刻咖啡 (已結業)

因工作關係星期六要到紅磡一趟, 望吓手錶已經係下午2點半, 好隨意咁行入呢間HEART CAFE, 真係鋪如其名, D 姐姐服務好好, 見我一個人, 就安排一張角落給我, 不用給別人打擾.  點了一個SET LUNCH( 唔好意思, 真係忘記咗個名)她們的上菜好像酒店咁, 先來餐飽和湯,  見到我完成咗頭兩樣野就會好迅速地捧上主菜, 十個LIKE 呀薯蓉好CREAMY, 露筍好爽脆, 魚前得 剛剛好, 不過都要小心有少少魚骨. 整體上真係唔差, 小小一間店鋪, 真係要多多支持…查看更多

每月都會去依度食幾次黑松露意粉 ，但食完今次之後唔會再有下一次！ 今次去食都係食番 G6黑松露意粉,點知佢上嚟呢就唔係黑松露係G1嘅意粉（意粉有绿色汁圍邊）， 我同佢講我要G6,唔係G1, 跟住佢就話拎返入去，再給我一碟所謂黑松露意粉，結果呢就係佢G1 倒返落去加左少少……黑松露炒一炒拎返出嚟比我，我問佢綠色嘅係咩呢？佢話轉咗師傅绿色汁係伴碟，我唔係第一次食，黑松露意粉從來無紅椒及洋蔥炒，D 黑松露味一D 都無，想問吓D冬姑去左邊？跟住佢話再做過一碟比我，結果……同樣再用同一碟意粉再加多D啲黑松露再炒及換過隻新碗畀我，就當係新的一碟，D 意粉炒過3次点食， 2種味唧意粉溝埋一齊炒点食呀……，意粉都要百多元，咁樣欺騙顧客點咁樣呀！點樣再去幫襯下？但我亦有付錢，永無下一次…查看更多

同事建議到刻咖啡用膳，我最無最謂，食個港西午餐好呀。一別多月，環境依舊，但人臉全非。職員每個臉孔都非常陌生，還用普通話交談？已轉手了嗎？已被國企收購？耐心地在門口罰企 20 分鐘，終於安排到座位給我們，要急急點菜，lunch 時間短速又緊迫。青島忌廉湯？什麼的？千島忌廉湯？沙律醬湯？原來是青豆忌廉湯，真的弄得我們一頭霧水，哭笑不得。一坐低已看到支叉有污漬呢，我笑住禮貌地要求侍應換過支叉，誰知她居然黑面唔出聲亦無接過支叉，掉頭走去拿支新的遞給我，隨即行埋一邊大大力、嘭嘭聲收拾檯面碗碟，是我多心了嗎？感覺氣氛不良好。青豆忌廉湯，忌廉味霸道濃郁，質地滑滑，豆味清爽，幾好味喎，連辣椒仔都慳返。餐包，暖暖麥包外脆內軟加牛油好好食，雖然成舊牛油無溶過。香草羊扒意粉，羊扒 lamp chop？如何分別羊架及羊扒呢？點會著全熟架，少點牙力都唔掂，要耐心地趙多幾下先吞到落肚。Order 時都諗過要否叮噣要 5 成熟，誰知中伏了！您估中餐炆羊要全熟咩，西餐黎架。其實味道唔錯架，浪費了一件靚羊扒！無汁可撈意粉，白烚意粉無味，唯有撈芥辣汁，好攻鼻呀！但感覺好正，驚喜的配搭，好食！焗意大利菠菜雲吞，茄汁完全係 pizza 個茄汁，味道怪怪的，完全唔夾。芝士不香不甜，菠菜餡太少，食到皮食唔到餡，整體似食緊粉團，失敗。 牛角包，肥嘟嘟的牛角包都是第一次見，機乎無角的牛角包。凍都夠脆夠香，跟湯同吃也不錯。煙豬柳意粉，我看漏眼嗎？不是豬柳，來的是片啊，情緒跌落谷底。份量真的有點細，多一部就差不多喇。感覺食緊咸肉片或硬午餐肉，沾上咸咸的醬汁就更重口味，立即捲上大量淡口意粉中和一下，可以接受得到。意粉用油撈過？滑就滑但油淋淋呢。蜜糖豆腍劈劈煮到過晒火，其中一條仲有渣呢，豆角及車厘茄就還可以。連廚房師傅都轉晒嗎？質數不及之前呢。熱齋啡，樣子甜美吸引，氣味芬芳。但入口強差人意，水汪汪而味淡，欠缺油份及幼滑感覺，麻麻地。同事見我食唔飽，慷慨地賜我一件小西冷，感激萬分，切都不用切，整件塞入口啦 ﹗比起煙豬柳片好食百倍，雖然同事 order 的 5 成熟西冷來的是 7 成熟，幸好不鞋不韌有咬口，牛味濃而有肉汁，滿意的。食飽飽著瘦妹埋單，竟然不懂廣東話埋單？要另一侍應翻譯。同事稱此餐廳好似係社企來的，但我覺得似國企多過社企，沒有一個是操流利純正廣東話啊。…查看更多

今日落大雨，四周圍食晏晝都排長龍，所以揀咗 heart cafe 排隊，起碼佢有兩間舖，等左差唔多15分鐘有位。一向知道佢係社企，所以對佢特別包容，點知食物出品真係越嚟越差。服務更加係唔使講，做嘢毫無系統。湯同麵包好似留咗單咁，追咗兩次，你都粟米湯溫度和暖，我覺得唔夠熱。美味度大減，而餐包就係凍嘅，都OK無所謂。我用＄118食嘅黑松露大蝦意粉，望落去好似都幾多黑松露，點知食落去大部份都係黑椒，我自己感覺就好差啦！好似用啲黑椒來呃我，聞到有黑松露味但係完全食唔到，蝦沒有鹹味，淡嘅食完呢餐心情好差…查看更多

有朋自遠方來專程搵我食晏晝我就請佢坐得好啲食物就肯定一般架啦呢間餐廳嘅服務更加係唔合格只不過落雨濕濕唔想周圍行午餐有餐湯餐包嘢飲主菜我揀咗焗豬扒飯真係要等好耐我等左半個鐘睇個面好似幾靚But 裏面只係溫暖豬扒肉質比較鞋口同埋乾我叫左杯凍奶茶扮晒太興唔落冰…查看更多

我吔呢班打工仔,通街走直頭系壞腸胃, 搵嗰些少到月底點夠洗,確系認真濕滯 紅磡真係好難搵食, 食個午餐都$100幾十! 見呢間cafe仔有位, 坐低醫肚.前菜沙律乜都冇好普通, 重要啲沙律唔太新鮮, 比我見到真係冇晒胃口 煙三文魚炒意粉, 煙三文魚細片又好鹹, 顏色深沉無光澤, 食唔出有魚油香.意粉係好濕好淋, 無口感!連凍檸檬茶都唔ok⋯⋯枱面癡笠笠, 最後就係服務員嘅態度, not good!…查看更多

今日lunch 30幾度烈日當空落街第一時間衝入有冷氣嘅地方紅磡廣場得兩間係比較易搵位嘅Cafe就揀咗呢間社企支持伯伯落力推銷的黑松露大蝦意粉不知道是不是餐牌最貴的一款意粉索價＄118餐湯是忌廉蘑菇湯感覺還可以餐包都溫暖感覺可是主菜卻令我感到超級10分失望通常黑松露菜式一上枱香味會即時湧向鼻尖但是這個意粉一上枱我只聞到黑椒味食咗兩啖發覺除咗香草味蒜蓉味同黑椒味我根本食唔到黑松露味意粉裏邊只混有少量黑松露但望落去就好似好多原來係黑椒OMG極度失望用餐嘅環境普通呢個價錢叫我點樣再繼續支持社企落去呢最後仲加左＄5要朱古力奶有顏色冇味道$123 啊⋯⋯不便宜的午飯旅行回來想吃好一點有期望變得更加失望…查看更多

放假日，去到紅磡約舊同事食個lunch兼吹水:)去到紅磡廣場見到刻咖啡，就這𥚃吧！餐包～有點過硬但溫度夠熱仲有銀寶牛油餐湯～羅宋湯，茄味濃郁而且什菜多芝士菠菜意大利雲吞～芝士好似溶岩盤菠菜雲吞好好味，沒有肉也非常好味有粒粒蕃茄和青椒做配料，醬汁系鮮茄蓉汁非常開胃雲吞每件也好煙韌美味龍脷柳意粉～龍脷柳沒有雪味，意粉爽口有𡁻頭但鮮茄蓉汁和菠菜雲吞的sauce一樣沒有太大分別冰咖啡～咖啡味非常濃，而且香滑，奶和糖是由客自己加沒有加糖也好味，好的咖啡是不用任何東西兩個人hea 咗2個鐘而且店員服務好好，收費好街坊只須$150，有飲有食cp值很高，必定有下次…查看更多

層經有同事大讚依度既意粉好得，服務又好，但一直都無機會，今日終於有緣試試喇。原來兩年前我黎試過架，真係完全無印象，直到睇返 facebook 相簿先穩約記起乍，可想而知食完都唔會有難忘既感覺囉。幸運地黎到唔洗等可以即時入座，不過要搭枱呢，有個四眼仔食完仲要慢慢嘆住杯熱咖啡打機唔肯走。係紅磡廣場裡面每個舖位都幾細，刻咖啡都不例外。現時放左約十張二人方形細枱，迫迫夾夾，真係坐得唔多舒服架。有一個阿姐一個阿叔做侍應，服務中規中句啦，又唔係話特別有禮貌、又唔係特別熱情。除左 set lunch 外，仲有常餐喎，但要三點後，無機會試咯。見今日除夕，就特別地跟同事們出去食個靚午餐啦，平時我絕大部份時間都係一個人食，貪快麻。餐飽，叮完翻熱先上枱，熱辣辣幾好，夾埋成塊牛油一齊食，味道合格。 意大利雜菜湯，堅好味 ﹗夠香又夠辣夠，特濃蔬菜及蕃茄味道，連渣連湯全部食晒。 南瓜湯，黃肉既南瓜湯，我唔食南瓜又唔喜歡食甜的，試試無妨。好采剛好依個湯完全唔甜，反而有香濃雞湯味道，質感跟味道都似忌廉雞湯多於南瓜湯囉。青醬大蝦意粉，賣相非常中派，大兜亂唔多討好。睇 menu 中文好難明白青醬點解？原來係 pesto 香蒜醬。加入松子同青醬一齊炒真的生色不少，又有創意，味道更香口更豐富。大蝦鹽醃再啤水，我最討厭 ﹗口感十分假，雖爽但質感怪怪的，完全無蝦味無海鮮味，死實無生命 ﹗意粉處理得還可以，但無同事口中那麼出色。原本我都係想叫青醬大蝦意粉，但同事先 order 左，我又唔想食牛咁悶，最後決定鱲魚柳大家 share 可以試多一點麻。扒鱲魚柳意粉配香草汁，個汁非常厚非常杰，漿住既感覺好少見。食落有超濃郁忌廉味道，依個汁真係唔錯，可以加分，不過食唔到香草味呢。香草汁份量太少，根本唔夠同時滿足意粉同魚柳呢，最後有點乾哽感覺。香煎鱲魚柳，表層調味重手左，雖則煎得香脆，但略咸。裡面嫩而帶肉汁，先煎封魚柳鎖住水份與精華，做得好好。遺憾地外層太咸而裡面太淡，好需要剛才那個香濃香草忌廉汁配合及 balance 一下。意粉質感滑而咬落彈牙乾爽，無過火亦無過生，好滿意而且比剛才炒意粉更好。美國西冷 3 成熟跟意粉，外觀方面有花點心思，賣相及顏色都吸引。意粉乾爽很喜歡，幼身彈牙有嚼勁，不過濕不過腍。燒汁只有幾滴，太過少喇麻，意粉唔夠汁又無調味，結果味道有點單調，先用橄欖油炒炒會更好。有驚喜喎 ﹗ 高質西冷扒味煎得香氣撲面，廚師掌握時間及火喉剛剛好，3 成 rare 真係唔易控制架。係中間劏開檢一檢先，very nice ﹗鮮紅嫩肉，滑溜多汁。外層煎得香口惹味，濃厚牛肉味徘徊齒縫舌頭間久久不散。質地棉中富彈性，不乾不硬芥辣幾有趣特別。辛辣直上鼻孔，好鬼 hight。可以配溫和一點既蜜糖芥辣，效果會更舒服宜人。 伴碟既豆苗、蜜糖豆、車厘茄、脆肉瓜亦都不甘示弱，全部新鮮香甜，半件都不漏食晒落肚，清爽美味呢。凍齋啡好香即礳咖啡豆味道，跟茶餐廳完全兩回事，有質數。…查看更多

之前一直有幫襯因為杯咖啡真係幾好飲同埋係社企唔到啲阿叔阿伯雖然慢手慢腳但都算有禮貌但自從擴充左之後食物質素比以前差咗環境都比之前dirtyLunch around $70有湯有餐包忌廉湯幾creamy餐包係ok嘅主菜我揀咗食魚係好明顯嘅雪藏貨因為食落去淡而無味但就煎到乾爭爭不過都唔係重點因為有番茄汁所以都味道OK重點係碟意粉有兩條頭髮一條係短但係曲嘅食到一半見到已經無胃口食多兩啖有條超級長嘅頭髮真係想嘔X.x最後同經理反映我唔使佢換只係希望佢哋跟進一下衛生要搞得好啲同埋杯熱咖啡不斷在退步…查看更多

星期日晚六點幾食，無乜人，得一枱人食晚飯。。。點左兩個餐，我就食左個黑毛豬火腿飯，老婆就點左個西冷扒餐。。。成個食飯過程，無乜人，坐得舒服，waiters都好nice:)...等左陣，先比個紅湯加包，一般啦，出面餐廳飲開感覺，過多陣，就main course，賣相都ok，份量輕巧，我個黑毛豬，第一啖食，無乜特別，感覺食緊火腿飯，但之後慢慢食，食到d黑毛豬肉，咸咸地，飯汁又有種葡汁味，又開胃wor。。。。老婆塊西冷扒又係輕巧型，可能叫左七八成熟，少少過熟，應該六成好d:(，整體又係不過不失，最後order左杯咖啡，其實自己唔識品嘗，無乜comment…查看更多

幾年前曾經幫襯過兩三次，當時還打正旗號, 屬於姓馮立法會議員手的民間社企。事隔咁耐，已經無咩嘢印象，今天又剛巧再路過，店鋪裝修後, 闊大了，店員都多了，証明經營策略成功，不過，未知道是否還是社企，期間有無試過賣盤?....坐低，應該係新入職員工，餐牌都無比我，你眼望我眼，等我講食咩嘢, 而我只可以擘大口得個窿… (後面另一位員工大聲提佢：" 餐牌，餐牌..呀 ..." ...我問: 有無牛扒早餐? …. 咿咿呀呀 ... 牛扒 ...早餐，有…okay! ....咖啡，不算太濃的品種，無酸味，唔使加奶中和，齋飲也可以。多士，屬淺啡麥包，烘得一般，只中間微燶，牛油也只塗了正中心一部份。香腸唔係炸既，係煎, 因有燶燶一條痕, 煎得好, 合格，一讚。牛扒，與大家樂早餐的牛扒差不多大小, 而略為厚身一點，肥膏不少，質感與大家樂的一模一樣，都係醃粉重，軟口感。味道唔算鹹，但汁都無滴，差咗些少。四十二蚊，煎蛋都無一隻，放了一小兜茄汁豆。集團大家樂賣廿七蚊，便宜成半, 分別只係無咗茄汁豆，但人家多兩隻煎蛋，牛扒薄一點，麥包變白包。至於座位，主觀覺得大家樂舒服少少。未知是否還是社企....暫時比"OK"…查看更多

同老婆第一次去而間舖到食，可能紅磡廣場入夜後人流係極少......所以連等都唔洗等就有位喇一睇個manu晚餐選擇唔多，本身諗住叫豬手黎食點知賣哂唯有等下次先試喇叫左兩個餐，燒汁鴨胸意粉同白汁海鮮意粉晚餐黎個意大利菜湯同法包，湯調較得幾好咸酸適中!包就交貨☺值得一讚，湯已到人有三急行開左一陣，侍應姐姐自動拎左隻碟同碗湯蓋好😊正餐來喇，熱辣辣來了喜歡就是即叫即整, 味道方面，鴨胸煎得香口，汁唔會太'杰'太稀味岩口味，意粉夠彈口😋 海鮮果個餐d蝦係新鮮蝦黎(起碼唔係冰鮮) 整體都唔錯…查看更多

這天因為拿相機落呢個商場修理, 順便到上址嘆個TEA SET, 來紅磡工廠區返工一個多月, 感覺上係茶餐廳的天下, café這個詞似乎唔多被受落:(, 即使有也只是得個名, 實際做的是茶餐廳貨色, 或者在地鐵未打通之前,這區還是一個舊區而己, 當天只是想試一下這裡的咖啡, 因為他們貼了張poster出來, 特意註明這裏有個有 City & Guilds 咖啡調配師“沙紙”的咖啡師駐場咁話, 叫咗一個Latte & 香蕉蛋糕set, 香蕉蛋糕有返熱後給我, 重專登唧些糖漿在碟底, 一粒士多啤梨切半做裝飾, 蛋糕只是一吋高有香蕉香亦明顯食得到香蕉纖維但一吋得高度太簿沒有口感, 比起用糖漿不如加些打起的淡忌廉上面更實際亦更漂亮反正將件蛋糕番熱等工序都已經做了,唔爭在打埋淡忌廉啦, Latte就真的幾不專業, 個拉花模糊不淸也罷了, 個啡本身根本太弱被鮮奶完全蓋過, 她們還貼住張海報話教人學咖啡?? 好懷疑有無人學及有人學的話點樣去”教” ?…查看更多

其實係呢家餐廳, 我只係夠膽食麵包. 如果你睇埋落去以下的評語就會明白喇.佢地午市的款式中肉醬 意粉最差, 如用水滚好再撻一層有味的醬.互相不能協調. 咖啡--熱飲, 我已好幾次飲不下. 因為燶味很重 (不是風味!).這家店卻大賣廣告教人交學費學冲咖啡.碎蛋沙律三文治全靠有番茄, 很清新的口味.這裹的早餐份量只是一般, 很多時都覺得唔係好夠. :(homemade 甜品可以 pass, 唔食, 不要浪費消化系統了! 以貨: $$ 會失望的! 好大的進步 "空間"…查看更多