗隧晒😁，三個人食左咁多嘢，埋單都係$900,好抵好抵，已經約定過兩日再encore！

我同班大學同學有定期輪流請食飯既交流活動，今次輪到我就決定黎呢間，因為之前其實都有同fd黎過食，鋪仔細細但招呼幾好，我地一行10人幾乎罷哂成間店咁滯呢個蕃茄配埋d芝麻醬一齊食好開胃芝麻豆腐沙律，另一開胃菜雞泡魚乾，送酒一流水母刺身，平時比較少見，個質感好爽，配埋個柚子豉油黎食幾好味刺身當然係主力啦，非常鮮甜，尤其d劍魚腩同帶子令我地encore左幾次壽司亦好食，不過稍嫌d紫菜焾左d羊肉架，唔算太氈，點埋個芥末醬好好食蒜香和牛粒，又係送酒一流芝麻雞翼，呢個好好食，一定要試下