16
13
7
港鐵尖沙咀/尖東站 H/ R 出口 繼續閱讀
電話號碼
2799 9368
付款方式
Visa Master 現金
其他資料
加一服務費
海景景觀
食評 (40)
等級4 2015-11-19
4972 瀏覽
上週在此飲宴其實,這兒的魚,雞,鮑魚,海參,都正正常常,不過不失。但翅就不太合心意,大排的翅,分開煮好後,再淋杰汁,那汁醬猶如鼻涕汁飯一樣是現成的,既不吸引也不美味。生粉開水就當作翅湯?實在難言美味。日落時亦見景色優美另外員工服務態度極為惡劣。一、乾燒伊麵,分配伊麵的人員,分到滿桌子都是伊麵,既浪費食物,又失禮主人家。二、滿桌子、轉盤都有菜汁,飯碎。三、其中碟還分少一碟,在座兩位朋友只好共享一碟,無奈吃少了。四、未吃完便拿走,員工時常走來走去,甚至在客人完成該碟食物時已試圖收碟。五、員工甚至在飲宴期間與其他同事吵架,失禮人客、失禮自己、失禮酒家。請敬業樂業。 繼續閱讀
(以上食評乃用戶個人意見 , 並不代表OpenRice之觀點。)
等級2 2015-08-16
4914 瀏覽
兩三個月前第一次嚟呢度飲茶,午市。個脆皮叉燒包令人留下深刻印象!好食過某間頗出名嘅"招牌脆皮叉燒包"!所以我一直都好想再食。今日星期日,上午10點40分嚟飲茶。優惠時段:12點前埋單,大中小點都係$20.8。芋蓉包,啲饀好正!腸粉好滑。樣樣都好好食。可惜冇食到脆皮叉燒包,要12點後先有!(>﹏<) 繼續閱讀
(以上食評乃用戶個人意見 , 並不代表OpenRice之觀點。)
等級1 2015-01-04
8183 瀏覽
因為未試過o既關係,想話做冬果日試下...因為都知道做冬多人(我家13人),專登早成個月Book定枱,前前後後comfirm咗4-5次,結果上到去依然出事!!!!!!一上到去,同服務台小姐講book咗位啦,姓咩,13個果個小姐只係講咗句 : 係, 有book枱嘅......之後又無帶位又無出聲再問佢,佢先話 : 門口果張吉枱就係啦!望到張枱,我地真係嚇傻咗....首先,响book枱果陣已經講到明唔要門口枱,第二,佢俾張門口枱都算啦...但果張好明顯係8人枱,我一家人13個,點坐啊?!初頭就同我地講坐住先,問題係,如果我地坐咗落去,根本就等於block咗佢條上菜通道,D傳菜員一味同我地講 : 唔該借借借一兩次冇問題,問題係唔通我成餐飯都不停起身坐低借過俾你咩???最後果個部長走出嚟,話要加大枱面塊板,會大啲...我舊知會大啲啦,加咗根本令通道更窄,更冇位結果搞咗好耐,部長又突然話訂咗後面張大枱嘅客人唔要枱啦,終於有張大枱(12人枱),可以坐啦食物質數一般般,不過條魚蒸得幾好....正當心情OK嘅時侯,又有服務員走出嚟,同我地講 : 真好唔好意思呀,如果唔係另一個客早咗嚟,跟住你地又早咗嚟所以先搞到感(我地book7點半,7點20分到)當下真係覺得 : 你依家怪我''早''咗嚟呀??搞到感都得,真係無言....買單嘅時候仲同我地說教,又話下次盡量comfirm多幾次...唔會有下次!!!!! 繼續閱讀
(以上食評乃用戶個人意見 , 並不代表OpenRice之觀點。)
等級4 2014-12-07
6684 瀏覽
自當大肚太太後,都未有同阿b飲過茶,一直都好想食「錦鹵雲吞」「雪山叉燒飽」「脆麻花」,難得係收音機聽到話「利寶閣」有齊呢三樣野,一於約埋屋企人一齊去。我地book左星期日係I-square, 難得去到即有位唔使等。家姐同老公先到當然叫定點心啦。脆皮叉燒包果然有水準,其實之前係「添好運」食類似既叉燒包已經大愛,最衰「添好運」比較唔方便,如果唔係我一定會成日去,講返「利寶閣」呢個先,熱辣辣上檯真係好難唔好食,結果我地叫左兩碟,下次黎一定再叫。錦鹵雲吞um,眼見炸雲吞部分已經好失望,傳統個啲錦鹵雲吞邊係咁架?人地係好大塊雲吞皮炸出黎,好似飛碟咁大架,邊有包到咁精緻?邊到係咁細隻架?呢啲只係普通炸雲吞既外型,雖然呢到啲汁的確係傳統錦鹵汁,有晒豬潤叉燒,青椒之類,亦食得出係用茄汁各樣調味煮出黎,已經比我之前係「翡翠小籠包」個到好啲,但仍然唔係我本身想要個啲傳統式,失望。脆麻花係收音機阿蘇同食客經常勁讚的脆麻花,的確是頗鬆脆,不過又未至於好味到非吃不可。大哥叉燒阿蘇都經常讚這裡的叉燒,我超怕瘦叉燒,慶幸這裡肥瘦適中,蜜味亦調教得不錯^_^黑松露蘑菇春卷入口有香濃黑松露味,香脆不油膩。我們還叫了杞子燒賣,蝦餃,蛋撻仔,帶子腸,叉燒腸,牛肉腸,小籠包,以上全部都沒什麼特別,不過不失吧。酒樓阿姐態度是頗熱心的,無奈她們好像沒魂魄似的,只是乜都話得,但轉頭又忘記而矣=_= 繼續閱讀
(以上食評乃用戶個人意見 , 並不代表OpenRice之觀點。)
等級2 2014-07-10
9048 瀏覽
今次來到iSquare的利寶閣試吓,因為往時多數會去利舞台那間的。見到匯豐信用卡推廣 - 6頭鮮鮑扣海參5折優惠價港幣69元,抵食呀!即管不帶任何期望去試,然而,頗有質素,鮑魚味鮮,鮑魚汁濃郁,正!魚湯斑片米線都好味!魚湯鮮甜,斑片新鮮,可惜是薄切! 繼續閱讀
(以上食評乃用戶個人意見 , 並不代表OpenRice之觀點。)