利苑酒家

營業中

休息中

見到好多評論話服務差其實又唔覺，第一次去book lunch time時間，全部樓面都好態度，野食好好味，尤其是係個豆腐。其他菜紅棗糕都好入味，點咗個九層肉之類的無影，雖然價格稍貴但真係好味完全唔油膩！雖然對熟客的確會傾多兩句但對我呢d生客態度都好好。埋單兩個人350左右，仲有多餘打包添

本身下午有10人去飲茶，點知多咗3個諗住分返開枱座，因為香港有個白痴防疫規定！點知有個好講嘢好大聲個男人話*唔得！座隔離枱你地13個都要撩鼻！因為你地係識嘅就要當宴會！*同佢好聲好氣問清楚，但係佢就好大聲同冇禮貌咁回覆我哋，之後掉到我地去冇雷公咁遠座！其實分開座就算冇雷公咁遠都冇問題，我地都明你哋公司都係要守防疫規例！但係一間餐廳有咁嘅態度嘅員工簡直係倒米！完全係冇禮貌！睇利苑個fb都見服務態度係比人係咁投訴

那日星期二早上11:30惗住同90歲母親飲茶，來到利苑取2位枱，門口招待員即刻話冇定冇枱喎！根本剛開始營業！轉頭又話有枱！態度好似施捨咁！仲要安排坐樓上！眼見拖住母親，行動超慢！終於樓下坐低，限住食1小時15分！服務不瞅不睬連茶水都唔想開，到12點，服務員大叫X醫生、X太早晨，請坐請坐！咩態度!終於明白了，有打賞嘛！永遠有招呼

中秋節食飯，食物質素再好，但都俾差劣的樓面服務趕客。四個人嗌左五個餸，上菜速度快，亦都保持到溫度，廚部完全沒有問題。但係D經理侍應淨係會喺熟客枱附近徘徊，其他客人叫佢哋都係十問九唔應。用膳時間兩個鐘，我哋食咗一個半小時就走，因為大時大節大家都識做。不過講真，去得有質素嘅酒樓食，都係唔想有限時咁趕。我哋走嘅時候，都唔期望你講一句多謝或者送客，點知企喺隔離的經理仲大大聲聲用對講機同樓下講: 依枱人終於走。聽到真係火都嚟，下次唔會再嚟

旺角分店，係利苑酒家歷史最悠久嘅分店。曾經係米芝蓮一星，甚至2星嘅推介餐廳 。直至2020年，佢都仲係米芝蓮一星。不過2021年開始，旺角呢間分店冇咗米芝蓮一星榮譽， 目前只有觀塘分店，仍然維持米芝蓮一星嘅榮譽。不過旺角分店，其實啲嘢食都唔差，尚算一般水準之上，只係價錢比較貴，性價比就唔見得好值咁解。環境其實都尚算不錯，空間感足夠，晚飯嚟呢度，都幾好坐。食物味道唔算有驚喜，比較突出、驚喜既，唯有個千頁豆腐。豆腐切到好薄一片片，亦都好平均。呢種刀功技巧，真係唔易搵到！

利苑，好耐之前在報章看過管理層非常注重前線員工嘅服務態度及食物質素,對佢哋服務態度頗有保留！旺角洗衣街利苑早上開11:30，訂位必須，冇訂位通常唔比你入。有次星期六冇訂位入去，樓下接待女員工面無表情咁講，冇訂位⋯冇位！疫情過後之一兩個月每次上到去旺角利苑都仲有大把吉枱，有位唔收客，定係佢哋淨係做熟客唔志在做walk in 生客？…..我哋兩位，雖然成場都係吉枱但係仍被安排去一個面壁位進食🥲，如果真係冇位就唔介意將就吓！描述一下食物嘅質素：點心，鹹水角同芋角，keep到水準，起碼夠熱，餡料亦唔太多味精。跟住珍珠雞及豆苗餃，珍珠雞係咁多點心裏便水準算係最好嘅，豆苗餃蒸嘅時間亦算控制得恰當。肉絲炒麵, 呢個真係好唔掂, （以前炒嘢好唔錯架）麵完全冇味，相對外面D大酒樓麵都會放少少調味落去，再食落去發覺肉絲銀芽芡汁都係冇味，同埋勁好油，我最後打側隻碟將啲油漏出嚟，起碼多過一湯匙，結果係食剩，我知道係浪費食物，但係咁油真係食唔落…..埋完單都仲見多張吉枱⋯⋯落到樓下，兩個接待員自顧自地傾偈，連拜拜都欠奉，唉！話晒都叫做有質素嘅酒樓，基本禮貌係必須嘅，否則真係有負利苑呢個金漆招牌，太可惜吧⋯

係旺角同家人飲茶，利苑好似幾出名，好食又唔算好貴，環境都唔錯四位坐窗邊幾舒服，啲茶可以揀特別啲既茶，最愛菊普燒賣 💖💖💖💖💖💖蝦餃 💖💖💖💖💖💖💖💖牛肉 💖💖💖鮮竹卷 💖💖💖💖💖整體都算唔錯，幾好食，點心好精緻燒賣正，味道幾好，細細粒，屋企有老人細路都易食蝦餃好好味，一口大小，皮薄又夠蝦牛肉同鮮竹卷算正常幾好味既一餐茶，上菜超級快，又坐得舒服，啱晒聚會或者家庭聚會可以再嚟

話說小弟係一名利苑酒家嘅超級死忠粉絲，平時去開沙田同觀塘分店最多，中環分店亦有幫襯過，今日放假一早有要事去旺角辦理，所以見附近佢哋有間分店就入去飲茶，一入到舖頭上緊樓梯近大魚缸位置已經聞到好大陣煙味，坐低位置咁啱又響風口底下，個風口又係咁噴一陣陣煙味落嚟，因為當時都比較肚餓唸住快啲食完快啲走所以都唯有死頂！每次都會叫我超喜歡食嘅鹵水掌翼，因為食過無數咁多間，得利苑嘅最有質素，而利苑響我心目中係叫乜都咁好味亦有極高嘅質素！但今次體驗令我完全改觀！碟鹵水掌翼直頭可以話係極差！！！第一眼望落去己見好多毛未清晒，第一口咬落去塊皮超韌，幾經辛苦咬開塊皮之後到啲肉，居然又硬又韌不特止，完全無味，食咗兩口之後唯有放棄！呢啲咁嘅質素居然會出現響利苑度！十萬分失望！！！經過今次嘅體驗，雖然呢間旺角嘅利苑分店令我咁失望，但都改變唔到我以後唔去利苑！因為我明白到係個別分店嘅問題，發誓以後寧願餓到胃抽筋都去番平時幫襯開果間分店！！！

Came here as I heard the food was good. The place seems a bit old school, but the food was really quite good. Felt a bit weird though that the table next to us kept shouting and swearing loudly... but the staff seem to be familiar with them.. likely regulars

每次都想食片皮鴨都會想起利苑，不過一定係旺角呢一間，我試過去銅鑼灣嗰間食，覺得冇咁好食，太子呢間上菜嘅時候，隻鴨仲係熱，食落口塊皮非常脆，鴨油非常香，而且肉非常Juicy，而包住塊鴨嗰塊皮，好薄，我食過好多間店都唔夠佢咁薄，佢嘅配菜只有蔥同青瓜，冇其他專門食片皮鴨嘅店咁多配菜，不過其實食片皮鴨最重要唔係應該就係隻鴨好唔好味咩。另外呢度嘅雷沙湯丸我亦都好鍾意食，湯圓皮好薄，芝麻餡料，加上花生碎係外層，啱晒我呢啲貪心嘅人，唔需要選擇食芝麻湯圓好定花生湯圓好，一次過滿足晒兩個口味。

由細細個食到大，食過好多間片皮鴨，始終最愛都係利苑，除咗皮脆之外，佢嘅鴨肉特別香，基本上自己一個人可以食一隻，哈哈。而且佢嘅餅皮非常之薄，薄到包完塊片皮鴨好似可以睇到裏面咁。

This Chinese restaurant has ten outlets in Hong Kong, and we visited the one in Mongkok. Recently having its Michelin one-star status taken, I believe they would make a lot of effort to earn it back next year so I had some expectation for the dinner. The décor has a traditional Chinese restaurant ambience, with red carpet and walls with red background to highlight the festive and celebration atmosphere. Even though classic, the place is comfortable and the tables were not too packed to offer nic

利苑，能保持一貫水準的中餐廳，應該仲係米芝蓮一星。今晚呢餐，又有齊魚蝦蟹同雞，非常豐富😍🤤服務態度一流，慶祝生日侍應生們仲會一齊唱生日歌😂🍴石鍋燒魚🍴🍴醬油脆皮燒雞🍴皮好脆，雞肉嫩滑🐔🍴石鍋燒軟殼蟹🍴🦀平時食開軟殼蟹都係乾炸，今次有醬汁，唔會太乾，比較濃味🍴翡翠炒虎蝦球🍴🦐蝦肉非常厚實，明顯冇泡過水，推介推介🍴西施泡飯🍴不能少嘅一個主菜，必吃推介🙌🏻10分推介！

我去過旺角分店兩次，每次大約下午二時入內，就算店內有多張空枱，而外面又沒有其他人等候，它們都會説「已經滿了、沒有位！」就算去九龍灣的分店（下午一點左右）也是一樣的！

今早已決定晚上外出用膳，相公亦已有心水地方，我倆提早去附近茶莊買茶葉，然後往這間名牌酒樓晚膳。看見餐牌上有款™晚市海鮮組合™包括一碟四季豆肉末炒龍蝦鬆，師傅把四季豆丶龍蝦丶洋蔥丶紅椒丶冬菇等全部切成粒狀然後炒成一碟，味濃可口，送白飯比較好；另外包括的一碟是鹽香蔥油雞，香脆的雞皮和鹹香的蔥油雞，味道也濃，連白飯一起吃還可以。意猶未盡再加一碟土魷馬蹄蒸肉餅，剁碎了的土魷馬蹄豬肉又爽口又有嚼感，當晚的餸菜令相公和我也開胃，各自要了一碗白飯。其實我已飽了，卻貪心地多吃一碗熱芋頭西米露，芋頭融化於水不覺甜。離開酒樓後決定漫步往彌敦道乘車歸家。