1
1
5
營業時間
今日營業
11:00 - 15:00
18:00 - 22:00
星期一至六
11:00 - 15:00
18:00 - 22:00
星期日
全日休息
付款方式
現金
食評 (11)
等級3 2019-09-05
268 瀏覽
今次冇影相,齋用文字分享。事緣小弟會成日喺度轉車返屋企,所以通常喺度食埋夜晚飯。其實一早知角落頭有間「日本料理」,但總係感覺奇奇怪怪,因為餐牌上嘅嘢食半日不中,似係啲港式日本餐仔,所謂日本料理都係得個名。今日真係唔知食乜,就鼓起最大嘅勇氣,行入去,攞自己個胃做個實驗。天氣仲係有啲熱,所以就諗住叫個冷麵食。一路以來我認識嘅冷麵有兩種,第一就係中華冷面,賣相好似撈麵一樣;第二就真係一碗拉麵,只不過唔係熱辣辣,而係冰涼版。當我見到有樣嘢叫「叉燒拉麵」,我就以為係後者。點知,見廚房出菜嘅時候,點解會有一個大湯碗+1隻碟呢?原來湯碗係用冷麵汁加冷麵,中間灑上一些芝麻,而個碟就裝住大約6塊嘅厚切叉燒,論份量來講,有6塊厚切來講份量真係絕對唔少。帶賣相就真係好中式,似乜呢?就好似阿媽屋企嚿煲湯豬肉,厚切完之後用一啲照燒汁撈返佢,未到來講,就係啲照燒汁嘅味道再加一夠煮熟嘅豬肉囉!同我心目中一碗冰凍版嘅叉燒拉麵,完全係爭一哩路咁遠!好啦,試吓個麵汁,甜到一個點,根本就係原裝麵汁,完全冇其他嘅調味調配!我印象中食中華拉麵嘅時候,麵汁唔會死甜,只會微甜帶一點酸,亦帶一點鰹魚汁嘅味道。至於個拉麵,事實上好彈牙,但無論點彈牙,配上呢個咁甜嘅汁,已經冇晒心機食,所以我只食咗一半就放棄!所以,整體來講,實在係超求其嘅中伏之選,叫價$50!求其過隔離是但一間茶餐廳,加多$10 ,已經有例湯有個小炒加碗白飯,整多杯嘢飲!之後望返啲食評,話樓面個聲稱係老闆娘態度非常惡劣而且粗口爛舌鬧啲員工,當晚就冇發生過,但只覺得阿姐對住自己夜晚啲熟客會特別好相與。但同樣地大部份人都係鬧緊啲嘢好難食,而當晚其他食客主要都係叫兩樣嘢食,一就係乜乜生姜燒,第二就係乜乜錭,我懷疑剩係得呢兩樣野叫做好食啲。其實只要買支好味啲嘅汁嚟煮,真係難食都有個限度。但我真係冇乜勇氣再試第二次。或者再等耐啲,等我忘記咗呢次咁慘痛嘅經歷之後,又唔知做乜發花癲又話鼓起勇氣試吓第二樣嘢先再嚟過啦! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-08-09
163 瀏覽
我係新搬黎住既人,星期六夜晚吾想煮飯就決定出街過對面美景花園食晚飯,其實美景呢度真係好多餐廳選擇,我地睇左好多間都吾知食咩好,行入少少見到轉角位有間日本料理既鋪頭又幾有特色,甘就打算幫襯下,結果又真係吾錯,我地叫左份牛肉炒野菜,魚柳冷麵,魚生飯,個牛肉炒野菜炒得夠香而且真係好食,魚柳好有魚味👍🏻至於魚生飯 三文魚亦都好新鮮,雖然吾係話特別高水準但不過真係值得一試,吾係話好好食,但至少呢個價錢食到呢個味道,係值得令到我地再去幫襯,呢間鋪吾算大但店內都有少量嘅日本餐廳嘅佈置。本身食完打算坐多陣但不知是否因為禮拜六的關係,門外也有很多人在等位,所以我們食完就急急腳埋單。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-05
392 瀏覽
因為番學既緣故,又唔想食學校CANTEEN,就去左附近既前田町壽司和食。因為係LUNCH TIME時段,人很多,等左5分鐘有位了。食碗麵都要受氣,呼喝我地,小店員都係咁,超無禮貌同連基本尊重都無,好快快點食完就走。我諗應該唔會搵到態度更差嘅食肆,係嬲嬲地既情況下叫左個E 餐,叉燒雞肉串拉麵+ 一杯凍奶茶。(凍飲加HKD3)嗯,我諗大家睇相都知有幾CURSORY RICE FEEL,叉燒根本就係劣食,食左一啖都唔想再食呀。食得落既得好似7-11有得叮既雞肉串,起碼有D味道同埋有汁。至於個拉面,唉,用垃圾黎形容都唔過份,我都唔想浪費食物,成個面既面質比較林身。你睇下隻蛋,唔係流心真係好FELL呀!!! 繼續閱讀
(以上食評乃用戶個人意見 , 並不代表OpenRice之觀點。)
等級1 2018-08-31
344 瀏覽
老闆娘態度極差事原是這樣的,剛下班打算和家人一起去吃晚餐,看了看四周好想吃一下日式料理,然後就去了這間餐廳。進店後,店內只有2個人,那我們4人就行去角落坐,由於店內真的只有2位客人,他們坐在好遠,而我們又拿著一個好重的袋子,那麼就拉張椅子放著,等有人要用時才拿走。等餐來了部分時,一名年紀算大的大嬸在廚房走出來就指著我們的袋命令式的說:,然後我們就問他能不能拿圓椅子放(圓椅子摺著放在墻邊的),然後那女人說:然後我們當時呆了。就快吃完晚餐時,我們聽到那女人在廚房一直超大聲的駡著,不知在駡誰,反正外面的食客都聽到她在大駡粗口(不包括我們4位應該還有5位),之後不會再來這間吃了呵呵。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-06-26
285 瀏覽
貼錢買爛受食碗麵都要受氣呼喝客人嘢又唔係特別好食連啲小店員都係咁以為自己係邊位, 可以咁無禮貌同人講嘢連基本尊重都唔識無乜競爭以為自己好巴閉應該唔會搵到態度更差嘅食肆 繼續閱讀
(以上食評乃用戶個人意見 , 並不代表OpenRice之觀點。)