影片
食評 (4)
第二次幫襯,也是後一次。 第一次和家人去幫襯時是星期六, 人山人海,叫了蒸肉餅, 炒菜同雞煲,真係 咸到飛起, 唯有賴客人太多錯手放多咗鹽。第二次同朋友經過見得兩個人在內完全唔洗等位, 再試!叫了套餐,等咗一陣, 中湯咸到苦, 雞煲仲咸過上次, 朋友食咗兩舊完全食唔到落去。蒸魚係我有生以來食過最咸同最腥的, 都係食唔到。白飯可以食之外, 無野食得。食咗一半, 愈食愈咸,火速埋單, 見到有個阿伯企係收銀側,比完錢, 笑住仲要 細細聲同佢講咗句, 你個雞煲咸到我地食唔到, 點知呢位阿伯瞄咗我一眼, 再不屑咁哼咗一聲。為健康著想, 我同家人, 朋友都唔再幫襯, 同一條街有好多美食, 你繼續堅持你既所謂無味精咸死人小菜我唸唔到有咩理由再幫襯你。
繼續閱讀
今日同家人食晚飯, 經過大角咀埃華街，試咗呢間劉宋記食坊。一試真係好正呀!忍唔住即日上嚟寫返個食評呀。我地一行四人，叫咗兩個煲仔，一個菜同賴粉。埋單只係150咋.......但大家都食到好飽同好滿意呀。呢間餐廳既賣點係無味精，不含人造色素，無添加。因為友人係對味精敏感，即使只係丁點咁多味精，佢都會周身唔舒服。但係唔好以為呢間餐廳無味精就唔好味喎，佢勁正，又香又熱辣辣，入冬後一定會再去過，到時肯定仲正呀!個菜炒得好好, 個付乳味好濃，個生菜仲好嫩滑添~~仲要介紹個排骨煲呀, 豬潤勁正，排骨係用新鮮排骨，一食就知唔係雪藏貨，仲好惹味呀!跟住就要講下個蘿蔔煲，個蘿蔔本身己經好甜，無渣仲要係超入味呀，鍾意食蘿蔔既人唔可以錯過。至於個賴粉都唔錯，可以講係個湯一定唔係味精湯，好健康呀。係大型食肆壟斷既情況下，呢種小食店真係更加值得支持。侍應都係上了點年紀的叔叔和伯伯，但態度很好，又有禮貌，最窩心是媽咪漏了電話在枱面，我們己埋單出了門口，之後有個女侍應追上來交還。哈哈~下次一定會再去。
繼續閱讀
見佢都開左一排, 本來冇諗過幫襯, 不過有日諗唔到食咩, 即管試下蟹煲 - 我鍾意食蟹, 所以都肯定會試呢樣, 而且見到上一個食評好似幾好, 結果都幾失望, 隻蟹好細, 肉蟹蟹膏少都算, 但連個鉗都冇乜肉, 營養不良咁, 而且唔入味蝦煲 - 收得 $88 4 隻我諗住應該有返咁上下 size, 但又係失望, 基圍蝦咁o既 size, 而家 D 蝦咁貴咩... 不過呢個比較入味鮑汁豬手雞 - 家人鍾意佢個汁 + 燜得夠稔, 不過稔到好似煲湯雞咁我就唔知有咩好食o者o者骨 - 我覺得最好係呢個, 排骨爽脆入味另外, 雖然都唔係 expect 有咩環境, 但主打煲仔菜係咪應該開大 D 冷氣, 好熱總結, 如果叫肉可能都 OK, 叫海鮮類就似乎唔多掂, 冇乜興趣再幫襯
繼續閱讀
響尼頭番開工, 不嬲都知大角咀多野食架喇! 上禮拜同老公仔又黎尼度"搵食", 見到尼間新開, 個名又幾搞笑咁, "留餸記", 哈哈, 就入去試下! 點知有驚喜!!!!入去坐低, 環境都ok, 始終新開, 有小小簡陋, 但都乾淨舒服。see see menu 先, 都係以煲同海鮮為主, 價錢都適中既 見張張枱都叫個蟹煲, 中意食蟹既老公仔同我就梗係唔輸蝕, 整番鍋啦! $88隻, 叫左兩隻, 一人一隻, 嘻嘻! 再加個班腩! 搞掂!班腩煲黎了! 都ok, 幾夠味, 不過魚肉唔夠爽口, 略遜老公仔同我期待的蟹煲來了!! 一開蓋就知係靚野, 我地兩個好似雙眼發光咁, 哈哈!尼個煲真係唔錯! d蟹好新鮮, 唔會太多調味料, 食得出好香鮮的蟹肉味! 好鬼好味! 勁多蟹膏, 正!啖啖肉! 好鬼正!響尼個價錢黎講, 真係抵食! 回味無窮, 推介!!!另外仲見到有個豆腐煲同肉味紫菜煲, 好似幾得意!總括黎講, 下次都會番黎食, 尤其個蟹煲, 諗起都流口水呀唔錯!
繼續閱讀