劉興記生煎包專門店

營業中

休息中

今天來了這間生煎包專門店吃生煎包一時多，在猛烈太陽底下，站着排隊等位，幸好不算太久，十多分鐘就輪到我們了。店舖不大，都是拼桌，吃完就走。掃二維嗎點餐，瀨尿蝦已售罄，小籠包亦是。點了蟹黄生煎包（兩隻）招牌生煎包（兩隻）招牌炸豬排菜飯+生煎包（\隻）配凍豆漿。太多人叫生煎包，催促許久仍在煎中，豆漿也是叫了幾次才送上。不久，豬排菜飯到了，但送的生煎包就沒有來，到最後，還忘記了，催促了N次才補上，但就暖和的第二次下單，點了涼拌麻醬青瓜雞絲粉皮，十分失望粉皮吃不下去，埋單走人整體來說，這店的生煎包是不錯，但未致絕驚艷，遺憾未能吃到瀨尿蝦生煎包，估計可能是因為價錢便宜，生煎包味道不錯，才會這麼多人光顧。至於其他的菜色不如我過往光顧過的上海店好吃，菜飯一般，雞絲粉皮不正宗，也不好吃，不推薦到生煎包專門店，主要就是來吃生煎包就是。

🥟 劉興記生煎包專門店：旺角街頭的爆汁盛宴 **生煎包｜黃金脆底的罪惡藝術** 招牌生煎包是靈魂所在——包底煎出誘人「金黃蕾絲邊」，咬下瞬間「咔嚓」酥響，滾燙肉汁隨即噴湧！豬肉餡肥瘦勻稱，混入香蔥與芝麻提鮮，湯汁豐盈卻不膩口，唯需小心燙舌。若運氣佳，可試 **蟹黃生煎包**，蟹粉鮮甜與肉香交織，層次更勝一籌。 麻醬雞絲拌麵｜冷熱交鋒的夏日救星** 雞絲嫩滑不柴，手撕粗條保留肉感；麻醬濃稠帶花生香氣，拌入彈牙上海麵條後，每根裹上醬汁卻不黏糊。亮點在青瓜絲的爽脆與白芝麻粒的焦香，平衡油潤感，夏日食極開胃。惟部分食評指麵條偶有軟爛，建議即拌即食。 糖醋骨菜飯｜酸甜轟炸的懷舊演繹** 排骨炸衣薄脆如紙，肉質柔嫩帶軟骨嚼勁，糖醋醬酸香明亮，撒上芝麻添香。可惜菜飯表現普通：青菜切碎卻稍油，米飯黏度不足，與糖醋骨分食稍欠融合。

🥢早幾日收工同男友又去左通菜街搵野食。因為晏晝我哋響公司都有同事請食下午茶，所以覺得好飽，見到呢間劉興記，菜式都幾清淡就同入去坐左左。🥢我哋叫咗幾款一齊分黎食。雞湯小雲吞有18粒配一個生煎包，$54；一個高湯上海麵，$20；四隻上海小籠包，$40。🥢個生煎包超正，真係爆曬汁，入面啲肉都好鮮味，再嚟食都一定要試😋。🥢小雲吞就一般般，皮都算薄。🥢上海麵煮得唔錯，都夠腍同彈牙。🥢小籠包正，夠大粒，入面都係肉嫩多汁。🥛原來呢度嘅豆漿係可以任飲，一啲都唔甜，自家製嘅豆漿超正，我飲咗好幾杯😋

今晚跟朋友出到旺角，遇見「劉興記」，早前我曾去過大圍分店，試過不錯，便介紹朋友一試。這店最叫我念念不忘的當然是「爆湯生煎包」及任飲豆漿。每個套餐只需$54，而每個餐皆配以一個生煎包。我的朋友第一次吃，便大讚不絕這生煎包！山煎包底部煎得香脆，面層保持軟腍，內裏爆出湯汁，而且size算是大個。朋友慨嘆為何沒有生煎包套餐…當然，其他食物也同樣出色，雞扒外皮香脆，肉質嫩滑。雞湯雲吞皮薄餡靚，細細粒容易食，湯底清甜。涼拌青瓜粉皮份量不少。豆漿冰涼而不會太甜。這店的服務員也很有禮貌。

前幾日喺旺角行街，終於朝聖到呢間成日見人打卡嘅劉興記生煎包！之前已經見到朋友 社交平台話爆汁到成件衫都中招，今次我就約埋舊同學嚟試吓🤣去到夜晚七點幾，雖然冇大排長龍，不過都要喺門口等咗十零分鐘。店鋪面積唔算大，坐得比較逼，基本上係快食快走型🙈⋯⋯⋯⋯⋯⋯⋯⋯⋯⋯⋯⋯⋯⋯⋯⋯🥟 招牌生煎包四隻（$35）真係要讚👍！每隻都煎得金黃色，底脆得嚟唔油膩，咬開一刻即刻爆汁💦，湯汁係滾燙嘅嗰種！啲豬肉🐷餡好鮮，配埋芝麻好香～ 但係千祈唔好心急咬落去，小心燙親！🍜 招牌炸豬扒湯麵 + 1隻生煎包 + 嘢飲（$62）湯麵味道偏清淡，湯底冇太大驚喜，但勝在唔油。豬扒算係幾出色，外層炸得脆😋，唔會太乾，肉厚啖啖肉。🐔 麻醬手撕雞絲冷麵（$55）手撕雞冷麵睇落色澤好吸引，簡直係我的至愛，芝麻醬香味好突出。雞絲份量唔算少，配上粗身麵條夠爽口，食落好有「咬勁」。每條麵條都掛滿麻醬，同雞絲夾埋超夾🤩📌整體：✨生煎包絕對係招牌！湯多味鮮，皮脆餡靚，值得一試。✨建議避開繁忙時段，唔係就要等位✨價錢合理，人均消費$40-150

旺角通菜街特色餐廳好多，今晚晚餐就揀咗呢間「劉興記生煎包專門店」。客流雖多，不過員工服務真係幾好，感覺舒服。🔆招牌生煎包上枱熱辣辣，煎到金黃色，咬一啖已經feel到啲肉汁流出嚟，好正！🔆招牌炸雞扒菜飯 + 生煎包雞扒炸得啱啱好，惹味。🔆麻醬青爪絲粉皮我係好鍾意食粉皮，味道唔錯呀。🔆原味上海小籠包小籠包同生煎包雖然口感唔同，不過一樣都係熱辣辣又Juicy，好好味。🔆低糖豆漿豆漿新鮮，叫任何套餐或滿$60或以上，豆漿任飲，好抵！

劉興記是一家專注於生煎包的專門店，以其獨特的口味和新鮮的食材而聞名。午市時段幾乎座無虛席，顯示出其受歡迎的程度。麻醬青瓜雞絲粉皮以清爽的青瓜和嫩滑的雞絲為主角，搭配濃郁的麻醬，口感層次豐富。粉皮的口感柔韌，吸收了麻醬的味道，讓整道菜更加美味。清新的青瓜增添了脆口感，十分適合夏季享用。生煎包生煎包是劉興記的招牌菜，外皮金黃酥脆，內餡多汁。每一口都有濃郁的肉香，搭配少許的湯汁，令人垂涎欲滴。包子底部的焦香更是提升了整體的風味，是必點的美食。雞絲酸辣湯（細）這款酸辣湯以其清爽的酸味和微辣的口感著稱，雞絲的鮮嫩與湯底的搭配相得益彰。雞湯小雲吞（18粒）小雲吞的皮薄餡多，雞湯清醇。豆漿自家制，豆味濃厚。

一直想試下瀨尿蝦生煎包，今日放假帶埋媽咪去朝聖！一坐低就送上可以無限續杯嘅鮮磨豆漿，豆香濃又唔會太甜👍雞湯小雲吞（12粒）湯底清甜，雲吞皮薄餡靚，加埋炸蒜超香！12粒兩個人share啱啱好。瀨尿蝦生煎包（2隻）必試！創新地將港式瀨尿蝦融入上海生煎包讚。一咬爆湯，瀨尿蝦鮮味十足，皮脆餡多！原味上海小籠包（4隻）表現中規中矩，皮薄湯汁多，肉餡份量適中。招牌炸雞扒意外地出色！外皮酥脆不油膩，雞肉醃得入味，肉質嫩滑。雖然唔係上海嘢，但值得試！手工豆沙窩餅金黃酥脆的外皮包著綿密豆沙餡料，甜度適中不膩口。作為飯後甜點，份量剛好。生煎包確實出色，整體而言係值得一試

之前看過廣告小籠包生煎包蟹黃麵都很吸引，所以專程過來一事，先點了酸辣湯，加蟹粉小籠包，和一個瀨尿蝦生煎包，等了大約五至10分鐘，賴尿蝦山煎包先上台，滿心期待，第一啖放進口裏，是凍的！不是和暖，是(凍)!! 就沒有發現什麼瀨尿蝦，一小塊也沒有，亦沒有蝦味，吃了一口便不吃了，接待再上的是酸辣湯，賣相已經很不吸引，誰有料到，又是凍的！！那麼我便問一下姐姐服務員可否換一個月的給我，她說可以馬上換給你。。。。3分鐘後再拿過來的酸辣湯又是凍的，那麼我便放棄了那個酸辣，一口也不想吃下！最後來的蟹粉小籠包，終於都是熱的，味道一般，沒有很澎湃的蟹粉味，味道跟一般的小籠包沒有什麼差別，還差了點味，很淡的。不會再回來，難怪香港的飲食業那麼多餐廳倒閉，不是用心想做好食物，就不要開餐廳了吧。

今日同男友去做workshop, 緊係要食飽飽先去上堂啦，呢間抵食好味嘅生煎飽，係我哋間中都會encore嘅小店差唔多lunch time 都全店full house等咗幾分鐘就可以入座QR code 自助落單好方便除咗有豆漿任飲優惠外，都有水供應，唔錯唔錯天氣熱，唔想食湯麵，撈麵就係夏天嘅好朋友麻醬手撕雞冷麵手撕雞啖啖肉，份量超多，唔係得幾條雞絲求其了事，香濃嘅芝麻醬撈埋一齊，每條麵都可以掛到醬汁，食落好開胃招牌豬扒蔥油撈麵由於豬扒即叫即炸，製作需時但是上枱熱辣辣，香噴噴豬扒就像吉列豬扒，外皮酥脆，咬落「卡嚓」聲豬扒肉鮮嫩柔軟，沒有炸到變乾柴不過拌麵帶點甜和油了一點相比麻醬那個遜色　招牌鮑汁生煎包店裏講到明：「生煎包沒爆汁，可免費更換」我們由以前吃到今日，都從未遇過沒有爆汁的生煎包生煎包都是熱辣辣，基本上每台都是必點的食物所以貨如輪轉，生煎包也需時製作頂頂部份是軟糯的外皮，底部是煎到脆口食過就知點食係最保留到肉汁先在頂部咬開一小孔，比佢散熱之餘又可以啜走啲汁想調點味可以加點醋降膩感生煎包每粒都大大粒，肉汁有一湯匙咁多，真係爆汁，無誇張入面仲要啖啖鮮肉，啲肉都係堅持用新鮮肉架所以抵佢長

人氣生煎包專門店，用料考究，餡料堅持使用本地新鮮豬肉，更明言「不爆汁」或「不夠熱」可以免費更換，保證食客滿意，非常窩心。招牌生煎包，皮薄餡滿，真材實料，強勁爆汁效果，味道濃郁。最近更推出全新口味癩尿蝦生煎包，瀨尿蝦本身多汁，經過生煎後，肉汁被鎖在麵皮內，為食客帶來新鮮感。蟹黃生煎包也是這裡的大熱，蟹皇香濃，非常惹味，同樣做到爆汁效果，一咬開即有濃濃的蟹油溢出，上海排骨菜飯也很不錯，排骨即刻叫即炸，金黃酥脆，再配菜飯好有正宗上海菜的滋味。

今次係我第二食🥟劉興記生煎包專門店🥟，好耐之前喺荃灣食過，就係啱啱開張嘅時候，今次再食睇吓佢嘅質素有冇變先，有啲餐牌已經唔同咗同埋佢哋嘅豆漿基本上$60以上都係任飲😍，都係一個賣點最傳統嘅招牌生煎包仍然keep得水準😋，今次我叫咗六件 $50 :佢做到鄙薄餡靚之餘裏面嘅湯仍然係爆汁🤤,仲有震撼感喺度，而每一隻都煎到幾乎一樣都係金黃色👍🏻,本身仲諗住想試佢新出嘅瀨尿蝦生煎包但已經沽清，其實好多款嘅生煎包同小籠包都沽清，冇辦法，事關真係性價比高👏🏻👏🏻，keep住出面都排隊，唯有下次再試😌另外仲叫咗個🐔麻醬手撕雞粉皮 $50 :佢嘅粉皮做到爽口，手撕雞都幾多，麻醬又夠香濃，所以食落都唔錯👍🏻🐷招牌炸豬排拌麵 $45 :本身仲以為佢有微粉紅唔熟，但原來呢個先係佢哋嘅精髓，咁樣先可以令到豬扒本身唔會韌👍🏻，通常炸物點都一定會熟晒，相對地肉質都會比較老，但呢度嘅豬扒口感唔錯，食落都幾嫩，絕對唔乾身，價錢仲要超抵添🙌🏻🙌🏻

一直都好鍾意食生煎包，見到好多人介紹呢間生煎包專門店，而且開到周圍都係分店，但係一直都冇機會試，根本終於有機會嚟試吓啦。一坐低已經擺低咗一杯豆漿，仲以為比錯咗，原來呢度嘅豆漿係任飲㗎，唔怪得咁多人讚呢間舖頭啦，老細果然好識做生意。佢嘅豆漿唔會太甜，豆味好濃郁，真係好值得欣賞啊。我覺得最值得讚賞嘅就係呢個酸辣湯麵，因為佢嘅酸辣湯唔會太辣，但係味道好夠，越食越開胃。而且佢嘅麵煮得啱啱好，配埋酸辣湯真係好好食。另外佢嘅菜飯都好出色，我朋友叫咗個雞扒菜飯，估唔到生煎包專門店嘅雞扒都咁出色，我朋友話下次都一定會再嚟食呀。呢間餐廳價錢超平，而且質素好好，唔怪得開到周圍都係分店啦。

星期五同朋友岀旺角，之前佢一直想試下瀨尿蝦生煎包，所以就同佢去劉興記。因為接近午飯時間，又知劉興記都多人食，去到已見有人喺門口等都驚要等好耐，好彩都只係等左一陣，識員好快安排到入坐。去過幾間劉興記嘅分店，旺角呢間嘅裝修都幾有特色，坐都算舒服。點餐係用QR code 可惜瀨尿蝦生煎包已經售罄無得食，咁我哋決定豪豪哋食蟹黃拌麵，當然唔少得朋友最鍾意食嘅生煎包，同埋比我最鍾意嘅酸辣湯。蟹黃拌麵（$150）蟹黃麵係分開上，蟹黃份量超多，足足有一碗，面嘅份量都大。蟹黃一上枱就有蟹嘅香味，將蟹黃倒落去面嗰度撈勻，每一條面都可以沾到蟹黃，蟹黃夠多夠香，加埋蟹肉大滿足。生煎包（4隻$35）劉興記最出名嘅就係生煎包嚟到點可以唔食呢？咁啱我哋坐咗冇幾耐呢就有個客人大叫話點解啲生煎包唔熱嘅？職員冇多問好快幫佢換過一碟，呢個服務態度真係難得一見。而我哋食嘅時候呢新鮮包依然係熱辣辣，亦都一如以往咁爆汁，個包底亦都係好脆。雞絲酸辣湯（大$45）$45一碗大大碗，兩個人可以分到每人兩碗。材料好足㗎，雞絲又唔好韌，喺出邊好難飲到啲咁平又足料嘅酸辣湯。豆漿（免費）一坐低職員就首先俾咗兩杯豆漿，豆漿係唔使錢㗎！職員仲會為

12點準時殺到，開門5分鐘唔夠已坐爆8成，勁誇張！店員手腳快又熱情，水同豆漿免費任裝唔嬲，抵讚！ .🔥 🐥招牌炸雞扒湯麵塊雞扒即叫即生炸，外皮脆到咔咔聲，咬落去啲肉汁標出嚟，超嫩！個湯底加咗辣醬，嗦嗦聲咁吸麵，惹味到停唔到口！ .💥 🥟招牌生煎包 (2隻)等足15分鐘，熱辣辣上枱！聽勸攤凍30秒先咬，點知一啖咬落——啲湯汁「咇」一聲爆出嚟！誇張到倒滿成隻湯匙，鮮甜肉餡夾住香脆包底，燙嘴都值！