劉興記生煎包專門店

營業中

休息中

一直都好鍾意食生煎包，見到好多人介紹呢間生煎包專門店，而且開到周圍都係分店，但係一直都冇機會試，根本終於有機會嚟試吓啦。一坐低已經擺低咗一杯豆漿，仲以為比錯咗，原來呢度嘅豆漿係任飲㗎，唔怪得咁多人讚呢間舖頭啦，老細果然好識做生意。佢嘅豆漿唔會太甜，豆味好濃郁，真係好值得欣賞啊。我覺得最值得讚賞嘅就係呢個酸辣湯麵，因為佢嘅酸辣湯唔會太辣，但係味道好夠，越食越開胃。而且佢嘅麵煮得啱啱好，配埋酸辣湯真係好好食。另外佢嘅菜飯都好出色，我朋友叫咗個雞扒菜飯，估唔到生煎包專門店嘅雞扒都咁出色，我朋友話下次都一定會再嚟食呀。呢間餐廳價錢超平，而且質素好好，唔怪得開到周圍都係分店啦。

星期五同朋友岀旺角，之前佢一直想試下瀨尿蝦生煎包，所以就同佢去劉興記。因為接近午飯時間，又知劉興記都多人食，去到已見有人喺門口等都驚要等好耐，好彩都只係等左一陣，識員好快安排到入坐。去過幾間劉興記嘅分店，旺角呢間嘅裝修都幾有特色，坐都算舒服。點餐係用QR code 可惜瀨尿蝦生煎包已經售罄無得食，咁我哋決定豪豪哋食蟹黃拌麵，當然唔少得朋友最鍾意食嘅生煎包，同埋比我最鍾意嘅酸辣湯。蟹黃拌麵（$150）蟹黃麵係分開上，蟹黃份量超多，足足有一碗，面嘅份量都大。蟹黃一上枱就有蟹嘅香味，將蟹黃倒落去面嗰度撈勻，每一條面都可以沾到蟹黃，蟹黃夠多夠香，加埋蟹肉大滿足。生煎包（4隻$35）劉興記最出名嘅就係生煎包嚟到點可以唔食呢？咁啱我哋坐咗冇幾耐呢就有個客人大叫話點解啲生煎包唔熱嘅？職員冇多問好快幫佢換過一碟，呢個服務態度真係難得一見。而我哋食嘅時候呢新鮮包依然係熱辣辣，亦都一如以往咁爆汁，個包底亦都係好脆。雞絲酸辣湯（大$45）$45一碗大大碗，兩個人可以分到每人兩碗。材料好足㗎，雞絲又唔好韌，喺出邊好難飲到啲咁平又足料嘅酸辣湯。豆漿（免費）一坐低職員就首先俾咗兩杯豆漿，豆漿係唔使錢㗎！職員仲會為

12點準時殺到，開門5分鐘唔夠已坐爆8成，勁誇張！店員手腳快又熱情，水同豆漿免費任裝唔嬲，抵讚！ .🔥 🐥招牌炸雞扒湯麵塊雞扒即叫即生炸，外皮脆到咔咔聲，咬落去啲肉汁標出嚟，超嫩！個湯底加咗辣醬，嗦嗦聲咁吸麵，惹味到停唔到口！ .💥 🥟招牌生煎包 (2隻)等足15分鐘，熱辣辣上枱！聽勸攤凍30秒先咬，點知一啖咬落——啲湯汁「咇」一聲爆出嚟！誇張到倒滿成隻湯匙，鮮甜肉餡夾住香脆包底，燙嘴都值！

今日專登帶阿媽去旺角「劉興記」朝聖，試吓網上狂推嘅生煎包！鋪頭細細但人龍不斷，我哋下晝三點幾到都要等位，好在店員超熱情，一坐低就送上兩杯免費續杯嘅鮮磨豆漿，豆香濃又唔會死甜，抵讚！ ｜招牌生煎包（8隻）｜一上枱就聞到煎包嘅焦香，咬開脆底嗰陣「咔嚓」聲超治愈！皮薄餡多，豬肉餡肥瘦適中，爆出嚟嘅肉汁鮮甜到阿媽猛咁點頭。最正係個脆底，煎到金黃又唔油膩，食完一籠即刻想encore！ ｜蟹黃生煎包（4隻）｜限量款果然有驚喜！一啖咬落去，蟹黃嘅甘香同豬肉汁撞到正，仲有粒粒蟹籽增加口感，鮮味爆燈！不過建議趁熱食，凍咗會少少腥。 ｜手工豆沙窩餅｜外皮煎到微脆，入面嘅豆沙綿密又唔會過甜，阿媽話有舊式酒樓嘅風味！食完鹹點再嚟件甜嘅，完美收尾～ 百幾蚊左右食到捧住肚走，性價比高！生煎包絕對係香港數一數二，尤其蟹黃款必試。不過鋪頭細，建議避開飯市去。阿媽臨走仲問：「幾時再帶我嚟？」

馳名已久爆汁生煎包專門店!🥢招牌生煎包 生煎包每一舊都爆汁! 每一啖生煎包都要咬細細啖啜哂啲汁出嚟先 啲汁十分鮮甜 生煎包外皮個底煎到金黃色香脆 入面又多汁好juicy 十分推介 🥢招牌炸雞扒拌麵蔥油拌麵有驚喜! 麵嘅質地係煙靭有咬口 撈埋啲蔥油好惹味 忍唔住一啖接一啖咁食炸雞扒外脆內嫩 一啲都唔會乾🥢上海小籠包上海小籠包皮薄餡靚 個皮一啲都唔會厚 夾起身又唔會穿 咬落去亦都有好多汁 配上醋一流🥢雞湯小雲吞12粒雞湯飲落好舒服 小雲吞嘅皮十分滑 十分清甜🥢豆漿豆漿任飲 自助去添 豆漿十分濃嘅豆味 又唔會好甜💰二人用餐 人均消費約$80📍 劉興記生煎包專門店 (旺角)旺角通菜街1M-1T號華發大廈地下D號舖

紅極一時以爆汁生煎包作招徠的「劉興記生煎包專門店」，今天中午到訪旺角店朝聖，需輪候一會才能入座，人氣不減；生煎包外，提供小籠包、小雲吞、菜飯及擔擔麵等正宗上海菜色-點選人氣熱賣皇牌套餐 5 號麻醬青瓜雞絲粉皮配生煎包 1 隻 $54，奉送豆漿可無限添飲，配可樂 / 無糖可樂 +$8；雞絲、青瓜及粉皮份量皆豐富，雞絲緊緻嫩滑、青瓜新鮮爽甜、粉皮細滑輕韌，配搭麻醬滋味又健康；生煎包即叫即煎，不爆汁可要求更換，上半鬆軟，下半香脆，豬肉餡新鮮細滑，湯汁鮮甜不膩；低糖豆腐豆香濃郁更帶少量豆渣，甜度極低個人甚為喜歡-另加點選了招牌炸排骨 $28，炸至金黃乾身，外酥內鬆軟，調味剛好，蘸上特製醋有減膩之效

Lunch行過旺角女人街，見到劉興記人流唔少，忍唔住入去試吓佢哋嘅幾款招牌。🍗 招牌炸雞扒麵 + 生煎包雞扒外皮金黃酥脆，咬落去有肉汁，配埋麵一齊食好有滿足感。套餐仲有生煎包，底煎得香口，包身鬆軟，配搭得幾好。店內有豆漿可以添飲，凍豆漿飲去幾舒服。🥟 原味上海小籠包（4隻）小籠包皮薄湯多，一咬爆汁，肉餡順滑，熱辣辣上枱，值得推介。🌿 蔥油拌麵麵條煙韌，面頭鋪滿炸咗嘅蔥絲，蔥香撲鼻，簡單之中見功夫，最緊要係好抵食。🥟 招牌生煎包（4隻）底部煎得脆脆哋，入口仲有湯汁，餡料豐富飽滿，口感層次幾突出，唔怪得知成日都要排隊。整體用餐環境輕鬆，出品有誠意，幾啱朋友聚餐或者行街歇腳，係旺角區內值得一試嘅中式小食店。

同朋友喺旺角行街見到有間餐廳排長龍，一於去試吓試了幾道招牌菜，簡直太好吃了！首先是招牌炸豬排拌麵，豬排外面酥脆，裡面嫩滑，搭配彈牙的麵條，淋上特製醬汁，味道非常好，好味到食唔停。生煎包，外皮金黃酥脆，裡面有豐富的湯汁，咬下去的時候那股肉汁瞬間爆開，生煎包係最正嘅，好味到要再Encore, 搭配冷凍豆漿，真是絕配，凍豆漿仲要係任飲。還有原味上海小籠包，薄皮包著鮮美的肉餡，湯汁滑嫩，吃左根本停不下來。最後是招牌擔擔麵，裡面加了櫻花蝦，讓麵條多了海鮮的香味，香辣又好吃，配上花生碎的酥脆感，真的是一大享受。整體來說，這次的用餐體驗超級滿足，肯定會再來！

今日放假，一早約咗堂妹去行旺角女人街，順道去位於旺角通菜街1M-1T號華發大廈地下D號舖的<劉興記生煎包專門店>食午餐，我哋去到餐廳時，已經係需要排隊，不過，等咗十分鐘就有位喇。我哋點咗：🥢午市套餐第6號的雞湯小雲吞18粒+生煎包一隻+凍豆漿（任飲） $54：小雲吞細細粒好好食，雞湯的湯底清甜，套餐有生煎包（招牌生煎包）1 隻，招牌貨色的原味餡料好好味。🥢蟹黃生煎包（4隻）$70：蟹黃生煎包係餐廳的招牌貨，熱辣辣嘅生煎包一定會爆汁，蟹黃味濃郁，好味又好食。🥢瀨尿蝦生煎包（2隻）$28：瀨尿蝦生煎包係餐廳的新品種，同其他生煎包一樣都係爆汁，要小心食! 餡料飽滿，瀨尿蝦味香濃，唔錯。

位於旺角鬧市區既人氣生煎包，2024年OpenRice開飯熱店之一，趁lunch同朋友經開旺角見到好吸引就入去試吓🤩平時記得預留多啲時間去食飯，有機會要排隊等位💕🫶🏻豬扒乾拌麵豬扒外焦內嫩，肉質鮮美，搭配香滑乾拌麵，味道濃郁，口感彈牙👍🏻🫶🏻 麻醬手撕雞乾拌粉皮麻醬手撕雞搭配為乾拌粉皮增添左獨特風味。雞肉嫩滑，麻醬既香氣令每一啖都充滿層次感，好適合而加個天氣食😋🫶🏻人氣生煎包必叫👍🏻生煎包外皮金黃酥脆，內餡多汁，令人垂涎🤤每一啖都可以試到鮮美湯汁，呢道小食非常適合作為開胃菜或小食，深受到廣大食客既追捧❤️🫶🏻糖醋排骨糖醋排骨味道酸甜可口，排骨肉質鮮嫩，外層裹著一層誘人的糖醋醬。每一口都能感受到醬汁濃郁，與排骨鮮美相互輝映😉🫶🏻整體嚟講質素都唔錯，值得一試😍大推生煎包同雞絲粉皮👍🏻

因為念念不忘劉興記的生煎包，所以約朋友再次到訪旺角劉興記生煎包專門店品嚐生煎包和其他美食。我們坐好後，還未點菜，店員已送來兩杯冰涼自家製豆漿給我們。在炎熱的天氣，喝一口冰涼的豆漿真是很舒服。看看餐牌，點了S 4超值套餐 - 招牌炸雞扒拌麵和一隻生煎包、招牌生煎包2隻及蟹粉小籠包4隻。招牌炸雞扒拌麵和一隻生煎包～$54吃到豐富的套餐真是很不錯。朋友喜歡吃雞扒，點了招牌炸雞扒，以為點了配菜飯，誰知手誤點了配拌麵，正所謂「錯有錯著」，出乎意料之外，拌麵賣相吸引之餘，有很多香炸蒜片和香蔥，味道濃郁，非常美味。香脆雞扒份量多，又配上炸香蔥，味道一絕。招牌生煎包兩隻～上層香脆生煎包，咬一口瀑汁，最喜歡喝內裡的湯汁。(張貼著生煎包無爆汁，可免費更換)蟹粉小籠包4隻～初次到訪吃了原味小籠包，味道不錯，便試試價錢昂貴的蟹粉小籠包。小籠包上放上些蟹粉點綴，有鮮甜蟹味，比原味小籠包好吃。

餐廳：劉興記生煎包專門店地點：旺角通菜街菜式：上海菜餐牌：生煎、湯麵、拌麵、小籠包、蟹粉、菜飯、小食、涼拌、飲品，都有人氣熱賣皇牌套餐。落單掃QR code。麻醬青瓜雞絲冷麵 $50冷麵係平時做湯麵嗰啲，不過凍食，份量都唔少。加有幼條青瓜絲同粗雞絲，雞有雞味，面頭加上白芝麻粒。叫左少麻醬，份量都夠。麻醬青瓜雞絲粉皮 $45麻醬手撕雞絲粉皮好大碗。粉皮份量最多，質素正常。招牌炸豬扒 $28招牌炸豬扒一開7件，炸得外脆內嫩，啖啖肉，都好香口。可以加枱上既豬扒汁同食，味道更好。招牌炸雞扒 $28招牌炸雞扒一開6件連皮，炸得外脆內嫩，肉夠厚。面頭加上少少炸菜更添風味。無糖可樂 $8汽水夠凍。呢度豆漿任飲，夠濃厚滑溜，豆味剛好又唔太甜，好解渴。服務員係咁添！總括而言，呢度食物質素唔錯，價錢實惠冇加一。平日午市男女老幼學生哥都有，一點前到都可以直入。

劉興記生煎包專門店真係值得一試！首先，$60以上豆漿任飲係驚喜之選，豆香濃郁，好飲到停唔到口！擔擔麵加入大量櫻花蝦和花生，香氣十足，湯底濃郁，值得推薦。至於炸豬扒拌麵，餐廳堅持即時現炸，雖然要等10-15分鐘，但入口極脆，鮮炸的滋味令人回味無窮。最重要係佢嘅生煎包，試咗蟹粉同賴尿蝦味，真係一試難忘！每粒爆汁效果一流，外皮微脆帶硬，餡料多汁又有層次，味道仲有獨特風味，完全唔油膩。餐廳環境乾淨企理，座位舒適，服務態度好，令人感覺貼心。整體而言，食物質素高，性價比好，環境同服務都令人滿意。下次一定會再嚟，推薦俾鐘意生煎包同麵食嘅朋友試試！

劉興記生煎包專門店位於旺角的劉興記生煎包專門店，交通非常方便，人流極旺，不過好彩我同朋友下午茶時段來到，不用等位。侍應非常友善，用餐體驗很好。蟹粉小籠包：皮薄餡靚，充滿蟹粉汁，沾上一點醋來吃，鮮甜不膩。招牌炸雞扒拌麵：雞扒炸至外脆，裏面肉質軟嫩，䓤蒜煎炸至焦香，舖蓋在麵條上，拌勻䓤蒜和麵條，甜甜鹹鹹，很美味。招牌生煎包：外皮煎至金黃香脆，內餡肉汁豐富鮮甜，有點燙咀，但還是還是忍不住一啖食晒。凍豆漿：淡淡的豆香味，感覺還有微微豆粉在豆漿中，相信是新鮮自製豆漿，微甜感覺很健康。劉興記生煎包專門店 (旺角)旺角通菜街1M-1T號華發大廈地下D號舖

女人街嘅餐廳真係勁多🫶🏻好多都要排隊~今次就排咗間生煎包專門店瀨尿蝦生煎包(2隻) $28見到話係首創又店長推介就即刻點咗🦐第一啖就咬到啲汁爆出黎，搞到成枱面都係💦好鮮甜嘅瀨尿蝦味而且比一般生煎包多汁！必點原味上海小籠包(4隻) $40好薄嘅皮～夾嘅時候真係要啲技巧💦入面啲湯汁會浪下浪下✨裏面舊肉都好鮮甜～出色！招牌炸豬扒拌麵+生煎包(1隻) $54炸豬扒唔係厚粉果種🐷係生炸酥脆嘅口感！拌麵有蔥油+炸蔥絲💯咁樣嘅配搭好香口雞湯小雲吞(12粒) $36細細粒嘅豬肉餡雲吞🫕口味清淡，食完咁多濃味香口嘢之後啱曬～有點到跟餐豆漿就有得無限添飲，飲完店員仲會主動斟🥛埋單先百零蚊～排咁耐都抵翻曬回頭指數：🧡🧡🧡🧡🧡/5