利寶會館

營業中

休息中

過年食團年飯，唔想自己喺屋企煮就同屋企係公司附近嗰間中菜食晚市7:30到，當晚只係得五台客吉位多過人成個樓面得三個侍應但有兩個長期喺收銀或者廚房唔知做乜成日要等好耐人走過來先落到單，叫到野，都算呢個唔係算大問題而家好多香港食肆都係咁果晚叫個套餐，個餐牌好似好威咁頭盤俾你三揀一，主菜有幾多揀一粉麵有幾多揀一到頭來落咗單，先後同我哋講咗三次，係三次我哋揀嗰啲嘢都冇叫乜冇乜，係咁叫我哋改樓面同廚房冇溝通嘅咩？人哋落單唔知邊樣有邊樣冇有個女侍應都算好，態度都叫客客氣氣另外嗰個女冇戴眼鏡嘅所謂’supervisor’過嚟叫我哋揀過第二樣，黑面不特止仲晦氣話你哋可以單點唔叫餐我驚你單點都係同我哋講乜都冇咋！態度又差，又唔準備食材你驚晒食材，我們亦都支持，唔好浪費咁好簡單，人哋訂位你問人食咗啲乜嘢嘢先咁你去預幾多食材囉你咁都唔識做？你去到叫人叫個套餐到最後乜都冇焗人食d 唔想食嘅嘢你覺得人哋用餐經驗會點樣樣你唔準備食材？係呀冇嘥到咁咪越做越縮囉，下次唔使再預備咁多食材喇唔怪得個個而家都唔想喺香港出街食飯講緊你呢餐都唔係啲好平嘅嘢食評就唔多講，不過不失只係安排同埋態度甚差，冇下次豆腐煲調味有點鹹炸蝦球

平安夜揀咗呢間好多好平嘅中菜館，嗌咗個二人餐，性價比高，可以試到好多嘢食。 特別推薦菠蘿包，燒賣同埋腸粉一定要另外嗌！大時大節一家大細都可以嚟食！ 有機會都一定會再嚟

今日朋友做東帶我d食好嘢！呢度裝修幾好，坐得舒服嘅！最重要當然係食物，我d望下套餐入面有d咩？ -點心兩件蝦餃肉質彈牙，外皮煙韌，不錯！一口和牛蘇，外皮一咬就爆開，肉汁豐富，牛味香口，都算不錯！最重要係唔油膩。-杏仁湯超晒班，好好飲！完全顯示到廚師嘅功力。天氣凍，飲一碗飯靚嘅熱湯真係好幸福🥰-鮑魚鮑魚唔算大，不過宜家乾鮑炒大氣咁嘅價錢，都算係收貨啦～-蛋白蒸魚哇！呢嘅蛋白顏色金黃，嫩到不得了，仲要酒香四溢，配合一塊超嫩超鮮美嘅魚肉，全餐最好味最高光！-其他其他就都係正常水準，不過不失，冇咩特別好講。整體來講，請客會友係唔錯嘅選擇！

🌷👭11月與閨密約會，加插入節目在金鐘，方便起見，決議後在附近尋找吃午飯食店。由於只有一天時間預訂，想去的中菜餐廳都沒有位，印象中最新在收藏夾的《利寶會館》，致電訂位有位，便決定順道去探店。🌷食店位於中環，近地鐵站，行數分鐘便到。食店面積不大，有窗口位置，但景觀欠奉，椅子套了椅套，遠望沒有問題，坐下時發覺有很多污漬，影響食慾，而裝修是一般酒家的格調，沒有打卡位。兩個人叫了商務午餐@298，食物做得不錯，但環境、衛生、服務均不達到我們的標準。蟹籽燒賣燒賣肉汁豐富鮮蝦春卷脆口宋城蘿蔔是即食配菜滋潤燉湯湯濃料子豐富翡翠白玉六頭鮑魚鮑魚彈口軟硬適中燒汁蝦球汁液味濃，蝦球香口脆皮燒乳鴿鴿子份量大，外皮脆陳皮紅豆沙紅豆沙味濃，陳皮味不夠懷舊馬拉糕鬆軟，份量較細

I have seen one mainland fluencer introduced this restaurant. This restaurant is quite spacious and the food pouring is just right for three of us. We have had one piece of dim sum per bamboo basket.Each dish presented in a decent way. Luckily, there is not much MSG involved so I don’t feel thirsty. Eventually, we had one dish of noodle to wrap up our lunch in this restaurant.

位於中環嘅利寶會館主打高質精緻中菜，環境舒服，服務周到，很啱三五知己朋友傾偈聊天一口和牛酥和牛酥外皮金黃酥脆，一咬下去，嫩滑的牛肉汁，牛味立刻在口中散開，正！鮮蝦菜苗餃餃子皮薄而韌，內餡鮮嫩多汁，每一口都能感受到蝦肉的鮮甜和菜苗的清爽。花膠蜜瓜燉螺頭湯好足料‼️花膠大塊好養顏，與螺頭的鮮甜完美融合，搭配蜜瓜的清香，熱辣辣好滋補。酒香南非鮑魚角鮑魚鮮嫩，酒香的調味讓整道菜更加豐富，令人回味無窮👍欖菜季豆炒虎斑球豆角鮮嫩，虎斑球鮮美，搭配上鹹鹹的欖菜，帶少少辣，增添了味道層次感。濃湯鮮腐竹浸時蔬菠菜鮮嫩翠綠，濃郁的湯汁為整道菜增添了味道層次。蔥燒乳鴿乳鴿肉質鮮嫩，蔥的香氣與乳鴿的肉汁完美結合，令人難以抗拒。清香杞子桂花糕散發出淡淡的花香，清新唔太甜，作為飯後甜品最好不過。椰香蛋散香甜可口鬆脆，一啲都唔膩，正！

最近發現一間喺中環嘅酒樓，環境舒服，質素好，地點又方便。十年陳皮牛肉球以嫩滑嘅牛肉為主要材料，搭配著香氣四溢嘅十年陳皮。牛肉鮮嫩，口感非常細膩，陳皮香氣突出，令點心層次更豐富。鮮蝦帶子腸外層包裹著薄滑嘅皮，包住鮮甜嘅蝦同帶子，鮮味完美融合，海鮮風味豐富，以甜豉油調味更滋味。招牌脆乳鴿招牌脆乳鴿外層炸至酥脆，內裡則保持著肉質嫩滑。鴿肉鮮美同豐富肉汁，更帶出香脆乳鴿皮嘅香烤味，令人食指大動。酥皮蛋撻酥皮蛋撻嘅撻皮酥脆，內裡則是絲滑蛋液，口感十分豐富。蛋撻甜度適中，香氣四溢，蛋香同酥皮嘅口感交織，食極都唔夠。梨型咸水角咸水角梨型外形可愛，內裡係美味嘅餡料。餡料熱騰騰，搭配著酥脆而煙銀嘅外皮，非常出色。楊枝甘露楊枝甘露口感清涼滋潤，食到粒粒鮮甜嘅芒果同柚子果肉，口感綿密細膩，非常適合夏天解暑享用。杞子桂花糕杞子桂花糕係令人舒服嘅傳統中式甜品，啫喱狀通透彈滑，食落卻口感滑嫩，杞子同桂花香氣令人陶醉。

今日係中環工作後,約左朋友係中環食晚飯,我地都好鐘意食中菜,搵到一間食物質素高,環境舒適既好地方,就係蘭桂坊附近!超級方便…就係「利寶會館」!呢度嘅作為都好舒服,沒有壓迫感,而且侍應態度非常好，令到我哋食得好舒服!好難得可以搵到一間咁有質素嘅中菜館,下次我哋一定會帶更加多朋友過嚟🥬前菜一口和牛酥脆皮鮮蝦餃🥣湯蜜瓜燉螺頭湯🍲主食酒香南非鮑魚角舂笋梅菜蒸東星斑球台洲鹽鹵豆腐春菜煲脆皮燒乳鴿🍮甜品陳皮紅豆沙杞子桂花糕

屋企人生日就同佢地去中環新開嘅利寶會館食中菜。環境幾大，設有vip房，裝修典雅，晚市除咗中菜仲有提供點心。  前菜水晶鮮蝦餃 + 一口和牛酥前菜係兩件點心，一口和牛酥賣相精緻，外皮好酥脆，完全唔油膩。水晶鮮蝦餃皮薄餡靚，蝦肉彈牙爽口。  蜜瓜燉螺頭湯食完點心就有每人一盅燉湯，好足料。燉湯清甜，材料有蜜瓜、花膠同螺頭，花膠好重骨膠原。 酒香南非鮑魚角店員即場加入料理酒爆香鮑魚角，鮑魚角好重酒香，彈牙香口，加上其他配菜例如冬菇、芹菜等，好惹味。 香煎星斑件星斑件好大件，煎香後外皮香脆，星斑好厚身，肉質嫩滑。底層有鍋巴，好鬆脆。薑蔥焗乳鴿屋企人最鍾意食乳鴿，呢一道薑蔥焗乳鴿就啱晒佢。上枱時用煲仔裝住，乳鴿幾大隻，皮脆內嫩，加咗薑蔥好入味。濃湯浸時蔬時蔬鮮嫩清甜，為今餐畫上完美句號。甜品係杏仁茶配以酥皮蛋撻，蛋撻好酥脆，蛋漿幼滑有蛋香。

有日行開中環又想飲茶，就上網搵咗呢一間茶樓😛地點喺中環嘅中心地帶，位置都算係好方便，一出地鐵站行兩三分鐘就到🥳餐廳嘅感覺俾人都幾high class，裝修有別於一般嘅茶樓，比較現代化🤣.🥟點心因為小編去嘅嗰個時間係屬於飲早茶時段，所以淨係叫咗幾款點心食😆淨係點心嘅款式都已經非常之多，所以有選擇困難症嘅人可以直接揀佢哋嘅套餐🤣所有點心都幾高質，而且有唔少款式都係出面比較少見😎最推薦大家叫嘅就係蝦餃、菜苗餃同埋酥皮叉燒包😽.💰人均消費～$250.🍽味道：4/5🏙環境：4/5👨🏼‍🍳服務：4/5💧衛生：4/5💰價錢：4/5

臨近中秋想搵間坐得舒服既中餐來慶祝一下，經同事介紹去左利寶會館，交通方便而且都幾易搵。服務員都好有禮貌同細心，每道菜會介紹同留意住我地所需，剛食完就送上下一道菜，仍保持熱辣辣👍賣相亦好精緻，細細碟食食下都好飽！另外可以自帶酒水，開瓶費$120，中環區來講價錢亦算合理。最好既地方仲有無限時👍我地未夠七點到既時候無咩人，但之後慢慢都坐滿哂，VIP房三間都滿，坐滿都吾覺嘈，有好似我地二人世界，又有三五知己聚會，也有十幾人既公司活動，客人都幾多元化。我哋兩個人簡單點個「好友相聚」套餐，據服務員介紹已將佢地最出名既菜式放左係入面。印象最深係一口和牛酥，外表好似蘿蔔千絲酥，換上和牛同酥皮夾埋一齊又幾好食😋之後燉湯，又香又足料，又無雞油好清甜，全部湯渣食哂😋春笋梅菜蒸斑件，如果大件一D就好啦😋大約六百一位，中環中心地段，價錢比想像中OK，更有多款套餐撰擇，全部都有優惠價。套餐未啱心水，主餐牌亦有好多撰擇👍

位於中環蘭桂坊附近既世紀廣場既商務茶樓，環境寧靜，枱同枱之間有一定距離，唔怕傾計比人聽到😆同朋友敘舊就岩曬晚餐Set每日都有獨立Menu，有齊前茶、湯、主食、同甜品，唔洗傷腦筋諗食咩🤣Dinner Set • $1100 / pp✨前菜香煎韮菜餃外皮微脆，咬開裏面既汁爆曬出嚟🙈填滿鮮綠色韭菜🔥蟹籽燒賣皇脹卜卜，豬肉新鮮彈牙🤪✨湯花膠杏汁燉白肺湯好足料！湯乳白色，湯料除左有滑脫脫嘅花膠同白肺，仲有雞腳湯豬骨😆增加左湯既味道，飲得出係老火湯🤪啲骨淋到可以食埋😆✨主食酒香南非鮑魚角廚師即席烹調🤓酒香撲鼻！以西芹香菇伴炒，鮑魚角軟淋入味😎青花椒蒸海星斑件熟度岩岩好😀魚肉細軟，青花椒帶來一陣麻辣感覺👍🏼即燒乳鴿新鮮炸起，外皮香脆，肉嫩juicy濃湯浸時蔬波菜新鮮無渣🤓食左幾道濃味野，時蔬可以中和下😀✨甜品陳皮紅豆沙啖啖紅豆蓉同紅豆粒🤓好足料酥皮蛋撻蛋漿濃郁，酥皮滿滿牛油香，仲好有層次😊茶芥係甜嘅脆皮花生，好特別超好食！建議無論如何都要試一試！店員服務態度超級好，好關心客人對菜式滿唔滿意，定時為我地換碟收，真係好貼心😀

前菜✨一口和牛酥 熱辣辣焗起 酥皮酥脆鬆化 內餡牛肉粒帶黑椒香 好惹味✨脆皮鮮蝦餃 做法幾特別 脆皮香脆 餡料飽滿 蝦鮮爽彈 比一般蝦餃口感更豐富湯✨蜜瓜燉螺頭湯 燉湯落足料 食材包括有蜜瓜螺頭豬肉 雞同雞腳等味道清香鮮甜 夠晒滋潤主食 ✨黃金老虎蝦 老虎蝦好大隻 啖啖肉 爽口彈牙配搭鹹蛋黃味道夠甘香 鍋巴乾脆✨春笋梅菜蒸東星斑球 東星斑球用梅菜蒸 配搭有趣梅菜香中帶甜東星斑球嫩滑 幾特別 ✨台洲鹽鹵豆腐春菜煲 鹽鹵豆腐入味滑溜 湯頭濃厚加埋春菜同火腿等 清清地都可以✨薑蔥焗乳鴿 賣相好吸引 乳鴿皮脆肉嫩帶有淡淡薑蔥香味 唔錯甜品 ✨蛋白杏仁茶 杏仁茶香濃順滑 蛋白幾滑溜✨酥皮蛋撻仔酥皮層次唔錯酥脆鬆化 蛋漿厚滑 帶濃濃蛋香 唔太甜總結：食物可以 環境舒適服務唔錯 價錢合理 可以一試

♡ —————— 𝗗𝗲𝘁𝗮𝗶𝗹𝘀 —————— ♥️【餐廳】利寶會館【地區】#Dr_eat_中環【價位】中價位【用餐時段】晚市 星期二【餐廳主打】#Dr_eat_中式────────────────────【環境/服務】裝潢充滿現代感同精緻品味。一走入會館，室內設計高雅，散發著一種時尚奢華既氛圍。.【餐牌】.【脆皮牛坑腩】滿俱特色既傅統粤式前菜，將牛坑腩燉得入味而不爛，再用油炸至外皮酥脆，入口鬆脆煙韌帶陣陣既牛肉香.【水晶鮮蝦餃】新鲜蝦仁同豬肉包係薄而透明既皮中，蒸至皮軟肉嫩。蝦肉肉厚彈牙.【蜜瓜燉螺頭湯】食主菜前最岩黎一碗湯品，既滋補又暖胃。將新鮮螺頭同蜜瓜放入高湯中燉煮，湯汁清甜而濃郁，螺頭肉質細嫩而有彈性，蜜瓜吸收左湯汁既精華，真係夠哂補氣養顏。.【干煎南非鲍魚角】將南非鲍魚切成小塊後同冬菇，芹菜等炒，以瓦煲承載・保持水份又可以將香氣迫入鮑魚中，冬菇鮮嫩滑溜，飽魚香氣濃郁.【雞油花雕蒸馬友】馬友去骨再鋪上以雞油同花雕酒製成既金黃醬汁，魚肉肉質細滑而有嚼勁，醬汁提升馬友既鮮味.【黃金老虎蝦】老虎蝦開殼挑埋蝦腸，淋上特製醬汁後油炸至金黃色，外皮酥香，内裡彈牙多汁，醬汁則增加左濃郁同鮮甜

快到中秋節，我便約長輩到利寶會館提早慶祝中秋節！餐廳位於中環港鐵站數分鐘路程，位置方便，適合相約一大班子飲茶吃飯。我們這次就淺嚐其中數款菜式，味道均在水準之上。前菜一口和牛酥蟹籽燒賣皇和牛酥層次分明，口感酥脆鬆化，多層酥皮和和牛的搭配卻不油膩。燒賣味道正宗，肉質嫩滑，真是吃多幾顆也可以。湯花膠蜜瓜燉螺頭湯湯底不但很清，而且非常清甜，有花膠、蜜瓜、螺頭、雞肉，滋補養生～蜜瓜的果甜凸顯湯的鮮味。主食酒香南非鮑魚角鮑魚切開塊狀，加上西芹和冬菇伴炒，醬汁惹味十足，滿口q彈。雞油花雕蒸海馬友馬友以雞油烹調，醬汁呈黃色，鮮味鹹香，魚肉嫩滑，是我最喜歡的主菜。濃湯鮮腐竹浸時蔬濃湯鮮味十足，菠菜和腐竹吸飽湯汁，味道有層次。蔥燒乳鴿乳鴿外皮燒得香脆，加上洋蔥、大蒜、薑等配料，蔥香明顯之餘也非常香口。甜品陳皮紅豆沙椰香蛋散紅豆沙陳皮味突出，紅豆沙煮到起曬沙，推介蛋散有少量椰絲灑於表面，口感鬆化，與蜜糖相當夾～