影片
以上資料只供參考, 請與餐廳確認詳情
最近，我和老婆前往何文田的力天冰室享用晚餐，這裡的氛圍輕鬆，讓人感覺十分舒適。我們對這家餐廳的菜單充滿期待，決定好好品嚐幾道招牌菜。老婆選擇了焗白汁海鮮意粉，這道菜色香味俱全，意粉的口感滑順，搭配上新鮮的海鮮，味道非常濃郁。白汁的奶香與海鮮的鮮味完美融合，讓她一口接一口，讚不絕口。她還點了雜果賓治，這款飲品清新可口，果味十足，為晚餐增添了不少清爽感。我則點了鐵板黑椒牛柳絲炒麵，這道菜的牛柳絲炒得恰到好處，肉質鮮嫩，黑椒醬的香氣四溢，與炒麵的口感相得益彰，令人食指大動。為了搭配我的菜品，我還選擇了青檸菠蘿賓治，這款飲品的酸甜平衡得宜，讓人一飲而盡，十分解渴。除了主菜，我們還點了沙茶牛肉包和自家製薯角。沙茶牛肉包的餡料鮮美，麵皮鬆軟，令人一口咬下便能感受到滿滿的肉香。而自家製薯角則外脆內軟，調味適中，是絕佳的小食。整體而言，這次的晚餐讓我們都感到非常滿意。無論是食物的質量還是餐廳的服務，都讓我們度過了一個愉快的夜晚。力天冰室無疑是何文田的一個美食好去處，值得再次光臨！
繼續閱讀
今早過來食早餐, 可能晚少少, 今早又無乜自由行, 都有d位置可以選, 今次試左個雪菜蝦米肉絲配雙蛋🍳🥚公仔麵, 熱奶茶, 等一陣公仔麵送到, 好大只🍳🥚鋪係上面, 用叉整開只蛋🍳, 入面都好多雪菜蝦米肉絲, 用叉食d麵, 今日食又幾好食😘👍, 唔係煮得好淋, 再加上唔係好咸的雪菜, 撈埋一起食又幾好味😚, 只🍳🍳係好大只, 唔係全熟, 所以都有d蛋汁流出來😋, 又撈埋d麵食, 但今日食只🍳又唔係好香, 無乜蛋味, 今次再飲奶茶, 今日都算可以, 有d茶味有d奶味😀, 不過不失😁😅
繼續閱讀
尋日去完九龍圖書館，就過對面「力天冰室」食個下午茶，佢哋嘅下午茶選擇好多👍🏻，有炒粉炒麵炒飯、麵餐、炸雞髀餐等等，十分多元化。必食「鐵板黑椒牛柳絲炒麵」，牛肉份量多，黑椒味濃，麵好香脆🍝，用鐵板上熱辣辣好好味。「吉列大魚柳配秘製雜果沙律」，份量真大，魚柳外脆內嫩，搭配雜果沙律，清新又健康。「什會湯烏冬」🍜，湯底清甜，麵條夠滑，而且配料相當豐富。「馬來炒貴习」，香氣四溢，夠味，辣味適中。力天冰室食物好味，而且又抵食，下次會再返嚟試其他菜式！👍
繼續閱讀
今晚想食啲中式小菜，行過見到呢間冰室啲價錢好似幾抵食，就一於入去試下。鳳梨咕嚕肉 $80份量都幾多，炸到個皮好脆口，配上酸酸甜甜嘅醬，再加上好多菠蘿，好夾好食。魚湯海鮮粉絲雜菜煲 $86估唔到好足料，好多海鮮，有蝦、帶子、青口、魷魚，仲有三款菜，西蘭花，菜心，白菜，呢個真係好抵食。跟餐包左一碗白飯同一碗湯，估唔到佢的中湯幾足料。餐飲我哋加左每杯$12要特飲懷舊紅豆冰，幾多紅豆，紅豆又淋又入味。青檸菠蘿賓治，酸酸甜甜幾開胃。香脆奶油豬 $32烘得夠脆身，加埋煉奶同牛油，呢啲配搭一定冇得輸。
繼續閱讀
今日同朋友去旺角睇戲行街做運動，跟住同朋友去享受吃晚餐，我朋友提議我去力天冰室吃，佢話力天冰室嘅晚餐係有好多嘅選擇，間冰室位於何文田窩打老道73號地下D舖，港鐵旺角東站C2出口，行十分鐘就到。冰室內環境寬敞舒適，地方整潔光猛，枱凳擺設整齊，尤其是卡位令人坐得舒服，店員有禮貌服務態度好，來這裏食真不錯。冰室餐牌食物款式選擇好多，有早餐、午餐、晚餐、常餐、開心下午茶、小食類、特色小食、三文治/多士、湯麵類、中式小菜、中式炒粉麵、經典鐵板、西式燴飯、飲品、特飲，真係令人口感豐富，尤其是中式小菜係好抵食，有成37個中式小菜選擇，奉送埋白飯及中湯或紅湯，加少少錢可以叫埋飲品，而小菜嘅價錢又唔貴，我朋友就選咗（5）麻辣尖椒炒鹹肉，仲揀咗紅湯即係羅宋湯和懷舊紅豆冰特飲，我再睇清楚原來晚餐亦都好抵食，有西式嘅食品，我就叫咗（F)T骨牛扒拼吉列蝦配牛肝菌汁，配埋意粉同冬瓜豬骨湯，加幾蚊叫埋杯鹹檸七特飲，再叫埋小食嘅酥炸香脆大雞翼來食。這間餐廳來湯餸飯飲品都唔慢，先來羅宋湯同冬瓜豬骨湯，羅宋湯是個紅色靚湯好飲，非常足料，好惹味，湯唔辣反而有少少甜味，飲落令人開胃，而冬瓜豬骨湯是靚中式湯，材料豐富，冬瓜香甜，又有好香嘅豬骨味，令口感滿足，跟住來了碗大白飯，賣相都唔錯，白淨有飯味，真係一定夠飽，飲品亦都跟住來，懷舊紅豆冰嘅紅豆份量多，大大粒的紅豆，啖啖的紅豆香味，加上順滑濃郁的淡奶香，好有經典香甜口味。而咸檸七是七喜汽水加上鹹檸檬，而鹹檸檬是以鹽巴醃製的青檸檬，飲起來甜甜酸酸中帶一點鹹味，非常特別好飲，好配合來食晚飯。麻辣尖椒炒鹹肉係最好吃嘅家常菜，尖椒鮮香，鹹肉片滑嫩，尖椒和鹹肉堪稱絕配，肥而不膩，軟糯香甜，味辣汁香，色香味俱全，尖椒吸收了鹹肉的油脂，變得更清爽更香甜，鹹肉帶著淡淡的辣味，香濃可口，好配合同白飯食。而T骨牛扒拼吉列蝦配牛肝菌汁及意粉嘅份量都不少，塊T骨牛扒都好大嚿，肉質鮮嫩，好香牛肉味，上枱時已經聞到好香嘅牛肝菌汁味，配合T骨牛扒食一流，非常惹味，吉列蝦有兩隻炸得好香脆，食落口時仲熱辣辣，而意粉爽滑可口，配埋蕃茄一齊食好清香，樣樣都好味好食。小食嘅酥炸香脆大雞翼真係好大隻，亦都炸得好香脆，又唔油膩，外皮鬆脆，雞肉好滑好滋味，令到口感脆爽滑，好正。這間力天冰室好值得推薦大家嚟食，令人食得好滋味，又好抵食，價錢一啲都唔貴，仲有好多食物嘅選擇，真係平靚正嘅茶餐廳，亦都很多茶餐廳也沒法做到這個質素，難怪這裡一直有很多客人來幫襯。
繼續閱讀