加勒比海咖啡 (已結業)

野食衰過自已响屋企煮，食材低劣同價錢唔合比例，成間餐廳得一個侍應，無人落order, 等野食等成粒鐘，埋單都要等成粒鐘，直至我無耐性再等自己行去收銀台放低錢就走，環境裝修一字記之曰Hea!

野食味道一般般，叫左個忌廉汁魚柳意粉，d汁好稠，不過魚柳係ok既，炸得黎幾鬆軟。叫左魷魚圈味道都不錯，新鮮上碟。跟餐仲有個粟米湯，真係未飲過咁難飲的湯，淡而無味。但服務態度真係不敢苟同。侍應服態度好差，我第一枱嗌侍應，佢最後先黎幫我地落單。加單時係禁ignore我地喱枱，死都吾肯過黎。野食叫左成粒鐘先黎，仲要催左好多次，成粒鐘先話「舀住湯比你先啦」。嗌左3碟雞翼，一碟4隻，total 12隻，只黎左11隻。黎錯野飲，我地吾知頭吾知路飲左，要我地加錢轉左佢。D野食又係禁黎錯

經過旺角, 諗住搵個地方可以靜靜地傾下計, 所以就上左呢間樓上cafe啦順便食個lunch都好嘛如果你想傾下計既, 呢度絕對岩, 真係好靜嫁, 而且都坐得好舒服既! 店員服務都好好可惜, 點了一份鴨胸忌廉飯, 我就真係幾失望啦.....首先味道上, 超淡唔知點解忌廉飯都可以淡到咁既?!其次, 鴨胸完全無味, 除左佢上面既茄汁之外, 根本塊肉係完全無味既!同埋口感好硬, 可能煮得太耐了另外, 個份量真係太少啦, 對於女仔泥講都少, 我諗男仔應該會食唔飽囉! 基本上食左兩三啖都已經食晒啦....結果要去第二度再食過.....整體來說, 只有環境優勝, 其他都有進步的空間

做左同事大半年, 今次都係第二次一齊出黎食lunch, 可能大家一向都有自己飯腳, 今次一聲令下就集齊人馬。羅宋湯- 雖然好紅, 但不太酸 (有少少擔心落糖太多, 去一去酸味), 蔬菜配料都算多, 入口稀但味道濃郁 白汁牛柳粒意粉- 同事推介, 點知佢話今次比之前食過既一次差.....我覺得佢呃左我既~.~ 意粉都幾淋身, 可能是淥好一堆做預備所致, 白汁只有咸, 沒有忌廉或奶味, 牛柳粒是重災區, 自問自己牙力不錯, 我自己都可以咬得到大部分的肉, 但推介我食呢碟既同事竟然有一半都咬不到, 可能佢會更覺得伏已中~.~即磨咖啡- 事前問清楚是否即磨, 皆因cafe的咖啡向來好參差, 如果即磨會比較有保証, 果然我最滿意是這杯事後咖啡......三五知己聚餐, 這個餐廳是不二之選, 但不要對食物要求太高。對於旺角區要搵坐得舒服又抵的午餐選擇, 這裡算不錯了。

平時覓食多是在尖沙咀銅鑼灣等地，反而工作地點附近的卻甚少光顧。今日放工後，來了一間樓上餐廳吃午飯。餐廳是典型的樓上店，裝修頗舊，環境較熱。店內客人以年輕人為主，所以環境也頗嘈。午餐選擇也算多，不過餐廳幾乎沒有服務，侍應也不會主動去看看客人的需要，點餐是要自己去廚房點，連湯也要自己拿回位！午餐包括餐湯，意粉/飯，和餐茶。粟米濃湯： 吃得到一粒粒未全部溶解的湯粉粒， 湯也不濃意式香草茄醬豬柳配意粉 $38豬柳已經全部切開成小件，肉質頗腍但肉味偏淡；香草茄醬完全沒有香草味，茄膏也下得較多；意粉偏腍表面很粉，只是勝在份量較多而已。餐茶點了餐廳推介的熱伯爵茶，誠如店家所說，喝的時候不用加糖加奶，茶味頗清香，味道不苦不澀。後來才發現，原來餐廳免費提供如card games之類的玩具/遊戲給食客，怪不得店內的年輕人都是三五成群而來的，而且不時爆出笑聲和喧嘩聲。雖然這個點子的確吸引到年輕人來光顧，但食物的質素，反而是最重要的一環，這方面仍有很大的改善空間。

自己一個人下午茶、在旺角想不到去那裏好、再一次走上加勒比海了、可能佔中的原因、不是很多客人、就點了個鹽酥雞扒飯、粟米湯、叫了個特飲1.粟米湯還是濃濃的粟米味、不錯、值得一鑽2.鹽酥雞扒飯、鹽酥雞是鹽了一些、加白飯一起吃也不錯3.最後叫了個特飲、很大球雪糕~哈~肥死了自己一個坐了張10人大抬、侍應也說有多客人就要讓回、哈哈舒服的下午茶

幾個朋友上去傾計食飯叫左碟忌廉汁娜威煙三文魚意粉玫瑰紅茶、朱古力奶、藍莓芝士蛋糕玫瑰紅茶好好飲藍莓芝士蛋糕好濃芝士味朱古力奶好滑、好濃朱古力味都算冇去錯了

我們一班人(約15人)到迦勒比海cafe(旺角砵蘭街215號朗晴坊7樓)晚餐。個女伙記落落吓單就話佢寫單會令廚房好亂，比張紙叫我地自己寫，咁我地就做埋佢嗰份。結果？廚房煮錯3份1食物、有3份1漏單無煮。嗰伙記真係好professional，縮骨唔寫單都不在話，發現煮錯咗我嗰pizza仲問我要唔要，咁我話呢個唔係我點嗰個所以唔要，佢個腦唔知點諗嘢，問我係咪取消張單...最後唔知係咪加咗料黎整個我order 的 pizza，我食咗大半時覺得肚子痛，之後又肚屙，去咗睇醫生,醫生要我放1天病假。

番完學我同媽咪兩個人諗着近近地揀間野食下，上到去見到環境都未算太差，裝修其實幾ok,但係會因為多人係到gathering玩game變左好嘈，就連傾計都要好大聲先得，同埋就係比較多野咬，不過依樣野對我尼講已經好接受吾到😳。到左睇menu，見到價錢其實都吾貴，cafe尼計仲算幾抵,晚餐可以加錢配野飲同甜品。我同媽咪揀左個豬肋骨意粉同埋黑松露什菌意粉,本身諗着食天使面,但估吾到佢地芝士無天使面之餘,竟然連飯都賣哂,另外我地都加左三十蚊轉餐同要個心太軟,再叫左個蒜香牛柳粒同甘紫薯餅。野飲就叫左一杯芒果沙冰同玫瑰白朱古力奶。之後就期待上菜😋。叫完野食,食物等左吾係好耐就逐漸上菜,尼到見到食物外觀已經好差,食入口味道仲吾好😫。首首先講下個豬肋骨意粉,依個係配茄汁嘅,但d茄汁係各大超市有得買嘅地捫蕃茄醬加糖尼煮😞,到食豬肋骨,每舊都有一半以上係肥豬肉,食得入口嘅肉就非常硬,口感極似食橡膠,真係就連Cheese Pizza嘅豬肋骨都好食過依到。到我自己嘅什菌意粉,其實依個整體尼講都算可以接受嘅,但衰在佢嘅什菌吾係熱嘅,仲要好似擺左好耐咁。同埋,雖然係一個芝士汁嘅意粉,但完全食吾到芝士味嘅同時,淨係覺得

因為要開會傾野，之前就同朋友走過另一間分店試過果邊既晚餐，今次就來下呢間主店。其實食物真係唔差，但主要因為貪佢開到零晨兩點又唔會趕人走，所以就成為左我地既聚腳地。今次叫左5個晚餐，cafe 既晚餐set價錢由$62至$79左右，加$20會有餐湯&蒜蓉包&特飲&甜品。講下正餐先！每次必食，可能因為係晚市，鴨胸比平時大件又厚左，咬落去都ok彈牙，不過咸水味多左小小，如果多d烤香味就好喇。飯加左白汁好味，林林地幾軟滑。餐牌寫豬柳，但其實係豬扒。豬扒煎略嫌有點硬，不過醬汁搭配得唔錯。煙三文魚有陣咸香，而家入口軟滑，算係唔錯既一款。天使麵煮得有點乾。同一款不過係咁係配意粉。意粉同樣有點乾。跟著就講下飲品。叫左三杯Mocha一杯 Cappuccino 一杯沙冰。Mocha 朱古力味夠，但太甜，飲多兩啖會開始覺得飽。Cappuccino 苦中帶甘，非常中意，遺憾泡沫唔夠滑。沙冰超甜，夏日冰涼岩岩好。

這家Cafe另外還有一家分店在登打士那邊~那家吃過覺得不錯~所以今次和一堆朋友去了這家的分店！但沒想到點同一個餐 >_< 食物質素相差很大~像這個天使麵就煮得很硬 >< 而且汁比之前吃過的那次少很多。這次吃到最後超乾Orz 飲品方面，我覺得還不過不失~但我朋友點的那杯沙冰 =  =||| 跟圖片不符吧~而且基本上就只有大大舊的冰~沒有「沙」~!!!! 沒想到連甜品也出事QAQ！今次吃的是雲石芝士蛋糕~ 又硬又乾到一個可怕的程度。

本來想上樓上8樓，不過爆左，所以黎試試，其實見到佢仲有檯淨就應該知道會中伏，但嗰一刻太肚餓，已經無諗到呢樣野sorry今次無影相最普通嘅食物就係最難整嘅野，我叫左個肉醬意粉首先係個餐湯，係玉米湯，得喎！ 濃味，有小小薯仔蓉嘅感覺，口感一流，有啲期待主餐。意粉到，望到個顏色，完全唔吸引，食落去， 無味道，自己屋企開個罐頭都好過佢，我好懷念大XX 啲肉醬意粉，好味得多！只會黎杯金吉蜜，完全又係另外一個失望，感覺好似糖溝水加兩條橙皮，完全唔得最後整件tiramisu，都系一樣，街邊麪包鋪嘅普通蛋糕都好味過佢，完全唔覺得系tiramisu最後個侍應，完全要俾十支靜心俾佢，態度簡直惡劣！有多一間可以永久blacklistzh-CN → enSpaghetti Bolognese 

約了朋友到旺角，當然要吃番個lunch la~我好鐘意到樓上Cafe的，貪上樓Cafe少d人，可以慢慢傾計，如果食物好味就更good la~午餐好平，有個湯+飯+餐飲，只係$35!!我與友人都叫了 香草吉列龍脷柳飯餐湯: 忌廉湯，味道正常香草吉列龍脷柳飯，白汁超多又杰，賣相唔靚，而且d魚唔係平常食開既一大片，而係好似中式既班腩，仲好多油好油膩~餐飲: 熱朱古力，朱古力味淡d~依間野係星期六午市都坐唔滿，雖然食物一般，但可以與朋友係度hea，間唔中都可以來一次既

跟女朋友仔在朗豪坊找不到位吃東西,便只好轉移玉步去附近的朗晴坊找東西吃吧.看到這店的餐牌看來不錯,便嘗試一下好了XD一進店坐滿了人,令我有一點期待呢.待應給我們一個近牆的坐位,有點擠迫,而且坐下來的時候隱約聽見了歌聲......@@"想定了吃什麼便點餐吧.傭懶的女待應果然跟咖啡店很吻合,拿著飲品一面喝還四處走,喝夠把飲品放下才來幫我們點餐,你好野.我點了最普通的肉醬天使麵,而女朋友仔點了葡國雞飯呢,再跟餐湯及蒜蓉包,飲品要兩杯熱朱古力便好.在等的時候那些歌聲越來越大啦,根本是在牆的另一方傳來的吧?那些像胖虎的歌聲太吵了很影響用餐心情,這樣還可以叫做咖啡廳嗎?要大扣分啦>.<"先上桌的是忌廉湯及蒜蓉包.蒜蓉包有驚喜呢,很脆,好吃.忌廉湯卻竟然完全沒有加工,材料太單薄啦,喝金寶忌廉湯會更好喝呢.=3="我的肉醬天使麵先上桌呢,肉醬味道不太討好,應是現成貨色,因為無肉味啦.天使麵配合起來還好,但這種味道是我自己在家也煮得出來的味道......女朋友仔的葡國雞飯也上桌啦.葡汁有椰香,雞也無骨呢,送飯很不錯,是這頓飯最好的料理呢.熱朱古力一喝下去便是三花朱古力的味道啦,苦味比朱古

開頭見朗晴坊間間都好多人排隊, 我又肚餓, 求其先呢間唔洗等就試下啦~ 點知就奶野喇............D waitress叫極都唔應, 野食叫左勁耐都未上! !!! 先唔好講d野好唔好食先, d野食上到黎係凍ga!!! 係暧都唔暧囉!! 你唔係即整既,都呃下我叮返熱佢啦!! 大佬, 而家係堂食唔係叫外賣囉!!! 有咩理由d野可以凍到咁ga???再講返d野食, order左個咩白汁龍利柳飯, 凍唔再講, 無味ga!!! 又細碟!!! 真係叫波仔都好食過佢一千倍!!! 行過門口見佢d "homemade cake"個樣幾靚, 諗住碟飯又唔好食又唔飽咁叫埋啦~ 好後悔囉!!! 佢個餅底硬到可以卜穿人個頭囉! 痴線!再講個價錢唔平ga!!! 咁既質數...... 好懷疑佢點解可以開到餐廳囉.... 自問我自己唔多識煮野食, 但要我整都一定好食過佢!!!呢間野black list唔會再黎!!!