利龍軒

營業中

休息中

午市孖寶真係超抵食，款款點心都好精緻，蝦餃燒賣餡多鮮甜，皮薄煙韌。即叫即蒸保持熱度，口感爽彈，配搭任選兩款超彈性，份量合適，總體來講唔錯，值得光顧。另外見到門口海報有樂悠卡優惠

今日去飲早茶，見到晚市有promotion, 本來都諗住搵晚嚟食。同朋友傾傾下計，個收銀阿姐行到我地枱邊，好無禮貌、好大聲咁話：你地由早茶坐到而家！ 我望下隻錶，當時係12：45左右，我11點先坐低，係咪個零兩個鐘飲餐茶都要比人話！ 當時坐得一半人都無，大把吉枱！係咪留係香港消費都要無啦啦比人駡！ 香港食市有呢啲人咁嘅務態度，唔好再問點解啲人北上消費！ 嚟洗錢仲要無啦啦比你話！ 最後1點去埋單！ 唔會再幫襯！

5月17日星期六揾食肥華同靚媽，又在 megabox睇戲，入場前在呢間頂咗(陶源酒楼)原址嘅(利龍軒)，飲茶食埋中午飯，本來肥華兩人諗住今日係星期六，此酒楼必定有八九成入座率，所以提早成個鍾頭到此酒楼取位，點知入到此酒楼舖内才發覺，係有八九成吉枱冇客坐至真。憑心而論揾食肥華和靚媽今日在此酒楼食呢餐晏嘅水準真喺唔錯，所點六款點心，除咗個咖哩魷魚不及水準外，其餘五款，黑椒牛仔骨， 薑蔥牛柏葉，煎釀虎皮椒 ，香茜牛肉腸 ，皮蛋瘦肉豬骨粥，都係OK之作再加上個壼上佳嘅壽眉，和侍應員工到位嘅服務，肥華和靚媽對今早此店茶市場面如此冷清，真係大感意外，此店。👍🏻👍🏻👍🏻👍🏻

約左朋友食飯 咁岩撞正佢ot 唯有去佢公司樓下食 估唔到都唔錯 片皮鴨皮脆 龍蝦伊麵加左錢要芝士底 龍蝦食落彈牙新鮮 芝士汁夠哂多 撈麵底食正！仲叫左個姬松茸豆腐煲 上到枱熱辣辣 真心出色 菜份量夠大 一行三個人食唔哂 仲打包😂抵食！

前身係陶源酒家，新開張人手不足，三市茶位只係7蚊，晚市就double價。weekend 試下佢個早市，10點來到，都唔少人，9成9係長者。有幾款特惠點心，款式選擇正常。义燒腸係幾款特惠點心之一，$12.8, 假期要加兩蚊，都仲係非常抵食！ 多餡。醬皇蒸豬手，少少salty, 硬度就。。長者會覺得唔夠‘林’，後生食就還可以。鮮蝦燒賣皇 兩粒又係$12.8! 索性叫4粒。蝦好大隻，味道不錯！牛油果鮮蝦春卷，又熱又脆口！黑椒蒸大腸，太重口味家鄉咸水角，正常發揮。埋單$17X, 雖然唔係好好味，但又唔難食喎，算係非常抵食！位置問題，又唔知可以捱幾耐呢！