加東 (已結業)

呢張圖係13/11 23:06 係貴公司fb cap低既! 請問點解你個staff今晚夠膽話你地星期日至四既營業時間係到22:30?仲要態度極度惡劣咁不停開始趕客? 如果係咁趕既，做咩21:20仲比我地入黎?你地由最開頭落單已經係咁催，跟住黎得兩樣已經話last order，仲要餸都未黎齊就要我地埋單! 我地都已經一路忍讓!到之後仲要比說話我地聽，話你地已經辛苦左成日，你地每日都係夜晚10點收工，仲話原本你地一日已過! 仲要怪個客話我地唔睇清楚時間就幫襯你地?我今日晏晝打比你地訂位個陣，你地同事都話收11點架! 仲要我訂位個陣留左兩隻蟹，請問你地點解會覺得我地可以係半個鐘內食哂兩隻蟹加其他食物呀？😡😡講真，食物質素真心美味，但如果貴公司員工既工作態度繼續係咁惡劣，睇怕好快可以關門大吉!

因為想近地鐵站口，所以就響澳門逸園中揀一間食，朋友揀咗食東南亞嘢，嚟到睇餐牌見到有呢個lasa+海南雞雙拼選擇，對我呢d有選擇困難症嘅人絕對係一個大喜訊！海南雞份量非常足夠，去骨雞件啖啖肉，肉質軟滑，油飯香口又唔會油膩，所以又食到一粒不留！喇沙亦都唔錯，佢嘅麵似係麵線咁，但質地咬落煙韌，我幾鍾意呢隻麵，湯底如果能帶點辣會更好。餐飲薏米水濃稠，味道清淡，薏米軟稔，真材實料！

親人叫吃海南雞飯午宴要去逸園15 樓說是米芝蓮推介88元海南雞飯餐送薏米水order 了108加一海南雞飯配喇沙米粉餐老實說只有海南雞飯入流油飯罕見好吃86分以上黃油雞到處差不多醬汁還沒有尖沙咀東南亞餐廳出色他們的醬油太甜紅辣醬又少看周圍生意也不太多好像化算結果叫2套其實至終沒有商人那麼會計算配套的喇沙粉小的上面餸更粗糙一只虾全部魚片無什麼鮮味的炒一個貴大量甜豉油名過其實海南雞湯15樓的海南雞飯店只一樣海南雞的飯值得推薦，又一次估不中!??

話說前晚睇左集大台八點既電視劇, 入面講到有間餐廳食海南雞飯非常美味, 就令到我好想食一個好好味既海南雞飯.  之前世貿某一間上海餐廳, 都有個唔錯既海南雞飯, 可惜去到先發覺佢地已經結業了.  打開"開飯喇"APP再找找, 就找到呢間有三十幾個好評既餐廳.  位置係我從未踏足過既美食大廈, 座落於銅鑼灣SOGO側, 非常方便(HYSAN商場對面).  就一於上去試下有幾巴閉啦!~樓下水牌餐廳座位大約有30個, 環境都幾舒服; 見之前D食評話服務態度麻麻, 都有少少感覺, 但又唔係話咁差, 只係佢地無刻意去做出"牡單樓"既微笑.餐牌上沒有任何SET DINNER. 亦都冇海南雞飯, 雞同飯係要分開叫既.  我地就點左半隻海南雞 ($179), 同一碗油飯 ($18).  認真講, 價錢其實不是平民, 但佢既海南雞, 真係唔錯.  夠腍夠滑, 沒有骨, 我諗都算係正宗吧.再點左個馬拉盞炒通菜 ($88).  大大粒蝦米, 份量都好夠, 好香, 即炒出黎既.蝦醬雞翼 ($49) 都係即叫即做, 蝦醬亦夠香, 好味!最後亦叫左一支啤酒 ($32).  本來我諗住係一支大啤, 但原來只係細枝裝

唔知有無開飯友同我一樣，每次搭銅鑼灣希慎廣場條長扶手電梯上誠品打書釘扮文青個陣，都會望下出面條街，而每次我都會望到"加東"這間星馬菜的電子板。但可惜次次睇完書，飲完杯茶之後就會無左件事，然後下一次去誠品再見到又會再想去試。今次我決定調轉，先去試一試"加東"，之後先去打書釘。由於差不多兩點先到，餐廳內人不算多。進入餐廳後的第一印象係好舒服，環境不錯。由於沒有吃早餐，我馬上就點了個肉骨茶套餐，女朋友因為想試多樣野就選了海南雞飯拼新加坡喇沙套餐。肉骨茶未食先聞到中藥味，但飲落又沒有太濃郁的藥味但又不至於淡，湯亦有胡椒的微辣，但可以再濃一點，送飯同油條時會更好食。而豆卜吸收了湯的味道，肉排很容易就可以將骨和肉分開，肉嫩易咬不痴牙。海南雞飯拼喇沙海南雞飯雞去骨，雞肉亦沒有碎骨，啖啖肉，雞肉夠滑。3隻醬料中薑茸味道比較淡，點了好像無點。雞油飯香但不膩。喇沙雖然是雙拼套餐但這喇沙配料亦很足，麵條跟其他餐廳差不多，但喇沙湯有很濃郁的椰香味，微辣但可輕輕中和椰香的膩，不錯的喇沙。唯一美中不足的是套餐並沒有飲品，但食物質素是水平之上！所以如果打完書釘又想食星馬菜，可以考慮下希慎對面間"加東"！

唔知點解餐廳裏邊waitress幾個都黑口黑面，唔想做生意咁。我們想叫人加一個菜同斟水，等咗好耐都無人應，見到有兩個waitress係一邊傾緊計，就諗住大聲少少叫唔該，等佢知道我哋想叫野。點知個waitress好不耐煩地隔左三張枱距離大聲問我地想要乜。間餐廳唔大，約10張抬，今晚都有5-6個waitress,但成晚食完d菜，都無人會來收碟，連個經理都好晦氣。食品几好都無用，service差到暈,真係食咗都背脊骨落

禮拜五晚上工作完和新加坡好友在銅鑼灣吃飯，一方面因為很多餐廳都已經fully booked, 另一方面我很想念新加坡菜，所以在網路上找了這家餐廳試試看。餐廳座落在sogo旁邊的一座食廈里，非常方便。我們7點到人沒有很多。餐廳裡面裝潢很有舊式南洋風味，地方不大，感覺乾淨企利。其實我在香港沒有吃過很正宗的新加坡菜（有什麼推薦的嗎？），所以對這家餐廳也沒有很特別的期望。我們點了一份例牌的海南雞（$98）加雞飯。份量還蠻多，雞肉很滑，對我來說稍稍有點肥，但雞皮厚吃起來就比較香哈哈。三種醬料味道不錯，雞油飯還蠻香，如果煮得再軟一點會更好吃。下一道點了印尼炒飯（$88）。炒飯很好吃，但就是港式風格的印尼炒飯咯哈哈！飯炒得比較濕身，甜醬油放蠻多，所以味道偏甜，辣味就一點都沒有了，感覺不正宗，但我們覺得味道還是很棒！我們吃飯一定要有蔬菜，所以最後點了蒜蓉炒空心菜（$68）。蒜蓉放了很多所以很香，不會很油或很鹹，很爽口，不錯！飲品我點了椰青，很清甜，椰肉很嫩可以勺出來吃。這家餐廳食物味道非常不錯，但正不正宗嘛，見仁見智。始終香港人會加入了香港的元素，要吃正宗的還是要去當地吃咯。

旅行去邊度？韓國、日本、台灣、泰國......而新加坡呢？永遠只是「二奶命」。身邊朋友均說那兒超悶，寧願留港也不肯花錢遊歷。小妹卻偏偏喜歡這片土地，尤愛當地的特色美食。大熱天氣渾身濕透，坐在沒有冷氣的冬菇亭，邊流汗邊品嚐海南雞、肉骨茶、炒粿條、胡椒蟹、咖哩魚頭，這種地道體驗，夠真、夠率性，讓人難以忘懷。碰巧最近晚飯聚會，選址名為「加東」的餐廳，不其然有種親切感。小店門面由紅磚砌成，頂頭吊著幾盞油燈，既古典又雅緻，蠻有「回到過去」的感覺。另一邊掛了數幅畫作及雜誌報道，全由相架表起，整齊有序。餐廳面積雖然的骰，但裝修非常有格調，其中一塊牆壁由色彩繽紛的百頁窗組成，饒富品味。後來才知這是從圓方舊舖拆下，再重新裝上。天花的吊扇緩緩轉動，地下鋪著花花階磚，隱隱透出南洋氣息。翻翻餐牌，新加坡的著名美食都囊括在內，價錢也頗公道。不想傷腦筋的話，可以選擇二人套餐，既有小食拼盤、肉骨茶、參峇或蒜蓉炒時菜，還有黑胡椒/麥片炒老虎蝦($398/2位)或黑胡椒/香辣炒蟹($688/2位)。我們打算吃得「平民」一點，於是摒棄海鮮柯打其他菜式。安頓之後侍應簡單作出推介，不消一會，蝦片最先送到，小妹心中暗喜。喜，乃

Sogo旁邊的澳門逸園中心係食廈，不過食肆消費偏貴，主打新加坡菜的加東算係比較平民化。食新加坡菜當然要叫個喇沙（$88）食下。賣相係幾靚，每種材料都幾多，有豆卜、蝦、魚片、雞蛋，仲有幾粒螄蚶。喇沙的靈魂當然唔係材料，而係湯底，加東的湯底唔算好香，椰汁味唔重，而係偏辣，初嚐冇咩嘢，但會越食越辣，嗜辣者可以一試。另外叫左碟海南雞（例牌$98）試試。呢度冇一set的海南雞飯叫，要分開點。先講雞，如果冇點任何調味料的話，本身冇咩味，雞味亦唔重，還好雞件都幾嫩滑。油飯（$18碗）顏色雖然唔深，但食落味道係足的，亦唔會好油。小食選左炒蘿蔔糕（$78），睇個樣黑麻麻一pat咁好似唔多吸引，其實幾ok，味道甜甜地，但最正並唔係蘿蔔糕（冇咩質感），而係配角炒蛋，醬汁的甜入晒炒蛋裡面，好好食。如果係銅鑼灣想食新加坡菜，又唔想等位，又想坐得舒舒服服，呢度係一個選擇。值得去指數：

唔係第一次嚟，但今次之後唔會再嚟！話說上次食完覺得唔錯，今次專登帶屋企人嚟食，安排坐位後，我哋覺得冷氣吹住個頭好唔舒服，我哋問個女侍應可唔可調較吓個風閘或者開細小小，點知佢話……「得呀，熄左佢囉，等全部人陪你一齊焗好唔好」，我真心呆咗，好冤枉，跟住佢真係熄左部冷氣隔離嘅食客都抵唔住頸幫口，佢哋話呢度啲侍應態度係好差，尤其是金髮個肥女人，經常黑面。食物: 海南雞係幾好食，但肉骨茶啲肉唔掂，有行味，似係放咗好耐唔新鮮。仲有碟炒椰菜，每條菜都痴住黑色一點點嘅穫屎。服務態度如此，就算好好食都唔會嚟！

因為有Entertainer主菜買一送一優惠，所以特登嚟試下(雖然我過兩個星期就去新加坡)。除咗海鮮類、小食同飲品，其他一律視為「主菜」。兩個人點了海南雞例牌(HK$98)、喇沙海鮮炒麵(HK$98)同凍咖啡。海南雞既香且滑，用嘅雞亦肥瘦適中，雞皮簿簿一層絕不肥膩。喇沙海鮮炒麵頗有驚喜，炸脆咗嘅幼麵配香濃嘅喇沙湯，絕對值得一試。凍咖啡亦忠於坡仔口味，加上環境唔錯，所以一定有下次。另外，如果Like佢地嘅Facebook Page重會送一份蝦片。所以兩個人雖然只點了兩個「主菜」+ 一杯凍飲就已經飽飽。埋單唔使HK$140，連我自己都覺得有啲過份

話說我每一次係希慎廣場用扶手電梯上誠品嘅時候，都會睇都對面有間食叻沙既餐廳，每次都話「下次午餐食呢間！」不過次次都忘記左件事，不過今次終於有機會去到啦👏🏻室內環境有東南亞風味，坐得都幾舒服。大約下午兩點幾去到，唔洗排隊亦都冇乜人。巴東牛肉套餐💰HKD88唔係好辣但係椰子味唔夠重，甚至可以話係冇椰子味。牛肉好腍，有六七舊，加上好大碗飯，所以真係會食到好飽🤘🏻雖然都係幾香，但係食多幾舊都有啲漏。整體上黎講其實又唔係真係好好，對於我個人黎講我就覺得十分一般😐雖然醬汁有好多用黎送飯都幾好，但係食得多又略嫌有啲寡，亦可能我唔係太中意呢隻味😕新加坡喇沙套餐💰HKD78但湯底唔夠濃。啲配料都幾多，有三隻蝦，蝦幾爽口。但我中意重口味啲，如果湯濃啲會好啲。米線比較腍，唔夠爽口。亦唔夠芽菜。份量以一個普通女仔黎講就夠飽，男仔就唔夠喇。整體上過下癮都ok,但係實際上我覺得真係唔係好得，十分普通。特色香草炸蝦餅💰(跟餐+38）蝦肉都幾爽口，入面真係有成隻蝦😱不過要成38蚊先得兩隻，都幾貴下。每一個套餐都附送一杯薏米水。總結環境係幾好，但食物質素普通到不能再普通。加上只係lunch set都成70幾80蚊，加個

成日行銅鑼灣誠X書店，上特快扶手電梯，都會見到哩間餐聽出面有燈飾字寫住喇沙同沙嗲。本人對喇沙確係情有獨鍾，只係好食嘅唔易搵，所以走上去試試。夜晚八點幾，假日仲要得2枱客，其中一枱經已埋緊單，會唔會伏呢？既然上咗嚟，又攰到唔想再行，就試下啦～其實嘢食都有質素，可能真係5 1 黃金週，好多人都出外玩唔留係香港啦～

銅鑼灣咁多野食, 又想近MTR, 咁唯有試下呢間。睇comment都OK, 價錢又唔貴。好彩book左位, 原來同lift既全部人都係去呢間食晏, 可能係樓下有位呀姐派傳單, 海南雞餐有湯有野飲,原本要$88, lunch 特價$68, 抵到爛。坐低叫野食, 點知舉極手, 叫極都冇人采, 其實餐廳都唔係坐爆, 點解唔采人架...上菜時間都好快, 眼見$68真係好抵, 但點都要試左先。冬瓜湯: 好濃既味精湯油飯: 味道比較淡, 但ok既三色醬: 唔錯雞: 份量嚟講好好, 但比較乾, 鞋仲有一杯免費既凍/熱薏米水, 或者加錢轉其他都得。我叫左熱薏米水, 應該加錢飲熱0茶會好啲。如果唔係海南雞set做特價, 其實我想叫C餐 "海南雞飯&喇沙", 可以一次過試下兩款, 唔好食都只係一次咁大把...

一上到去好旺，七點半開始多人，幸好早來有位!上次無試海南雞，今次試左半隻海南雞、肉骨茶、沙嗲、馬拉盞炒通菜加兩個雞油飯今次無乜影相，但樓上鋪的感覺非常好，聊天一流，我地兩個人好似自成一角坐泊牆位，很好!!上次我食喇沙已經覺得四十幾蚊食到質素好既喇沙，今次半隻海南雞又有驚喜，同出面唔同....係有少冰冰地，但又唔係凍，食落係滑既肉，點埋有個橙甜酸汁，其實有三款汁可以點，呢個有少少辣，真係好好送飯!怪唔得甘多人都贊個海南雞推介!~呢D日子最好就飲下藥材湯補補身，我地叫既肉骨茶好落足料煲，藥材味重，可能就未夠新加坡果D煲到辣喉，但呢個係好arm香港人口味，鐘意飲湯既朋友應該會好鐘意，好好味!~味精真係唔覺重，都係藥材味多仲有個火一路烘熱住，真係好好既享受! 沙嗲算不過不失，不錯既小食!馬拉盞通菜係鹹左少少，不過下次叫就少鹽可能就會更好，都好味，穫氣夠!~雞油飯好少可見到整得乾身得泥入味，好難得!~今餐真係好好味，完全食到預期味道，係海南雞特別好味!~最後叫左兩杯薏米水...好好味，推介!