影片
以上資料只供參考, 請與餐廳確認詳情
招牌菜
在柴灣出沒差不多有廿年,但食晚餐卻是少之又少.趕時間中又要找點吃的,貪落車的車站就有餐廳,找也不用找. 看看牆上水牌,每個餐都是大概四十個大洋左右,以近年飛升的物價而言,是一點都不貴. 有時在街外進餐,多數會挑一些在家中不會煮的菜,今次就選了生炒骨套餐. 先來一碗老黃瓜例湯,近月黃瓜當造,在餐廳食飯,所送的不外乎霸王花,紅蘿蔔一類,而老黃瓜湯可說是首選,呷一口,味道是有點淡,不過清清地,是意料中事. 生炒骨是即叫即炒,已經有好感,配料有青紅椒,菠蘿及洋蔥等,一點都不偷工減料,生炒骨最怕是漿粉上得太厚,油份又瀝不清其實為將價就貨,有時粉厚亦避不了,咬一口之下,不自覺搖搖頭,幸好甜酸汁夠平均,酸味不會太重,甜味不會過份. 人生就是這樣,簡簡單單又一餐,平凡是福!
繼續閱讀
是日正好開始放假，起床時已經是下午兩點，簡單梳洗一番之後出街醫肚。經過富欣花園時，見到有一間餐廳，門口貼滿許多餐牌。留意了餐牌內容一陣之後，決定入內光顧。當時餐廳內有不少的食客，不過入內已經搵到四人卡位坐下來。餐廳空間比較大，大致上地板都較為整潔。不過當我準備落單時，未知道是否人手不足，似乎無人理會我。等了大約兩分鐘之後，終於有一位女職員前來招呼。小弟二話不說，點了下午茶炒粉麵餐，炒貴刁及熱奶茶。熱奶茶 - 今次呢一杯奶茶是用一個黑色瓷杯盛載，有些特別的感覺。說回呢杯奶茶的內涵，入口茶味濃香，完全飲唔到有任何苦澀的味道。由此可見水吧師傅在煲茶火候控制上，做到恰到好處。炒貴刁 - 一上檯的時候，我已經被顏色深深地吸引著。事關餐廳在用料上也非常豐富，包括有火腿、叉燒、芽菜、青紅椒等等。用筷子夾起貴刁，見到條條清晰分明，唔會炒到一舊舊。入口已經食到非常濃郁香辣的咖喱味，再者整碟炒貴刁火候十足，結果食到我滿頭大汗。前後花了不足十分鐘的時間，整碟炒貴刁已經被我食光。如果論餐廳整體質素的話，其實利華唔算差。至少今次我食到好味的炒貴刁和熱奶茶，加上在煲茶和炒食物功夫上，的確是花了不少的心思。再者今日見到的收銀員，應該是餐廳的老闆娘。別以為她會好像一般的老闆娘，總是喜歡板起口面、擺起架子對待食客。今天所見到的餐廳老闆娘，對待食客都誠懇有禮。至於落單時有職員冷落了小弟，希望他們日後要盡力做到眼看四周、耳聽八方吧!!
繼續閱讀
前幾日叫外賣...叫左個通菜....點知食到最後差唔多食完...有隻手指甲甘大既甲蟲死左起個低度..仲硬哂o甘....真係好恐怖呀....之後打去嘈佢..得到既答案係唔好意思就cut左線...真係嬲到爆..第2日又all又o區..請左一日病假..e生話我有腸胃炎... 休息左幾日..我以後都唔會再去呢間野.....真係分分鐘隨時食死人............
繼續閱讀
星期日訓到1點幾2點先起身,一於去呢間荼餐廳下午荼當正餐比起同區其他茶餐廳呢度既選擇唔算多,於是叫返個大路d既星洲炒米+凍檸茶,人唔算多等5分鐘左右有得食,味道一般不過一貫港式風味-獲氣夠,唔會太辣而且都幾足料(不過火腿炒得有d燶),同埋都幾大碟,仲有1/4碟食唔晒好浪費...總括$30既飽肚下午茶係不過不失之選
繼續閱讀
本來沒有什麼期望而來，但卻又吃得幾滿意。而每次來這裡，不是吃早餐就是吃下午茶，總沒吃過正餐的。在住處附近隨便找個地方吃早餐，來了這裡，因為想吃一吃咖吔多士。多士不算厚，正合胃納不多的我，因為比厚厚都無用，吃這個多士也大半飽了，什麼也吃不下。烘得幾脆口，咖吔雖然是罐頭貨，但香甜又有椰香味，令人懷念的舊味道；選了腸仔煎蛋，腸仔是廚師牌雞肉腸，沒有什麼好寫。反而煎蛋幾鬆軟，蛋香味濃，意料之外的滿意。連熱咖啡一杯，埋單22蚊，不錯。
繼續閱讀