劉萬利美食

營業中

休息中

好多人同我講劉萬利@沙爹牛肉最好食😅我食咗幾次，牛肉過火😓得個鞋字，沙爹汁就ok：薄薄流汁～夠味～感覺滑滑，算唔錯👍咖啡都香、滑，唔係朋友約都落沙角食，環境新D自然感覺乾淨D，朋友食煙無辦法😅

8月19日星期六休閒嘅放假早餐，沙爹牛肉麵加煎蛋腸仔，雖然係一個普普通通嘅早餐，但係加上佢哋嘅凍奶茶之後，即刻有升華嘅感覺！雖然係自己一個食，不過都已經好滿足啦！

12月9日返工前，當然要食個早餐啦，今次我就揀咗佢劉萬利餐廳嗰度食，我揀咗沙嗲牛肉麵，腸仔同煎熟蛋，同埋飲凍檸茶，沙爹牛肉夠曬入口鬆軟，不過條腸仔佢就煎燶咗麻麻地，凍檸茶煎蛋就普通！

搬左第一次去，新開地方當然清潔左，奶茶一樣咁好飲：有茶味、香滑、夠熱，，食物、服務就可以已經ok，食早餐、下午茶E家都會經常去，住得近方便，老媽子係常客仔，晚餐就未去過

想不到，在動亂的一天，反而有時間去試試平日未去過的餐廳。在這個博康邨的熟食檔，看起上來，原本看賣相以為非常之舊式，還在心想會不會已經倒閉了，但是，再看一看才發現原來熟食中心內裏裝修簇新，可能是經過翻新的。看到有一間任食火鍋的名字(新廣發)很熟悉，原來都是以前在對面沙角邨的那一間任食火鍋，另一間的名字就是這間劉萬利，好像也非常之耳熟，有點兒回到過去的感覺。後來翻查一下，才發現原來對面沙角邨那一間同樣都是劉萬利但是，試過之後，才發覺原來這麼著名的劉萬利餐廳，質素竟然這麼低下。因為早餐比較早吃完，因此到了下午茶時段都已經挺肚子餓，結果就吃下午茶。點了一個炸雞脾薯條，我心想，這種茶餐廳的炸雞脾，應該也不會太差吧，想不到，它的雞脾竟然會是非常之瘦弱，完全沒有什麼肉汁，皮是極乾，乾到有點兒咬不開的那一種炸雞脾，可能是在茶餐廳吃個最難吃的炸雞脾薯條已經算是比較好，薯條帶輕微波浪形，外皮有點脆，雖然不算炸到完全透徹，但至少夠熱，還算是可以接受。凍檸茶也是比較好的，茶味夠香夠濃，檸檬都足足有四片，味道還算是不錯。你浪費食物，我不會，乾極也盡量吃掉雞肉。

今朝又喺我經常去食早餐嘅博康邨冬菇亭大牌檔「劉萬刮」食早餐，一向叫開嘅火腿仿鮑絲通粉（單出，即是唔要成個套餐包括多士及煎蛋或者加埋火腿/午餐肉/腸仔），一杯凍檸茶少少甜，平時收開港幣$30，今日要$34，來解釋的侍應表示兩餸的湯粉要收$34，我叫咗要「多粉」，點不知通粉的份量跟平時叫套餐的一樣少，之前我問過佢哋點解唔買大啲隻碗，客人order「單出」的時候啲粉可以多啲。其實我唔係因為慳錢而咁樣叫，因為農曆新年那段時間每天食一個套餐有埋已經沒有搽牛油的多士和兩隻煎蛋，一個月之後肥咗四磅，因為煎蛋可以用很多油煎都看不到的，通粉的卡路里如果沒有加了很肥膩的湯是很低的。看來老闆想做高每人最低消費吧！其實想收$34，啲火腿通粉要加多¼至五份之一才值得這個價錢，幸好我今日要食一個早的午餐，應該可以捱到中午12:30才吃午餐吧！

今日行山由水泉澳邨出發，咁就最好喺博康村填飽個肚先起步。我地唔飲茶，就食番西式早餐吧！我想應該係啱啱裝修完，環境好光猛，冷氣好夠，坐得舒服。8點半已經坐爆晒，証明好旺場呀！坐低之後，呀姐就放低一人一杯茶，等我地落order。我地就揀最抵食嘅A餐個餐來得好快，嗰頭落完單，轉頭就送到。雖然餐牌上面得「腸仔煎蛋」、「火腿煎蛋」，但其實點配都得。（轉炒蛋，煎雙蛋都ok）牛油方包軟熟整體味道可以招牌奶茶OK~

秋高氣爽，春光明媚，雖然季節形容不符，但今天的確就是這種感覺。當然要趁著好天氣結伴郊遊，由慈雲山-->沙田圍。到達終點走到覓食分岔路，右是領匯商場，左是熟食中心，平日都幫襯唔少大集團啦，有得揀當然揀小店吧。叢林不割下，如何建造繁華？這個年頭的餐廳都裝修得美輪美奐又富有特色，又工業風又偽懷舊...etc啦，食物又要想盡辦法博人影相上載，租金貴地方小搞到間格密麻，腳都伸唔直。出去食餐飯但求有位擺袋伸下腳已經好滿足，小小野都扯咁遠，因為好耐未試過出去食飯可以伸直隻腳，哈哈。點了一份炸雞髀薯條同檸檬茶share。薯條好淋，唔熱又唔脆，應該炸起放左一段時間；炸髀，當然都係凍晒，可幸層皮仲係脆，味道不過不失，檸茶既茶太濃。真係唔太好食，不過行完山可以舒舒服服咁坐下已經唔錯啦

因為食厭左湯粉麵，今日早餐點了：1. 芝士鹹牛肉豬仔飽 - 芝士加埋鹹牛肉好鹹香味，個豬仔包係用坦克車焗爐烤的，所以內軟外脆，唔會好似焗爐焗咁乾2. 熱檸茶 - OK，我自己帶左代糖鹹香的鹹牛肉和芝士包配清新的熱檸茶真係唔錯，查實咁樣都夠飽，呢個餐只係＄20。

今朝起床覺得好肚餓，嚟咗屋企附近博康邨冬菇亭「劉萬利美食」食早餐，叫咗呢個港式的big breakfast，有用坦克車焗爐烘牛油厚多士半塊（呢隻烘爐原先係啲鬼佬用開嘅，但係近呢幾年大快活快餐店和星巴克都用左佢）、茄汁焗豆、煎雞扒、煎雙蛋、一片新鮮蕃茄和小小切左𢇁新鮮的西生菜，配埋佢哋馳名嘅港式熱奶茶，簡直一絕！＄33咋！呢度嘅港式奶茶係沙田區差不多最好嘅其中之一間。

下午食飯見到依間食市轉左幾次手，新開接手未食過甘就食下。想叫雪菜米無雪菜，再叫左個下午茶魚香茄子飯。原来仲有例湯，飲落幾清幾好，魚香茄子算幾多茄子，不過無咩魚香昧，三十幾蚊算係甘上下貨仔。

今日又同媽媽牚檯腳，劉萬利由細食到大，最鐘意就係飲呢度杯奶茶!由於我地兩個食量都唔大，只係叫左一個酸辣麵加兩杯奶茶。酸辣麵夠酸夠辣仲有少少鹹但係唔夠豆瓣醬香味。啲料都好足，有豆腐、豬紅、青豆、豬肉絲、蝦仁、蛋花。整體黎講好好食!至於奶茶個人覺得熱嘅太濃，凍嘅可能因為有冰好味好多~

Lunch平時都係食呢間見佢26蚊午餐有麵有奄列有牛油方包有野飲但今日真係忍唔到野飲同麵先到食完等奄列同牛油方包等左半個鐘心諗星期日多人可能走單搵人追單 15分鐘仲係冇搵另一個再追 20分鐘都仲係冇但係就不斷見到伙記拎奄列同牛油方包比其他人同桌走左兩對人我都未有得食啫係我10幾歲就當我冇到啦算數 埋單 當跌左錢以後唔會再尼食

正月初三‧又凍又濕是日來到附近練跑，又凍又落雨，完操之後，大伙兒來這裡吃東西，我什麼也不想吃，只想喝一杯凍飲，就要了杯凍咖啡。這裡是三面密封，但見不少的食客也在煲煙，相信跟新正頭很多鄉村地方都可以放炮仗一樣，各處鄉村也是各處例，其他人是管不著的。凍咖啡幾香濃，加了不少的冰在內，味道也沒有淡了多少，很不錯。14蚊，相信也是新春特別價格來的。

難得到了沙田的屋邨大牌檔，當然要去找一找以奶茶聞名的劉萬利。誰知新正頭，很多檔口都未啟市；走到對面邨，居然有個同名的在營業著。我心想：沒理由如此明目張膽，就在對面冒牌經營吧！懷著「該是分店」的期望，走進去瞧瞧。新春佳節，已有「特價」的心理準備。一看餐牌，早餐廿一元（但我來到時已過了早餐時段）、湯麵十九（但他寫單只寫$17）、熱飲十二。平時市區的茶餐廳亦未必敢收這個價錢！不過新年流流，此時不賺更待何時？明解，所以乖乖就座，點了餐肉麵和奶茶。餐肉麵就是餐肉加麵，對此不應有不切實際的期望。這兒的有三塊餐肉，已是意料之外了。但類似丁麵的麵底尚未煮透，幸好吃起來沒有生硬。而奶茶色澤深淺適中（顯示茶底不過濃或太淡），令我驚喜的是拿起杯子要喝時，竟聞到一陣夾雜濃郁茶味的奶香！香港好喝的奶茶比比皆是，但這卻是久違了的香味！呷一口細味一番，難得的是茶本身夠味之餘亦相當滑，要刻意「圇」兩三秒鐘才在舌上試出茶的澀和「鞋」口。相比他店為了令出品更滑而犧牲了茶的濃度，這兒的值得特別嘉許！偶爾吃到好東西，背後總有個顧慮，就是日後在他處吃到的不夠這兒好，心裏不禁嘀咕，寧願以前從未吃過這美味！你說是否庸人自擾？