利強記北角雞蛋仔

營業中

休息中

平時聽友人講，呢間雞蛋仔以前未出名之前好好味嫁，依家差左好多，叫我唔好試，而且平時好長龍，所以我就冇試過喇！！不過今日天助我也，只有一個人排隊，所以我就即刻過馬路排隊！(本身仲系到諗，冇人排隊唔通呢野難食左)到左之後要等一陣子，因為全部機都整緊。。。拎到之後因為太熱吹下先食，岩岩食既時候覺得好淡味，不過食第二粒開始就好有味😍😍

去到北角梗係要去北角雞蛋仔買雞蛋仔食啦, 我同朋友兩個夾埋叫左一份雞蛋仔, 諗住過下口癮。 等左一陣仔, 就已經有熱辣辣既雞蛋仔喇。 閒落好香, 咬落去都好脆, 唔會有好粉既感覺, 而係一種好香蛋漿既味道。 所以貴少少都係值既!

路經北角北角雞蛋仔店前，下一份原味雞蛋仔。價錢$16。個包裝好好睇。個雞蛋仔金黃色。一口咬落去好鬆軟。好食。如有讀者路經此地。請記得買一份。回味一下香港本土街頭美食。

是日放工勁肚餓，太夜大部分餐廳都關了門，只見北角利強記燈火旺盛，一於買返底雞蛋仔醫下肚先！利強記北角雞蛋仔（$16）雞蛋仔非常脆口，即使擺得耐，凍左，都仍然係脆卜卜，之前食過幾次，入面都係空心，今次終於足料，唔會得個皮入面就空liaoliao，食完會有少少飽肚感覺，不過略嫌唔夠蛋香同埋甜左少少。

抱着好大期待来吃的，不过有点小小失望，有蛋香味，但是真的如别人的评论是脆口又空心的鸡蛋仔，实在是太脆了，咬下去很多都是空心的，个人取向，还是喜欢不是完全空心的鸡蛋仔，

雖然雞蛋仔應該係空心既不過本人就覺得過份空心食左等於冇食咁行過聞到好香咁岩冇人唔駛等比完錢就即刻有拎上手仲有微暖食落去除左脆就冇咩特別差少少肉地同甜味價錢我覺得就貴左少少

這日與友人去東港島趴趴走~首先當然是想食的問題(@w@~就上openrice揾北角有冇咩好食的了！其實原本俺絕對會略過雞蛋仔店，因為從前中學時代~下午茶都食雞蛋仔格仔餅八爪魚丸(幸福~)，嗯…就咁食厭了TAT~然後這次就因為友人說想去試，所以就特地行去買，那時還只是十點半...原來那鋪是在轉角位=。=還以為未開鋪(俺面) 呵…$15一底，咱們就叫了一底分，不到十分鐘就攞得！外表如普通雞蛋仔無異，但咬下去就優劣立分，外面popo脆，內裡軟糯，夠香，且走了十多分鐘的路程，依然暖暖的口感如初，令俺有再次愛上它的衝動！品質保證，以後食雞蛋仔俺準會推薦利強記雞蛋仔！

工作關係途經這裡 被雞蛋仔既香氣吸引住 排隊是我最不喜歡的 見只得6-7人在排 就比小小時間等..我買了一底原味雞蛋仔$15 熱騰騰夠新鮮 聞落香味較淡 咬下都嫌佢淡口 唔夠蛋香及甜度 比已往失色..讚賞它外面脆口 但內裡唔夠鬆軟

好耐好耐之前我就係食住利強記雞蛋仔大既個陣時好鍾意佢外脆內家夠甜夠有蛋香四五年冇去北角店食正宗既味道心血來潮搭左程車去食一如以往都有人排隊要等唔緊要啦都等慣店舖內一如既往都係好多蛋漿滿瀉有d想當年好啦終於到我啦熱辣辣聞落冇以前咁香一咬外面仍脆裏面佢軟但係味道已經比唔想當年啦冇咩蛋香味又唔算甜只係淡淡地冇咩味可能係而家著重健康所以少蛋少糖又可能為左降低成本所以落少兩隻總之味道係差d 我唔會特登過黎食啦又唔係特別平特別好食不過若干年後經過都會試番味既希望搵得番隻味啦

我十幾年前在北角居住時已時常來光顧買這間的雞蛋仔，雖然已遷離北角多時，但每逢經過也特來排隊光顧。再食味道依舊，那層外脆內軟的口感在其他店的雞蛋仔是找不到的，越食越想食Yummy!!

唔係淨係雞蛋仔好食!!!!!!魚蛋辣汁美味無窮!!!魚蛋彈彈彈!!!辣汁夠辣腸粉very 滑滑滑!!!用防油紙同膠袋唔用發泡膠可以話係比較環保!!!好味 好味 好好味!!!service ok!dinner 都慳番!!!

利強記雞蛋仔幾乎無人不曉, 賣雞蛋仔賣出了9間分店, 也算是都市傳奇吧。因為地點方便的緣故, 我只買過尖沙咀分店及灣仔分店的利強記。今次來到北角, 雖然才吃過飽飽又滿足的瑞士雞脾餐, 還是忍不住要試試本店, 看看有沒有甚麼不同。答案是, 沒有甚麼大不同。一直都覺得灣仔店的出品頗好吃, 本店的水準也是很不錯。最大原因是雞蛋仔永遠都是新鮮出焗的：等買一底雞蛋仔的人龍一直都在, 少則3-4人, 多則十多二十個。出爐雞蛋仔只會供不應求, 又怎樣有機會放著在店內變成冷硬呢? 利強記雞蛋仔的脆度是無容置疑的, 不過內部的蛋糕部分卻稍微不足。圓圓的一粒雞蛋仔之內有一半是空的。不知去何處才可以找到內部滿滿是蛋糕的雞蛋仔呢...

雖然我是港島人，但很少走到東區去，這個晚上要去送行一位長輩，下班後怱怱趕到，幸好儀式剛開始，完成儀式後，肚皮已經咕咕叫，但其他人早已吃過東西了。我只好沿著英皇道走向北角，看看沿途有什麽好吃或想吃的，經過了健威花園，看到商場的招牌上有八方雲集，自從它在上環的店關門後，一直懷念它的招牌窩貼，就走入商場看看，找到它們的店，店員跟我做個手勢，示意它們已經關門，看看錶，原來已經9點半了。很失望的繼續向前走，打算乗車回家煮麵吃算了，才猛然看到雞蛋仔檔在我前面，可能夜深的關係，只有數個客人在排隊，立即排在龍尾，決定以雞蛋仔及夾餅作為晚餐。想想也有好幾年沒有這家總店買過雞蛋仔了，曾經在它於其他地區開的分店買過來吃，但總覺得味道有差距。新鮮出爐的雞蛋仔，飄蕩著微微蛋香，外皮烤至非常脆口，內裡的蛋漿烤得香軟彈身，咬一口打開來看, 原來內裡是有層次的, 總店的出品始終是最好的!由於夾餅也是即叫即製的，只有吃著香脆熱身的雞蛋仔來等吧！夾餅同樣是皮脆內鬆軟，塗了花生醬及鍊奶一併吃，實在滋味!雖然雞蛋仔的價錢由當日的10元, 上調到現在的15元, 但對這香港特有的香港小食, 我還是挺鍾愛的

北角依間野真係出名到唔洗點介紹,經過見到都成條龍,搞到我都唔想排,今次見佢得兩個人就試下喇。我就叫左格仔餅同雞蛋仔兩樣野試下,個格仔餅整得超脆,可能其他人唔鍾意咁脆,但我自己就非常喜歡,出面脆不過裡面又唔會無哂口感,正!加埋佢D奶同醬同都好足,絕對係好味,奶又唔會話太甜,加埋咁脆口,正!另外雞蛋仔比較快有,可能因為有一底係到放左,新鮮熱辣的雞蛋仔一定好食,不過依底就暖暖地唔係岩岩即整既,不過外脆內暖,絕對係其他地方食唔到佢依種口味,因為出面D雞蛋仔好少會脆口,而裹面又可以軟身真係小之有小,可能依D就係佢D特色,雖然同前面食既雞蛋仔唔同,但我自己就比較鍾意依到既做法,脆得黎又有蛋味,可能依到就係佢日日排哂隊既原因,今晚真係飯都唔洗食LU。

There were rumours going around that various famous street stalls in North Point were closing down soon, so my family and I decided to pay all of them a visit while they are still around. One of them was the famous egg waffle place which everyone refers to as simply 北角雞蛋仔. I had no idea that they had a name (利強記) until 5 minutes ago!(OK..yes, I should have paid attention to the paper bag..)It seems like everyone’s caught on with the news so we had to wait a good 15 minutes in line..They are pret