40
26
9
港鐵屯門站 D 出口, 港鐵屯門站 E 出口, 港鐵屯門站 F1 出口 繼續閱讀
所有分店 (2)
電話號碼
23928838
開飯介紹
細味利品, 品味人生 秉承利苑飲食集團「利人利己」的理念,將完美飲食文化注入生活的獨特小館概念—「利小館」。結集品質、創意與健康元素,細心選用優質食材,用心研發獨家烹調方法。煥然一新的室內設計概念,令人耳目一新, 我們希望客人都能在這裏享受到利小館的「利品生活」。 繼續閱讀
營業時間
今日營業
11:00-22:00
星期一至日
11:00-22:00
付款方式
Visa Master AE 現金 銀聯
座位數目
120
招牌菜
冰燒三層肉 岩鹽燒原隻海蝦 岩鹽燒開邊龍蝦 原隻蒸蝦餃 鮮人參燉竹絲雞 籠仔桑拿雞
食評 (79)
等級4 2017-08-17
807 瀏覽
好想飲湯啊 ﹗上網左搵右搵終於發現利小館,放手一搏啦。安排坐到最入面二人迷你檯,勁討厭 ﹗見全場坐滿已經無其他位置,算鬼數。為了燉湯而來開飯架,坐低即時向侍應後生仔查詢一下,不過原全不清楚,可能新上班的,非常生手。花雕醉雞,第一次食暖笠笠醉雞,實在太感動喇。勁弱酒味基本上吃不出的,要靠自己的想象力喇。似十足鹽焗雞戶喎,味道只泛著咸香。髀肉嫩滑不硬,胸鬆軟不鞋,皮薄沒肥膏不肥,膩比預期中好食,可以再 encore。北菇滑燒賣,每一口都使我聯想起 7-11 便利店叮叮微波爐即食點心 ﹗外觀及味道完全一樣,死實的質地、陰沉的味道,沒有蒸氣也沒有生氣。原隻蒸蝦餃,跟燒賣同一情況,真的令我十分失望。外皮又濕又黏,一夾即爛。有筍有蝦,咸蝦味濃,而且味道實在太 7-11 喇。椒鹽魷魚鬚,不單止點心,就連味部都低於水平。最憎炸到成條蟲既外貌,勁肉酸 ﹗好采炸漿鬆化不硬,唔會成件魷魚殼一樣。炸漿太多,比魷魚還要多,食不到魷魚肉,味道完全被掩蓋,消失得無影無蹤。整體可以啦,吊車尾過關,不過無下次。乾燒明蝦球,出品跟我幻想既完全兩回事,點解有個杰撻撻既甜酸汁呢?勁討厭的啤水鹽醃雪藏蝦,假爽無鮮味又咸,格硬食晒去,試一次便夠,out ﹗老幹媽乾煸四季豆,簡單穩陣之撰,唔會難食喇掛。四季豆爽甜多汁,炒得不過火不過老,各方面都不過不失。芡汁味濃厚,極重口味,來碗白飯撈撈就更好。海鮮炒粗麵,意料之外勁多芽菜,另外仲要加甜椒、紫洋蔥、芹菜,味道濁而混亂 ﹗多配菜唔一定好味架。上海粗麵撈上本菇、蝦球、帶子、魷魚,落味單調而清淡,毫無豉油香氣,亦都無鑊氣。只不過是海鮮撈粗麵,何來炒的功架,幸好都叫夠飽肚既。 天麻燉魚皇,湯膽雞味濃,魚味就無喇,雖然有舊魚腩肉又有舊魚鰭,魚肉好腥,湯汁淡不香甜,麻麻地。我還為左個湯黎幫襯,大失所望。南翔小籠包,除左包皮較薄外,味道、氣味、餡料跟 7-11 微波爐叮叮即食點心完全一樣,同出一轍。豬肉鬆散,泛著極重砂糖甜味,雖然入得口,但質素甚差,沾上酸醋減輕甜味,好多了。荷香蒸污糟雞,利小館既雞真係有一手,除醉雞外,依味都滿意可口。熱辣辣蒸起,新鮮出爐,輕煙飄飄上檯。急急試舊先,豉油味清爽帶香甜,似足豉酒雞做法,雞髀滑彈多汁、雞胸軟腍無渣,連骨都損都乾乾淨淨,滋味無窮。蠔油北菇扒津白,有驚喜 ﹗雖然被點心嚇到腳震震,不過小菜還算不俗。鮮嫩津白非常爽甜又夠熱,厚厚大冬菇滑彈味香濃,齊齊沾上蠔汁品嚐,可口大愛,滿足滿足 ﹗鮑汁叉燒撈粗麵,食極都唔夠飽,叫個麵穩陣好多 ﹗以為炒先會有芽菜有蔥,連撈麵都大大篤,唔洗錢咩?大陸神州傳落黎架?揀到我死死下,花左幾分鐘先挑晒呀 ﹗足足有三份一碟。叉燒絲肥騰騰,肥膏處處,食到嘴仔內外都油淋淋。彈牙粗麵跟清香豉油撈得均勻,味道也算好食,不過溫度冷冷的。乾清棗皇糕,遲遲都未送到,以為漏單,查詢之下才知道要叫起菜,何解您地唔通知聲呢?依味真係極品中之極品,經典中之經典 ﹗叮叮甜品?外熱內凍,硬掘掘的紅棗糕我都係第一次試,咬一啖已經唔想再食落去。隔水蒸先會熱辣辣,先會濕濕黏黏嚥嚥韌韌,先會好食囉 ﹗為左早點黎霸位又嘈交,搵埋位都要比人鬧,好話我掛住食 ﹗次次食飯都係我先到霸位架。上次元朗倫哥私房菜得左成個鐘,怨我無訂位,話以後無訂位唔去食飯囉 ﹗一陣買完如果要排長龍又黎黑我臉,依家仲要馬後炮,東家唔食咪食西家囉,一定要食利小館咩 ﹗咁您就早講啦 ﹗精品店九點收工,七點半食飯最多食一個鐘,點會趕唔切呀 ﹗已經打電話留起左隻公仔,行去間舖都唔洗 10 分鐘,有需要趕頭趕命去買隻 $400 蚊既大象公仔嗎?每次想要買咩,就要即刻放係手上面 ﹗樣樣都係我比錢,仲要無理取鬧 ﹗成餐飯唔出聲,食到黑口黑臉 ﹗晚飯將到尾聲,預備埋單,突有段小插曲,怪獸家長家庭。阿婆、老豆、老母尤得幾歲細路係地下度轆,另一檯男食客怕侍應睇唔到踩落去便大聲提醒,但老母唔出聲,擺出一幅關您屁事既咀臉 ﹗男食客無奈地當什麼都睇唔到,勁尷尬。細路繼續係污嘈地下道爬碌地,怪獸家庭終於埋單離開喇。阿婆仲要打個細路屁股兩下,責罵傾多陣計唔得架,係度碌地扭計眼訓要返屋企!誰知個細路一企起身就嘔到一地都係,全場惡嗅 ﹗我地見到怪獸家長家庭眼火爆,起身走人! 繼續閱讀
(以上食評乃用戶個人意見 , 並不代表OpenRice之觀點。)
等級6 2017-06-19
1109 瀏覽
下班回家想在就近開飯,便到了V City的利小館。平日的V City頗為冷清,利小館不用等位便可入座。服務比前次到訪有改善,但衞生情況仍是相當一般,這也是少有光顧利小館的原因。青芥末螺花($32)螺肉的口感就像街頭十元有數包的涼拌螺肉,過分爽彈且幾近無味,只圖它爽脆的食感。伴芥菜油沙律醬,味道帶點人工造作,這種「創新」該是年輕人的口味吧。燉魚頭湯($48)燉湯濃鮮帶藥材味,湯身清澈。用鮮肉、藥材熬成,份量十足,美中不足的是用上雪藏魚柳。淮山燉響螺湯($58)湯身較前者清甜,螺片乾也不少,純天然的肉香,沒有任何味精的添加,很家常的味道。石燒魚腩($88)熱鍋盛上辣得燙嘴,魚腩件數不少,魚腩極脆且掛滿燒汁,嫩滑新鮮,連帶京蔥也變得香口,很好下飯,是配搭簡單的家常口味。川味辣牛筋拉麵($58)紅彤彤的湯頭以花椒油作主導,香而不會死辣,拉麵是機做貨色稔度適中,牛筋稔嫩入味,比麵條、湯頭都要出色。以小館作為定位,份量都是小碟上的,屬小品之作。五道小菜折合是三百多元,單價會比八月相宜一點。家常開飯之而又不想上酒樓時,利小館會是個選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-05-21
994 瀏覽
以往的酒樓是愈大愈好,號稱可筵開百席,如今若不是主力做婚宴,中型酒樓是主流。小型酒樓則與小炒店 ,茶餐廳重疊了客源。小型酒樓的出路是精品化,中產品味,中價檔次。與親戚在假日飯聚,我推薦此店。雖然他們飯後評價不好,但反映了大衆對此類新派食店看法。首先,細檯設計。西式高雅餐室格局,主要招待2至4位客人。此店幸好有一張方形8人大檯,正合我們需要。親戚對座位舒適度,招待都十分滿意。其次,迷你碟子。如納米樓,以貨就價,如燒腩仔,號稱三層肉,肥瘦相間,實際上只有9小粒。下方瘦肉被切走了,入口沒有豐腴滿足感覺,與三層名稱不符。其三,江湖菜系。為配合年青食客胃口,摒棄很多酒樓的粵菜款式,外省菜加入,約佔3至4成,如南京素鵝,川味綉菌。小籠包在水準之上,,皮薄汁盈,挽回不少分數。花雕碎鷄的酒味芳醇,份量不算太少。最新趨勢是混入日菜,如和風木魚。選了炸豬排湯烏冬,豬扒不乾身,其實亦不差。紅油抄手亦不錯,只是如炸豬排湯烏冬,不能展現利苑級厨師精湛手藝。宜篩選菜單,配合利品生活風格。其四,集團副線。如服裝名牌開新系列。屬實驗室,不是盈利來源,菜式部份來自主店,價格下調約3成。蝦餃是典型例子,皮薄蝦鮮,物有所值。梨山醬汁骨內小紅葱太多,醬汁顯不出厨師獨特功架,如突出酸梅味。焦糖排骨比較好,不會骨比肉多。欖菜豬肉炒飯是潮州菜風格,鑊氣是十足,欖菜令飯味道豐富。豬骨濃湯雲吞拉麵是半中半日新嘗試,但不似日本拉麵般湯濃麪佳,亦無廣州雲吞麵風味。總括而言,我認為應多把利苑受歡迎小菜複製到此店,新派食品比例宜減,按反應才逐步增加。利品生活面目不清晰,精品定位不全面。戚友認為上酒樓有龍蝦,海斑食,此類風格不踏實,故應集中年青客,中產客。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-10-14
22 瀏覽
星期六出外食都特別貴😪😪尤其係去大型商場...但呢間都ok例外。。。-🌶四川擔擔麵 (配小食兩件+飲品) $48平時食開嘅擔擔麵怕辣嘅小編都係走辣,但今次唔記得咗🤦🏽‍♀️碗麵一黎,見到橙油即刻以為好辣嚇親,點知撈勻花生醬又唔係好辣😟麵靭度適中至於講到小食,小編同朋友食叫左幾個套餐試左幾款小食,強烈推介!半月叉燒包和紅棗糕好好食🤤叉燒包唔會太乾又唔會太多醬;紅棗糕嘅味道好自然,但靭度強左啲,小朋友可能會比較難消化。所以,整體上,覺得五十蚊一餐價錢都頗為合理🙈另外飲品都幾健康,有茅根竹蔗、羅漢果水😀 繼續閱讀
(以上食評乃用戶個人意見 , 並不代表OpenRice之觀點。)
等級2 2017-09-23
123 瀏覽
曾經從事多年中式酒家,很久已聽聞利苑這公司以出品見稱,但家住屯門,就是沒有利苑,見vcity有間叫利小館的食店,話係利苑旗下的,就和老婆去飲茶,想不到是這樣的差,所以寫食評之也再三確定是利苑旗下才寫,以免搞錯,價錢貴已是其次,租貴自然售價貴,但出品至少要像樣點吧?首先是茶,另外付錢正常,但連一個有蓋的器皿也沒有,只放下一個茶包,用枱上的水杯,水是用枱上的保溫壼的水,中式茶咁樣沖會好飲?水唔夠熱,杯没有蓋,茶會有味嗎?點了蝦餃、燒賣、蘿蔔絲酥和义燒包,蝦餃和燒賣真的很迷你,很迷你,味道平常,蘿蔔絲酥大小和味道正常,可能是成本較低吧,到义燒包,點心師傅是真心覺得咁樣整係好味才咁樣整的嗎?定係為特出而咁樣制作?因為比正常的义燒包真的難吃很多。4個點心,一人喝茶,一人喝清水,埋單$155.在屯門去很多酒樓也吃得比你好呢!咁樣咁質素都話很旺埸的話,你就真係要多謝自由行了。 繼續閱讀
(以上食評乃用戶個人意見 , 並不代表OpenRice之觀點。)