35
6
5
港鐵南昌站 D1 出口, 港鐵深水埗站 C1 出口 繼續閱讀
所有分店 (4)
電話號碼
27256988
營業時間
今日營業
12:00 - 21:45
星期一至日
12:00 - 21:45
付款方式
現金 八達通
食評 (55)
等級4 2020-09-07
0 瀏覽
裝修,大門都以黃色為主,平時都多人等位。既然有良心小店牛肉飯就唔好再去xx家喇!.🔸日式牛肉鍋定食配白飯及泡菜($47)分數: (7/10)揀左壽喜燒做湯底,可選味增湯,清湯或麻辣湯。入面有肥牛,蟹棒,竹輪,豆腐卜,木耳,粟米,金菇,冬菇,紅蘿蔔,椰菜,好豐富。個鍋隔咗一段時間都仲好熱,各種料味道不錯,可惜椰菜煮得唔夠淋。另外泡菜好香麻油味,做開胃前菜。.🔸特盛牛肉飯($57)分數: (6.9/10)飯上面鋪滿肥牛,仲有啲洋蔥做配菜。肥牛送飯一流,洋蔥再煮淋少少會好味啲。.🔸田園西生菜(豚肉汁) ($12)一碟有半個生菜,咬落幾脆,豚肉汁鹹鹹地酸酸地。.🔸麵豉湯(餐湯)有紫菜,豆腐卜,都幾濃味。.🔸可樂(餐飲) 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-16
1268 瀏覽
[💛黃店系列💛] 加藤屋———————————————————————一向出名抵食嘅黃店加藤屋,走日式平民快餐路線🍱,食物質素本身唔錯,選擇勁多,牛肉煎雞、咖喱、鐵板、鍋物、炸物小食都有🤩,未試過就一定要去試下,總有一款啱心水。😋今次竟然有新搞作,推出鰻魚飯,仲要50幾蚊有交易,事關佢嘅對手吉野家都出過鰻魚飯,當時都成70蚊先食到(仲要伏伏哋😅),今次平到咁,到底會係中伏定賣大包呢?———————————————————————炙燒鰻魚飯 連 飲品 ($53)淨睇賣相,已經見到舖滿大量鰻魚🐟🐟,鰻魚係剪開咗唔係條型上,份量十足。更加入唔少紫菜碎,散發濃濃香味。第一印象都加哂分。鰻魚十分肥美,食唔到有碎骨,食落啖啖肉勁滿足。😱燒汁甜咸適中,同鰻魚好夾,配埋紫菜,送飯一流。🤪鰻魚份量實在多到令你飽,甚至食完飯仲有幾嚿鰻魚淨。整體發揮絕對唔失色於某啲賣$80-100嘅餐廳,有啲想像唔到香港有咁抵又有咁上下質素嘅鰻魚飯。我諗而家做緊新推出優惠先賣$53,遲下要賣返$65左右先合理,想試就要襯早喇。😉———————————————————————鍋物 - 日式豚肉雜炊 壽喜燒湯烏冬 連飲品 ($44)呢到嘅鍋物可以自由配搭飯/烏冬、豬/牛/雞、唔同湯底。食過好多次之後,發現呢個組合係最夾最好食。😝首先一定要試壽喜燒湯,出面都好少食到,基本上嚟到有8-9成人都係食呢個湯。個湯有神奇嘅味道,少少偏甜味會令你飲完一啖又一啖,勁開胃。🤩另外佢個鍋物係包你食得飽,勁多嘅野菜,例如椰菜、牛蒡、金菇、磨菇、粟米等,仲有半隻蛋、蟹柳、撕紙狗、腐皮,淨講配料都勁豐富啦!🤓鐘意食一鍋鍋嘅,嚟到必定要試。———————————————————————正正正,抵食又好食嘅店舖買少見少,希望可以開多啲分店啦!🥺當初吉野家都唔係差,但加藤屋真係完爆咁囉!🤷🏻‍♀️ 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-29
898 瀏覽
經過幾次成日見到有人排隊,今日係特登落嚟食 避開繁忙時段,早少少六點半仲有位,啱啱最後一張又唔使等位。屋企人叫咗咖哩牛肉飯,我試咗一啖,我覺得比coco咖哩還好食 , 咖哩味濃而且不會太鹹。 我自己食sukiyaki牛肉鍋, 除了牛肉外還有椰菜、 粟米粒、蟹柳、獅子狗卷同豆腐乾, 最好嘅就係牛肉一啲都唔韌。 無論飯或者窩都會有免費嘢飲, 特飲需要加錢。另外加十蚊叫咗個脆薯棒, 似係原個薯仔整拉開咗, 比薯條更好食, 香脆而且味濃。其實個鐵板都好吸引,下次嚟再試下。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-21
688 瀏覽
在朋友口中打聽到一間位於深水埗既日本快餐店。主打咖哩系列飯, 價錢都非常親民, 於是去捧捧場。我個人就揀左 野菜雞扒飯, 朋友揀左 咖哩炸豬扒飯。野菜雞扒飯就不過不失, 雞扒解凍解得唔好, 食落有陣雪味。 野菜方面都幾好食, 爽爽脆脆甘, 如果可以比多一點就更好了。至於朋友既咖哩炸豬扒飯, 一上枱已經聞到好香。咖哩汁非常出色, 配上軟棉棉既飯, 真係令人停唔到口。炸豬扒都幾香脆, 入面都有肉汁, 配上咖哩真係一絕!!咖哩真係一定要試, 而且價錢都非常親民!! 整體服務同上菜速度都不錯…絕對有下次!! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-09
813 瀏覽
平民嘅價錢,食到日本高質嘅味道。由於好多人幫襯,排隊同自助搵位都要等咗一段時間先可以食。今次叫壽喜燒日式濃湯,湯底雖然有少少油,但接受得到,幾甜,味道唔錯!將飯放落湯度,吸收啲湯汁,好好味。煲內裏面有菜、半隻流心蛋、金菇、豆腐、獅子狗、肉、蘿蔔蟹柳等等,好多種類配搭,食物質素唔錯!足料又大大碗夾抵食,價錢好合理。嘢飲方面,叫咗玄米茶,飲茶冇咁濟!撐良心小店,坐言起行,我地一齊繼續大大力懲罰佢!💛 繼續閱讀
(以上食評乃用戶個人意見 , 並不代表OpenRice之觀點。)