加東叻沙蝦麵 (已搬遷) 新店位置

啱啱去咗呢間店大快朵頤，成個人由入面到出面，心情由緊張到滿足晒！🤤今次試嘅係佢哋嘅海南雞叻沙，湯頭香濃得嚟又帶少少辣，雞肉滑溜溜嘅，啖啖肉真係解饞。再講吓個墨魚丸叻沙，啲墨魚丸Q彈得黎又有魚味，完全唔會腥。🍜雖然咖央今日唔夠凍，不過勁甜嘅味道都滿足到甜品控嘅我。 真係要讚下佢哋個薏米水，清甜得黎又解渴。🥤最後講返個蝦肉蝦湯麵，好彈牙嘅麵同夠哂鮮嘅湯底，蝦肉夠晒鮮甜，食完都覺得好開心！總括嚟講，下次仲會特登過嚟食，值得推介嘅好去處！

啱晒！話說我今次行過灣仔，終於搵到機會去嗰間盛名嘅加東叻沙蝦麵試吓。首先，嗰碗叻沙，真係香到嚟一股椰子嘅香味撲鼻，令人食指大動！試咗一啖湯，先係甜甜嘅，跟住辣味慢慢上嚟，個「哂辣」感覺升華咗整碗湯！🌶️蝦仔夠彈牙，但魚片同豆卜就真係極品，尤其係豆卜，啖啖湯汁，超滿足！懞粉嘅口感就ok啦，吸晒湯汁香滑得黎。想講嘅係，服務阿姐勁好人，熱情招呼，感覺咗下老香港嘅人情味。唯一嘢要命嘅就系，頂嗰係，你可能要同人夾桌，但係都值得！這份味道，簡直係文青同打工仔嘅慰藉啊～😌🍜

熱辣辣嘅正宗叻沙，真係溫暖我嘅心靈同胃口啊🍜！湯頭香濃得嚟唔會過於辣口，椰香撲鼻，咁濃咁滑嘅感覺，簡直係惹味到不得了。啲粉麵别有一番風味，同傳統油米粉有少少不同，質地柔滑，十足爽口👍。雖然話，啲粉吸味能力一般，但佢哋本身嘅幼滑質感都足夠滿足。料真係大方，有半隻滑溜溜嘅雞蛋、出汁嘅油豆腐、新鮮滿足嘅魚片，再配上那厚味嘅青口同晶瑩剔透嘅蝦。講真，每樣嘢都好夾，互相嘅味道唔會搶戲，反而係齊齊提升整體口感，真係砌得好滙。湯底中嘅熟獅蚶，你要還真係可以試吓個鮮味，但記得呢個獨特口味唔係人人都接受得到，我就頂唔順啲腥味，但總體嚟講，仲是勁正😌！雖然份量唔算太剛好，但味道好夠晒分量，令人食落好有滿足感。下次大概都會揀呢間略帶椰香嘅小天地，再黎個暖笠笠嘅午飯。講真，成間廳堂嘅味道，都係好值得推介。

近來被工作煎熬得半死，放工後總想吃點comfort food. 除了「雲吞麵」外，海南鶏飯亦都算是另外的選擇。加東 位於食店林立的灣仔，當午飯時段這裏永遠都是坐滿人。所以我今晚選擇放工來，唔使同人迫仲可以慢慢吃我的海南雞飯。接近八十元的鷄飯套餐絕對稱𣎴上便宜。套餐一次過奉上。套餐內包括有去骨海南雞約有1/3隻、雞油飯、湯和醬料等。急不及待先吃雞肉，鷄肉尚算嫩滑，鷄味較為淡口，所以必須要點三色醬來點綴。搵嚟搵去都唔見鷄皮下的啫喱層 ，有點有些失望。而鷄油飯油潤有陣陣的香茅味，只是嫌熱度不足。補鑊位是「椰子雞湯」味道清甜得來很有椰香，又沒有多餘油份，順候清潤，令我好想添多一碗。整體水平Ok, 如果啖飯熱啲就足夠比個笑面。

於下午點左一個海南雞飯（$68），海南雞個樣真係好麻麻地，看見碟雞真係似食餘的合併一碟， 價錢由吾係話平；油飯轉白飯，但白飯都吾好食，一來水太多，而且D飯似翻蒸，吾熱…仲要有最低消費…64元

成日見呢間野好多人排隊所以今日LUNCH就同兩個同事去試試~~一入去唔知係員工定老闆娘既物體已經黑面, 完全唔知我地做錯D 咩~~~咁叫左一個牛脷叻沙, 正宗叻沙, 正宗蝦麵同3杯熱意米水~~牛脷叻沙:都足料，牛脷不錯，叻沙低ＯＫ，但濛粉唔入味，有Ｄ失色～正宗叻沙：Ｄ蝦都ＯＫ，非雪藏，但同樣濛粉唔入味，差ＤＤ～～正宗蝦麵：湯底清清地有蝦味，Ｄ油麵都好味，suit for 唔辣得人士~~熱意米水: 不太甜, 意米都夠淋~~最奇怪係個馬尾女侍應態度好惡, 對其他都麻麻, 對個買外賣既伯伯好冇耐性兼冇禮貌~但對後生仔又好好笑容, 可能太飢渴la~~我地食完想飲埋杯野佢就扮執table但係冇啦啦要用個餐牌坐"拍"一聲alert我地~~~想我地快d走, 但係門口係冇人排隊wor~分明趕客, 佢成功左, 因為趕走我地亦冇可能有下次~即使食物ok, 咁既服務質素實在難以接受, 如果佢真係老板婆就祝佢好運因為遲早執, 如果只係員工就祝佢老板好運了~~~以後要帶眼請人~~~

Tried the prawn mee, the broth was watered down. Far from being authentic and ingredients were measly.

一個人食，今次食叻沙加東叻沙係上環區耐到不得了，連對面d叻沙鋪執埋，佢都仲係度叫左個雞絲叻沙 碗叻沙上面有好多雞絲，份量足，雞絲又滑又腍，肉質好鮮嫰，仲有蝦和豆卜，蝦保持到鮮味，豆卜也香豆腐味。叻沙湯底好濃，好香蝦味，椰子味亦好濃，辣味十足，好醒神開胃！叻沙內的米粉，吸哂d湯，好入味！正！

突然心思思想食叻沙，諗住lunch食個叻沙，一解口癢。好耐無黎呢間食飯，記得以前有lunch set有野飲，依家無左。甘就試下佢d叻沙啦。叫左睇落好特別既海南雞叻沙。諗住可以一次過食足兩種東南亞美食。 好可惜，原來海南雞離開左飯就無甘好味。同埋d雞好肥，無咩味，同埋骨位紅紅地，好似唔多熟甘。加上食叻沙，完全令到醬油膏d味無曬，難怪佢無好似其他海南雞飯店鋪甘提供個隻酸酸地既汁，因為d雞其實點咩汁都唔會有味。其實兩樣野好唔夾，令到食個叻沙好齋。下次唔好貪新鮮，食番海南雞飯、普通海鮮叻沙。叻沙入面既豆芽好生，豆腐撲好唔稔，唔係我杯茶。灣仔其他麵店既叻沙仲好食。呢個價錢可以食更好既。難怪係午飯時間，都唔太使等位。呢到好就好在，碗叻沙好大碗，雞都好大塊，飽肚。

我曾經係上環番工, 雖然唔係一段好長既時間, 但大約都知有d咩野食...當中我有d記憶既有加東叻沙蝦麵, 上環店面唔大, 都成日要掛隊, 但係有一次好好彩唔駛排就試到...我對佢既印象就係咁, 細, 多人...轉左新工之後上網搵過知道環仔都有一間, 雖然要行遠少少, 但係都忍唔住要去重溫一下佢既味道...位置係謝斐道馬會個邊...我地叫左 牛利喇沙同 海南雞喇沙... 牛利喇沙: 好厚實, 份量唔少...for a girl, its a bit heavy, but it should be enough for a guy. 牛利無咩特別既調味, 好有肉感...麵就係米粉, 有d唔飽wor ...至於湯底, 好濃椰汁味, 唔會水還水, 湯還湯...比起蝦麵店, 個人認為加東無得輸...豆卜吸湯食完全係一大樂事, 不過每碗辣油份量都有d唔同, 你可以睇下下面張圖就知道...我鐘意食辣, 但次次都好似抽獎咁, 食個lunch都好刺激呀!! 海南雞喇沙: 比牛利貴少少, 不過好少聽到海南雞喇沙...海南雞係配飯嫁ma, 有埋喇沙感覺好似更抵, 喇沙味濃, 淨食喇沙唔難, 大可以分

灣仔區已有80年歷史的建築地標「同德大押」，昨晚凌晨已有工人到場開始施工，在一樓窗下的招牌已被拆走。但老香港的人情味，早已埋藏在我心裡。敬請各界關注社會歷史保育。走到附近謝斐道的加東叻沙蝦麵試了一碗正宗叻沙 ( Laksa ) ，湯底被濃郁的椰香主導，入口幼滑，比起以往接觸過稍微辣一點，正宗新加坡 Laksa 的確近似，配料包括鮮蝦、魚片、豆卜、肉片和雞絲，以及整碗 Laksa 的靈魂 - 獅蚶，獅蚶的出現帶出整體鮮味，廚師的地道手法層出不窮！最後一杯小妹最愛的冬瓜薏米水，糖冬瓜的糖份流失至薏米水中，薏米爽脆好咬口，品質屬中上。

相約同事於公司附近用膳，選擇以惹味叻沙作午餐。餐廳地方不大，但不論內外也佈滿食客。在門外等了一陣子才有位，坐下即點餐，很快有得吃。一碗正宗叻沙，內含海蝦、鮮蛤、魚片、豆卜及雞蛋作餸料，海蝦味道偏淡，鮮蛤小巧甜美，其餘配料無乜特別。至於湯底，椰奶清香口味微辣挺惹味，麵條掛上湯汁味道亦佳，但麵質稍稍腍身了少許。加 $14 享用熱薏米水一杯，不太甜，清清的，除薏米外，更留有兩小條糖冬瓜，味道不俗。

魚片加沙 - 食材每款都有4-5件, 都算足料, 湯底味道好重椰汁, 辣不辣是乎食者吃辣程度而定, 豆卜都可以入到味, 算不錯, 原因是豆卜本身是無味的, 要浸到入口時有加沙味要有耐性雞絲加沙 - 食才包括有豆卜,蝦,雞絲, 湯底味道一樣好重椰汁, 特別一提是雞絲比較鞋口墨魚丸蝦麵 - 感覺像吃車仔麵, 賣相亦是, 味道是清淡, 應該是專門給吃不到辣的人享用, 食材都算豐富, 有墨魚丸, 蝦, 豆卜, 菜, 配油麵, 簡直是正宗車仔麵!

話說小公主突然好掛住新加坡食過既LAKSA男朋友就好好咁帶左我去呢間食評都唔錯既LAKSA專門店止咳係香港要食好叻沙真係唔易一聽呢間個名好有新加坡Feel wor 所以真係好期待去到當然要點小公主期待已久既叻沙啦佢都有幾種唔同既叻沙，我地就點左 正宗叻沙 同一個雞飯。唔多講，去相!!!正宗叻沙配油麵(mee) ($64)睇賣相，同新加坡d叻沙真係有得揮不過就小左d綠色香草(叻沙葉)係上面首先梗係飲啖湯味道都唔錯，有椰香亦都都夠辣(因為好多餐廳可能為左遷就香港人口味，都會唔辣)但係比起新加坡d叻沙又好似差左D野咁，小左D香料既味道配料方面都好正宗有蝦，豆卜，魚片同雞蛋不過略嫌D芽菜太小喇 海南雞飯 ($60)店入面個姐姐好得意海南雞飯每一樣野都係分開上比左個汁你，之後再比個飯，最後先上個雞同菜(但係，點解冇雞湯既 T.T)雞既味道唔錯，但唯一就係嫌佢有骨海南雞係應該去左骨啖啖肉架MA而醬料真係好普通，又淡又無辣味黑醬油亦唔夠杰，好稀，同埋偏甜不過個飯真係好香，食得出係落左雞湯，蔥蒜一齊煲正係個飯我一個人都可以食幾碗 另外叫左杯薏米水 ($2X)成晚最令人驚喜既係呢杯野飲真係自家煲，落足

呢間店面少少的叻沙店係我朋友帶我去食，佢個位置平時都好難經過，朋友話我知原來佢好出名。我地一行四人好彩早到，都等左十分鐘先入到，一陣出面已經大排長龍，我地個個都點左正宗叻沙，貪佢多料。加東的叻沙原來唔係平時食開的油麵加米粉而係類似瀨粉但又幼過瀨粉的粉麵，口感都幾爽口幼滑，但就吸收唔到D湯底精華囉。正宗叻沙有雞蛋半隻、油豆腐、魚片、青口同蝦，都算幾多料。再飲個湯底，湯底好正好濃郁，唔會太辣又有椰香，仲有少少熟獅蚶提升湯底鮮味，堅正! (但唔受得獅蚶的腥就千其唔好食粒獅蚶，堅腥。)雖然碗叻沙唔係好大碗但幾飽。雖然價錢有點貴但港島區食野價錢其實都偏高加上個湯底堅正，都令我會再返黎食~